భారత ఆర్థిక వ్యవస్థ ఊహించిన దానికంటే వేగంగా కోలుకోవచ్చు!

  • Published By: sreehari ,Published On : November 15, 2020 / 08:17 PM IST
భారత ఆర్థిక వ్యవస్థ ఊహించిన దానికంటే వేగంగా కోలుకోవచ్చు!

Indian economy may be recovering faster : భారత ఆర్థిక వ్యవస్థ ఊహించినదానికంటే వేగంగా కోలుకోవచ్చునని ప్రపంచ ఫోర్ క్యాస్టింగ్ సంస్థ ఆక్స్ ఫర్డ్ ఎకనామిక్స్ అంచనా వేస్తోంది.



భారత రిజర్వ్ బ్యాంకు కూడా తమ విధాన రేట్ల పరిమితిని సడలించే అవకాశం ఉంది. ప్రస్తుత ఆర్థిక సంవత్సరంలో నాల్గో త్రైమాసికంలో ద్రవ్యోల్బణం సగటున 6 శాతానికి పైనే ఉందని భావిస్తున్నట్టు ఆక్స్ ఫర్డ్ పేర్కొంది.




వచ్చే డిసెంబర్ నెలలో జరుగబోయే ద్రవ్య విధాన సమీక్షా సమావేశంలో ఆర్బీఐ విధాన రేట్లను తీసుకొచ్చే అవకాశం ఉంది. వినియోగదారుల ద్రవ్యోల్బణం అక్టోబర్‌లో వైరస్ నుంచి ఉపశమనంతో కాస్తా గరిష్ట స్థాయికి చేరుకుంది.



ఇంధనం మినహా దాదాపు ప్రతి కేటగిరీలో ధరల పెరుగుదలను ఎదుర్కొంటోంది. క్యూ4 ద్రవ్యోల్బణానికి గరిష్ట స్థాయిని సూచించే అవకాశం ఉంది.

ఖరీదైన కూరగాయలు, గుడ్లు రిటైల్ ద్రవ్యోల్బణాన్ని అక్టోబర్లో దాదాపు ఆరున్నర సంవత్సరాల గరిష్ట స్థాయి 7.61 శాతానికి పెంచింది. ఇది రిజర్వ్ బ్యాంక్ కంఫర్ట్ జోన్ కంటే గణనీయంగా ఉంది. రిటైల్ ద్రవ్యోల్బణం 2020 సెప్టెంబర్‌లో 7.27 శాతంగా ఉంది.



అందువల్ల, ఆర్బిఐ సడలింపు చక్రం ముగిసే అవకాశం ఉందని భావిస్తున్నట్టు ఆక్స్ ఫర్డ్ ఎకనామిక్స్ తెలిపింది.

మూడీస్ ఇన్వెస్టర్స్ సర్వీస్ 2020 క్యాలెండర్ సంవత్సరంలో భారతదేశానికి (-) 8.9 శాతం జీడీపీ అంచనాను సవరించింది.