Pawan Kalyan: పవన్ కల్యాణ్ తొందరపడుతున్నారట.. కారణం ఇదేనట..!

పవన్ కల్యాణ్ తొందరపడుతున్నారు. ఇప్పటికే 3 సినిమాలను లైన్లో పెట్టిన పవర్ స్టార్ మరో 2 సినిమాలు కూడా కమిట్ అయినట్టు తెలుస్తోంది. కానీ ఆయన...!

సినిమాల్లో పవర్ స్టార్ గా.. రాజకీయాల్లో జనసేనానిగా రెండు పడవలపై ప్రయాణం చేస్తున్న పవన్ కల్యాణ్.. తొందర పడుతున్నారట. సాగర్ దర్శకత్వంలో చేస్తున్న భీమ్లానాయక్ సినిమా తర్వాత క్రిష్ జాగర్లమూడి దర్శకత్వంలో హరిహర వీరమల్లు, హరీష్ శంకర్ డైరెక్షన్ లో భవదీయుడు భగత్ సింగ్ సినిమాలకు కమిట్ మెంట్ ఇచ్చి.. జెట్ స్పీడ్ లో షూటింగ్స్ పూర్తి చేస్తున్నారు.

అక్కడితో ఆగకుండా.. సురేందర్ రెడ్డి, శేఖర్ కమ్ముల వంటి దర్శకులకూ పవన్ కమిట్ మెంట్ ఇచ్చినట్టు వార్తలు వినిపిస్తున్నాయి. ఈ విషయంలో స్పష్టత రావాల్సి ఉన్నా.. శేఖర్ కమ్ములతో ఓ పొలిటికల్ థ్రిల్లర్ ను పవన్ ప్లాన్ చేస్తున్నట్టు టాలీవుడ్ వర్గాలు గుసగుసమంటున్నాయి. ఇదే సమయంలో.. పొలిటికల్ గానూ.. పవన్ కల్యాణ్ యాక్టివ్ అవుతున్నారు. అధికార పార్టీతో యుద్ధానికి సిద్ధమంటూ ఇటీవల సెన్సేషనల్ కామెంట్ చేశారు.

పవన్ రాజకీయ ప్రసంగాలు, సమావేశాలకు మంచి స్పందన సైతం ప్రజల నుంచి వచ్చినట్టు పార్టీ నేతలు చెబుతున్నారు. ఇటీవల.. జనసేన సోషల్ మీడియా వింగ్, యూత్ లీడర్లతో భేటీలోనూ పవన్ ఇదే విషయంపై చర్చించినట్టు తెలుస్తోంది. ఈ పొలిటికల్ వేవ్ ను ఇంకా ముందుకు తీసుకువెళ్లాలంటే.. ప్రజల్లో మరింత సమయం గడపాలన్న అభిప్రాయానికి పవన్ అండ్ టీం వచ్చారని సమాచారం.

అందుకే.. చేతిలో ఉన్న సినిమాలతో పాటు.. అన్ అఫీషియల్ గా కమిట్ అయిన ఇతర సినిమాలను కూడా పవన్ త్వరగా ఫినిష్ చేయాలని తొందర పడుతున్నారట. భీమ్లా నాయక్ పోస్ట్ ప్రొడక్షన్ పూర్తి కాకముందే.. హరిహర వీరమల్లుపైనా ఆయన కాన్సన్ ట్రేట్ చేస్తున్నారు. అతి త్వరలో భవదీయుడు భగత్ సింగ్ పనినీ మొదలు పెట్టనున్నారు. ఓవరాల్ గా.. సినిమాలను త్వరగా పూర్తి చేసి పాలిటిక్స్ లో పూర్తి స్థాయిలో యాక్టివ్ అయ్యేందుకు పవన్ ప్రయత్నిస్తున్నట్టు తెలుస్తోంది.

Read More:

Pawan Kalyan: టీడీపీ ఆఫీసులపై దాడులను తీవ్రంగా ఖండించిన జనసేనాని..!