కరోనా.. చిన్నపాటి దగ్గు తుంపర్లు 6 మీటర్లు ప్రయాణిస్తాయి
Smaller cough droplets may travel over 6 metres : ప్రపంచవ్యాప్తంగా కరోనా వైరస్ వేగంగా వ్యాపిస్తోంది. కరోనా వ్యాప్తికి గాలి వేగం, తేమ స్థాయిలు, పరిసర గాలి ఉష్ణోగ్రత వంటి పర్యావరణ పరిస్థితులపై ఆధారపడి ఉంటాయి. చిన్నపాటి దగ్గు తుంపర్ల ద్వారా కూడా కరోనా వేగంగా వ్యాపిస్తుందని కొత్త అధ్యయనంలో తేలింది.
గాలి ద్వారా తేలికగా వెళ్లే కొన్ని చిన్న నోటి తుంపర్లు 6.6 మీటర్ల వరకు ప్రయాణిస్తాయని పరిశోధకులు వెల్లడించారు. పొడి గాలి పరిస్థితులలో కూడా తుంపర్లు వ్యాపించగలవని కనుగొన్నారు. COVID -19 మహమ్మారి పరిసరాలలోని గాలిలో తుంపర్ల ప్రసారంపై పరిశోధకులు అధ్యయనం చేశారు.
https://10tv.in/recipe-to-ward-off-seasonal-diseases/
గాలి ద్వారా తుంపర్ల వ్యాప్తిపై సింగపూర్లోని A-STAR ఇన్స్టిట్యూట్ ఆఫ్ హై పెర్ఫార్మెన్స్ కంప్యూటింగ్ శాస్త్రవేత్తలు అధ్యయనం చేశారు. ఈ అధ్యయనాన్ని ఫిజిక్స్ ఆఫ్ ఫ్లూయిడ్స్ జర్నల్లో ప్రచురించారు.
ఈ పరిశోధనలో సెకనుకు 2 మీటర్ల వేగంతో 100 మైక్రోమీటర్ల దగ్గు తుంపర్లు 6.6 మీటర్ల వరకు ప్రయాణించగలవని నిర్ధారించారు. నోటి బిందువుల బాష్పీభవనం కారణంగా పొడి గాలి పరిస్థితులలో కూడా వైరస్ ప్రయాణించవచ్చని కనుగొన్నారు.
మాస్క్ ధరించడంతో పాటు, భౌతిక దూరాన్ని తప్పక పాటించడం సమర్థవంతంగా వ్యాప్తిని నివారించగలదని సూచించారు. కనీసం ఒక మీటర్ దూరంలో ఉన్న వ్యక్తిపై దగ్గు తుంపర్ల ప్రభావం తగ్గుతుందని అధ్యయన రచయిత Fong Yew Leong చెప్పారు.
ఒక సాధారణ దగ్గుతో వేలాది తుంపర్లు బయటకు చేస్తుంది. గురుత్వాకర్షణ కారణంగా భూమిపై పెద్ద బిందువులు త్వరగా స్థిరపడ్డాయని శాస్త్రవేత్తలు కనుగొన్నారు. కానీ, గాలి లేకుండా కూడా దగ్గు తుంపర్ల ద్వారా ఒక మీటర్ వరకు ప్రయాణించవచ్చునని అంచనా వేయవచ్చు. మధ్య స్థాయి తుంపర్లు చిన్న బిందువులుగా ఆవిరైపోతాయి.
ఇవి తేలికైనవి కూడా.. అందుకే గాలి ద్వారా తేలికగా మరింత దూరం ప్రయాణించాయి. ఏరోసోల్స్గా మారే బాష్పీభవన బిందువులు ఊపిరితిత్తులలోకి లోతుగా పీల్చుకునే అవకాశం ఉందన్నారు. దీని కారణంగా పెద్ద బాష్పీభవన బిందువుల కన్నా.. శ్వాసకోశంలో ఇన్ఫెక్షన్ తక్కువగా ఉంటుందని తేల్చారు.