Gymkhana ground: జింఖానా గ్రౌండ్ బాణసంచా దుకాణంలో భారీ అగ్నిప్రమాదం.. ఇద్దరు మృతి
విజయవాడలోని గాంధీనగర్ ప్రాంతం జింఖానా గ్రౌండ్లో ఏర్పాటుచేసిన బాణసంచా దుకాణ సముదాయంలో భారీ అగ్నిప్రమాదం చోటు చేసుకుంది. ఈ ప్రమాదంలో ఇద్దరు మృతిచెందారు.
Gymkhana ground: విజయవాడలో విషాదం చోటు చేసుకుంది. గాంధీనగర్ ప్రాంతంలో జింఖానా గ్రౌండ్లో ఏర్పాటుచేసిన బాణసంచా దుకాణ సముదాయంలో భారీ అగ్నిప్రమాదం చోటు చేసుకుంది. ఈ ప్రమాదంలో ఇద్దరు మృతిచెందగా, మరికొందరికి తీవ్ర గాయాలయ్యాయి. క్షతగాత్రులను చికిత్స నిమిత్తం ఆసుపత్రికి తరలించారు.
భారీ అగ్నిప్రమాదంతో గ్రౌండ్లో ఏర్పాటుచేసిన 15దుకాణాలకు మంటలు వ్యాపించాయి. కొన్ని దుకాణాలు పూర్తిగా దగ్దంకాగా, మరికొన్ని పాక్షికంగా దగ్దమయ్యాయి. ఉదయం 7గంటల సమయంలో ఈ ఘటన చోటు చేసుకుంది. దగ్దమవుతున్న సమయంలో దుకాణంలోని బాంబుల మోతకు ఆ ప్రాంతమంతా దద్దరిల్లిపోయింది. అకస్మాత్తుగా మంటలు చెలరేగడంతో నిర్వాహకులు వెంటనే అగ్నిమాపక సిబ్బందికి సమాచారం అందించారు.
Andhra Pradesh | Fire broke out in a firecracker stall setup in Gymkhana ground at Gandhi Nagar, Vijayawada, today morning. pic.twitter.com/jKJRObHgCw
— ANI (@ANI) October 23, 2022
నాలుగు ఫైర్ ఇంజిన్లు వెంటనే ఘటన స్థలానికి చేరుకొని మంటలను అదుపులో తెచ్చాయి. అగ్ని ప్రమాదంలో మృతిచెందిన వారిని దుకాణంలో పనిచేసే వారిగా గుర్తించారు.