Rowdy Sheeter : పుస్తకాలు, పెన్నులు ఆశచూపి ఆడపిల్లలపై లైంగిక వేధింపులు..రౌడీ షీటర్ కు దేహశుద్ధి చేసిన మహిళలు

విశాఖ మల్కాపురంలో రౌడీ షీటర్ దారుణానికి ఒడిగట్టాడు. పుస్తకాలు, పెన్నులు ఆశచూపి ఆడపిల్లలపై రౌడీ షీటర్ లైంగిక వేధింపులకు పాల్పడ్డాడు. స్థానికులు, మహిళలు అతనికి దేహశద్ది చేశారు.

rowdy sheeter for sexually abusing girls : విశాఖ మల్కాపురంలో రౌడీ షీటర్ దారుణానికి ఒడిగట్టాడు. పుస్తకాలు, పెన్నులు ఆశచూపి ఆడపిల్లలపై రౌడీ షీటర్ లైంగిక వేధింపులకు పాల్పడ్డాడు. విషయం తెలుసుకున్న స్థానికులు, మహిళలు రౌడీషీటర్ చిన్నారావుకు దేహశుద్ధి చేశారు. స్థానిక మహిళలు రోడ్డుపైనే అతన్ని చితకబాదారు. అనంతరం మల్కాపురం పోలీసులకు అప్పగించారు.

మల్కాపురంకు చెందిన దోమన చిన్నారావు అనే వ్యక్తి చిన్నారావు వెల్ఫేర్ సొసైటీ ముసుగులో బాలికలపై అఘాయిత్యానికి పాల్పడుతున్నాడు. స్థానిక నేతలు ఇచ్చిన సహకారంతో రౌడీ షీటర్ రెచ్చిపోతున్నాడు. చదువుకునేందుకు సామాగ్రి ఇస్తానంటూ ఇంటికి తీసుకెళ్లి..వర్ణించలేని విధంగా బాలికలపై అసభ్యంగా ప్రవర్తిస్తున్నాడు. అయితే ఈ విషయాన్ని తల్లీదండ్రులకు చెబితే ఏమౌతుందోనని భయపడి బాలికలు చెప్పలేని పరిస్థితిలో ఉన్నారు.

Huge Investment In Telangana : తెలంగాణలో మరో భారీ పెట్టుబడి.. జర్మన్ సంస్థతో ప్రభుత్వం ఎంవోయూ

ఈ నేపథ్యంలో ట్యూషన్ కు వెళ్లిన బాలికలు ఉపాధ్యాయుడికి విషయాన్ని తెలిపారు. పుస్తకాలు, పెన్నులు, డ్రస్సులు ఇస్తానని ఆశచూపి 6 వ తరగతి నుంచి 10 వ తరగతి చదివే విద్యార్థినుల పట్ల చిన్నారావు అసభ్యంగా ప్రవర్తిస్తున్నాడంటూ బాలికలు ఉపాధ్యాయుడికి చెప్పారు. ప్రధానోపాధ్యాయుడు.. బాలికల తల్లిదండ్రులు, స్థానికులను పిలిపించి చిన్నారావు వ్యవహారాన్ని తెలిపారు.

దీంతో ఆగ్రహించిన స్థానికులు, మహిళలు రౌడీ షీటర్ చిన్నారావుకు దేహశుద్ధి చేశారు. చిన్నారావు తిరగబడే ప్రయత్నం చేసినప్పటికీ మహిళలంతా కలిసి అతనికి దేహశుద్ధి చేసి మాల్కాపురం పోలీస్ స్టేషన్ కు అప్పగించారు. పోలీసులు పొక్సో యాక్ట్ కింద అతనిపై కేసు నమోదు చేసే అవకాశం ఉంది.

covid-19 vaccine : నాకు బలవంతంగా వ్యాక్సిన్ వేయాలని చూస్తే ఊరు వదిలిపోతా

పుస్తకాలు, పెన్నులు ఆశచూపి అభంశుభం తెలియని బాలికలపై రౌడీ షీటర్ చిన్నారావు అఘాయిత్యం చేయడం పట్ల మహిళలు తీవ్ర ఆగ్రహం వ్యక్తం చేస్తున్నారు. బాలికలు చెప్పుకోలేని రీతిలో ప్రవర్తించడం పట్ల స్థానికులు, మహిళలు తీవ్రంగా మండిపడుతున్నారు. చిన్నారావును కఠినంగా శిక్షించాలని..లేదంటే అతని అంతు చూస్తామని ఆగ్రహం వ్యక్తం చేశారు.