Categories
Crime

విశాఖ మన్యంలో మావోయిస్టుల లేఖ కలకలం 

విశాఖపట్నం:  విశాఖ మన్యంలోని సీలేరు ప్రాంతంలో  ఏపీ మంత్రులను హెచ్చరిస్తూ మావోయిస్టులు లేఖ విడుదల చేశారు.  ఏపి మంత్రి అయ్యన్నపాత్రుడు, మాజీ మంత్రి కిడారి శ్రావణ్, పాడేరు ఎమ్మెల్యే గిడ్డి ఈశ్వరి, ఇతర గిరిజన టీడీపీ నేతలకు మావోయిస్టుల హెచ్చరికలు.  సమాధాన్ పేరిట భద్రతా బలగాలు చేస్తున్న దాడులను, అరాచకాలను, రాజ్య హింసను ఖండించి అడ్డుకోకపోతే మన్యం ప్రజల ఆగ్రహానికి గురికాక తప్పదని  సిపిఐ మావోయిస్టు పార్టీ ఈస్ట్ డివిజన్ కార్యదర్శి కైలాసం పేరుతో  విడుదల చేసిన ఆ లేఖలో హెచ్చరించారు.

గతంలో గనులు, అడవుల దోపిడీ మీద కిడారి సర్వేశ్వర రావు, సివెరి సోమలకు మావోలు ఇలాటి హెచ్చరికలే జారీ చేసారు. మావోల లేఖతో అప్రమత్తమైన పోలీస్ యంత్రాంగం తెలుగుదేశం నేతలు మైదానానికి తరలిపోవాలని సూచించారు వారికి భద్రత పెంచారు. ముఖ్య కూడళ్లలో సాయుధ పోలీసులను అలర్ట్ చేశారు.

Maoists letter at Visakhapatnam Agency area

Categories
Uncategorized

నెల్లిమర్లలో గెలుపెవరిది?

విజయనగరం జిల్లాలో కీలకమైన నెల్లిమర్ల నియోజకవర్గంలో క్రమంగా మళ్లీ రాజకీయ సెగ రాజుకుంటోంది. పోలింగ్ తర్వాత సుదీర్ఘ విరామం రావడంతో కొన్ని రోజులపాటు అభ్యర్థులు కూల్‌ అయినప్పటికీ.. కౌంటింగ్ తేదీ సమీపిస్తుండటంతో మళ్లీ వాతావరణం వేడెక్కింది. విజయంపై ఎవరి లెక్కలు వారు వేసుకున్నప్పటికీ.. లోలోపల మాత్రం టెన్షన్‌తో కొట్టుమిట్టాడుతున్నారు. 

విజయనగరం జిల్లాలోని నెల్లిమర్ల నియోజకవర్గానికి టీడీపీ అభ్యర్థిగా సిట్టింగ్ ఎమ్మెల్యే పతివాడ నారాయణస్వామినాయుడు బరిలో ఉండగా.. వైసీపీ అభ్యర్థిగా మాజీ ఎమ్మెల్యే బడుకొండ అప్పలనాయుడు పోటీ చేశారు. జనసేన అభ్యర్థి బరిలో ఉన్నప్పటికీ, పోటీ నామమాత్రంగానే భావిస్తున్నారు. ఈ నేపథ్యంలో ఇక్కడ ద్విముఖ పోటీ నెలకొంది. పోలింగ్ సరళిని బట్టి ఇక్కడ గెలిచేదెవరు అన్న విషయం స్పష్టత రాకపోవడంతో సర్వత్రా ఉత్కంఠ నెలకొంది. 

పతివాడ నారాయణస్వామినాయుడు రాజకీయ కురువృద్ధుడుగా, సీనియర్ ఎమ్మెల్యేగా అందరికీ సుపరిచితులు. ఇప్పటికే ఏడుసార్లు ఎమ్మెల్యేగా గెలిచి రికార్డు సృష్టించారు. ఇప్పుడు మరోసారి బరిలో నిలబడి గెలుపుపై ధీమా వ్యక్తం చేస్తున్నారు. నియోజకవర్గంలో సీనియర్ నేతగా, నిరాడంబర వ్యక్తిగా గుర్తింపు పొందారు పతివాడ. నియోజకవర్గ అభివృద్ధికి చిత్తశుద్ధితో పనిచేశారన్న పేరు సంపాదించారు. రహదారుల అభివృద్ధి, మంచినీరు, విద్య వంటి మౌలిక సదుపాయాల కల్పనలో పతివాడ ముందంజలో ఉన్నారని చెప్పొచ్చు. దీనికి తోడు టీడీపీ అమలు చేసిన సంక్షేమ పథకాలు తనకి అనుకూలంగా మారాయని పతివాడ భావిస్తున్నారు. 

ఎనిమిది సార్లు పోటీ చేసి, ఏడుసార్లు ఎమ్మెల్యేగా గెలిపొందిన పతివాడ…ప్రస్తుతం వయోభారంతో బాధపడుతున్నారు. దీంతో క్రమంగా పార్టీ కేడర్‌కు దూరం అయ్యారన్న విమర్శలు వచ్చాయి. గత ఐదేళ్లలో తన చిన్న కుమారుడు తమ్మినాయుడు తండ్రి నీడన అవినీతి, అక్రమాలకు తెరతీశారన్న ఆరోపణలు వెల్లువెత్తాయి. అలాగే పతివాడ వయోభారం నేపథ్యంలో ఈసారి యువనాయకత్వానికి టికెట్టు వస్తుందని ఆశించిన నేతలకు నిరాశే మిగిలింది. ఇలా భంగపడ్డ నేతలు ఈసారి ఎన్నికల్లో చురుగ్గా పనిచేయలేదన్న వార్తలు వినిపిస్తున్నాయి. 

టీడీపీ కేడర్‌ అసంతృప్తితో నియోజకవర్గంలో వైసీపీ బలపడిందనే చర్చలు మొదలయ్యాయి. అన్ని మండలాల్లలోనూ గతంలో కంటే వైసీపీ ఓటు బ్యాంకు పెరిగిందని.. ఫలితంగా తమ గెలుపు ఖాయమంటూ వైసీపీ అభ్యర్థి బడుకొండ అప్పలనాయుడు ధీమా వ్యక్తం చేస్తున్నారు. ఇక్కడ వైసీపీ టికెట్టు వ్యవహారంలో పలుపేర్లు తెరపైకి వచ్చినప్పటికీ.. చివరికి అప్పలనాయుడికే ఖరారైంది. సీనియర్ నేత బొత్సకు సమీప బంధువైన బడుకొండకు నియోజకవర్గంలో మంచి పట్టుంది. బలమైన కేడర్ ఉంది. ఆర్థికంగా, సామాజికంగా బలమైన నేత కావడంతో బడుకొండ ఈసారి గట్టి పోటీ ఇచ్చారు. గతంలో ఎమ్మెల్యేగా నియోజకవర్గంలో తాను చేసిన అభివృద్ధితోపాటు.. ఎప్పుడు ఎవరికి ఏ ఆపద వచ్చినా అందుబాటులో ఉంటారన్న భరోసా ప్రజల్లో ఉందని.. ఈ నేపథ్యంలోనే ఈసారి తనపై ఓటర్లు అభిమానం చూపించారని అప్పలనాయుడు చెబుతున్నారు. నూటికి 200శాతం తన గెలుపు ఖాయమంటూ ధీమాగా చెబుతున్నారు. 

మరోవైపు నెల్లిమర్ల నియోజకవర్గంలో పోలింగ్ సరళి అందరినీ కన్ఫ్యూజన్‌లో పడేసింది. ఇక్కడ హోరాహోరీ పోటీ నెలకొనడంతో ఓటర్ల నాడి ఎవరికీ అంతు చిక్కడంలేదు. ఈ నేపథ్యంలో ఎవరు గెలిచినా మూడు నుంచి ఐదు వేల మెజార్టీ మాత్రమే వస్తుందన్న ప్రచారం జరుగుతోంది. కౌంటింగ్ తేదీ సమీపిస్తున్న కొద్దీ.. అభ్యర్థులు ఎవరికి వారు లెక్కలు వేసుకోవడంలో మునిగితేలుతుండగా.. నియోజకవర్గ ప్రజలు మాత్రం ఫలితాల కోసం ఉత్కంఠగా ఎదురుచూస్తున్నారు. 
 

Categories
Bakthi

అమీన్ పీర్ దర్గాను దర్శించుకున్న జగన్

కడప: వైఎస్సార్‌ కాంగ్రెస్‌ పార్టీ అధ్యక్షుడు జగన్‌మోహన్‌ రెడ్డి గురువారం జిల్లాలోని ప్రసిద్ధ అమీన్‌పీర్‌ దర్గాలో ప్రత్యేక ప్రార్ధనలు నిర్వహించి చాదర్‌ సమర్పించారు. అనంతరం  రంజాన్ మాసం సందర్భంగా దర్గా ప్రాంగణంలో కడప వైసీపీ ఎమ్మెల్యే అంజాద్ భాష ఏర్పాటు చేసిన ఇప్తార్ విందులో ఆయన పాల్గోన్నారు. ఈ సందర్భంగా ఆయన దివంగత ముజావర్‌ (దర్గా
పీఠాధిపతులు)లకు నివాళులర్పించారు.  జగన్ దర్గాకు  రావటంతో దర్గా పరిసర ప్రాంతాలు జనంతో కిక్కిరిసిపోయాయి. జగన్ తో పాటు మాజీ ఎంపీ అవినాష్ రెడ్డి, ఎమ్మెల్యేలు శ్రీకాంత్ రెడ్డి , రఘరామిరెడ్డిలు విందులో పాల్గొన్నారు.

ఈ కార్యక్రమం కంటే ముందుగా దర్గాకు చేరుకున్న వైఎస్ జగన్ కు దర్గా మత పెద్దలు ఘన స్వాగతం పలికారు.రెండు రోజుల  కడప పర్యటనలో భాగంగా ఆయన బుధవారం జిల్లాకు
వచ్చారు. పోలింగ్‌ అనంతరం ఆయన తొలిసారిగా జిల్లాలో పర్యటిస్తున్నారు. ఈ నెల23న ఎన్నికల కౌంటింగ్‌ నేపథ్యంలో పార్టీ అభ్యర్థులు, కౌంటింగ్‌ ఏజెంట్లకు వైఎస్‌ జగన్‌
దిశానిర్దేశం చేసినట్టు తెలుస్తోంది.

Categories
National

ఢిల్లీలో 605 ప్రైవేట్ స్కూల్స్ గుర్తింపు రద్దు!

ఢిల్లీలోని సుమారు 605 ప్రైవేట్ పాఠశాలల గుర్తింపు రద్దు కానుంది. రూ.5 లక్షల పర్యావరణ అపరాధ రుసుం చెల్లించకపోవడంతో వాటి గుర్తింపు రద్దు చేయనున్నారు. పాఠశాల ప్రాంగణంలో వర్షపు నీటి నిల్వ ప్లాంట్ నిర్మించాలని నేషనల్ గ్రీన్ ట్రిబ్యునల్ సూచనలు చేసింది. ఆ ప్లాంట్స్ ను ఏర్పాటు చేయని పాఠశాలలు తమ గుర్తింపును కోల్పోనున్నాయి. 

ఢిల్లీలోని ప్రభుత్వ, ప్రైవేట్ స్కూల్స్, కాలేజీల ప్రాంగణంలో వర్షపు నీటి నిల్వ ప్లాంట్ నెలకొల్పాలని నేషనల్ గ్రీన్ ట్రిబ్యునల్ 2017లో ఆదేశించింది. రెండు నెలల్లో స్వంత ఖర్చుతో ఏర్పాటు చేయాలని తెలిపింది. ఇచ్చిన గడువులోపు వర్షపు నీటి నిల్వ ప్లాంట్ ఏర్పాటు చేయకపోతే రూ.5 లక్షల పర్యావరణ అపరాధ రుసుము చెల్లించాలని సూచించింది. 605 ప్రైవేట్ స్కూల్స్ నీటి నిల్వ ప్లాంట్ ఏర్పాటు చేయలేదని గుర్తించినట్లు విద్యాశాఖ కార్యాలయ అధికారులు తెలిపారు.

ఢిల్లీలోని 331 ప్రైవేట్ స్కూల్స్ లో వర్షపు నీటి నిల్వ ప్లాంట్స్ ను ప్రారంభించలేదు. 274 ప్రైవేట్ స్కూల్స్ లో ప్రారంభించారు. ప్లాంట్స్ ఏర్పాటు చేయని స్కూల్స్ రెండు వారాల్లో పర్యావరణ అపరాద రుసుము జమా చేయాలని ఎన్ జీటీ ఈ ఏడాది ఫివ్రబరిలో విద్యాశాఖ కార్యాలయాన్ని ప్రశ్నించింది. చాలా స్కూల్స్ ఎన్ జీటీ ఆదేశాలను పాటించలేదు. మూడు రోజుల్లో పర్యావరణ అపరాద రుసుము చెల్లించాలని ఆ స్కూల్స్ కు తుది నోటీసులు జారీ చేసింది. 
 

Categories
Education and Job Hyderabad

ప్రయివేటు కు ధీటుగా ప్రభుత్వ గురుకులాలు 

హైదరాబాద్: ప్రభుత్వ పాఠశాలలంటే ఆమడ దూరం పరుగెత్తే మిడిల్ క్లాస్ పేరెంట్స్.. ఈ స్కూల్స్ అంటే యమా క్రేజ్ చూపిస్తున్నారు. ప్రతి ఏడాది ప్రైవేటుకు ధీటుగా ఫలితాలు సాధించడంలో కూడా ఈ విద్యా సంస్థలదే పైచేయిగా ఉంది. చదువుల్లోనే కాదు ఎక్స్ ట్రా కరిక్యూలర్ ఆక్టివిటీస్‌లో కూడా ముందంజలో ఉంటూ.. జాతీయ అంతర్జాతీయ స్థాయిలో తెలంగాణకు పేరు ప్రఖ్యాతలు తీసుకొస్తున్నాయి.

ఇటు అకడమిక్స్‌లో రాణిస్తూ.. అటు స్పోర్ట్స్ వంటి ఇతర ఆక్టివిటీస్‌లో ముందుంటూ.. తెలంగాణా రాష్ట్ర ఖ్యాతిని నలుదిశలా చాటుతున్నారు సోషల్ వెల్ఫేర్ రెసిడెన్షియల్ స్కూల్స్ స్టూడెంట్స్‌. స్వరాష్ట్ర సాధనకు ముందు సోషల్ వెల్ఫేర్ విద్యార్థులను ఎవరూ పట్టించుకునే వారు కాదు. కానీ ఇప్పుడు ఈ రెసిడెన్షియల్ స్కూల్స్‌లో సీటు కోసం క్యూ కడుతున్నారు. లిమిటెడ్ సీట్లతో క్వాలిటీ ఎడ్యుకేషన్‌ని అందించడంలో సోషల్ వెల్ఫేర్ స్కూల్స్‌ గ్రాండ్‌ సక్సెస్ సాధిస్తున్నాయి.

ఉమ్మడి ఆంధ్రప్రదేశ్‌లో ఒకటే గొడుగు కింద ఉన్న ఈ గురుకులాల్ని తెలంగాణ ఏర్పడ్డాక ఐదు గురుకులాలుగా విభజించింది సర్కార్‌. ఎస్సీ, ఎస్టీ, బీసీ, మైనార్టీ, జనరల్ ఇలా ఐదు సొసైటీలుగా ఏర్పడి విద్యార్థులకు నాణ్యమైన విద్యను అందించడంలో ప్రైవేట్‌ స్కూల్స్‌తో పోటీ పడుతున్నాయి. గతేడాది సీఎం కేసీఆర్ మరికొన్ని గురుకులాలను మంజూరు చేయడంతో రెట్టించిన ఉత్సాహంతో పనిచేస్తున్నామని అంటున్నారు అధికారులు. పేరెంట్స్‌లో గురుకులాలంటే ఇంత క్రేజ్ పెరగడానికి కారణం ఇక్కడ విద్యా విధానమేనంటున్నారు అధికారులు. ఇక్కడ విద్యార్థులను ముందుకు నడిపించేందుకు టీచర్లు కూడా ఎప్పటికప్పుడు అప్‌డేట్ అవుతూ ఉంటారు.

ఇక ఫలితాల్లో ఇటు ప్రైవేటు కన్నా..అటు ప్రభుత్వ విద్యాసంస్థల్లో అందరికన్నా ముందంజలో బీసీ వెల్ఫేరే ఉంటుందంటున్నారు బీసీ వెల్ఫేర్ సొసైటీ సెక్రటరీ మల్లయ్య బట్టు. తామెప్పుడు అడ్మిషన్ల కోసం నోటిఫికేషన్ ఇచ్చినా ఒక్క సీటు కోసం కనీసం ఐదుగురు విద్యార్థుల పోటీ పడుతుంటారని అంటున్నారాయన. ఇంత క్రేజ్ రావడానికి కేవలం ఇక్కడి నాణ్యమైన విద్యావిధానమేనని స్పష్టం చేశారు. రాష్ట్ర వ్యాప్తంగా మొత్తం142 బీసీ వెల్ఫేర్ పాఠశాలలుండగా.. 19 ఇంటర్ కాలేజీలున్నాయి. మరో డిగ్రీ కాలేజీ కూడా ఉంది. వీటిల్లో 50 వేల మంది విద్యార్థులు ప్రస్తుతం చదువుతున్నారు. అయితే ఈ విద్యాసంవత్సరానికి మరో 119 విద్యాసంస్థలు రాబోతున్నాయి.. అంతేకాకుండా ఈ అకడమిక్ ఇయర్‌కి మరో 42 వేల మంది విద్యార్థులు పెరగబోతున్నారని చెప్పారు. 

మరోవైపు సాధారణంగా ముస్లీం మైనార్టీ పిల్లల్ని బయటకు పంపి చదివించడమే గగనం. ఇటువంటి తరుణంలో మైనార్టీ రెసిడెన్షియల్స్‌లో చదివించే విధంగా అవగాహన కల్పించి ప్రస్తుతం మైనార్టీ స్కూల్స్‌ను ఎంతో విజయవంతంగా నడుపుతున్నామంటున్నారు మైనార్టీ వెల్ఫేర్ రెసిడెన్షియల్ సొసైటీ సెక్రటరీ షఫీఉల్లా. రాష్ట్ర వ్యాప్తంగా 204 మైనార్టీ వెల్ఫేర్ రెసిడెన్షియల్ స్కూల్స్ ఉన్నాయి. వీటిలో 60 వేల మంది విద్యార్థులు ప్రస్తుతం విద్యాభ్యాసం చేస్తున్నారు. ఈ సంఖ్య ఈ విద్యాసంవత్సరానికి 90 వేలకు చేరే అవకాశం ఉంది. ఇప్పటికే ఏర్పాటు చేసిన 204 స్కూల్స్‌లో లక్షా 30 వేల మందికి సరిపోయే సదుపాయాలున్నాయని అంటున్నారు ఆ విద్యాసంస్థల సెక్రటరీ. రాబోయే కాలంలో మరిన్ని మైనార్టీ గురుకులాలను పెంచి విద్యార్థులకు నాణ్యమైన విద్య అందజేస్తామని చెప్పారు. 

ఇదిలావుండగా రాష్ట్రంలో ఎస్సీ,ఎస్టీల కోసం ప్రత్యేకంగా రెసిడెన్షియల్ సొసైటీలున్నాయి. వీటిలో కూడా అద్భుతమైన ఫలితాలను సాధిస్తున్నారు. మొత్తం 238 ఎస్సీ రెసిడెన్షియల్‌ స్కూల్స్, 30 డిగ్రీ కాలేజీలున్నాయి. 147 ఎస్టీ రెసిడెన్షియల్‌ స్కూల్స్,  22 డిగ్రీ కాలేజీలున్నాయి. వీటిలో ప్రతి ఏడాది రికార్డు స్థాయిలో ఫలితాలు వెలువడుతున్నాయి. అంతేకాకుండా ఇక్కడి నుంచి ఎక్కువగా ఎక్స్‌ట్రా కరిక్యూలర్ ఆక్టివిటీస్‌లో పాల్గొంటూ ఉంటారు. ఎవరెస్ట్ శిఖరం ఎక్కిన పూర్ణ, ఆనంద్‌లు కూడా ఈ గురుకుల విద్యార్థులే. 

మొత్తంగా ప్రభుత్వ బడులంటే లేని క్రేజ్.. గురుకులాలకు రావడానికి ఇక్కడి విద్యావిధానం, క్రమశిక్షణే కారణమని అంటున్నారు విద్యావేత్తలు. ఫలితాలు కూడా ఇందుకు తగ్గట్టుగానే వస్తుండడంతో.. ప్రభుత్వం కూడా మరిన్ని గురుకులాలను ఏర్పాటు చేసేందుకు మొగ్గు చూపుతోంది. 

Categories
Sports

అక్కడ మన బౌలర్లు రాణించగలరు: భజ్జీ

వరల్డ్ కప్ ముంగిట ఇంగ్లాండ్ గడ్డపై బౌలర్లు సత్తా చాటుతారని టీమిండియా వెటరన్ స్పిన్నర్ హర్భజన్ సింగ్ విశ్వాసం వ్యక్తం చేస్తున్నాడు. ఈ సందర్భంగా మీడియాతో మాట్లాడిన ‘మనం క్రికెట్ మొదలుపెట్టినప్పటి సమయం, ఇప్పుడు ఒక్కటిగా లేదు. ఇప్పుడంతా పరుగులతో ముడిపడి ఉంది. ప్రేక్షకులు భారీ స్కోరునే టార్గెట్ చేశారు. బౌలర్ల పని మాత్రం సులువేం కాదు’ 

‘ద ఓవల్, రోజ్ బౌల్ వంటి స్టేడియాల్లో స్పిన్నర్లకు అనుకూలించదు అంటే నేనొప్పుకోను. నేను సర్రే క్రికెట్ ఆడాను. అక్కడి స్పిన్నర్లు రాణించగలరన్న సంగతి నాకు తెలుసు. రవీంద్ర జడేజాకు అవకాశమిస్తే మంచి ఎఫెక్టివ్‌గా మారే సూచనలు ఉన్నాయి. ప్రతి జట్టు మంచి బ్యాట్స్ మెన్ కలిగి ఉంది. కానీ, ప్రతి ఒక్కరూ బుమ్రా కాలేరు. టోర్నీలో బుమ్రా ప్రదర్శన బాగుంటుందని ఆశిస్తున్నా’ అని భజ్జీ చెప్పుకొచ్చాడు. 

భారత మాజీ ఓపెనర్ ఎస్.రమేశ్ మాట్లాడుతూ.. ‘1999లో బర్మింగ్‌హామ్ వేదికగా మే29న జరిగిన ఇంగ్లాండ్ వర్సెస్ ఇండియా మ్యాచ్ నాకింకా గుర్తుంది. భారీగా వర్షం, కొంచెం వణుకు ఉన్నాయి. రెండు రోజుల పాటు వాతావరణం అనుకూలించలేదు. అది బ్యాట్స్‌మెన్‌కు తలనొప్పిగా మారింది’ అని గుర్తు చేసుకున్నాడు. 

భారత బౌలర్లపై గట్టి నమ్మకమే కనిపిస్తుంది. కొద్ది రోజుల క్రితమే ముంబై ఇండియన్స్ తరపున ఆడిన మ్యాచ్‌లో బుమ్రా సత్తా చాటడంతో దిగ్గజాలందరూ అతనిపై ప్రశంసల వర్షం కురిపిస్తున్నారు. సచిన్ అయితే ప్రపంచంలో అత్యుత్తమ బౌలర్ అని ఆకాశానికెత్తేశాడు. 

Categories
Uncategorized

గుప్తనిధుల కోసం వెళ్లి ఒకరి మృతి..మరొకరు గల్లంతు

గుప్తనిధుల కోసం ఫారెస్ట్‌లోకి వెళ్లిన ముగ్గురు వ్యక్తుల్లో ఒకరి చనిపోయిన ఘటన ప్రకాశం జిల్లా తర్లుబాడు మండలం తాడివారిపల్లివద్ద వెలుగొండ సమీపంలో చోటుచేసుకుంది. నల్లమల్ల అటవీ ప్రాంతంలో గుప్తనిధులున్నాయంటూ కొంత కాలంగా ప్రచారం జరుగుతోంది. దీంతో.. ముగ్గురు యువకులు వాటి కోసం అడవిలోకి వెళ్లారు. 

అయితే విపరీతమైన దాహంతో నీళ్ల కోసం ముగ్గురు వ్యక్తులు చెల్లాచెదురయ్యారు. వీరిలో శివకుమార్ అనే వ్యక్తి చనిపోగా.. కృష్ణ నాయక్ అనే వ్యక్తి అడవి నుంచి బయటకు వచ్చి.. ఎవరికీ సమాచారం ఇవ్వకుండా పారిపోయాడు. దీంతో మరో యువకుడి బంధువులు పోలీసులను ఆశ్రయించడంతో.. అతని కోసం గాలిస్తున్నారు. 
 

Categories
Crime Hyderabad

నకిలీ ఐపీఎస్ ఆఫీసర్ అరెస్ట్

హైదరాబాద్: నకిలీ ఐపీఎస్ ఆఫీసర్ అవతారం ఎత్తి ప్రజలను మోసం చేస్తున్న ఓవ్యక్తి గుట్టు రట్టు చేశారు హైదరాబాద్ సెంట్రల్ జోన్ టాస్క్ ఫోర్స్ పోలీసులు. నిందితుడు ఆర్మీ, ఎన్ఐఏ, ఐపీఎస్ ఆఫీసర్ని అని చెప్పి  బెదిరింపులకు పాల్పడుతున్నాడని హైదరాబాద్ నగర పోలీసు కమీషనర్ అంజనీ కుమార్ తెలిపారు. నిందితుడు కర్నాటి గురు వినోద్ కుమార్ స్వస్థలం కడప జిల్లా. 2017 లో సివిల్ సర్వీస్ పరీక్షలు రాశాడు. ఆ పరీక్షల్లో  విజయం సాధించలేక పోవటంతో నకిలీ ఆఫీసర్ అవతారం ఎత్తాడని  సీపీ వివరించారు.   

నిందితుడి నుండి డమ్మీ పిస్టల్, నకిలీ ఐడి కార్డ్స్, నకిలీ రబ్బర్ స్టాంప్స్, ఎన్.ఐ.ఏ నకిలీ రబ్బర్ స్టాంప్స్, ఐ పాడ్, లాప్ టాప్స్, సెల్ ఫోన్స్, బైనాకులర్స్ పోలీసులు స్వాధీనం చేసుకున్నారు. నిందితుడి మీద గతంలో కూడా ఇలాంటి కేసులు ఉన్నాయని ఆయన తెలిపారు. పోలీస్ ఆఫీసర్ కావాలనే మక్కువతో కోచింగ్ సెంటర్ లో సివిల్స్ కోచింగ్ తీసుకున్నాడని అయినా పోలీస్ కావాలనే ఆశ నెరవేరకపోవడంతో నకిలీ పోలీస్ అవతారం ఎత్తాడని సీపీ తెలిపారు. కేసు నమోదు చేసిన  పోలీసులు దర్యాప్తు చేస్తున్నారు.
 

Categories
Uncategorized

టెన్షన్ పెంచుతున్న విజయవాడ సెంట్రల్ నియోజకవర్గం

విజయవాడ: కౌంటింగ్ సమయం దగ్గరపడుతుండటంతో అన్ని పార్టీల అభ్యర్థుల్లో టెన్షన్ పెరిగిపోతోంది. పైకి విజయం తమదేనని మేకపోతు గాంభ్యీరం ప్రదర్శిస్తున్నా..లోలోపల మాత్రం తెగటెన్షన్‌ పడిపోతున్నారు. గెలుపుపై మాలెక్కలు మాకున్నాయంటూ ధీమా వ్యక్తం చేస్తున్నా… అవి ఎక్కడ తప్పుతాయోనన్న భయం కనిపిస్తోంది. విజయవాడ సెంట్రల్‌ నియోజకవర్గం అభ్యర్థుల్లో ఈ టెన్షన్ కాస్తా హైటెన్షన్‌గా మారిపోయింది. 

ఏపీ లో రాష్ట్రవ్యాప్తంగా అందరినీ ఆకర్షిస్తున్న నియోజకవర్గాల్లో విజయవాడ సెంట్రల్‌ నియోజకవర్గం ఒకటి. రాజధానికి పక్కనే ఉండటం, రాజకీయంగా చైతన్యం ఉన్న ప్రాంతం ఇది. ఇక్కడ టీడీపీ నుంచి బొండా ఉమ, వైసీపీ తరపున మల్లాది విష్ణు పోటీ చేశారు. ఇక్కడ కాపు సామాజిక వర్గంతోపాటు, బ్రాహ్మణ సామాజిక వర్గం ఓటర్లు ఎక్కువ. ఐతే..గత ఎన్నికల్లో వంగవీటి రాధాకృష్ణ  వైసీపీ తరపున ఇక్కడ ప్రచారం నిర్వహించినా కూడా కాపు ఓటర్లు మాత్రం టీడీపీకే జైకొట్టారు. ఈ నేపథ్యంలో ఈసారి మల్లాది విజయం అంతా ఈజీ కాదన్నది విశ్లేషకుల అభిప్రాయం. ఐతే.. తన గెలుపుపై మాత్రం మల్లాది ధీమా వ్యక్తం చేస్తున్నారు. గత పాలకులు చేసిన భూకబ్జాలు, అక్రమాలపై ప్రజలు విసుగెత్తిపోయారని చెబుతున్నారు. ఒక్కసారి జగన్‌కి అవకాశం ఇస్తే రాజన్న పాలన వస్తుందని ప్రజలు వేయికళ్లతో ఎదురు చూస్తున్నారన్నారు. తప్పకుండా విజయం సాధిస్తాననే నమ్మకం ఉందంటున్నారు.

ఇక ఇదే నియోజకవర్గం నుంచి టీడీపీ అభ్యర్థి బోండా ఉమామహేశ్వరావు గత ఎన్నికల్లో విజయం సాధించారు. కాపు సామాజిక వర్గానికి చెందిన బోండాకు గత ఎన్నికల్లో జనసేన అధినేత పవన్‌ సపోర్ట్‌ కలిసొచ్చింది. దీనికితోడు బీజేపీతో పొత్తు కూడా కొంతవరకు లాభం చేకూర్చింది. ఐతే.. ఈసారి బీజేపీ, జనసేనతో పొత్తు లేకపోవడం.. పైగా జనసేన బలపర్చిన సీపీఎం నేత బాబూరావు మూడో అభ్యర్థిగా రంగంలోకి దిగడంతో పరిస్థితులు మారిపోయాయి. కానీ.. గత ఎన్నికల్లో వైసీపీలో ఉన్న వంగవీటి రాధా.. ఇప్పడు టీడీపీలో చేరి తన తరపున ప్రచారం చేయడంతో.. కాపు సామాజికవర్గ ఓట్లు తనకే పడ్డాయనే ధీమాలో బోండా ఉన్నారు. దీనికితోడు తమ నాయకుడు చంద్రబాబు ప్రవేశపెట్టిన సంక్షేమ పథకాలే తనను గెలిపిస్తాయని అంటున్నారు. అంతేకాకుండా విజయవాడ సెంట్రల్ నియోజవర్గంలో వేయి కోట్లతో అభివృద్ధి పనులు చేయించానని… ప్రజల తమ వైపే ఉన్నారని బోండా ఉమా చెబుతున్నారు. 
 
వామపక్షాలు, జనసేన, బీఎస్పీ కూటమి అభ్యర్థిగా సీపీఎం నుంచి బాబురావు పోటీ చేశారు. నిత్యం ప్రజలకు అందుబాటులో ఉంటూ వారి సమస్యలపై పోరాటం చేస్తున్నానని.. ప్రజలు తన కష్టాన్ని గుర్తిస్తారనే నమ్మకం ఉందన్నారు. తన ప్రత్యర్థుల్లో ఒకరు భూకబ్జాదారుడు.. మరోవ్యక్తి లిక్కర్ మాఫీయా డాన్‌ అని..  వారిద్దరు ఈ ఎన్నికల్లో ఓటమి పాలవడం ఖాయమని చెప్పారు. తప్పకుండా విజయం తననే వరిస్తుందని అశాభవం వ్యక్తం చేశారు బాబురావు. మొత్తానికి ఈసారి విజయవాడ సెంట్రల్‌లో పోరు హోరాహోరీగా సాగిందనే వార్తలు వినిపిస్తున్నాయి. మూడోపార్టీగా రంగంలోకి దిగిన జనసేన వల్ల ఎవరికి దెబ్బ పడుతుందోనని ఇటు టీడీపీ, అటు వైసీపీ అభ్యర్థులు ఆందోళన చెందుతున్నారు. కానీ.. పైకి మాత్రం ఎవరికి వారే తమదే విజయమంటూ ధీమా వ్యక్తం చేస్తున్నారు. మరి వీరిలో ఎవరిని విజయలక్ష్మీ వరిస్తుందో తెలియాలంటే ఈ నెల 23 వరకు ఆగాల్సిందే. 

Categories
International

ఈఫిల్ టవర్ 130 వ బర్త్ డే సెలబ్రేషన్స్

ప్రపంచ ప్రఖ్యాత ఈఫిల్ టవర్ నెలకొల్పి 130 ఏళ్లు పూర్తైన సందర్భంగా ఉత్సవాలు ఆకాశాన్ని తాకేలా ఘనంగా జరుగుతున్నాయి. ఇందుకోసం ఐకానిక్ టవర్ వద్ద పారిస్ ప్రభుత్వం కళ్లు మిరుమిట్లు గొలిపేలా లేజర్ షో ఏర్పాటు చేసింది. 1889లో వరల్డ్ ఫెయిర్‌ ప్రదర్శన కోసం నిర్మించిన ఈఫిల్ టవర్ 324 మీటర్ల ఎత్తు..7300 టన్నుల బరువు కలిగి ఉంటుంది.

ప్రతి ఏటా కనీసం 70 లక్షల మంది టూరిస్టులు ఈఫిల్‌ టవర్‌ని సందర్శిస్తుంటారు. ఫ్రాన్స్‌ దేశానికే తలమానికంగా నిలిచిన ఈ టవర్‌ని 1889లో నిర్మించిన తర్వాత కొన్నేళ్లకే కూల్చివేయాలనే ప్రతిపాదనలు కూడా వచ్చాయంటే ఆశ్చర్యపోక తప్పదు..ఇప్పుడదే ఈఫిల్‌ టవర్ ఫ్రాన్స్ దేశానికి కొన్ని కోట్ల ఆదాయం తెచ్చి పెడుతోంది.