మీ క్రెడిట్ స్కోరు తక్కువగా ఉందా? అయినా Loans పొందొచ్చు.. ఈ 6 మార్గాల్లో ప్రయత్నించండి!

మీ క్రెడిట్ స్కోరు చాలా తక్కువగా ఉందా? లోన్ అప్లయ్ చేస్తే వస్తుందా? లేదా అని వర్రీ అవుతున్నారా? ఇక ఆందోళన అక్కర్లేదు.. క్రెడిట్ స్కోరు తక్కువగా ఉన్నా కూడా మీకు లోన్లు ఈజీగా వచ్చే అవకాశం ఉంది. క్రెడిట్ స్కోరు తక్కువగా ఉన్న కస్టమర్లకు లోన్లు ఇచ్చేందుకు ఫైనాన్స్ సంస్థలు, బ్యాంకులు కూడా ముందుకు వస్తున్నాయి.ముందుగా మీరు ఎలాంటి లోన్ తీసుకోవాలనుకుంటున్నారో నిర్ణయించుకోండి. అప్పుడు లోన్ కోసం ప్రయత్నించండి..

మీ క్రెడిట్ స్కోరుతో సంబంధం లేకుండా మీ పరిమితిని బట్టి లోన్ పొందే అవకాశాలు ఉన్నాయి. ముందుగా మీరు లోన్లు అందించే సంస్థలకు మీపై నమ్మకం కలగాలి. మీ క్రెడిట్ హిస్టరీ ఎలా ఉందో పరిశీలించే అవకాశం ఉంది. దీని బట్టి కూడా మీకు ఎంతవరకు లోన్ ఇవ్వాలో నిర్ణయిస్తాయి. సాధారణంగా క్రెడిట్ స్కోరు 750 లేదా అంతకంటే ఎక్కువగా స్కోరు ఉంటే లోన్ తీసుకునేందుకు అవకాశం ఉంటుంది.

ఇదే స్కోరు మీకు లోన్ తొందరగా ఇవ్వడానికి సాయపడుతుంది. వాస్తవానికి మంచి క్రెడిట్ స్కోరు పొందడం అందరికి సాధ్యం కాదు.. ఎందుకంటే ఇందులో క్రమశిక్షణ, నగదు నిర్వహణ నైపుణ్యాలతో పాటు ఇదివరకే తీసుకున్న రుణాలను సకాలంలో తిరిగి చెల్లిస్తూ ఉండాలి. అంతేకాదు.. ఎక్కువ క్రెడిట్ స్కోరు ఉంటే ఎలా అయితే లోన్లు పొందుతారో.. క్రెడిట్ హిస్టరీ బాగోలేకపోయినా సరే రుణాలు పొందవచ్చు..

భవిష్యత్తులో ఏమైనా లోన్లు తీసుకోవాలి భావిస్తే.. ఇప్పటి నుంచే క్రెడిట్ నిబంధనలను పాటించండి.. క్రెడిట్ స్కోరు మెరుగుపర్చడానికి ప్రయత్నించండి. రుణం తీసుకోవడం మినహా మీకు వేరే మార్గం లేని అత్యవసర పరిస్థితుల్లో మాత్రమే ఈ కింది ఎంపికలను ఎంచుకోండి.. పూర్ క్రెడిట్ స్కోరుతో ఉన్నా లోన్ పొందడానికి ఇక్కడ 6 మార్గాలు ఉన్నాయి. ఇలా ఓసారి ప్రయత్నించండి చూడండి..

1. రుణాల కోసం ఇలా ప్రయత్నించి చూశారా? :
అత్యవసరానికి లోన్ కోసం ప్రయత్నిస్తున్నారా? లోన్ దొరకడం లేదని ఆందోళనగా ఉన్నారా? మీ ప్రయత్నాలను ప్రారంభించండి.. లోన్ అప్లికేషన్‌లను అంచనా వేసే క్రెడిట్ స్కోర్‌లలోని కట్‌-ఆఫ్‌ల సాయంతో ప్రయత్నించొచ్చు. కొంతమంది రుణదాతలు రుణ దరఖాస్తులను ఆమోదించేటప్పుడు క్రెడిట్ స్కోర్‌లలో అధిక కట్‌-ఆఫ్‌ను సెట్ చేస్తారు. మరికొందరు తక్కువ క్రెడిట్ స్కోరు ఉన్నవారికి అధిక వడ్డీ రేటుతో రుణాలు ఆమోదిస్తారు.

Paisa Bazar.com చీఫ్ ప్రొడక్ట్ ఆఫీసర్ రాధికా బినాని ప్రకారం.. ‘తక్కువ క్రెడిట్ స్కోర్లు ఉన్న రుణ దరఖాస్తుదారులు తక్కువ క్రెడిట్ స్కోర్లు ఉన్నవారికి రుణాలు ఇచ్చే రుణదాతల కోసం ప్రయత్నిస్తూనే ఉండాలి. దీనికి ఉత్తమ మార్గం ఆన్‌లైన్ ఫైనాన్షియల్ మార్కెట్లను విజిట్ చేయడం.. వినియోగదారుల క్రెడిట్ స్కోరు, నెలవారీ ఆదాయం, ఉద్యోగ ప్రొఫైల్, స్థానం మొదలైన వాటి ఆధారంగా వివిధ రుణదాతల నుండి లోన్లు ఆఫర్లు అందుబాటులో ఉంటాయి.

2. మీకు లోన్ ఇచ్చేవారితో కలిసి చర్చించండి..
గతంలో ఆర్థిక ఇబ్బందుల కారణంగా మీ బ్యాడ్ సిబిల్ / క్రెడిట్ స్కోరు పడిపోయిన విషయాన్ని నిర్భయంగా తెలియజేయండి. అలాంటి సందర్భంలో మీరు మీ బ్యాంకర్‌తో నేరుగా చర్చించవచ్చు. క్రెడిట్ స్కోరు తక్కువగా ఉన్నా కూడా మంచి క్రెడిట్ నిబంధనలను పొందటానికి మిమ్మల్ని అనుమతిస్తుంది. జీతం పెంపు లేదా మరింత సురక్షితమైన ఉద్యోగం వంటి మీ ఆర్థిక స్థితిలో ఏమైనా మెరుగుదల ఉన్నా కూడా సాయపడుతుంది. ఈ ఆధారాలను చూపించవచ్చు. మీ లోన్ అప్లికేషన్ ఆమోదించే అవకాశాలను మరింత పెంచుతుంది.

3. సురక్షితమైన లోన్లను మాత్రమే ఎంచుకోండి.
వ్యక్తిగత రుణాల జోలికి పోవద్దు.. క్రెడిట్ కార్డ్ లోన్ లేదా తక్కువ స్కోర్‌ల కారణంగా అధిక వడ్డీ రేట్లు వసూలు చేసే సురక్షిత రుణాలను ఎంచుకోవచ్చు. తక్కువ రుణాలను పరిమితంగా పొందే లోన్లతో తక్కువ క్రెడిట్ ప్రమాదం ఉంది. అటువంటి సురక్షితమైన రుణాల కోసం అప్లయ్ చేస్తే.. వారు క్రెడిట్ స్కోర్‌కు తక్కువ ప్రాముఖ్యత ఇస్తారు. అత్యవసర పరిస్థితుల్లో మీకు అత్యవసరంగా డబ్బు అవసరమైనప్పుడు మాత్రమే దీన్ని ఎంచుకోండి. రుణగ్రహీతకు రుణాలు ఇచ్చే డబ్బు తిరిగి చెల్లించటానికి ఈ ఆస్తులలో ఒకదాన్ని గ్యారెంటీగా ఉంచితే ఇవి సురక్షితమైన రుణాలుగా పిలుస్తారు.

4. జాయింట్ లోన్ కోసం అప్లయ్ చేయండి లేదా హామీదారుని చేర్చండి.
తక్కువ క్రెడిట్ స్కోరు ఉన్నప్పటికీ రుణం పొందే మరో మార్గం ఉమ్మడి రుణం ఎంచుకోవడమే. మంచి క్రెడిట్ స్కోర్‌తో ఒకరితో (జీవిత భాగస్వామి లేదా కుటుంబ సభ్యుడు) సహకరించడం ద్వారా రుణం కోసం దరఖాస్తు చేసుకోవచ్చు.

ఆ సభ్యుడు తక్కువ క్రెడిట్ స్కోరు ఉన్న రుణగ్రహీతతో సహ-దరఖాస్తుదారుగా వ్యవహరిస్తున్నందున రుణాలు ఆమోదించే అవకాశాన్ని పెంచుతుంది. మీకు తక్కువ క్రెడిట్ స్కోరు ఉంటే.. మీ రుణ అర్హతను మెరుగుపరచడానికి సహ-దరఖాస్తుదారు / హామీదారునితో సహా పరిగణిస్తారు. అధిక క్రెడిట్ స్కోరు, మెరుగైన క్రెడిట్ ప్రొఫైల్‌లతో సహ-దరఖాస్తుదారు / హామీదారుని పొందడం వలన రుణదాతకు క్రెడిట్ రిస్క్ తగ్గుతుంది. ప్రాధమిక రుణాన్ని పొందే వ్యక్తి డిఫాల్ట్ అయినప్పుడు రుణ తిరిగి చెల్లించడానికి దరఖాస్తుదారు/ హామీదారు కూడా బాధ్యత వహిస్తాడని మరవద్దు..

5. NBFC లేదా P2P నుంచి రుణం తీసుకోండి :
బ్యాంకులు కఠినమైన క్రెడిట్ రిపోర్ట్ పరీక్షలను నిర్వహిస్తాయి. కొన్నిసార్లు కఠినమైన ఎంక్వైరీలకు కూడా దారితీస్తుంది. ఇది మీ క్రెడిట్ స్కోర్‌ను తగ్గించవచ్చు. అందువల్ల, మీరు బ్యాంకుల కంటే బ్యాంకింగ్ కాని ఆర్థిక సంస్థలను (NBFC) సంప్రదించవచ్చు. ఎందుకంటే పూర్వం తక్కువ క్రెడిట్ స్కోర్‌లు లేని వ్యక్తుల పట్ల మరింత రిలాక్స్డ్ విధానాలను కలిగి ఉంటుంది. కానీ, ఇక్కడ ఈ సంస్థలు బ్యాంకులతో పోలిస్తే చాలా ఎక్కువ వడ్డీ రేట్లు వసూలు చేస్తాయి.

(మీరు బ్యాంకుకు రుణం లేదా క్రెడిట్ కార్డ్ అప్లికేషన్ సమర్పించే ఎంక్వైరీలో మీ క్రెడిట్ విలువను అంచనా వేయడానికి బ్యాంక్ క్రెడిట్ బ్యూరో నుండి మీ క్రెడిట్ నివేదికను పొందుతుంది. ఈ విచారణలు మీ క్రెడిట్ స్కోర్‌ను కొన్ని పాయింట్ల వరకు తగ్గించగలవు. మీకు తక్కువ లేదా తక్కువ క్రెడిట్ స్కోరు లేకపోతే రుణం పొందటానికి సులభమైన, వేగవంతమైన మార్గం పీర్ టు పీర్ (P2P)లెండర్ ప్లాట్ ఫాంల్లో ప్రయత్నించాలి. పేపర్ లెస్ లోన్లు రుణ కాల పరిమితి పరంగా ఈ ప్లాట్‌ఫాంలు NBFCలతో పోలిస్తే వడ్డీ రేట్లను కూడా అందిస్తాయి.

6. ముందుగా చిన్నమొత్తంలో లోన్లు తీసుకోండి :
మీకు మంచి క్రెడిట్ స్కోరు లేకపోతే.. మీరు వ్యక్తిగత లోన్ వంటి చిన్న లోన్ల కోసం ప్రయత్నించవచ్చు. మంచి క్రెడిట్ స్కోరును మెరుగుపర్చుకోవడానికి ప్రతినెలా కట్టే ఈఎంఐలను గడువు తేదీలోపే చెల్లించండి.. క్రమం తప్పకుండా ఈఎంఐలను చెల్లిస్తూ ఉండండి.. ఇలా ఒకరి క్రెడిట్ విలువను పెంచుకోవచ్చు. చివరికి బ్యాంకు లేదా మరే ఇతర ఆర్థిక సంస్థలో భారీ లోన్లు పొందేందుకు ప్రయత్నించవచ్చు.

గమనించవలసిన అంశాలు:
* క్రెడిట్ కార్డ్ బిల్లులు, యుటిలిటీ బిల్లులు, మరేదైనా లోన్ వంటి మీ అప్పులన్నింటినీ మీరు మొదట క్లియర్ చేయండి..

* ఇంతకు ముందు తీసుకుంటే, మంచి క్రెడిట్ స్కోర్‌ను మెరుగుపర్చడంలో సాయపడుతుంది. రుణ ఆమోదం అవకాశాన్ని మెరుగుపరుస్తుంది.

* ఇప్పటికే ఉన్న గృహ రుణాలు ఉన్నవారు తమకు ఇప్పటికే ఉన్న రుణదాతలతో మరో రుణం అవసరమైతే టాప్-అప్ గృహ రుణాల లభ్యత గురించి ఆరా తీయవచ్చు.