లేటెస్ట్తెలంగాణఆంధ్రప్రదేశ్క్రైమ్జాతీయంఅంతర్జాతీయంసినిమా & OTTలైఫ్ స్టైల్టెక్నాలజీ
LIVE TV
LIVE TV
× లేటెస్ట్తెలంగాణఆంధ్రప్రదేశ్క్రైమ్జాతీయంఅంతర్జాతీయంసినిమా & OTTలైఫ్ స్టైల్టెక్నాలజీ

Latest

రోజుకు 9 హత్యలు, 4 అత్యాచారాలు..అక్కడంతా భయం భయం

Published

on

Bihar Crime 2406 murders, 1106 rapes reported in 9 months : బీహార్ లో రోజు రోజుకు పెరిగిపోతున్న నేరాలతో ప్రజలు తీవ్ర భయాందోళనలకు గురవుతున్నారు. రాష్ట్రంలో నేరాల గురించి నేర రికార్డుల బ్యూరో (ఎస్ సీఆర్ బీ) డేటాను విడుదల చేసింది. ఈ డేలా వివరాల ప్రకారం బీహార్ లో ప్రతీ రోజూ సగటున 9 హత్యలు జరుగుతుంటే.. నలుగురు మహిళలపై అత్యాచారాలు జరుగుతున్నాయని వెల్లడైంది.

2020 జనవరి నుంచి గత సెప్టెంబర్ వరకు అంటే తొమ్మిది నెలల్లో జరిగిన నేరాల సంఖ్య వింటుంటే వెన్నులోంచి వణుకుపుట్టుకొస్తోంది. ఈ తొమ్మిది నెలల కాలంలో 2వేల 406 హత్యలు జరగ్గా.. 1,106 అత్యాచార ఘటనలు నమోదయ్యాయి. బీహార్ రాజధాని పాట్నా..నేరాలకూ అడ్డాగా మారిపోయింది.

రాష్ట్రవ్యాప్తంగా చూసుకుంటే పాట్నాలోనే నేరాల సంఖ్య ఎక్కువగా ఉందని తేలింది. 159 హత్యలతో పాట్నా నగరం రాష్ట్రంలోనే ప్రథమ స్థానంలో ఉంది. పాట్నా తరువాత గయ 138 హత్యలు, ముజఫర్ పూర్ 134 హత్యలతో రెండు, మూడు స్థానాల్లో ఉన్నాయని గణాంకాలు తెలిపాయి. హత్యలకు ప్రధాన కారణం భూ వివాదాలు, వ్యక్తిగత కక్షలేనని పోలీసులు చెబుతున్నారు.

నేరాలు పెరుగుతుండడంపై బీహార్ ప్రతిపక్షాలు అధికార పక్షాన్ని దుమ్మెత్తిపోస్తున్నాయి. తీవ్ర విమర్శలు చేస్తున్నాయి. దీంట్లో భాగంగా ప్రతిపక్ష నేత తేజస్వి యాదవ్.. సీఎం నితీశ్ కుమార్ ప్రభుత్వంపై విమర్శలు సంధించారు. వందల కొద్దీ హత్యలు, అత్యాచారాలు, కిడ్నాప్ లు, దోపిడీలు..ఇన్నేళ్ల మీ పాలనలో ఇదే మీరు సాధించింది. నేరాలు పెరగడంపై బాధ్యత వహిస్తూ హోం మంత్రి పదవికి రాజీనామా చేయాలి’’ అని ఆయన డిమాండ్ చేస్తూ ట్వీట్ చేశారు.

కాగా..రాష్ట్రంలో పెరుగుతున్న నేరాల గురించి సీఎం నితీశ్ కుమార్ కూడా ఆందోళన వ్యక్తం చేశారు. మరోసారి అధికారంలోకి వచ్చి ప్రభుత్వ పగ్గాలు అందుకున్న వెంటనే.. పోలీసు ఉన్నతాధికారులతో సమావేశమై..నేరాలను అదుపు చేసేందుకు అవసరమైన అన్ని చర్యలు తీసుకోవాలని పోలీసు డిపార్ట్ మెంట్ కు పలు సూచనలు చేశారు.