Vaccination: సిబ్బంది నిర్లక్ష్యం.. 31 మందికి కొవిషీల్ట్‌కు బదులు కోవాగ్జిన్‌

వ్యాక్సిన్ వివరాలు ఆన్ లైన్లో నమోదు చేస్తుండగా విషయం బయటపడింది. దీంతో ఉన్నతాధికారులకు సమాచారం ఇచ్చారు సిబ్బంది. ఆ 31 మందిని అబ్జర్వేషన్లో ఉంచారు. ఐతే రెండు డోస్ లు వేరు వేరు వ్యాక్సిన్లు వేయడం వలన ఎటువంటి అనారోగ్య సమస్యలు తలెత్తవని అధికారులు తెలిపారు.

Vaccination: ఆంధ్రప్రదేశ్ లో వ్యాక్సినేషన్ కార్యక్రమం వేగంగా సాగుతుంది. ఆదివారం ప్రభుత్వం మెగా వ్యాక్సిన్ డ్రైవ్ చేపట్టడంతో ఒక్కరోజే 13,68,049 మందికి వ్యాక్సిన్ ఇచ్చారు వైద్య సిబ్బంది. ఇక చిత్తూరు 1,02,862 మందికి కరోనా వ్యాక్సినేషన్ చేశారు. ఇదిలా ఉంటే చిత్తూరు జిల్లాలో ఓ చోట వైద్య సిబ్బంది నిర్లక్ష్యంతో ప్రజల్లో ఆందోళన నెలకొంది.

మొదటి డోస్ కోవిషిల్డ్ తీసుకున్న వారికి ఆదివారం మెగా డ్రైవ్ లో రెండవ డోస్ కోవాగ్జిన్ టీకా ఇచ్చారు. ఈ ఘటన చిత్తూరు జిల్లా పెనుమూరు మండలం గుడ్యాణంపల్లెలో జరిగింది. ఆదివారం రెండో డోస్ తీసుకునేందుకు వచ్చిన వారిలో 31 మందికి కోవాగ్జిన్ టీకా ఇచ్చారు.

వ్యాక్సిన్ వివరాలు ఆన్ లైన్లో నమోదు చేస్తుండగా విషయం బయటపడింది. దీంతో ఉన్నతాధికారులకు సమాచారం ఇచ్చారు సిబ్బంది. ఆ 31 మందిని అబ్జర్వేషన్లో ఉంచారు. ఐతే రెండు డోస్ లు వేరు వేరు వ్యాక్సిన్లు వేయడం వలన ఎటువంటి అనారోగ్య సమస్యలు తలెత్తవని అధికారులు తెలిపారు.