AP Bandh: ఏపీలో ఉద్రిక్తత.. రాష్ట్ర బంద్ విజయవంతానికి టీడీపీ నేతల ప్రయత్నాలు.. అడ్డుకుంటున్న పోలీసులు

ఆంధ్రప్రదేశ్ లో ఉద్రిక్తత కొనసాగుతోంది. మంగళగిరిలోని తమ పార్టీ కార్యాలయంపై జరిగిన దాడికి నిరసనగా.. టీడీపీ నేతలు రాష్ట్ర బంద్ కు పిలుపునిచ్చారు. ఆర్టీసీ బస్సులను అడ్డుకుంటున్నారు.

10TV Telugu News

ఆంధ్రప్రదేశ్ లో ఉద్రిక్తత కొనసాగుతోంది. మంగళగిరిలోని తమ పార్టీ కార్యాలయంపై జరిగిన దాడికి నిరసనగా.. టీడీపీ నేతలు రాష్ట్ర బంద్ కు పిలుపునిచ్చారు. ఆర్టీసీ బస్సులను అడ్డుకుంటున్నారు. వారిని పోలీసులు రాష్ట్ర వ్యాప్తంగా ఎక్కడికక్కడ నిలువరిస్తున్నారు.

  • PM Modi: జాతిని ఉద్దేశించి ప్రధాని మోదీ ప్రసంగం

    PM Modi: జాతిని ఉద్దేశించి ప్రధాని మోదీ ఈరోజు(22 అక్టోబర్ 2021) ఉదయం 10 గంటలకు ప్రసంగం చేయనున్నారు. ప్రధాన మంత్రి కార్యాలయం (PMO) ఈమేరకు ఓ ట్వీట్ ద్వారా ప్రకటన చేసింది. దేశం 100 కోట్ల కరోనా వ్యాక్సిన్లను దాటిన సంధర్భంగా ప్రధాని మోదీ జాతిని ఉద్దేశించి ప్రసంగిస్తున్నారు.

    Pm Modi

    Pm Modi

  • ఇంటిగోడ దూకి వచ్చి.. నిరసన చేసిన కిమిడి నాగార్జున

    విజయనగరం జిల్లా చీపురుపల్లి లో ఉద్రిక్తత నెలకొంది. టీడీపీ విజయనగరం పార్లమెంటరీ నియోజకవర్గ ఇంచార్జ్ కిమిడి నాగార్జునను పోలీసులు గృహ నిర్బంధం చేశారు. ఇంటి వెనుక గోడ దూకి బయటకొచ్చిన నాగార్జున.. కార్యకర్తలతో కలిసి ధర్నాలో పాల్గొన్నారు. వారిని పోలీసులు అడ్డుకునేందుకు ప్రయత్నించారు. ఇరు వర్గాలకు తోపులాటతో ఉద్రిక్త పరిస్థితులు ఏర్పడ్డాయి.

  • ఒంగోలులో డీమార్ట్ పై రాళ్లు.. పగిలిన అద్దాలు

    ప్రకాశం జిల్లా ఒంగోలులోని డీమార్ట్ తెరిచి ఉండటంతో మాల్ పై టీడీపీ కార్యకర్తలు రాళ్ల దాడి చేశారు. మార్ట్ అద్దాలు పగిలిపోయాయి.

  • ఆదోనిలో హౌస్ అరెస్ట్ లు

     

    కర్నూలు జిల్లా ఆదోనిలో టీడీపీ మాజీ ఎమ్మెల్యే కే.మీనాక్షి నాయుడును పోలీసులు హౌస్ అరెస్ట్ చేశారు. ఆర్టిసి డిపో ముందు ధర్నాకు దిగిన టీడీపీ నేతలను అదుపులోకి తీసుకున్నారు.

  • టీడీపీ కార్యాలయం అష్టదిగ్భంధనం

     

    అమరావతిలోని టీడీపీ కార్యాలయాన్ని.. పోలీసులు అష్ట దిగ్బంధనం చేశారు. భారీగా బలగాలను మోహరించి.. నేతలను కట్టడి చేస్తున్నారు. కార్యాలయం వైపు ఎవరూ వెళ్లకుండా రహదారిపై ముళ్ల కంచెలు ఏర్పాటు చేశారు.

     

     

  • హిందూపురంలో ఉద్రిక్తత

    అనంతపురం జిల్లా హిందూపురంలో ఉద్రిక్తత నెలకొంది. తమ పార్టీ నేతల అరెస్ట్ లను తప్పుబడుతూ టీడీపీ నాయకులు, కార్యకర్తలు.. ఎన్టీఆర్ సర్కిల్ లో రాస్తారోకో చేశారు. వారికి పోటీగా.. వైసీపీ నాయకులు, కార్యకర్తలు సైతం ఆందోళనకు దిగారు.

     

  • కర్నూలు జిల్లాలో సీనియర్ నేతలు హౌస్ అరెస్ట్

     

    కర్నూలు జిల్లా నంద్యాలలో మాజీ మంత్రులు ఏరాసు ప్రతాప్ రెడ్డి, ఎన్.ఎం.డీ ఫరూఖ్, మాజీ ఎమ్మెల్యే భూమా బ్రహ్మానంద రెడ్డిని పోలీసులు హౌస్ అరెస్టు ‌చేశారు.

  • చిత్తూరు జిల్లా చంద్రగిరి లో ఉద్రిక్తత

     

    టీడీపీ చిత్తూరు జిల్లా అధ్యక్షుడు పులివర్తి నాని ఆధ్వర్యంలో.. చంద్రగిరిలో నేతలు బంద్ కు ప్రయత్నించారు. వారిని పోలీసులు బలవంతంగా అరెస్ట్ చేసి తరలించారు.

     

     

  • విజయనగరం జిల్లా పార్వతీపురంలో…

    విజయనగరం జిల్లా పార్వతీపురంలో టీడీపీ నాయకులను నిరసన తెలపకుండా పోలీసులు అడ్డుకున్నారు. ఇరు వర్గాలకు తోపులాటతో కాసేపు ఉద్రిక్తత నెలకొంది. రోడ్డుపై బైఠాయించిన నేతలను పోలీసులు అరెస్ట్ చేశారు.

  • నెల్లూరు జిల్లా వ్యాప్తంగా…

    నెల్లూరు జిల్లా వ్యాప్తంగా టీడీపీ నాయకుల ఇళ్లను పోలీసులు చుట్టుముట్టారు. నెల్లూరు, గూడూరు, ఆత్మకూరు, కావలిలో నేతలను గృహ నిర్బంధం చేశారు. మాజీ మంత్రి సోమిరెడ్డి, బీదా రవిచంద్ర, మాజీ ఎమ్మెల్యేలు పాశం సునీల్ , కురుగొండ్ల రామకృష్ణ.. ఇంటి నుంచి బయటకు రాకుండా పోలీసులు అడ్డుకున్నారు.

     

  • బనగానపల్లెలో…

    కర్నూలు జిల్లా బనగానపల్లె మాజీ ఎమ్మెల్యే బీసీ జనార్దన్ రెడ్డిని పోలీసులు గృహ నిర్బంధం చేశారు. జనార్దన్ రెడ్డి నివాసం వద్ద భారీ ఎత్తున బలగాలను మోహరించారు.

     

  • కదిరిలో ఉద్రిక్తత

    అనంతపురం జిల్లా కదిరిలో మాజీ ఎమ్మెల్యే కందికుంట వెంకట ప్రసాద్ ను పోలీసులు హౌస్ అరెస్ట్ చేశారు. పోలీసులతో ప్రసాద్ అనుచరులు వాగ్వాదానికి దిగారు. అక్కడ ఉద్రిక్తత నెలకొంది. ఆందోళనకారులను అరెస్ట్ చేసిన పోలీసులు అక్కడి నుంచి తరలించారు.

  • నక్కా, ఆలపాటి హౌస్ అరెస్ట్

    గుంటూరులో మాజీ మంత్రులు నక్కా ఆనంద బాబు, ఆలపాటి రాజాను పోలీసులు హౌస్ అరెస్ట్ చేశారు.

  • కర్నూలు జిల్లాలో…

    కర్నూలు జిల్లా ఎమ్మిగనూరు, మంత్రాలయంలో టీడీపీ నేతలను పోలీసులు హౌస్ అరెస్ట్ చేశారు. ఎమ్మిగనూరు టీడీపీ మాజీ ఎమ్మెల్యే బి.వి.జయ నాగేశ్వరరెడ్డి, మంత్రాలయం నియోజకవర్గ ఇంచార్జ్ ప్యాలకుర్తి తిక్కరెడ్డి ని ఇంటి నుంచి బయటకు రాకుండా అడ్డుకున్నారు.

  • కేంద్ర మాజీ మంత్రి కోట్ల హౌస్ అరెస్ట్

    కర్నూలు జిల్లా కోడుమూరు మండలం లద్దగిరి గ్రామంలో.. కేంద్ర మాజీ మంత్రి, టీడీపీ నేత కోట్ల సూర్య ప్రకాష్ రెడ్డిని.. ఆయన సొంత గృహంలో పోలీసులు హౌస్ అరెస్ట్ చేశారు.