Ongole YCP : సుభాని అరెస్టు..సుబ్బారావు వివాదానికి.. ఇంతటితో పుల్‌స్టాప్‌

టీడీపీ నేతలు రాజకీయ లబ్ధి కోసం ఆరోపణలు చేశారని మండిపడ్డారు మంత్రి బాలినేని శ్రీనివాసరెడ్డి. పార్టీకి నష్టం చేసే వ్యాఖ్యలతో కార్యకర్తలు ఆవేశంలో కొట్టి ఉంటారన్నారు.

Ongole YCP : సుభాని అరెస్టు..సుబ్బారావు వివాదానికి.. ఇంతటితో పుల్‌స్టాప్‌

Ycp

YSRCP Cadres Attack : ప్రకాశం జిల్లాలో వైసీపీ కార్యకర్త సుబ్బారావు గుప్తాపై దాడి చేసిన సుభానిని అరెస్ట్‌ చేశారు పోలీసులు. సుబ్బారావు గుప్తా కొన్ని రోజుల క్రితం వైసీపీ నేతలపై వివాదాస్పద కామెంట్లు చేశారు. ఆ తర్వాత సుభాని అనే వ్యక్తి అతడిపై దాడి చేశాడు. దీంతో కొందరు వైసీపీ కార్యకర్తలు తన ఇంటిపైకి వచ్చారని పోలీసులకు ఆయన భార్య ఫిర్యాదు చేసింది. అయితే.. సోమవారం రాత్రి సుబ్బారావు గుప్తాను ఒంగోలు వన్‌టౌన్ పోలీసులు దాడి వివరాలు తెలుసుకున్నారు. పోలీసులు, మంత్రి బాలినేని తనకు అండగా ఉంటారని హామీ ఇచ్చారన్నారు సుబ్బారావు. అప్పటి నుంచి అజ్ఞాతంలోకి వెళ్లారు.

Read More : Philippines : ఎక్కడ చూసినా మృతదేహాలే..రాయ్ తుపాన్ బీభత్సం

అయితే.. మంగళవారం అతడిని అదుపులోకి తీసుకున్నారు ఒంగోలు వన్‌టౌన్‌ పోలీసులు. సుబ్బారావు వివాదానికి.. ఇంతటితో పుల్‌స్టాప్‌ పెట్టామన్నారు మంత్రి బాలినేని. సుబ్బారావు గుప్తాను తన నివాసానికి పిలిపించారు. జగన్ పుట్టిన రోజు సందర్భంగా బాలినేని సమక్షంలో కేక్‌ కట్‌ చేశారు సుబ్బారావు. తాను అతనిపై దాడి చేయించానని నిరూపిస్తే రాజకీయాలు వదిలేస్తానన్నారు మంత్రి బాలినేని. దాడులు చేసే సంసృతి తనకు లేదని…పార్టీకి నష్టం చేసే వ్యాఖ్యలతో కార్యకర్తలు ఆవేశంలో కొట్టి ఉంటారన్నారు. దాడి చేసిన వ్యక్తిపై పోలీసులు కేసు నమోదు చేశారని తెలిపారు మంత్రి బాలినేని.

Read More : Hyderabad : భార్య కోసం ఇద్దరు భర్తల పోరాటం

టీడీపీ నేతలు రాజకీయ లబ్ధి కోసం ఆరోపణలు చేశారని మండిపడ్డారు మంత్రి బాలినేని శ్రీనివాసరెడ్డి. సుజనా చౌదరి బీజేపీ లైన్‌లో కాదు టీడీపీ నేతగా మాట్లాడుతున్నారని విమర్శించారు. ఆస్తులు కాపాడుకునేందుకు బీజేపీలోకి వెళ్లిన వారు తనపై ఆరోపణలు చేస్తున్నారని ఫైర్ అయ్యారు. సుజనా చౌదరి ఒంగోలు వచ్చి తానేంటో కనుక్కోవాలన్నారు మంత్రి బాలినేని.