వాట్సప్..జియో ఒప్పందం...

11:59 - September 27, 2018

ఢిల్లీ : నకిలీ సమాచార వ్యాప్తిని అడ్డుకునేందుకు ప్రముఖ మెసేజింగ్‌ యాప్‌సంస్థ వాట్సాప్‌... రిలయన్స్‌ జియోతో కలిసి పనిచేయనుంది. జియో ఫోన్లలో వాట్సప్‌ ప్రవేశపెట్టిన కొన్ని రోజులకే ఈ ఒప్పందం జరిగింది. జియో ఫోన్‌ వినియోగదారుల్లో ఎక్కువ మంది తొలిసారి ఇంటర్నెట్‌ వినియోగించేవారు ఉన్నారు. వచ్చిన సందేశం ఎంత వరకూ వాస్తవమని ఆలోచించి ఇతరులకు పంపేలా జియో సంస్థ తన చవక ఫోన్‌ వినియోగదారులకు అవగాహన కల్పిస్తోంది. దీనికి సంబంధించిన మెటీరియల్‌ను వినియోగదారులు ఫోన్‌లో పొందేలా జియో సంస్థ విధానం రూపొందించిందని వాట్సప్‌ ప్రతినిధులు తెలిపారు. జియో చేస్తున్న ఈ ప్రచారంలో తాము కూడా భాగస్వామ్యం అవుతున్నట్టు వెల్లడించారు.

Don't Miss