కోడలు కాదండోయ్.. మళ్లీ మామాకే ఓటేశారు..

Share on facebook
Share on twitter
Share on telegram
Share on whatsapp

బుల్లితెరపై రియాలిటీషోలకున్న క్రేజ్ అంతా ఇంతా కాదు. కంటెంట్, దాన్ని ఇంట్రెస్టింగ్‌గా డీల్ చేసే కెపాసిటీ కలిగిన సెలబ్రిటీ ఉంటే ఇక ఆ షో సూపర్ హిట్టే.. అమితాబ్ బచ్చన్, సల్మాన్ ఖాన్ వంటి సూపర్ స్టార్లు బాలీవుడ్‌లో పలు సీజన్లను తమదైన శైలిలో హోస్ట్ చేసి ప్రేక్షకులను ఆకట్టుకున్నారు. తాజాగా మన తెలుగు బుల్లితెరపై కింగ్ నాగార్జున అలాంటి మ్యాజిక్ రిపీట్ చేయనున్నారు.
బిగ్గెస్ట్ రియాలిటీ షో బిగ్‌ బాస్‌ 1, 2, 3…  ఈ మూడు సీజన్లను వరుసగా ఎన్టీఆర్, నాని, నాగార్జున హోస్ట్‌ చేశారు.

ఈసారి వ్యాఖ్యాత స్థానంలో ఓ అందాల భామ ఉంటుందని, ఆమె మరెవరో కాదు కింగ్ కోడలు సమంత అక్కినేని అంటూ కొద్ది రోజులుగా ఓ వార్త తెగ వైరల్ అవుతోంది. కట్ చేస్తే బిగ్ బాస్  తెలుగు నాలుగో సీజన్‌కి హోస్ట్ కోడలు సమంత కాదు.. ఆమె మామ నాగార్జున అనే మాట గట్టిగా వినబడుతోంది. నాగ్ మూడో సీజన్‌ని తన స్టైల్లో నడిపించడంతో రెస్పాన్స్ బాగా వచ్చింది కాబట్టి  మళ్లీ ఆయన్నే కొనసాగించాలని ఫిక్స్ అయ్యారట నిర్వాహకులు. నాగార్జున కూడా మళ్లీ హోస్ట్‌ చేయడానికి ఉత్సాహంగా ఉన్నారని సమాచారం. ఫస్ట్‌ సీజన్‌ ముంబైలో జరిగింది. రెండు, మూడు సీజన్లు హైదరాబాద్‌లో జరిగిన సంగతి తెలిసిందే. జూలైలో సెట్‌ వర్క్‌ స్టార్ట్ చేయనున్నారు. ఆగష్టులో బిగ్ బాస్-4 పట్టాలెక్కే అవకాశముందని తెలుస్తోంది.

Related Posts