Jobs : ఏపీలో నిరుద్యోగులకు గుడ్‌న్యూస్.. ప్రతి శుక్రవారం జాబ్ మేళా

ఉద్యోగాల కోసం ఎదురుచూస్తున్న ఏపీలోని నిరుద్యోగులకు ఏపీ నైపుణ్యాభివృద్ధి సంస్థ (ఏపీఎస్‌ఎస్‌డీసీ) గుడ్ న్యూస్ చెప్పింది. ఇక నుంచి ప్రతి శుక్రవారం ఒక్కో జిల్లాలో కనీసం ఒక జాబ్‌ మేళా నిర్వహించే విధంగా ప్రణాళికలను సిద్ధం చేసినట్లు ఏపీఎస్‌ఎస్‌డీసీ ఎండీ, సీఈవో సత్యనారాయణ

Jobs : ఉద్యోగాల కోసం ఎదురుచూస్తున్న ఏపీలోని నిరుద్యోగులకు ఏపీ నైపుణ్యాభివృద్ధి సంస్థ (ఏపీఎస్‌ఎస్‌డీసీ) గుడ్ న్యూస్ చెప్పింది. ఇక నుంచి ప్రతి శుక్రవారం ఒక్కో జిల్లాలో కనీసం ఒక జాబ్‌ మేళా నిర్వహించే విధంగా ప్రణాళికలను సిద్ధం చేసినట్లు ఏపీఎస్‌ఎస్‌డీసీ ఎండీ, సీఈవో సత్యనారాయణ తెలిపారు. ఏపీఎస్‌ఎస్‌డీసీ ప్రధాన కార్యాలయంలో ఆయన జాబ్‌ మేళా క్యాలెండర్‌ను విడుదల చేశారు. స్థానిక యువతకు ఉపాధి కల్పించే లక్ష్యంలో భాగంగా వచ్చే 12 నెలల కాలంలో రాష్ట్ర వ్యాప్తంగా 312 జాబ్‌ మేళాలు నిర్వహించనున్నట్లు ఏపీఎస్ఎస్ డీసీ ప్రకటించింది.

AP Govt Good News : నిరుద్యోగులకు గుడ్ న్యూస్.. గ్రూప్‌ 1, 2 పోస్టుల భర్తీకి గ్రీన్‌సిగ్నల్

ఏపీఎస్‌ఎస్‌డీసీ ద్వారా శిక్షణ పూర్తి చేసుకున్న వారికి ఉపాధి కల్పించే విధంగా ప్రతి మంగళవారం ప్లేస్‌మెంట్‌ డే నిర్వహించనున్నట్లు తెలిపారు. నిరుద్యోగులకు రాష్ట్రంలో స్థానిక పరిశ్రమల్లో ఉపాధి కల్పించే విధంగా 262 కంపెనీలతో ఒప్పందాలు కుదుర్చుకున్నట్లు వెల్లడించారు. ఈ విద్యా సంవత్సరంలో లక్ష మందికి శిక్షణ ఇవ్వాలని లక్ష్యంగా పెట్టుకున్నట్లు ఏపీ ఎస్‌ఎస్‌డీసీ చైర్మన్‌ అజయ్‌రెడ్డి చెప్పారు.

Weekly 4 days: వారానికి 4 రోజులే పని..! కొత్త లేబర్ కోడ్

గడిచిన మూడేళ్లలో 14 లక్షల మందికి ఆన్‌లైన్, ఆఫ్‌లైన్‌ ద్వారా నైపుణ్య శిక్షణ ఇచ్చినట్లు ఏపీఎస్‌ఎస్‌డీసీ సలహాదారు చల్లా మధుసూదన్‌రెడ్డి చెప్పారు. సీఎం జగన్ ఆదేశాల మేరకు ప్రతీ నియోజకవర్గం పరిధిలో స్కిల్‌ హబ్స్‌ ప్రారంభిస్తున్నామన్నారు. ఇందులో భాగంగా తొలి విడతలో 66 హబ్స్‌ను ఆగస్టు 15న అందుబాటులోకి తీసుకొస్తున్నట్లు ఆయన తెలిపారు.

Must Watch: https://www.youtube.com/watch?v=Q0eu7HCRBgw

@AP_Skill కేంద్ర కార్యాలయంలో 2022 – 23 జాబ్ మేళా క్యాలెండర్ విడుదల. pic.twitter.com/eZitdhSIdH

— AP Skill Development (@AP_Skill) July 28, 2022