AP JAC: ఒకే వేదిక మీదకు ఉద్యోగ సంఘాలు.. రేపే మీటింగ్! | All Employees' Associations on one platform.. Tomorrow meeting!

AP JAC: ఒకే వేదిక మీదకు ఉద్యోగ సంఘాలు.. రేపే మీటింగ్!

వేతన సవరణ చేస్తూ ప్రభుత్వం జారీ చేసిన జీవోల పట్ల తీవ్ర అసంతృప్తిని వ్యక్తం చేసిన ఉద్యోగులు.. ఐక్య కార్యాచరణకు సిద్ధం అవుతున్నారు.

AP JAC:  ఒకే వేదిక మీదకు ఉద్యోగ సంఘాలు.. రేపే మీటింగ్!

AP JAC: ఆంధ్రప్రదేశ్ రాష్ట్ర ప్రభుత్వ ఉద్యోగులు ఆందోళన బాటపట్టారు. వేతన సవరణ చేస్తూ ప్రభుత్వం జారీ చేసిన జీవోల పట్ల తీవ్ర అసంతృప్తిని వ్యక్తం చేసిన ఉద్యోగులు.. ఐక్య కార్యాచరణకు సిద్ధం అవుతున్నారు. రేపు(21 జనవరి 2022) సమ్మె నోటీసులు ఇవ్వాలని అనుకుంటున్నట్లు చెప్పారు ఏపీ JAC చైర్మన్ బండి శ్రీనివాసరావు. ఏపీ JAC, AP JAC AMARAVATHI సంయుక్త సమావేశంలో అన్ని అంశాలపై చర్చించిన బండి శ్రీనివాసరావు.. సంయుక్త సమావేశం తరువాత నోటీస్ ఎప్పుడు ఇచ్చేది చెబుతామన్నారు.

అన్నీ అసోసియేషన్‌‌లు పీఆర్‌సీ సాధనకోసం కలిసి పనిచేయాలని నిర్ణయించినట్లు చెప్పారు బండి శ్రీనివాసరావు. ఒకే వేదిక మీద నుంచి పీఆర్‌సీ సాధన కోసం సిద్ధం అవుతున్నట్లు చెప్పారు. కార్యాచరణ ఎలా ఉండాలో రేపు ఉదయం 11 గంటలకు మా చర్చల్లో నిర్ణయానికి వస్తామని అన్నారు. నాలుగు జేఏసీల అంగీకారం కోసం సీఎస్‌కు సమ్మె నోటీస్ ఇచ్చే విషయాన్ని రేపటికి వాయిదా వేస్తున్నట్లు చెప్పారు.

ఇదే విషయమై AP JAC అమరావతి చైర్మన్ బొప్పరాజు మాట్లాడుతూ.. రెండు రోజుల నుంచి అంతర్గతంగా అన్నీ సంఘాల ఐక్యత కోసం ప్రయత్నాలు చేశామని, ఉద్యోగులకు 11వ PRC నష్టాన్ని పూడ్చడానికి ప్రభుత్వం ఇచ్చిన జీవోలను వ్యతిరేకిస్తున్నట్లు చెప్పారు. అన్ని ఉద్యోగ సంఘాలు కలిసి ఒకే వేదిక మీదకు వచ్చి డిమాండ్లు నెరవేర్చుకోవాలని నిర్ణయించినట్లు చెప్పారు.

×