AP Crime : పూజలు పేరుతో 4ఏళ్ల కూతురు నోట్లో కుంకుమ పోసి గొంతు నులిమిన తండ్రి..చిన్నారి మృతి

AP Crime : ఏపీలోని నెల్లూరు జిల్లా ఆత్మకూరు పరిధిలోని పేరారెడ్డిపల్లెలో దారుణం చోటుచేసుకుంది. పూజల పేరుతో నాలుగేళ్ల కూతురు నోట్లో కుంకుమ పోసి పూజలు చేసిన ఘటనలో తీవ్ర అస్వస్థతకు గురైన నాలుగేళ్ల చిన్నారి పునర్విక ఆసుపత్రిలో చికిత్స పొందుతూ మరణించింది. చిన్నారి నోట్లో కుంకుమ పోసి పూజలు చేస్తే తాను దేవుడిని అయిపోతాను అనే పిచ్చి నమ్మకంతో కన్నకూతురిని పొట్టనపెట్టుకున్నాడా తండ్రి.

తాను దేవుడిని అయిపోవాలనే మూఢనమ్మకంతో ముక్కుపచ్చలారని నాలుగేళ్ల కన్నబిడ్డ నోట్లో కుంకుమ పోసి తనకు తెలిసిన పిచ్చి పిచ్చి పూజల్నీ చేశాడు తండ్రి వేణు. ఈ క్రమంలో బిడ్డ ఊపిరి ఆడక కేకలు పెట్టింది. ఈ కేకలు విన్న స్థానికులు వేణు ఇంటికొచ్చి జరిగింది చూశారు. అంతే కన్నబిడ్డమీద ఏంటీ దురాగతం అంటూ తిట్టి చితకబాదారు. అనంతరం వారి బంధువులకు సమాచారం అందించి బిడ్డను చెన్నై ఆస్పత్రిలో చేర్పించారు. నిన్నటి నుంచి చికిత్స పొందుతున్న నాలుగేళ్ల పునర్విక తీవ్ర అస్వస్థతకు గురి అయి గురువారం (16,2022) తెల్లవారుఝామున కన్నుమూసింది. దీంతో పోలీసులు కేసు నమోదు చేసుకుని తండ్రి వేణుని అరెస్ట్ చేశారు.