ఎన్నికల తరువాత పెట్రోల్ ధరలు పెరుగుతాయా? : పోల్స్, పెట్రోల్ కు సంబంధమేంటి?

14:21 - December 6, 2018

ఢిల్లీ : పెట్రోల్ ధరలకు, దేశంలో జరుగుతున్న ఎన్నికలకు సంబంధమేంటి? దేశంలోని ఏ రాష్ట్రంలోనైనా ఎన్నికలు జరగిన సమయంలో పెట్రోల్, డీజిల్ రేట్లు ఎందుకు తగ్గుతాయి? ఎన్నికలు ముగిసాక మళ్లీ ధరలు ఎందుకు పెరుగుతాయి? అసలు పోల్స్ కు పెట్రల్ ధరలకు సంబంధం ఏమిటి? అనే ప్రశ్న వస్తుంది కదూ?..మరి ఆ కారణాలేమిటో తెలుసుకుందాం..
తెలంగాణ సహా ఐదు రాష్ట్రాల ఎన్నికల ప్రకటనకు ముందు  పెట్రోల్ ధరలు ఆకాశాన్నంటాయి. దీంతో నిరసనలు వెల్లువెత్తాయి. ఎన్నికల కోడ్ అమలులోకి వచ్చినాటి నుండి పెట్రోల్, డీజిల్ ధరలు రోజుకో విధంగా తగ్గుముఖం పడతున్నాయి. గతంతో కర్ణాటక ఎన్నికల సందర్బంలో కూడా పెట్రోల్, డీజిల్ ధరలు తగ్గటం గమనార్హం. అసలు పోల్స్ కు పెట్రోల్ ధరలకు సంబంధం ఏమిటి? 
గత రెండు నెలలుగా అంటే అక్టోబర్, నవంబర్ నెలల నుండి పెట్రోల్, డీజిల్ ధరలు తగ్గుతు వచ్చాయి. అంతర్జాతీయంగా చమురు ధరలు తగ్గుముఖం పట్టాయి. దీంతో క్రూడ్ ఆయిల్ ధరలు 30 శాతం తగ్గాయి. దీంతో చమురు ఉత్పత్తిని తగ్గించే దిశగా ఒపెక్ దేశాలు యోచిస్తున్నాయి. ఇప్పటికే అమెరికా, రష్యా, సౌదీల చమురు ఉత్పత్తి ఆల్ టైం హైకి చేరింది. ఒకవేళ ఒపెక్ దేశాలు ఉత్పత్తిని తగ్గిస్తే దాని ప్రభావం ధరలపై పడనుంది. 
గత కొద్ది రోజులుగా తగ్గుతూ వస్తోన్న పెట్రోల్ ధరలు ఐదు రాష్ట్రాల ఎన్నికల అనంతరం మళ్లీ పెరగనున్నాయా? పెట్రో ఉత్పత్తుల ధరలకు, ఎన్నికలకు అవినాభావ సంబంధం ఉందని భావించొచ్చు. ఇటీవల జరిగిన పరిణామాలను పరిశీలిస్తే.. కర్ణాటక ఎన్నికల ముందు 20 రోజులపాటు పెట్రోల్ ధరలు పెరగలేదు. మే 12న ఎన్నికలు ముగిశాక 17 రోజుల తేడాలోనే పెట్రోల్ ధర సుమారు నాలుగు రూపాయల మేర పెరిగింది. గత ఏడాది జనవరి 16 నుంచి ఏప్రిల్ 1 మధ్య పెట్రోల్ ధరలు పెరగకపోయినా స్థిరంగా ఉన్నాయి. అప్పట్లో పంజాబ్, గోవా, ఉత్తరాఖండ్, యూపీ, మణిపూర్ రాష్ట్రాలకు ఎన్నికలు జరిగాయి. దీన్ని బట్టి ఎన్నికల ముందు పెట్రోల్ ధరలు తగ్గడం, తర్వాత పెరగడం అనేది ఓ ట్రెండ్‌గా మారిందని అర్థం అవుతోంది. 
ఇటీవల క్రూడ్ ఆయిల్ ధరలు 30 శాతం తగ్గాయి. దీంతో చమురు ఉత్పత్తిని తగ్గించే దిశగా ఒపెక్ దేశాలు యోచిస్తున్నాయి. ఇప్పటికే అమెరికా, రష్యా, సౌదీల చమురు ఉత్పత్తి ఆల్ టైం హైకి చేరింది. ఒకవేళ ఒపెక్ దేశాలు ఉత్పత్తిని తగ్గిస్తే దాని ప్రభావం ధరలపై పడనుంది. 
ఇటీవల ప్రభుత్వ ఆర్థిక పరిస్థితి ప్రోత్సాహకరంగా లేనందున నవంబర్‌లో జీఎస్టీ వసూళ్లు అనుకున్నంతగా వసూలు కాక రూ.50 వేల కోట్లు తగ్గుతాయని అంచనా. పెట్టుబడుల ఉపసంహరణ ద్వారా ఖజానాను నింపుకోవాలనుకున్న కేంద్ర సర్కారు..లక్ష్యాన్ని చేరుకోలేకపోయింది. దీంతో కేంద్రానికి పెట్రోల్ ఉత్పత్తులపై పన్నుల ద్వారా వచ్చే ఆదాయం కీలకం కానుంది.
 

Don't Miss