All India Cine Workers Association announce a total ban on Pakistani actors and artists working in the film industry

మీ దేశంలో నటించుకోండి : పాక్ నటులపై AICWA బ్యాన్

Share on facebook
Share on twitter
Share on telegram
Share on whatsapp

జమ్మూకాశ్మీర్ రాష్ట్రంలోని పుల్వామా జిల్లాలో సీఆర్పీఎప్ జవాన్లపై జరిగిన ఉగ్రదాడిని ఆల్ ఇండియన్ సినీ వర్కర్స్ అసోసియేషన్(AICWAI)తీవ్రంగా ఖండిస్తున్నట్లు తెలిపింది. 
ఫిల్మ్ ఇండస్ట్రీలో పనిచేస్తున్న పాకిస్తాన్ నటులు, కళాకారులపై పూర్తిగా బ్యాన్ విధిస్తున్నట్లు ప్రకటించింది. ఈ మేరకు ఓ ప్రెస్ నోట్ విడుదల చేసింది.

పుల్వామా ఉగ్రదాడిని తాము తీవ్రంగా ఖండిస్తున్నామని, అమరజవాన్ల కుటుంబాలకు ప్రగాఢ సంతాపం తెలియజేస్తున్నామని, ఇటువంటి టెర్రర్, అరచకాలు కొనసాగుతున్న సమయంలో AICWA దేశం కోసం నిలబడుతుందని ఆ నోట్ లో తెలిపింది. దేశం మొదట తమకు ముఖ్యమని తెలిపింది.  ఫిల్మ్ ఇండస్ట్రీలో పనిచేస్తున్న పాక్ నటులు,కళాకారులపై అధికారంగా పూర్తి బ్యాన్ విధిస్తున్నట్లు తెలిపింది. ఒకవేళ ఏదైనా ఆర్గనైజేషన్ లో కనుక ఏఐసీడబ్యూఏ బ్యాన్ చేసిన పాక్ ఆర్టిస్టులు పనిచేస్తున్నట్లయితే ఆ ఆర్గనైజేషన్ పై కఠిన చర్యలు ఉంటాయని తెలిపింది. 

ఫిబ్రవరి-14న పుల్వామా జిల్లాలో పాక్ ఉగ్రసంస్థ జైషే మహమద్ ఆత్మాహుతి దాడి జరిపి 40మంది సీఆర్పీఎఫ్ జవాన్లను పొట్టనబెట్టుకున్న విషయం తెలిసిందే. ఈ ఉగ్రదాడిలో పాక్ నిఘా సంస్థ ఐఎస్ఐ హస్తముందన్నట్లు తెలుస్తోంది.  పాక్ కి ఇప్పటికే మోస్ట్ ఫేవర్డ్ నేషన్ స్టేటస్ ని కూడా భారత్ ఉపసంహరించుకొంది.
 

Related Posts