Categories
71706 71715

బిగ్గరగా మాట్లాడినా కరోనా వైరస్ వేగంగా వ్యాపిస్తుంది, సైంటిస్టుల వార్నింగ్

యావత్ ప్రపంచాన్ని వణికిస్తున్న మహమ్మారి కరోనా వైరస్. ఇప్పటికే లక్షల మందిని పొట్టన పెట్టుకుంది. ఇంకా

యావత్ ప్రపంచాన్ని వణికిస్తున్న మహమ్మారి కరోనా వైరస్. ఇప్పటికే లక్షల మందిని పొట్టన పెట్టుకుంది. ఇంకా ఎంతమంది ప్రాణాలు పోతాయో తెలీదు. కరోనా వైరస్ తీరు తెలుసుకోవడానికి విస్తృతంగా పరిశోధనలు జరుగుతున్నాయి. చాలా నిశితంగా దాన్ని స్టడీ చేస్తున్నారు. ఈ స్టడీలో రోజుకో షాకింగ్ విషయాలు వెలుగులోకి వస్తున్నాయి. కరోనా గురించి భయంకరమైన నిజాలు బయటపడుతున్నాయి.

బిగ్గరగా మాట్లాడటం ద్వారా కరోనా వ్యాప్తి:
కరోనా వైరస్ అనేక మార్గాల్లో వ్యాపిస్తుందనే విషయం అందరికి తెలుసు. కరోనా వైరస్ ఏయే మార్గాల్లో వ్యాపిస్తుంది అనేదానిపై ఎన్నో అధ్యయనాలు వెల్లడించాయి. దగ్గు, తుమ్మడం ద్వారా వచ్చే నీటి బిందువుల ద్వారా కరోనా వైరస్ వ్యాప్తి చెందుతుందని తెలుసు. అలాగే శ్వాసతో కూడా. తాజాగా బిగ్గరగా మాట్లాడటం ద్వారా కూడా కరోనా వైరస్ వేగంగా వ్యాప్తి చెందగల సామర్థ్యం ఉందని పరిశోధకుల అధ్యయనంలో తేలింది. మాట్లాడే సమయంలో ఏర్పడే సూక్ష్మ నీటి బిందువుల ద్వారా గాల్లోకి కరోనా వైరస్ వ్యాప్తి చెంది దాదాపు 10 నిమిషాల కంటే ఎక్కువ సేపు ఉంటుందని స్టడీ వెల్లడించింది. దగ్గరగా ఉన్న వ్యక్తుల నుంచి మాట్లాడటం ద్వారా కూడా కొవిడ్-19 వేగంగా వ్యాప్తి చెందుతుందని journal of National Academy of Sciences పరిశోధకులు చెబుతున్నారు. 

బిగ్గరగా మాట్లాడినప్పుడు నోటి నుంచి వెయ్యికిపైగా నీటి బిందువులు విడుదల:
బిగ్గరగా మాట్లాడటం ద్వారా చిన్న చిన్న శ్వాసకోశ బిందువులు నోటి నుంచి విడుదల అవుతాయి. అవి గాల్లో 8 నిమిషాల వరకు ఉంటాయి. ఆ నీటి బిందువులే కరోనా వ్యాప్తికి కారణం అవుతున్నాయని పరిశోధకులు చెబుతున్నారు. పెన్సిల్వేనియా విశ్వవిద్యాలయం, నేషనల్ ఇన్ స్టిట్యూట్ ఆఫ్ డయాబెటిస్ శాస్త్రవేత్తలు ఈ పరిశోధన చేశారు. నర్సింగ్‌ హోమ్‌లు, సమావేశాలు, ఇళ్లు మొదలైన వాటిలో కరోనావైరస్ ఇన్‌ఫెక్షన్లు వ్యాప్తి చెందడానికి గల కారణాన్ని వివరించడం దీని ముఖ్య ఉద్దేశ్యం. ఇందుకోసం వారు ఓ లేజర్ లైట్ వాడారు. ఒక వ్యక్తి మాట్లాడే సమయంలో నోటి నుంచి ఎన్ని తుంపర్లు విడుదల అవుతాయో లెక్క కట్టారు. బిగ్గరగా మాట్లాడినప్పుడు నోటి నుంచి సెకనుకి 1,000 కంటే ఎక్కువ నీటి తుంపర్లు విడుదల అవుతాయని గుర్తించారు.

గాలిలో 8 నిమిషాలు పాటు సజీవంగా నోటి తుంపర్లు:
లాలాజలంలో ఉండే కరోనావైరస్ పరిగణనలోకి తీసుకున్న శాస్త్రవేత్తలు.. ప్రతి నిమిషం బిగ్గరగా మాట్లాడటం వలన దగ్గరగా ఉన్న ప్రదేశంలో ఎనిమిది నిమిషాలు లేదా అంతకంటే ఎక్కువ కాలం గాలిలో ఉండిపోయే సామర్థ్యం  ఉందని గుర్తించారు. దక్షిణ కొరియాలోని కాల్ సెంటర్, రద్దీగా ఉండే చైనీస్ రెస్టారెంట్‌లో అధ్యయనాలు జరిపిన తరువాత, కరోనా వైరస్ నోటి నుంచి వచ్చే నీటి బిందువుల ద్వారా వ్యాప్తి చెందుతుందనే అనుమానం కలిగింది. మొత్తంగా బిగ్గరగా మాట్లాడటం వల్ల ఎక్కువ బిందువులను ఉత్పత్తి చేస్తుందని అధ్యయనంలో తేలింది. అలాగే గాలిలో ఎక్కువసేపు ఉండగల సామర్ధ్యం కలిగిన చిన్న బిందువులు విడుదల అవుతాయని తెలిసింది. ఒక నిమిషం పాటు బిగ్గరగా మాట్లాడినా సుమారు వెయ్యి నీటి బిందువులు విడుదల అవుతాయి. అవే కరోనా వ్యాప్తికి కారణం అవుతాయని అధ్యయనంలో తేలింది. ఆ బిందువలు పదుల నిమిషాలు లేదా అంతకంటే ఎక్కువసేపు గాల్లోనే ఉండిపోతాయని, పరిమిత ప్రదేశాలలో వైరస్ వ్యాప్తి చేయగల సామర్థ్యాన్ని కలిగి ఉంటాయని అని పరిశోధకులు తేల్చారు. అదే సమయంలో తక్కువ బిగ్గరగా మాట్లాడటం ద్వారా తక్కువ నీటి తుంపర్లను ఉత్పత్తి చేస్తుందని, ఇది కొంతవరకు ప్రమాదం తగ్గినట్టే అని అదే బృందం తేల్చింది. 

మాట్లాడే సమయంలో మాస్క్ మస్ట్:
మొత్తంగా బిగ్గరగా మాట్లాడటం అనేది ప్రమాదకరం అని అధ్యయనంలో తేలింది. ఇది కరోనా వ్యాప్తికి కారణం అవుతోంది అనే విషయం వెలుగుచూసింది. అందుకే ఇక పై బిగ్గరగా మాట్లాడకపోవటమే మంచిదని పరిశోధకలు అంటున్నారు. అంతేకాదు మాట్లాడే సమయంలో కచ్చితంగా ఫేస్ మాస్క్ ధరించడం చాలా ఉత్తమం అని సూచిస్తున్నారు.

Read: మాట్లాడటం ద్వారా కూడా కరోనావైరస్ వేగంగా సోకుతుంది : సైంటిస్టుల హెచ్చరిక

Categories
71706

జపాన్ లో ఆర్థిక మాంద్యం…ఒక్కొక్కరికీ 70వేల నగదు ప్రకటించిన ప్రభుత్వం

ప్రపంచంలోనే 3వ అతిపెద్ద ఆర్థికవ్యవస్థగా ఉన్న జపాన్ మళ్లీ ఆర్థిక మాంద్యంలోకి జారిపోయింది. 2015కి ముందు జపాన్‌లో ఆర్థిక మాంద్యం ఉంది. ఆ సమయంలో కోలుకున్న జపాన్ లో మళ్లీ ఇప్పుడు ఆర్థిక మాంద్యం వచ్చినట్లు సోమవారం(మే-18,2020)షింజో అబే ప్రభుత్వం డేటా విడుదల చేసింది. జపాన్ ప్రభుత్వం విడుదల చేసిన డేటా ప్రకారం…గత క్వార్టర్ తో పోలిస్తే 2020-21 మొదటి క్వార్టర్‌(జనవరి-మార్చి)లో వృద్ధి రేటు  0.9 శాతం తగ్గింది.

అయితే ఎనలిస్ట్(విశ్లేషకులు)లు అంచనా వేసిన 1.2శాతం తగ్గుదల కంటే కొంచెం బెటర్ గానే ఉంది. వరుసగా రెండు క్వార్టర్లో జపాన్ లో వృద్ధి రేటు తగ్గింది. రెండు క్వార్టర్లలో నెగెటివ్ వృద్ధి రేటు వస్తే… దాన్ని ఆర్థిక మాంద్యంగా జపాన్ లెక్కిస్తోంది. పన్నుల పెంపు, తుఫాన్ల దాడి వంటి అంశాలు అందుకు కారణం అయ్యాయి. ఆ తర్వాత కరోనా దెబ్బకు కార్యకలాపాలన్నీ నిలిచిపోయి ఆర్థికవ్యవస్థ అతలాకుతలం అయింది. జపాన్‌లో ఇవి టూరిజం రోజులు. కరోనా పుణ్యమా అని 90 శాతం టూరిజం పడిపోయింది. టోక్యో 2020 ఒలింపిక్స్ వచ్చే ఏడాదికి వాయిదా పడ్డాయి.

తగ్గిన కొనుగోళ్లు..నిలిచిన ప్రొడక్షన్

కరోనా పరిస్థితుల నేపథ్యంలో ఇళ్లలో ఉంటున్న జపాన్ ప్రజలు పెద్దగా ఐటెమ్స్ కొనట్లేదు. దీంతో కంపెనీలకు డబ్బు రావట్లేదు. ఫలితంగా అవి కొత్త వస్తువుల ఉత్పత్తి తగ్గించాయి. ఉద్యోగులకు జీతాలు రావట్లేదు. ఇలా రివర్స్ సైకిల్ నడుస్తోంది. ఇప్పుడు అన్ని దేశాల్లోనూ ఇది ఉంది. జపాన్‌లో ఇది కాస్త ఎక్కువగా కనిపిస్తోంది. జపాన్ GDPలో సగానికి పైగా ఉండే వ్యక్తిగత వినియోగం(Personal consumption)0.7శాతం పడిపోయింది. జపాన్ ఎకానమీకి పిల్లర్లుగా ఉన్న టొయోటా మోటర్ కార్పొరేషన్ వంటి మ్యానుఫ్యాక్చరర్స్ నిరాశాజనకమైన ఆర్థిక ఫలితాలను రిపోర్ట్ చేశాయి. కొన్నికంపెనీలు అయితే ఈ ఆర్థికసంవత్సరానికి అంచనాలను అందించలేకపోయాయి. ప్రజల కొనుగోలు చేయడం తగ్గడంతో కొన్ని ఫ్లాంట్ లలో అయితే ప్రొడక్షన్(ఉత్పత్తి)నిలిపివేశారు. వరల్డ్ వార్-2నుంచి ఇదే దేశంలో అతిపెద్ద సవాల్ అని జపాన్ ఎకానమిస్ట్ లు చెబుతున్నారు.

1ట్రిలియన్ డాలర్ల ప్యాకేజీ..ప్రజల చేతికి నగదు 

కరోనా కారణంగా దెబ్బతిన్న ఆర్థికవ్యవస్థను తిరిగి పట్టాలెక్కించేందుకు జపాన్ ప్రభుత్వం ఇటీవల 76లక్షల కోట్ల(1ట్రిలియన్ డాలర్లు) ఉద్దీపన ప్యాకేజీ ప్రకటించింది. చిన్న వ్యాపారులకు సహాయం చేయడం,జపాన్ ప్రజలకు ఒక్కొక్కరికీ రూ.70వేలు ఇవ్వడం వంటివి ఆ ప్యాకేజీలో భాగంగా ఉన్నాయి. చేతికి వచ్చే డబ్బును ప్రజలు ఖర్చు పెడితే… అప్పుడు ఎకానమీ పరుగులు పెడుతుందని షింజో అబే భావిస్తున్నారు.జపాన్ మున్ముందు మరింత నెగెటివ్ లోకి వెళ్తుందని ఆర్థిక వేత్తలు అంచనా వేస్తున్నారు. కరోనా ఇప్పట్లో తొలగిపోయే అవకాశాలు లేకపోవడంతో… ఈ పరిస్థితి వస్తుందంటున్నారు.  

తగ్గుముఖం పట్టిన కరోనా కేసులు

జపాన్‌లో కరోనా కేసులు క్రమంగా తగ్గుతున్నాయి. జపాన్ లో 16,285 కరోనా కేసులు ఇప్పటివరకు నమోదుకాగా,744మరణాలు నమోదయ్యాయి. ఇక రికవరీ రేటు జపాన్ లో బాగానే ఉంది. దేశంలో 11,153మంది కరోనా నుంచి కోలుకుని హాస్పిటల్ నుంచి డిశ్చార్జ్ అయ్యారు. ప్రస్తుతానికి జపాన్ లో యాక్టివ్ కేసులు 4388 మాత్రమే ఉన్నా… కొత్త కేసుల నమోదు, మరణాలు వస్తూనే ఉన్నాయి. అయితే గత నెలలో ఒక దేశలో కేసుల సంఖ్య రోజుకి 600-800 మధ్య ఉండగా,ప్రస్తుతం రోజూ 100లోపే కొత్త కేసుల నమోదు ఉంది. ముఖ్యంగా అత్యంత రద్దీగా ఉండే రాజధాని టోక్యోలో వైరస్ ప్రభావం ఎక్కువగా కనిపిస్తోంది. టోక్యో, ఒసాకాలో లాక్‌ డౌన్ అమల్లో ఉంది. దేశంలోని మిగతా ప్రాంతాల్లో గత వారం ఎమర్జెన్సీని ఎత్తివేశారు.

Read : మాస్క్ పెట్టుకోకపోతే రూ.12.25లక్షలు జరిమానా..!జైలు కూడా : సర్కార్ స్ట్రాంగ్ వార్నింగ్

Categories
71706

మాస్క్ పెట్టుకోకపోతే రూ.12.25లక్షలు జరిమానా..!జైలు కూడా : సర్కార్ స్ట్రాంగ్ వార్నింగ్

కరాళ నృత్యం చేస్తున్న కరోనా వైరస్ ను కట్టడికి కువైట్ ప్రభుత్వం అత్యంత కీలక నిర్ణయం తీసుకుంది. కరోనా మహమ్మారి వ్యాపించకుండా అడ్డుకునేందుకు కఠిన నిబంధనల్ని అమలు చేస్తోంది. 

దీనికి సంబంధించి ప్రభుత్వం విడుదల చేసే మార్గదర్శకాలను.. పాటించని ప్రజలపై కఠిన చర్యలు తీసుకునేందుకు సిద్ధమైంది. సామాజిక దూరం పాటించడంతోపాటు బహిరంగ ప్రదేశాల్లో ముఖాలకు మాస్కులను ధరించాలని ఖతార్ ఇప్పటికే తప్పనిసరి చేసింది. ఒకవేళ ముఖానికి మాస్కు వేసుకోకుండా బైటకు వస్తే.. జేబులే కాదు బ్యాంక్ ఎకౌంట్లు కూడా ఖాళీ అయిపోయేంత జరిమానా విధించాలని నిర్ణయించింది. 

200,000 రియాల్స్ అంటే భారత కరెన్సీలో సుమారు రూ.42లక్షలు జరిమానాతో పాటు మూడేళ్ల జైలు శిక్షను కూడా విధిస్తామని హెచ్చరించిన విషయం తెలిసిందే. ఇప్పుడు తాజాగా కువైట్‌ కూడా ఖతార్ బాటలోనే నడుస్తూ.. మాస్కులు ధరిచంకుండా బైటకొస్తే..5000 దినార్ల అంటే సుమారు రూ. 12.25లక్షల జరిమానాతో పాటు మూడు సంవత్సరాల జైలు శిక్ష విధించనున్నట్లు కువైట్ ఆరోగ్య మంత్రిత్వ శాఖ ప్రకటించింది. 

కాగా.. కువైట్‌లో ఆదివారం (మే 18.2020)  ఒక్కరోజే 1048 కరోనా కేసులు నమోదయ్యాయి. నిన్న ఒక్కరోజే 250 మంది ఆసుపత్రి నుంచి డిశ్చార్జ్ అవ్వగా.. ఐదుగురు మరణించారు. ఇదిలా ఉంటే.. ఇప్పటి వరకు కువైట్‌లో నమోదైన కరోనా కేసుల సంఖ్య 14,850కి చేరింది. మరణించిన వారి సంఖ్య 112కు చేరింది. దీంతో కరోనాను కట్టడి చేసేందుకు కువైట్ ప్రభుత్వం మరింత కఠిన చర్యల్ని తీసుకుంటోంది.   

Read: ఆమె ప్రపంచ ఛాంపియన్.. ఇప్పుడు కొవిడ్-19 పోరాటంలో వైద్యురాలు!

Categories
71706 71715 71745

ఆమె ప్రపంచ ఛాంపియన్.. ఇప్పుడు కొవిడ్-19 పోరాటంలో వైద్యురాలు!

ఆస్ట్రేలియా క్రీడల్లో Jana Pittman అనే పేరు కొత్తేమి కాదు. ఆ అథ్లెట్.. ప్రపంచ ఛాంపియన్, ఒలింపియన్ కూడా. ఆస్ట్రేలియా తరపున 400 మీటర్లు, 400మీటర్ల hurdles, bobsleigh విభాగాల్లో ఆడి అందరిని మెప్పించింది. 1999లో తొలి విజయాన్ని రుచిచూసింది. ప్రపంచ యూత్ చాంపియన్ షిప్స్‌లో బంగారు పతకాన్ని సాధించింది. కానీ, రాబోయే ఏళ్లలో తన విజయం ఒక సంకేతం మాత్రమేనని తెలియజేసింది. 2000లో జానా ప్రపంచ జూనియర్ చాంపియన్ షిప్‌లో 2 బంగారు పతకాలను గెల్చుకుంది. 2002లో రెండు కామన్ వెల్త్ గేమ్స్ లో బంగారు పతకాలను సాధించి తిరుగులేదని నిరూపించుకుంది. 
Jana Pittman, A World Champion Athlete Who Is Now Working As A Doctor On The Frontlines Vs COVID-19

ఒక ఏడాది తర్వాత ప్రపంచ చాంపియన్ షిప్స్ టాప్ లోకి దూసుకెళ్లింది. 2006లో కామన్ వెల్త్ గేమ్స్ లో డబుల్ గోల్డ్ సాధించి స్వదేశానికి తిరిగి వచ్చింది. 2007లో ప్రపంచ చాంపియన్ షిప్స్ లో మరో బంగారు పతకాన్ని సాధించింది. కానీ, తన జీవితాన్ని స్ఫూర్తిదాయకంగా మార్చేసింది. ప్రపంచమంతా కరోనాతో పోరాడుతున్న తరుణంలో తనవంతు సాయంగా ఇప్పుడు ఆమె ఒక వైద్యురాలు అవతారమెత్తింది. కొవిడ్-19 బాధితులకు అండగా ముందుండి వైద్యసాయం అందిస్తోంది. ఒకవైపు తల్లిగా తన బాధ్యతలు నిర్వర్తిస్తూనే.. గత ఏడాదిలో తాను వైద్యురాలు కావాలనే కలను నేరవేర్చుకుంది. 
Jana Pittman, A World Champion Athlete Who Is Now Working As A Doctor On The Frontlines Vs COVID-19

ఇప్పుడు దేశంతో పాటు తాను కూడా బాధితులకు సాయం అందిస్తూ కరోనా మహమ్మారితో పోరాడుతోంది. ఈ సందర్భంగా ఆమె తన అభిప్రాయాన్ని వ్యక్తం చేస్తూ.. కొవిడ్-19 సమయంలో ముందుండి పోరాటం చేయడం ఎంతో అద్భుతంగా ఉంది. నిజాయితీగా చెబుతున్నా.. నా కల నిజమైంది’ అని ఒక మీడియాకు తెలిపింది. కష్టాల్లో ఉన్నవారికి సాయం చేయడానికి కంటే మరొకటి ఉండదని ఆమె చెప్పారు. 

Read: కశ్మీర్‌ మాతోనే ఉంటుంది : అఫ్రిదిపై ధావన్ ఫైర్ 

Categories
71706 71723

ఆ 2 డ్రగ్స్ కలిపి వాడితే…4 రోజుల్లోనే కోలుకున్న కరోనా పేషెంట్లు

కరోనా పేషెంట్లు కోలుకునేందుకు రెండు విసృతంగా ఉపయోగించే డ్రగ్స్ ను కలిపి (కాంబో) వాడటం ద్వారా ఆశ్చర్యకర ఫలితాలు వచ్చాయని బంగ్లాదేశ్‌లోని ఓ సీనియర్ డాక్టర్ నేతృత్వంలోని మెడికల్ టీమ్ తెలిపింది. దేశంలోని ప్రముఖమైన ఫిజీషియన్స్ కూడా ఉన్న ఈ మెడికల్ టీమ్…తరుచుగా వాడుతుండే వెర్మిక్టిన్(vermectin) అనే యాంటీప్రోటోజోయల్ మందును (టానిక్ లాంటిది)… ఓ సింగిల్ డోస్ తీసుకొని… దానికి Doxycycline(ఓ యాంటీబయాటిక్) కలిపి వాడితే అద్భుతమైన ఫలితాలు కనిపిస్తున్నట్లు తెలిపింది.

 మొత్తం 60 మంది కోవిడ్-19 పేషెంట్లపై ఈ రెండు రకాల మందులను కలిపి వాడటం ద్వారా మొత్తం 60 మందీ కోలుకున్నారని బంగ్లాదేశ్ ప్రైవేట్ మెడికల్ కాలేజ్ హాస్పిటల్ (BMCH)లో మెడికల్ ‌డిపార్ట్‌మెంట్ హెడ్‌గా ఉన్న ప్రొఫెసర్ డాక్టర్ ఎండీ తారెక్ అలం తెలిపారు. తాము ఇచ్చిన మందుల కాంబోతో ఆ 60 మందీ నాలుగు రోజుల్లో కోలుకున్నారని  తెలిపారు. మూడు రోజుల్లోనే కరోనా లక్షణాలు 50 శాతం తగ్గాయన్నారు.

కోలుకున్నవారిలో ఎలాంటి సైడ్ ఎఫెక్ట్స్ లేవని అలం చెప్పారు. ప్రతి పేషెంట్‌కీ ఈ రెండు మందులే ఇచ్చినట్లు తారెక్ తెలిపారు. ఆ పేషెంట్లంతా మొదట్లో శ్వాస సంబంధ సమస్యలతో హాస్పిటల్ కు వచ్చారనీ, వారికి టెస్టులు చేసినప్పుడు కరోనా పాజిటివ్ వచ్చిందని తారెత్ తెలిపారు. ఇప్పుడు వాళ్లంతా కోలుకుని హాస్పిటల్ నుంచి డిశ్చార్జ్ అయినట్లు తెలిపారు. ఈ మందుల కాంబినేషన్‌ ను దేశంలో, ప్రపంచ దేశాల్లో అంతా వాడేలా ఏం చెయ్యాలో త్వరలో ప్రభుత్వ అధికారుల్ని కలిసి మాట్లాడతామని అలం అన్నారు.

దీనిపై ప్రపంచ దేశాలు సైంటిఫిక్ రివ్యూ అడుగుతాయని చెప్పిన ఆయన… అందుకోసం తాము ఓ రిపోర్టును తయారుచేసి… ఓ ఇంటర్నేషనల్ జర్నల్‌లో ప్రచురిస్తామన్నారు. ఇప్పటివరకూ యాంటీ మలేరియా డ్రగ్ హైడ్రాక్సీక్లోరోక్విన్, లోపినవిర్, రిటానవిర్, Mycobacterium, ఎబోలా డ్రగ్ రెమ్ డిసివర్ అనే మందులు కరోనాను తరిమేస్తున్నట్లు ఫలితాలు చెబుతున్నాయి. ఇప్పుడు ఆ లిస్టులో ఈ కాంబో మందులు కూడా చేరే అవకాశముంది. 

కాగా,ప్రస్తుతం బంగ్లాదేశ్ లో 23,870కరోనా కేసులు నమోదవగా,349మంది కోలుకున్నారు. 4,585మంది కోలుకున్నారు. బంగ్లాదేశ్ లో ఏప్రిల్ రెండవ వారం నుంచే కేసుల సంఖ్య భారీగా పెరిగింది. ప్రస్తుతం బంగ్లాదేశ్ లో కేసుల సంఖ్య రోజుకి 1000కి పైగా ఉంటుంది. కానీ రికవరీ రేటు మాత్రం తక్కువగా ఉంది. 

Read:కారు బాంబుతో దద్దరిల్లిన ఆఫ్ఘనిస్థాన్..

Categories
71706

కారు బాంబుతో దద్దరిల్లిన ఆఫ్ఘనిస్థాన్..

నిత్యం బాంబు దాడులతో దద్దరిల్లే ఆఫ్ఘనిస్తాన్ లో మారోసారి పేలుళ్లతో మారుమ్రోగిపోయింది. ఘంజి సిటీలో జ‌రిగిన కారు బాంబు పేలటంతో ఐదుగురు అక్కడిక్కడే మృతి చెందారు. మరో 32మంది తీవ్రంగా గాయపడ్డారు. 

ఆఫ్ఘ‌నిస్తాన్ ఇంటెలిజెన్స్‌ను టార్గెట్ చేస్తూ దాడికి పాల్ప‌డినట్లుగా తెలుస్తోంది. నేష‌న‌ల్ డైర‌క్ట‌రేట్ సెక్యూర్టీ యూనిట్‌ను ఉగ్ర‌వాదులు టార్గెట్ చేసిన‌ట్లు రాజభవన్ ప్రతినిథి వహీదుల్లా జుమాజాడా తెలిపారు.  బాధితులంతా ఇంటెలిజెన్స్ ఉద్యోగులే అని తేలింది.

కేంద్ర హోంశాఖ మంత్రి ఈ దాడిని ద్రువీక‌రించారు. దాడికి బాధ్య‌త వ‌హిస్తూ ఇప్పటి వరకూ ఎటువంటి ప్రకటనా వెలువడలేదని ఎవ‌రూ ప్ర‌క‌ట‌న చేయ‌లేదు. తాలిబ‌న్‌తో శాంతి చ‌ర్చ‌లు జ‌రుగుతున్న క్రమంలో ఇటువంటి దాడి జరగటం విచారించదగిన విషయం. కాగా ఇస్లామిక్ దేశాలైన పాకిస్థాన్, ఆఫ్ఘనిస్థాన్ లు బాంబు పేలుళ్లు సర్వసాధారణంగా మారిపోయాయి. 

Read : ఆ 161 మంది భారతీయులను అమెరికా వెనక్కి పంపేస్తోంది!

Categories
71706 71715 71723

ఆ 161 మంది భారతీయులను అమెరికా వెనక్కి పంపేస్తోంది!

అమెరికాలోకి అక్రమంగా ప్రవేశించిన 161 మంది భారతీయులను అమెరికా వెనక్కి పంపేయనుంది. మెక్సికో బోర్డర్‌ నుంచి అమెరికాలోకి అక్రమంగా వీరంతా ప్రవేశించారు. తప్పుడు మార్గంలో దేశంలోకి ప్రవేశించిన కారణంగా ఇమ్మిగ్రేషన్‌  అధికారులు ఈ 161 మంది భారతీయులను అరెస్ట్‌ చేశారు.  ప్రత్యేకమైన విమానం ద్వారా వీరిని పంజాబ్‌లోని అమృత్‌సర్‌కి పంపించనున్నారు.

అయితే అత్యధికంగా 76 మంది హర్యానా నుంచి వెళ్లారు. పంజాబ్‌ నుంచి 56 మంది, గుజరాత్‌ నుంచి 12 మంది, ఉత్తరప్రదేశ్‌ నుంచి 5 మంది, మహారాష్ట్ర నుంచి నలుగురు, కేరళ, తెలంగాణ, తమిళనాడు నుంచి ఇద్దరు, ఆంధ్రప్రదేశ్‌, గోవా నుంచి ఒక్కొక్కరు వెళ్లారు. వీరిలో ముగ్గురు మహిళలు కూడా ఉన్నారు. హర్యానా నుంచి వెళ్లిన 19ఏళ్ల యువకుడు కూడా ఉన్నట్టు అధికారులు వెల్లడించారు. 

అమెరికా వ్యాప్తంగా దేశంలోకి అక్రమంగా ప్రవేశించిన మొత్తం 1739 మంది భారతీయుల్లో ప్రస్తుతం 95మంది జైళ్లలో మగ్గుతున్నారని నార్త్‌ అమెరికన్‌ పంజాబ్‌ ఆసోసియేషన్‌ ఎగ్జిక్యూటివ్‌ డైరెక్టర్‌ Satnam Singh Chahal తెలిపారు. 2018లో  611 మందిని అమెరికా నుంచి తిప్పి పంపించేసినట్టు చెప్పారు. 2019లో ఈ సంఖ్య రెండున్నర రెట్లు పెరిగి 1616కి  చేరుకుందని తెలిపారు. మధ్యలోని ఏజెంట్లు ఒక్కొక్కరి నుంచి 35 నుంచి 50 లక్షలు తీసుకొని వారిని ఇతర దేశాల్లోకి అక్రమంగా ప్రవేశించేందుకు ప్రోత్సహిస్తారని చహల్‌ తెలిపారు. పంజాబ్‌ ప్రభుత్వం, కేంద్ర ప్రభుత్వం ఇలాంటి అక్రమాలపై చర్యలు తీసుకోవాలని కోరారు. 

Read : ఇకపై విమాన ప్రయాణం ఇలానే ఉండబోతోంది..?

Categories
71706 71723 71744

ఇకపై విమాన ప్రయాణం ఇలానే ఉండబోతోంది..?

విమాన ప్రయాణాల్లో సరికొత్త మార్పులు రాబోతున్నాయా? మునపటిలా విమానాల్లో ప్రయాణించలేమా? అంటే అవుననే సమాధానం వినిపిస్తోంది. కరోనా నేర్పిన పాఠాలతో అన్నింట్లో కొత్త మార్పులు అనివార్యంగా కనిపిస్తున్నాయి. ప్రయాణికుల ఆరోగ్య పరిరక్షణలో భాగంగా విమానాశ్రయాలు, విమానాల్లోనూ వినూత్న విధానాలు అమల్లోకి రానున్నట్టు అంతర్జాతీయ విమానయాన సంస్థలు, నిపుణుల అంచనా వేస్తున్నారు. కరోనా సంక్షోభ సమయంలో అంతర్జాతీయ విమానాల రాకపోకలు ఎప్పుడు పూర్తి స్థాయిలో ప్రారంభమవుతాయో చెప్పలేం. కరోనా వైరస్ వ్యాప్తి కారణంగా విమానాలు, విమానాశ్రయాల్లో జాగ్రత్తలు తప్పనిసరి. సురక్షిత ఆరోగ్యకర ప్రయాణానికి అనుగుణంగా అనేక మార్పులు, చేర్పులు తథ్యమని నిపుణులు అంటున్నారు. భౌతిక దూరానికి అత్యంత ప్రాధాన్యమిస్తూ ప్రయాణికులకు భరోసా కల్పించేలా చేపట్టాల్సిన చర్యలపై విమానయాన సంస్థలు, విమానాశ్రయాలు దృష్టి పెడుతున్నాయి. 

విమాన ప్రయాణాల్లో రక్త పరీక్షలు లేదా ముక్కులోంచి శాంపిల్స్ సేకరించడం తప్పనిసరి చేసే అవకాశం ఉంది. దుబాయ్ రక్త పరీక్షలను ఏప్రిల్ నెలలోనే తప్పనిసరి చేశారు. కేవలం 10 నిమిషాల్లోనే ఫలితం తేల్చేస్తారు. హాంకాంగ్ కూడా కొవిడ్ పరీక్షలను తప్పనిసరి చేసింది. అమెరికా, ఇటలీ వంటి ఎక్కువ ముప్పున్న దేశాల నుంచి వచ్చే వారికి టోక్యోలో కొవిడ్ టెస్టులు చేస్తున్నారు. వ్యక్తిగత ఆరోగ్య పరిరక్షణకు శానిటైజర్ కూడిన కిట్ తప్పనిసరి చేసింది. 

ప్రయాణం మొత్తంగా ముఖాన్ని కప్పిఉంచడం (ఫేస్ కవరింగ్) తప్పనిసరి కానుంది. కెనడాలో మాస్క్‌లు లేకపోతే అనుమతించడం లేదు. సిబ్బందికీ కూడా తప్పనిసరి చేసే అవకాశం ఉంది. ప్రయాణికులను పూర్తిగా శానిటైజ్ చేసేందుకు క్రిమినాశక బూత్‌లు రావొచ్చు. బహిరంగ ప్రాంతాలను అతినీల లోహిత కిరణాలతో శుభ్రంచేసే రోబోలు కూడా సేవలందిస్తాయి. సెల్ఫోన్ లొకేషన్ ఆధారంగా లోపలికి వెళ్లే విధానాన్ని అమలు చేసే అవకాశం ఉంది. ప్రయాణికులకు వారి సమయం వచ్చినప్పుడు ఫోన్ మెసేజ్ పంపుతారు. అప్పడే వారు వెళ్లాల్సి ఉంటుంది.

విమానాశ్రయాల్లో గుర్తింపు కార్డుతో పాటు రోగనిరోధక ధ్రువపత్రం లేదా హెల్త్ సర్టిఫికెట్ చూపించాల్సి ఉంటుంది. ఇప్పటికే థాయిలాండ్‌లో అమలుచేస్తోంది. కొత్తగా ఐఏటీఏ ఇమ్యూనిటీ పాస్‌పోర్టును ప్రతిపాదిస్తోంది. కొన్ని ప్రాంతాల్లో యెల్లో ఫీవర్ కార్డులను ప్రయాణికులు తప్పనిసరిగా చూపించాల్సి ఉంటుంది. తీసుకెళ్లే లగేజీలను విమానాల్లోకి ఎక్కించే ముందు యంత్రాలతో వాటంతట అవే శానిటైజ్ కావడం లేదా అతినీల లోహిత కాంతితో క్రిమినాశకంగా తయారయ్యే విధానం కూడా రానుంది. అప్పుడే లగేజీ ట్యాగింగ్ చేస్తారు. దీన్నే శానిట్యాగింగ్ అని పిలుస్తున్నారు. విమానం దిగిన తర్వాత అదే లగేజీ బెల్ట్‌కు చేరుతుంది.

శరీర ఉష్ణోగ్రతలను తప్పనిసరిగా చూస్తారు. ఇందుకు థర్మల్ స్క్రీనింగ్ పరికరాలు అమరుస్తారు. పోర్టోరికోలో థర్మల్ కెమెరాలు పెట్టారు. శరీర ఉష్ణోగ్రత 100.3 డిగ్రీలు (ఫారన్హీట్) దాటగానే అలారం మోగుతుంది. విమానాల్లో సీట్ల వెనుక ఉండే ప్యాకెట్లను తొలగించి ఖాళీగా ఉంచొచ్చు. ఎంటర్ టైన్మెంట్‌కు సంబంధించి ఇక టచ్ స్ర్కీన్లు ఉండకపోవచ్చు. సొంత వినోద టూల్స్ అనుమతించవచ్చు.

విమానాల లోపల భౌతిక దూరం పాటించేలా కొత్త డిజైన్లు వస్తాయి. సీటుకు సీటుకు దూరం పెట్టనున్నారు. మధ్యలో ఒక సీటును తొలగించడం లేదా వదిలేయడం చేయొచ్చు. ఇటలీలోని ఓ ప్రముఖ విమాన డిజైన్ సంస్థ ఓ సరికొత్త డిజైన్‌ను తెరపైకి తెచ్చింది. మూడు సీట్లుండే వరుసలో మధ్య సీటును వెనక్కు తిప్పేసి (వ్యతిరేక దిశలో) ఏర్పాటు చేయడమే ఈ విధానం. మూడు సీట్లకు మధ్య పారదర్శక డివైడర్లను కూడా అమరుస్తారు. విమానాలను రీ డిజైన్ చేయకుండా సీటుకు సీటుకు మధ్య చుట్టూ ఎత్తైన ప్రొటెక్టివ్ షీల్డ్‌లు అమర్చడాన్ని ఫ్రాన్స్‌కు చెందిన నిపుణులు సూచిస్తున్నారు. 

చాలా విమానయాన సంస్థలు ఆహార సేవలను పూర్తిగా లేదా పాక్షికంగా నిలిపివేసే అవకాశం ఉంది. వేడి వంటకాలకు బదులు ముందుగానే ప్యాక్ చేసి, శీతలీకరించిన భోజనాలను అందించొచ్చు. లోపల కప్పులతో నీళ్లు అందించడానికి బదులు, ప్రయాణికులు సొంతంగా నీళ్ల సీసాలను ముందే తీసుకురావాల్సి ఉంటుంది. విమానం ఎక్కడానికి ముందే ప్రయాణికులు తమ భోజనాలను టచ్ లెస్ వెండింగ్ మెషీన్ల ద్వారా కొనుక్కోవాల్సి ఉంటుంది.

Read Here>> కరోనా ఎఫెక్ట్, మే 31 వరకు మెట్రో బంద్

Categories
71706

మనుషుల్లాగే పిల్లులకు కరోనా..చప్పుడు లేకుండా అంటించేస్తున్నాయి!

మనుషులకు సోకినట్లుగానే పిల్లులకు కూడా కరోనా సోకుతుందని తాజా పరిశోధనల్లో వెల్లడైంది. అలా కరోనా సోకిన పిల్లుల ద్వారా ఈ వైరస్ మరింతగా వ్యాప్తి చెందుతున్నట్లుగా తేలింది. 

చాలా దేశాల్లో పిల్లుల్ని పెంచుకుంటుంటారు. ముద్దు ముద్దుగా పిల్లులను పెంచుకోవటానికి ఇష్టపడతుంటారు. ముఖ్యంగా జపాన్ వంటి దేశాల్లో పిల్లుల్ని పెంచుకోవటం ఎక్కువగా చూస్తుంటాం. పిల్లులంటే వారికి ప్రాణం. ఎంతగా అంటే పిల్లుల పేర్లతో రెస్టారెంట్లు, రైల్వేస్టేషన్లు, దీవులు కూడా ఉన్నాయంటే వారికి పిల్లులంటే ఎంత ఇష్టమో ఊహించుకోవచ్చు. 

దీంతో మనుషులు పెంచుకునే పిల్లులకు కరోనా సోకితే ఏం జరుగుతుంది అనే అంశంపై పరిశోధనలు జరుగుతున్నాయి. ఈ పరిశోధనల్లో షాకింగ్ విషయమేంటంటే..కొన్ని పిల్లులకు కరోనా వైరస్ సోకినట్లుగా గుర్తించారు. కానీ పిలల్లులో కరోనా లక్షణాలు మాత్రం కనిపించట్లేదు. అలా కరోనా వైరస్ సోకిన పిల్లులు…ఇతర పిల్లులకు కరోనా వైరస్‌ను అంటిస్తున్నాయి. అలా ఈ వైరస్ పిల్లుల్లో పాకుతోందని కొత్త పరిశోధనలో తేలింది.

మనుషుల నుంచి జంతువులకు కరోనా సోకుతుందా అనే ప్రశ్న రావటంతో దానిపై కూడా పరిశోధనలు దృష్టి పెట్టారు. కానీ ఇక్కడ గమనించాల్సిన విషయం..న్యూయార్క్‌లోని బ్రాంక్స్ జూలో… నదియా అనే నాలుగేళ్ల పెద్ద పులికి ఏప్రిల్‌లో కరోనా వైరస్ సోకిన విషయం తెలిసిందే. 

జూ సిబ్బందికి కరోనా సోకటం..అదే పులికి సోకిందనే అనుమానాలు ఉన్నాయి. అయితే..అలా కరోనా సోకిన ఆ పులి సంరక్షణ బాధ్యతలు చూసేవారికి మాత్రం కరోనా లక్షణాలు లేవు. కానీ కొన్ని వారాల తర్వాత మరికొన్ని పులులకు, సింహాలకు కరోనా సోకినట్లు తెలింది. దీంతో మనుషుల నుంచి జంతువులకు కరోనా సోకుతుందా అనే ప్రశ్నకు సమాధానాలు వెతకటంతో శాస్త్రవేత్తలు బిజీ బిజీగా ఉన్నారు. ఇక..పిల్లులకు కరోనా సోకే విషయానికి వస్తే… బెల్జియంలో ఓ పిల్లికి కరోనా వచ్చింది. దాని యజమానికి కరోనా ఉంది. అతని నుంచే ఆ పిల్లికి కరోనా సోకిందని తేలింది. 

చైనాలో శాస్త్రవేత్తలు కరోనా సోకిన మూడు పిల్లుల్ని ఓ బోనులో ఉంచారు. సోకని పిల్లుల్ని మరో బోన్లలో ఉంచి… సోకిన పిల్లుల పక్కనే వాటి బోన్లను పెట్టారు. అలా కొన్ని వారాలకు ఆ చుట్టూ ఉన్న బోన్లలో ఉన్న పిల్లులన్నింటికీ కూడా కరోనా సోకింది. ఐతే… మూడు పిల్లుల్లో ఒక దాని వల్లే ఈ వైరస్ మిగతా పిల్లులకు పాకిందని తేలింది.

ఈ క్రమంలో అమెరికా, జపాన్ పరిశోధకులు… చేసిన పరిశోధన వివరాల్ని న్యూ ఇంగ్లండ్ జర్నల్ ఆఫ్ మెడిసిన్‌లో రాశారు. కరోనా బాధితుడి నుంచి వైరస్ సేకరించి..మూడు పిల్లులకు ఎక్కించి వాటిని చారు. బోనుల్లో ఉంచారు. ఆ తరువాత రోజు మరో మూడు బోనుల్లో మరో మూడు పిల్లుల్ని అంటే  కరోనా లేని పిల్లుల్ని ఉంచారు.అలా ఆరు రోజుల తర్వాత ఆ పిల్లులకు పరీక్షలు చేయగా..అన్ని పిల్లులకూ కరోనా సోకినట్లుగా తేలింది. వీటిలో ఏ పిల్లికీ కూడా కరోనా లక్షణాలు కనిపించలేదు.

ఇక్కడ పర్టిక్యులర్ గా గమనించాల్సిన విషయం ఏమిటంటే..కొన్ని రోజుల తర్వాత అన్ని పిల్లులూ కరోనాను జయించాయి.వాటిలో కరోనా వైరస్ లేదు.

ఇలా పలు దేశాల పరిశోధనల్లో తేలిందేమంటే..మనుషుల నుంచి కరోనా వైరస్ పెంపుడు పిల్లులకు వస్తోంది. కానీ ఆ పిల్లుల్లో కరోనా లక్షణాలు కనిపించట్లేదు. కానీ కరోనా సోకిన పిల్లులు మరికొన్ని పిల్లులకు కరోనా అంటించేస్తున్నాయి. అయినా అన్ని పిల్లులూ కరోనాను జయించి… హాయిగా బతికేస్తున్నాయి. కరోనా వచ్చిన ఏ పిల్లీ చచ్చిపోలేదు. చక్కగా బతికేస్తున్నాయి.

ఐతే… పిల్లుల నుంచి కరోనా వైరస్ మనుషులకు సోకట్లేదని కొంతమంది పరిశోధకులు అంటున్నారు. కాబట్టి ఎవరికైనా కరోనా ఉంటే… వారు పిల్లుల దగ్గరకు వెళ్లొద్దనీ, వాటికి అంటించవద్దని కోరుతున్నారు. మొత్తంగా తేలిందేంటి… మనుషుల నుంచి కరోనా వైరస్ పెంపుడు పిల్లులకు వస్తోంది. ఆ పిల్లులకు కరోనా లక్షణాలు కనిపించట్లేదు. వాటి వల్ల మిగతా పిల్లులకూ కరోనా సోకుతోంది. కానీ.. అన్ని పిల్లులూ కరోనాను జయించి… హాయిగా జీవించగలుగుతున్నాయి. ఐతే… పిల్లుల నుంచి కరోనా వైరస్ మనుషులకు సోకటంలేదని ఇప్పటి వరకూ చేసిన పరిశోధనల్లో తేలింది.

Read Here>> coronavirus vaccine సిద్ధం చేసిన సిగరెట్ కంపెనీ.. human trials ఒక్కటే లేట్

Categories
71706 71744

coronavirus vaccine సిద్ధం చేసిన సిగరెట్ కంపెనీ.. human trials ఒక్కటే లేట్

ప్రపంచంలోనే టాప్ పొగాకు కంపెనీ కరోనా వైరస్‌కు వ్యాక్సిన్ సిద్ధం చేశానంటోంది. ఇక మనుషులపై ప్రయోగించడమే తరువాయనే విశ్వాసం వ్యక్తం చేస్తుంది. లండన్ లోని అమెరికన్ పొగాకు కంపెనీ శుక్రవారం ప్రయోగాత్మకమైన వ్యాక్సిన్ సిద్ధం చేసినట్లు.. లాబొరేటరీ టెస్టు పూర్తి చేసుకుందని.. ఇక మనుషులపై ప్రయోగించడమే లేట్ అని చెప్పింది. 

సిగరెట్ లు తయారుచేయడంలో ప్రపంచంలోనే రెండో స్థానంలో ఉన్న బ్రిటిష్ అమెరికన్ టుబాకో కంపెనీ వ్యాక్సిన్ కనుగొనడానికి త్వరపడుతుంది. వరల్డ్ హెల్త్ ఆర్గనైజేషన్ సిగరెట్ స్మోకింగ్ చేసే వారిలో కరోనాను ఎదుర్కొనే శక్తి తక్కువ ఉంటుంది. ఇలాంటి వారిలో కరోనా మరింత ఎక్కువ ప్రభావం చూపిస్తుందని హెచ్చరించింది. 

శుక్రవారం.. ల్యాబొరేటరీ టెస్టులు పూర్తి చేసుకుని పాజిటివ్ రెస్పాన్స్ వచ్చింది. అమెరికాలో దీనిని హ్యూమన్ ట్రయల్స్ లో వాడనున్నారు. ఈ వ్యాక్సిన్ ట్రయల్స్ కు నిధులను కేటాయించాం. జూన్ నెలాఖరు నాటికి దీనిని మానవ శరీరాలపై ప్రయోగిస్తామని బ్రిటిష్ అమెరికన్ టుబాకో కంపెనీ చెప్పుకొచ్చింది. 

ఈ ప్రయోగంలో కీలకంగా యాంటీ జెన్ అనే ఫ్రాగ్మెంట్ ను వాడారు. పొగాకు మొక్కల పునరుత్పత్తి కోసం దీనిని వాడుతుంటారు. మొక్కలు పెరిగిన తర్వాత ఈ యాంటి జెన్ స్వచ్ఛంగా మారిపోతుంది. ఈ యాంటీజెన్ మనుషుల శరీరాల్లో రోగనిరోధక శక్తిని పెంచుతుందని చెప్పింది. 

లేటెస్ట్ అప్‌డేట్‌లో పొటెన్షియల్ వ్యాక్సిన్ పాజిటివ్ ఇమ్యూన్ రెస్పాన్స్ ఇస్తుంది.. ప్రీ క్లీనికల్ టెస్టింగ్ లో ఇది నిర్ధారించాం. ఇప్పుడు తర్వాతి స్టేజి కోసం ఎదురుచూస్తున్నాం. ఒకసారి అనుమతులు దొరికితే మానవ శరీరాలపై ప్రయోగిస్తాం. ఇప్పటికీ ల్యాబొరేటరీల్లో టెస్టులు పూర్తి చేసుకున్న 110 పొటెన్షియల్ వ్యాక్సిన్లు మానవ శరీరాలపై ప్రయోగాల కోసం ఎదురుచూస్తున్నాయి. 

నొవల్ కరోనా వైరస్ పూర్తి స్థాయిలో సిద్ధం చేయలేకపోతున్నారని.. సైంటిస్టులు పలు కీలక దశలను విస్మరిస్తున్నారని అధికారులు అంటున్నారు. ఏదేమైనా ఓ రెండు సంవత్సరాల్లో వ్యాక్సిన్ కు మందు తయారవుతుందని నిపుణులు పేర్కొంటున్నారు. 

Read Here>> ఇండియాకు వెంటిలేటర్లు డొనేట్ చేస్తాం: ట్రంప్