Vizag steel plant : వైజాగ్ స్టీల్ ప్లాంట్‌పై జిందాల్ కన్ను..! నాగర్నార్ ప్లాంట్‌నూ దక్కించుకునే యోచనలో జిందాల్ స్టీల్

విశాఖ స్టీల్ ప్లాంట్‌పై జిందాల్ స్టీల్ కన్ను పడింది. విశాఖ పరిశ్రమతో పాటు నాగర్నార్ ప్లాంట్‌నూ దక్కించుకునే యోచనలో ఉంది జిందాల్ స్టీల్ కంపెనీ.

Vizag steel plant : వైజాగ్ స్టీల్ ప్లాంట్‌పై జిందాల్ కన్ను..! నాగర్నార్ ప్లాంట్‌నూ దక్కించుకునే యోచనలో జిందాల్ స్టీల్

Vizag steel plant..Jindal steel: వైజాగ్ స్టీల్ ప్లాంట్‌ అమ్మకంపై నిరసనలు కొనసాగుతునే ఉన్నాయి. కేంద్రం కన్ను విశాఖ ఉక్కు ఫ్యాక్టరీపై పడింది. దాన్ని అమ్మేయాలని కంకణం కట్టుకుంది.దీన్ని కొనటానికి మహామహులు రంగంలోకి దిగుతున్నారు. ఈక్రమంలో విశాఖ స్టీల్ ప్లాంట్‌పై జిందాల్ స్టీల్ కన్ను పడింది. విశాఖ పరిశ్రమను కొనుగోలు చేయటానికి జిందాల్ కంపెనీ ఆసక్తి చూపుతోంది. విశాఖ ఉక్కుతో పాటు నాగర్నార్ ప్లాంట్‌నూ దక్కించుకునే యోచనలో ఉంది జిందాల్ స్టీల్. విశాఖ ఉక్కు పరిశ్రమ కొనటానికి కొనుగోలుకు ఆసక్తిగా ఉన్నామని జిందాల్ ఎండీ తెలిపారు. 7.3 మిలియన్ టన్నుల వార్షిక సామర్థ్యం కలిగిన విశాఖ ఉక్కును దక్కించుకోవటానికి ఆసక్తిగా ఉంది జిందాల్ కంపెనీ.

విశాఖ ఉక్కు పరిశ్రమను అమ్మేందుకు కేంద్ర ప్రభుత్వం సిద్ధమైంది. ఎన్ని నిరసనలు తెలిపినా తగ్గేదే లేదంటోంది. ఎన్ని ఆటంకాలు ఎదురైనా అమ్మకం తథ్యం అంటోంది. కార్మికులు రోడ్డున పడ్డా ఏమాత్రం స్పందించటంలేదు. ఈక్రమంలో విశాఖ ఉక్కు పరిశ్రమను దానిని కొనుగోలు చేసేందుకు జిందాల్ స్టీల్ ఆసక్తి చూపుతోంది. విశాఖ ఉక్కుతోపాటు ఎన్ఎండీసీకి చెందిన నాగర్నార్ స్టీల్ ప్లాంట్ కొనుగోలుపైనా జిందాల్ స్టీల్ అండ్ పవర్ (JSPL) ఆసక్తి కనబరుస్తోంది జిందాల్ స్టీల్ కంపెనీ. నీలాచల్ ఇస్పాత్ నిగమ్‌ను కొనుగోలు చేయటానికి యత్నించి విఫలమైన నవీన్ జిందాల్ నేతృత్వంలోని జిందాల్ స్టీల్స్ ఇప్పుడు విశాఖ ఉక్కు పరిశ్రమతో పాటు నాగర్నార్ స్టీల్ ప్లాంట్ ను కూడా ఎలాగైనా చేజిక్కించుకోవాలన్న పట్టుదలతో ఉన్నట్టుగా తెలుస్తోంది.

రాష్ట్రీయ ఇస్పాత్ నిగమ్ (ఆర్ఐఎన్ఎల్-విశాఖ ఉక్కు), ఎన్ఎండీసీ నాగర్నార్‌లను కొనుగోలు చేయటానికి అన్ని విధాలుగా సిద్ధంగా ఉన్నామని, కానీ అవిమాత్రం ఇంకా అమ్మకానికి రాలేదని జిందాల్ ఎండీ వీఆర్ శర్మ తెలిపారు. ఎన్ఎండీసీ స్టీల్ ప్లాంట్‌కు 3 టన్నులు, ఆర్ఐఎన్ఎల్‌కు 7.3 మిలియన్ టన్నుల వార్షిక సామర్థ్యం ఉంది.కాగా..జిందాల్ స్టీల్స్ దక్కించుకోలేకపోయిన నీలాచల్ ఇస్పాత్ నిగమ్‌కు 1.1 మిలియన్ టన్నుల వార్షిక సామర్థ్యం ఉంది. దీనిని టాటా గ్రూప్ సంస్థ అయిన టాటా స్టీల్ లాంగ్ ప్రొడక్ట్స్ రూ. 12,100 కోట్లకు కొనుగోలు చేసింది.

ఏపీకి గర్వకారణంగా నిలిచి..విశాఖ ఉక్కు ఆంధ్రుల హక్కునినాదంతో దక్కిన విశాఖ ఉక్కు కర్మాగారం చేతులు దాటిపోతుందా? అనే ఆందోళన దాదాపు ఏడాది నుంచి కొనసాగుతోంది ఏపీ ప్రజల్లో. ముఖ్యంగా స్టీల్ ప్లాంట్ కార్మికులు తీవ్ర ఆందోళన వ్యక్తంచేస్తున్నారు. ఆంధ్రుల హక్కుగా దక్కించుకున్న విశాఖ ఉక్కు పరిశ్రమం ఇప్పుడు జిందాల్ స్టీల్స్ చేతిలోకి వెళ్ళిపోబోతుందా; జిందాల్ కి అప్పగించేందుకు తెర వెనక చురుకుగా కసరత్తు సాగుతోందా? అంటే నిజమనే సంకేతాలు వినిపిస్తున్నారు. ప్రైవేట్ నుంచి విశాఖ ఉక్కుని దక్కించుకునే మార్గం లేదా అంటే జరుగుతున్నా పరిణామాలు చూస్తుంటే ఇదే నిజమనిస్తోంది.

నిజానికి విశాఖ ఉక్కు గత ఏడాదిగా రికార్డు స్థాయిలో ఉత్పత్తి చేస్తోంది. కార్మికులు తమ నిరసనను వినూత్నరూపంలో చూపిస్తున్నారు. ఉక్కు దక్కించుకోవటానికి పోరాడుతున్నారు. ఇంత ఆందోళన జరుగుతున్నా దీనిపై ఏమీ తెలియట్లే వ్యవహరిస్తోంది ఏపీ ప్రభుత్వం. తెర వెనుక మాత్రం చేతకానితనంతో ఉక్కును కట్టబెట్టటానికి యత్నాలు చేసిందను ఆరోపణలు వెల్లువెత్తుతున్నాయి. అ యినా ఆ ఆరోపణలపై కూడా స్పందంచటంలేదు. ఖండంటంలేదు.

ఉత్పత్తులను పెంచడం ద్వారా పాలకుల మనసు మార్చాలనుకుంటున్నారు కార్మికులు. అయితే రెండు కేంద్ర బడ్జెట్లు మారినా కూడా విశాఖ ఉక్కుకు ఉపశమనం కలిగించే చల్లని కబురు అయితే రాలేదు. ఈ క్రమంలో విశాఖ ఉక్కుని కొనుగోలు చేసేందుకు బడా కార్పోరేట్ సంస్థలు ఒక్కోటిగా ఆసక్తిని కనబరుస్తున్న క్రమంలో జిందాల్ కాస్త ఎక్కువ ఆసక్తి చూపిస్తోంది. కేవలం ఆసక్తి చూపించటమే కాదు ఎలాగైనా విశాఖ స్టీల్ పరిశ్రమను దక్కించుకోవటానికి యోచిస్తోంది. విశాఖ స్టీల్ ను టాటా స్టీల్స్ కొంటుందేమో అనే ప్రచారం జరిగింది. కానీ ఇప్పుడు మాత్రం జిందాల్ స్టీల్ మాటే వినిపిస్తోంది ఎక్కువగా. జిందాలే విశాఖ ఉక్కుని కైవశం చేసుకుంటుందని కూడా వార్తలు వస్తున్నాయి.