చెప్పిన టైం కంటే ముందే చేశాం.. అప్పుల్లేని కంపెనీగా రిలయన్స్ ఇండస్ట్రీస్ : ముఖేష్ అంబానీ

రిలయన్స్ ఇండస్ట్రీ నికర రుణ రహిత లక్ష్యాన్ని సాధించింది.మార్చి 2021 చివరి నాటికి ఈ హోదాను సాధించాలని లక్ష్యం పెట్టుకోగా.. కాస్త ముందుగానే రుణ రహిత సంస్థగా మారింది. ఈ విషయాన్ని ఛైర్మన్ ముఖేష్ అంబానీ శుక్రవారం ప్రకటించారు. గత 58 రోజుల్లో కంపెనీ రూ .1,68,818 కోట్లు సమీకరించింది. రిలయన్స్ ఇండస్ట్రీస్ ఈ నిధులను సరైన ఇష్యూ మరియు డిజిటల్ చేతిలో పెట్టుబడి ద్వారా సేకరించింది. 

ఈ క్రమంలో ముఖేష్ అంబానీ మాట్లాడుతూ.. “నేను వాటాదారులకు ఇచ్చిన వాగ్దానాన్ని నెరవేర్చాను. 31 మార్చి 2021 నా అసలు షెడ్యూల్‌కు ముందే రిలయన్స్ నికర రుణ రహితంగా చేశాం”అని ముఖేష్ అంబానీ అన్నారు. . మళ్లీ మళ్లీ మా షేర్ హోల్డర్లు, స్టేక్ హోల్డర్ల అంచనాలను మించిపోవడం రిలయెన్స్ డీఎన్ఏలోనే ఉంది. రిలయెన్స్ అప్పులు లేని కంపెనీగా మారడం గర్వించదగ్గ సందర్భం.

రిలయెన్స్ వ్యవస్థాపకులు ధీరూబాయి అంబానీ ఆశయాల సాధన కోసం, భారతదేశం శ్రేయస్సు, సమగ్ర అభివృద్ధికి మా సహకారాన్ని స్థిరంగా పెంచేందుకు రిలయెన్స్ స్వర్ణ దశాబ్దంలో మరింత ప్రతిష్టాత్మక లక్ష్యాలను నిర్దేశించడంతో పాటు వాటిని సాధిస్తామని భరోసా ఇస్తున్నాం.

జియో ప్లాట్‌ఫామ్స్‌లో 24.7 శాతం వాటాలను ప్రపంచంలోని దిగ్గజ సంస్థలకు అమ్మడం ద్వారా రిలయెన్స్ ఇండస్ట్రీస్ లిమిడెట్-RIL రూ.115,693.95 కోట్లు సేకరించింది. 9 వారాల్లో 11 డీల్స్ కుదుర్చుకుంది రిలయెన్స్. మరోవైపు రైట్స్ ఇష్యూ 1.59 సార్లు ఎక్కువగా సబ్‌స్క్రైబ్ కావడం మరో విశేషం.

Read: బాదుడే బాదుడు : వరుసగా 13వ రోజు పెట్రో ధరల పెంపు