మీ ఫోనుల్లో ఆవు పేడతో చేసిన చిప్‌ను వాడండీ రేడియేషన్ రాదు..‘గౌసత్వా కవచ్’ చిప్ ఆవిష్కరించిన కామధేను ఆయోగ్ చీఫ్

Cow dung Mobile phone chip : ‘‘మీ మొబైల్ ఫోనుల్లో ఆవుపేడతో చేసిన చిప్ ను వాడండీ..మీకు రేడిషన్ సమస్యే ఉండదు..రేడియేషన్ మీవద్దకు రాకుండా ఆవుపేడతో చేసిన చిప్ మిమ్మల్ని కాపాడుతుంది..కాబట్టి మీ ఫోనుల్లో ఆవుపేడతో చేసిన చిప్ ను వాడండీ’’ అంటూ రాష్ట్రీయ కామధేను ఆయోగ్ చీఫ్ వల్లభాయ్ కతిరియా ప్రజలకు సూచించారు.
https://10tv.in/johnson-johnson-covid-19-vaccine-study-paused-due-to-unexplained-illness-in-participant/



అంతేకాదు..ఆవుపేడ తయారు చేసిన చిప్ ను ఆవిష్కరించారు. ఆ చిప్ కు ‘గౌసత్వా కవచ్’అనే పేరుతో ఆవుపేడ చిప్ ను ఆవిష్కరించారు కామధేను ఆయోగ్ ఛైర్మన్ వల్లభాయ్ కతిరియా.

ఆవుపేడ..ఆవు మూత్రం గురించి కొంతమంది ఎన్నో వ్యాఖ్యలు చేసినవిషయం తెలిసిందే. ఆవుపేడను ఒళ్లంతా రాసుకుంటే కరోనా రాదనీ..ఆవు మూత్రం తాగితే కరోనాయే కాదే ఏ వైరస్ రాదని ఇలా చాలా వ్యాఖ్యలే విన్నాం. కానీ వల్లభాయ్ కతిరియా మరో ముందడుగు వేసి ఆవుపేడకు రేడియేషన్ ను ఎదుర్కోవడంతోపాటు దాన్ని తగ్గించే సామర్ధ్యం ఉందని..ఆవుపేడతో తయారైన చిప్ ను మీడియా వేదికగా ప్రదర్శించారు.

ఈ సందర్భంగా కతిరియా మీడియాతో మాట్లాడుతూ..ఆవుపేడతో తయారు చేసిన చిప్ మొబైల్ ఫోనుల్లో వాడితే రేడియేషన్ రాదు..ఆ చిప్ రేడియేషన్ ను నివారిస్తుంది అని చెబుతున్నారు.

మొబైల్ ఫోన్లు ఉపయోగిస్తున్నపుడు మనుషులను ప్రభావితం చేసే రేడియేషన్ ను నివారించడానికి ఈ ఆవుపేడ చిప్ సహాయపడుతుందని తెలిపారు. ఆవు పేడ ప్రతి ఒక్కరినీ రక్షిస్తుంది..దీనికి రేడియేషన్ నిరోధకత ఉందని శాస్త్రీయంగా నిరూపించబడింది. ఆవు పేడ ఉత్పత్తులను ఇంట్లో ఉంచుకోవటం వలన ప్రజలను రేడియేషన్ నుంచి రక్షిస్తుందని కతిరియా వివరించారు.

ఫోన్లలో ఆవుపేడ ఆధారిత చిప్ ఉంచితే అది వ్యాధుల నుంచి రక్షణ కల్పిస్తుందన్నారు. రేడియేషన్ వల్ల వచ్చే వ్యాధులను నివారించాలనుకుంటే..ఆవు పేడతో చేసిన చిప్‌ను ఫోన్‌లలో వాడాలని కతిరియా ప్రజలకు సూచించారు.