చదువు కోసం దొంగగా మారిన బాలుడు.. ఫోన్ కొనిచ్చి సాయం చేసిన పోలీస్

Share on facebook
Share on twitter
Share on telegram
Share on whatsapp

పోలీస్ అంటే ఓ కఠినమైన వ్యక్తి అనేది అందరి మదిలోని మాట. కానీ కొందరు పోలీసులు అలా ఉండరు అనే విషయాన్ని ఈ ఘటన వెలుగులోకి తెచ్చింది. అవసరం మనిషిని ఎంతవరకైనా ప్రయత్నం చేసేలా చేస్తుంది. ఓ చిన్న పిల్లవాడిని కూడా అవసరం, చదువుకోవాలనే కోరిక దొంగను చేసింది.

పోలీసులు కానీ, ఎవరైనా నేరాన్ని మాత్రమే చూస్తారు.. నేరం వెనుక గల కారణాన్ని విస్మరిస్తారు. కానీ చెన్నైలో బాలుడు చేసిన దొంగతనాన్ని గుర్తించిన పోలీస్ దాని వెనుక ఉన్న కథను కూడా తెలుసుకుని కరిగిపోయాడు. చెన్నై నగరానికి చెందిన 13ఏళ్ల బాలుడు.. మొబైల్‌ను దొంగతనం చేశాడు. వాస్తవానికి, ఆ బాలుడు ఆన్‌లైన్ క్లాస్‌ల కోసం ఫోన్ అవసరం. అందుకోసం మాత్రమే ఈ నేరానికి పాల్పడ్డాడు.



ఆ పిల్లవాడి తండ్రి బిస్కెట్ షాపులో పని చేస్తుంది. అతని తల్లి పలువురి ఇళ్లల్లో పాచి పనిచేస్తుంది. స్మార్ట్‌ఫోన్ కొనుక్కోవడానికి తగినంత డబ్బు వారి దగ్గర లేదు. ఈ క్రమంలో బాలుడు ఇంటికి పొరుగున ఉండే ఇద్దరు నేరస్థులు.. బాలుడు పనిలేకుండా కూర్చొని ఉండటాన్ని చూసి బాలుడు చేత దొంగతనాలు చెయ్యించాలని నిర్ణయించుకున్నారు. పిల్లవాడు అయితే పోలీసులు పెద్దగా అనుమానించరు మరియు వారు పట్టుబడితే, సులభంగానే విడుదల చేస్తారు. అందుకే అతనిని గ్యాంగ్ ఎంచుకుంది.



ఈ ముగ్గురూ తిరువొట్టియూర్ వద్ద ట్రక్ డ్రైవర్ ఫోన్‌ను దొంగిలించారు. ఈ క్రమంలోనే బాలుడిని పట్టుకుని పోలీసులకు అప్పగించారు. దర్యాప్తులో తిరువోటియూర్ క్రైమ్ పోలీస్ ఇన్‌స్పెక్టర్ భువనేశ్వరి బాలుని కథ తెలుసుకున్నారు. తర్వాత విచారణలో అతను చెప్పేది నిజమే అని తెలుసుకుని, బాలుని కోసం ఫోన్ కొనాలని నిర్ణయించుకున్నారు. పోలీసు అధికారి తన కుమార్తె కోసం ఉపయోగించవలసిన డబ్బుతో బాలుడు కోసం ఫోన్ కొన్నారు.

అనంతరం పిల్లవాడిని హెచ్చరించి విడుదల చేశారు. ఆ పిల్లవాడిని నేర మార్గం నుంచి మళ్లీ చదువు వైపు తిరిగి వెళ్లడానికి ఈ చర్య ఉపయోగపడుతుందని పోలీసు అధికారి వెల్లడించారు.


Related Posts