Categories
71715 71723

కరోనాకు బలైన తండ్రి డెడ్ బాడీ కోసం, వెయిట్ చేస్తున్న వ్య‌క్తి సెల్ ఫోన్ చోరీ

చోరుల‌కు మాన‌వ‌త్వం లేకుండా పోతోంది. క‌రోనా వేళ..తీవ్ర విషాదంలో ఉన్న ఓ వ్య‌క్తి ద‌గ్గ‌రి నుంచి సెల్ ఫోన్ చోరీ చేశారు. ఈ ఘ‌ట‌న దేశ రాజ‌ధాని ఢిల్లీలో చోటు చేసుకుంది. ఢిల్లీ జీటీబీ ఆసుప‌త్రిలో 44 సంవ‌త్స‌రాల వ‌య‌స్సున్న వ్య‌క్తి క‌రోనా కార‌ణంగా చ‌నిపోయాడు. దీంతో తండ్రి మృత‌దేహాన్ని తీసుకొనేందుకు…2020, జూన్ 15వ తేదీ సోమ‌వారం ఆసుప‌త్రికి వ‌చ్చిన పంక‌జ్ కుమార్ వ‌ద్ద‌నున్న సెల్ ఫోన్ చోరీ చేశారు..

మృత‌దేహాన్నికి సంబంధించిన ఫార్మాలిటీస్ పూర్తి చేసుకుని..త‌న కుటుంబ‌స‌భ్యుల కోసం మాదీపూర్ నివాసి పంక‌జ్ కుమార్ క్యాబ్ ఏర్పాటు చేశాడు. గేటు నెంబ‌ర్ 6 బ‌య‌ట వేచి ఉన్నాన‌ని, త‌న స్నేహితుడితో మాట్లాడుతుండ‌గా…కానీ..అదే స‌మ‌యంలో బైక్ పై వ‌చ్చిన వ్య‌క్తులు త‌న సెల్ ఫోన్ లాక్కొళ్లి పోయార‌ని వాపోయాడు.

అందులో త‌న స్నేహితుల ఫోన్ నెంబ‌ర్లు, త‌న తండ్రి ఆధార్ కార్డు, ఫొటోలు ఉన్నాయ‌ని, మృత‌దేహాన్ని అప్ప‌గించే స‌మ‌యంలో త‌న‌కు ఉప‌యోగ‌ప‌డేవ‌ని..అది సాధ్యం కాలేద‌ని ఆవేద‌న వ్య‌క్తం చేశారు. స‌మీపంలో ఉన్న ఓ టీ అమ్మే వ్య‌క్తి..త‌న‌కు స‌హాయం చేసేందుకు ముందుకొచ్చాడ‌ని, అత‌ని ఫోన్ ద్వారా పోలీసుల‌కు స‌మాచారం ఇచ్చాన‌న్నారు. చివ‌ర‌కు అన్ని ఫార్మాలిటీస్ పూర్తి చేసి..తండ్రి అంత్య‌క్రియ‌లు పూర్తి చేశాడు పంక‌జ్‌. 

కేసు న‌మోదు  చేశామ‌ని, అనుమానితుల‌ను గుర్తించేందుకు సీసీటీవీ ఫుటేజ్ ల‌ను స్కానింగ్ చేస్తున్నామ‌ని డిప్యూటి క‌మిష‌న‌ర్ ఆఫ్ పోలీస్ అమిత్ శ‌ర్మ వెల్ల‌డించారు. త‌న తండ్రి ర‌మేష్ కుమార్ ప‌ది రోజుల క్రితం అస్వ‌స్థ‌త‌కు గురైన‌ట్లు, బ‌ల‌హీనంగా ఉండ‌డం..ఆహారం తీసుకోక‌పోతుండ‌డంతో స్థానిక ఆసుప‌త్రికి తీసుకెళ్లాన‌ని పంక‌జ్ వెల్ల‌డించారు. జీటీబీ ఆసుప‌త్రికి తీసుకెళ్ల‌గా..క‌రోనా సోకింద‌ని గుర్తించార‌న్నారు. తాను ఆఫ్టిక‌ల్ షోరూంలో ప‌నిచేస్తున్నాన‌ని చెప్పుకొచ్చాడు. 

Read: మంచుకొండ‌ల్లో ర‌క్తం : భార‌త్ – చైనా వివాదం ఏంటీ

Categories
71715 71750

తెలంగాణలో భక్తులకు శుభవార్త, త్వరలో ఆలయాల్లోకి ప్రవేశం

లాక్ డౌన్ కారణంగా రెండు నెలలుగా దైవ దర్శనానికి దూరమైన భక్తులకు త్వరలో గుడ్ న్యూస్ వినిపించనుంది.

లాక్ డౌన్ కారణంగా రెండు నెలలుగా దైవ దర్శనానికి దూరమైన భక్తులకు త్వరలో గుడ్ న్యూస్ వినిపించనుంది. భక్తులకు దైవ దర్శనం కలగనుంది. దేవాలయాల్లోకి భక్తులకు ప్రవేశం కల్పించే అవకాశం ఉంది. కరోనా కట్టడి కోసం విధించిన లాక్ డౌన్ ఎఫెక్ట్ మనుషులపైనే కాదు దేవుళ్లపైనా పడింది. కరోనా కారణంగా గత రెండు నెలలుగా ఆలయాల్లోకి భక్తులను అనుమతించడం లేదు. దర్శనాలు నిలిపివేశారు. దీంతో భక్తులు తీవ్ర ఆవేదన చెందుతున్నారు. ఆన్‌లైన్‌లో ఆర్జిత సేవలకు అవకాశం కల్పించినా.. కనులారా భగవంతుడిని చూడకుండా పూజలు చేస్తే ఫలితం ఏంటని వాపోతున్నారు. 

పూజలకు నో, దర్శనం మాత్రమే:
ఇటీవల తెలంగాణ రాష్ట్ర ప్రభుత్వం లాక్‌డౌన్‌ నిబంధనల్లో కొన్నింటికి సడలింపు ఇచ్చింది. బస్సులు నడుపుతున్నారు. రైళ్లు కూడా తిరుగుతున్నాయి. ఈ పరిస్థితుల్లో ఆదాయం లేక ఇబ్బంది పడుతున్న దేవాలయాలను ఆదుకునేందుకు ఎండోమెంట్‌ అధికారులు చొరవ తీసుకుంటున్నట్లు తెలుస్తోంది. నాలుగో దశ లాక్‌డౌన్‌ పూర్తి కానున్న నేపథ్యంలో జూన్‌లో ఆలయాల్లోకి భక్తులకు ప్రవేశం కల్పించే అవకాశం, ఈ మేరకు తీసుకోవాల్సిన జాగ్రత్తలపై దృష్టి సారించినట్లు సమాచారం. భక్తుల రద్దీ ఎక్కువగా ఉండే ఆలయాల్లో పాటించాల్సిన విధి విధానాలపై కార్యాచరణ రూపొందిస్తున్నారు. పూజలకు అవకాశమిస్తే అధిక సంఖ్యలో భక్తులు రావడంతో పాటు ఎక్కువ సమయం ఒకేచోట ఉంటారని, తద్వారా భౌతిక దూరం పాటించడం సాధ్యం కాదని యోచిస్తున్నారు. అందుకే దైవ దర్శన భాగ్యం మాత్రమే కల్పించాలని భావిస్తున్నారు.

గదులు అద్దెకివ్వరు:
వేసవి సెలవుల్లో భద్రాచలం రామాలయానికి నిత్యం 15 వేల మందికి పైగా భక్తులు వస్తుంటారు. ప్రతి ఒక్కరూ శానిటైజర్‌ టన్నెల్‌ ద్వారా ఆలయం లోపలకి వచ్చేలా అధికారులు ఏర్పాట్లు చేయనున్నారు. భౌతికదూరం పాటించేలా చర్యలు తీసుకోనున్నారు. భక్తులకు ఎలాంటి ఇబ్బందులు లేకుండా మార్గదర్శకాలను జారీ చేసేందుకు కసరత్తు చేస్తున్నారు. దేవస్థానం ఆధ్వర్యంలో 27 కాటేజీలు, 140 గదులు ఉన్నాయి. ప్రస్తుత పరిస్థితుల్లో గదులు అద్దెకిస్తే భౌతిక దూరం పాటించే అవకాశం ఉండదని, గదులు అద్దెకిస్తే రాష్ట్రంలోని ఇతర ప్రాంతాల నుంచి వచ్చే భక్తులు ఒకటి, రెండు రోజులు ఉంటారని, అందుకే గదులు అద్దెకు ఇవ్వొద్దని యోచిస్తున్నారు. కాగా, భక్తులను పరిమిత సంఖ్యలో అనుమతిస్తారని తెలుస్తోంది. అందరూ కచ్చితంగా మాస్క్ ధరించాల్సి ఉంటుందని, ప్రతి ఒక్కరూ విధిగా సామాజిక దూరం పాటించాల్సిందేనని స్పష్టం చేస్తున్నారు. మొత్తంగా త్వరలోనే ఆలయాలు తిరిగి తెరుస్తారని, దైవ దర్శనానికి అనుమతి ఇస్తారనే వార్త భక్తుల్లో ఆనందం నింపింది. ఎప్పుడెప్పుడు ఆలయాలు తెరుస్తారా, దైవ దర్శనం చేసుకుంటామా అని భక్తులు ఎదురుచూస్తున్నారు.

ఆర్థిక వ్యవస్థకు ఊతమిచ్చేందుకు భారీగా సడలింపులు:
‘కరోనా వైరస్’ లాక్ డౌన్ కారణంగా అన్ని కార్యకలాపాలు బంద్ అయ్యాయి. కరోనా కట్టడి కోసం లాక్ డౌన్ పొడిగిస్తూ వెళ్లారు. ఇప్పటి వరకు నాలుగు లాక్ డౌన్‌లు విధించారు. ప్రస్తుతం లాక్ డౌన్ 4.0 కొనసాగుతోంది. మే 31 వరకు లాక్ డౌన్ 4 అమలులో ఉంటుంది. కాగా, లాక్ డౌన్ తో కుదేలైన దేశ ఆర్ధిక వ్యవస్థకు ఊతమిచ్చేందు లాక్ డౌన్ 4వ దశలో కేంద్రం భారీగా సడలింపులు ఇచ్చింది. ఫ్యాక్టరీలు, కంపెనీలు, వ్యాపార సముదాయాలు తెరుచుకునేందుకు కొన్ని మార్గదర్శకాలు, సడలింపులతో అనుమతి ఇచ్చారు. దీంతో కొద్ది రోజుల క్రితం నుంచే ఆంక్షల మధ్య వాణిజ్య సముదాయాలు, ఫ్యాక్టరీలు, కంపెనీలు తెరుచుకుంటున్నాయి. ప్రజా రవాణా వ్యవస్థ కూడా పాక్షికంగా అందుబాటులోకి వచ్చింది. బస్సులు, రైళ్లు, విమానాలు తిరుగుతున్నాయి. 

ఆలయాలు తెరుస్తున్న తొలి రాష్ట్రం కర్నాటక:
కాగా ఆలయాలు తిరిగి తెరిచే విషయంలో కర్నాటక ప్రభుత్వం కీలక నిర్ణయం తీసుకుంది. ఆలయాలు తెరవాలని నిర్ణయించింది. లాక్‌డౌన్‌ 4 తర్వాత ఆలయాలు తెరుస్తున్న మొదటి రాష్ట్రంగా కర్ణాటక నిలిచింది. కర్ణాటకలో జూన్‌ 1వ తేదీ నుంచి దేవాలయాలు తెరుచుకోనున్నాయి. నిర్థిష్ట మార్గదర్శకాలను అనుసరించి ఆలయాల్లోకి భక్తులకు అనుమతిస్తారు. అన్ని జాగ్రత్తలతో ఆలయాల్లోకి భక్తులను అనుమతిస్తామన్నారు. ఆలయాల్లో భక్తులు భౌతిక దూరం పాటించేలా చూస్తామన్నారు. అన్ని రకాల పూజా కార్యక్రమాలు కొనసాగనున్నట్లు తెలిపారు. పరిస్థితులను అనుసరించి పరిమిత సంఖ్యలో మాత్రమే భక్తులను అనుమతిస్తామన్నారు.

Read: మృతదేహాలకు కూడా కరోనా పరీక్షలు చేయాల్సిందే..ఎందువల్ల చనిపోయారో తెలుసుకోరా..

Categories
71706 71715

బిగ్గరగా మాట్లాడినా కరోనా వైరస్ వేగంగా వ్యాపిస్తుంది, సైంటిస్టుల వార్నింగ్

యావత్ ప్రపంచాన్ని వణికిస్తున్న మహమ్మారి కరోనా వైరస్. ఇప్పటికే లక్షల మందిని పొట్టన పెట్టుకుంది. ఇంకా

యావత్ ప్రపంచాన్ని వణికిస్తున్న మహమ్మారి కరోనా వైరస్. ఇప్పటికే లక్షల మందిని పొట్టన పెట్టుకుంది. ఇంకా ఎంతమంది ప్రాణాలు పోతాయో తెలీదు. కరోనా వైరస్ తీరు తెలుసుకోవడానికి విస్తృతంగా పరిశోధనలు జరుగుతున్నాయి. చాలా నిశితంగా దాన్ని స్టడీ చేస్తున్నారు. ఈ స్టడీలో రోజుకో షాకింగ్ విషయాలు వెలుగులోకి వస్తున్నాయి. కరోనా గురించి భయంకరమైన నిజాలు బయటపడుతున్నాయి.

బిగ్గరగా మాట్లాడటం ద్వారా కరోనా వ్యాప్తి:
కరోనా వైరస్ అనేక మార్గాల్లో వ్యాపిస్తుందనే విషయం అందరికి తెలుసు. కరోనా వైరస్ ఏయే మార్గాల్లో వ్యాపిస్తుంది అనేదానిపై ఎన్నో అధ్యయనాలు వెల్లడించాయి. దగ్గు, తుమ్మడం ద్వారా వచ్చే నీటి బిందువుల ద్వారా కరోనా వైరస్ వ్యాప్తి చెందుతుందని తెలుసు. అలాగే శ్వాసతో కూడా. తాజాగా బిగ్గరగా మాట్లాడటం ద్వారా కూడా కరోనా వైరస్ వేగంగా వ్యాప్తి చెందగల సామర్థ్యం ఉందని పరిశోధకుల అధ్యయనంలో తేలింది. మాట్లాడే సమయంలో ఏర్పడే సూక్ష్మ నీటి బిందువుల ద్వారా గాల్లోకి కరోనా వైరస్ వ్యాప్తి చెంది దాదాపు 10 నిమిషాల కంటే ఎక్కువ సేపు ఉంటుందని స్టడీ వెల్లడించింది. దగ్గరగా ఉన్న వ్యక్తుల నుంచి మాట్లాడటం ద్వారా కూడా కొవిడ్-19 వేగంగా వ్యాప్తి చెందుతుందని journal of National Academy of Sciences పరిశోధకులు చెబుతున్నారు. 

బిగ్గరగా మాట్లాడినప్పుడు నోటి నుంచి వెయ్యికిపైగా నీటి బిందువులు విడుదల:
బిగ్గరగా మాట్లాడటం ద్వారా చిన్న చిన్న శ్వాసకోశ బిందువులు నోటి నుంచి విడుదల అవుతాయి. అవి గాల్లో 8 నిమిషాల వరకు ఉంటాయి. ఆ నీటి బిందువులే కరోనా వ్యాప్తికి కారణం అవుతున్నాయని పరిశోధకులు చెబుతున్నారు. పెన్సిల్వేనియా విశ్వవిద్యాలయం, నేషనల్ ఇన్ స్టిట్యూట్ ఆఫ్ డయాబెటిస్ శాస్త్రవేత్తలు ఈ పరిశోధన చేశారు. నర్సింగ్‌ హోమ్‌లు, సమావేశాలు, ఇళ్లు మొదలైన వాటిలో కరోనావైరస్ ఇన్‌ఫెక్షన్లు వ్యాప్తి చెందడానికి గల కారణాన్ని వివరించడం దీని ముఖ్య ఉద్దేశ్యం. ఇందుకోసం వారు ఓ లేజర్ లైట్ వాడారు. ఒక వ్యక్తి మాట్లాడే సమయంలో నోటి నుంచి ఎన్ని తుంపర్లు విడుదల అవుతాయో లెక్క కట్టారు. బిగ్గరగా మాట్లాడినప్పుడు నోటి నుంచి సెకనుకి 1,000 కంటే ఎక్కువ నీటి తుంపర్లు విడుదల అవుతాయని గుర్తించారు.

గాలిలో 8 నిమిషాలు పాటు సజీవంగా నోటి తుంపర్లు:
లాలాజలంలో ఉండే కరోనావైరస్ పరిగణనలోకి తీసుకున్న శాస్త్రవేత్తలు.. ప్రతి నిమిషం బిగ్గరగా మాట్లాడటం వలన దగ్గరగా ఉన్న ప్రదేశంలో ఎనిమిది నిమిషాలు లేదా అంతకంటే ఎక్కువ కాలం గాలిలో ఉండిపోయే సామర్థ్యం  ఉందని గుర్తించారు. దక్షిణ కొరియాలోని కాల్ సెంటర్, రద్దీగా ఉండే చైనీస్ రెస్టారెంట్‌లో అధ్యయనాలు జరిపిన తరువాత, కరోనా వైరస్ నోటి నుంచి వచ్చే నీటి బిందువుల ద్వారా వ్యాప్తి చెందుతుందనే అనుమానం కలిగింది. మొత్తంగా బిగ్గరగా మాట్లాడటం వల్ల ఎక్కువ బిందువులను ఉత్పత్తి చేస్తుందని అధ్యయనంలో తేలింది. అలాగే గాలిలో ఎక్కువసేపు ఉండగల సామర్ధ్యం కలిగిన చిన్న బిందువులు విడుదల అవుతాయని తెలిసింది. ఒక నిమిషం పాటు బిగ్గరగా మాట్లాడినా సుమారు వెయ్యి నీటి బిందువులు విడుదల అవుతాయి. అవే కరోనా వ్యాప్తికి కారణం అవుతాయని అధ్యయనంలో తేలింది. ఆ బిందువలు పదుల నిమిషాలు లేదా అంతకంటే ఎక్కువసేపు గాల్లోనే ఉండిపోతాయని, పరిమిత ప్రదేశాలలో వైరస్ వ్యాప్తి చేయగల సామర్థ్యాన్ని కలిగి ఉంటాయని అని పరిశోధకులు తేల్చారు. అదే సమయంలో తక్కువ బిగ్గరగా మాట్లాడటం ద్వారా తక్కువ నీటి తుంపర్లను ఉత్పత్తి చేస్తుందని, ఇది కొంతవరకు ప్రమాదం తగ్గినట్టే అని అదే బృందం తేల్చింది. 

మాట్లాడే సమయంలో మాస్క్ మస్ట్:
మొత్తంగా బిగ్గరగా మాట్లాడటం అనేది ప్రమాదకరం అని అధ్యయనంలో తేలింది. ఇది కరోనా వ్యాప్తికి కారణం అవుతోంది అనే విషయం వెలుగుచూసింది. అందుకే ఇక పై బిగ్గరగా మాట్లాడకపోవటమే మంచిదని పరిశోధకలు అంటున్నారు. అంతేకాదు మాట్లాడే సమయంలో కచ్చితంగా ఫేస్ మాస్క్ ధరించడం చాలా ఉత్తమం అని సూచిస్తున్నారు.

Read: మాట్లాడటం ద్వారా కూడా కరోనావైరస్ వేగంగా సోకుతుంది : సైంటిస్టుల హెచ్చరిక

Categories
71684 71715

యువతి ఫొటోలను నగ్నంగా మార్ఫింగ్ చేసి ప్రొఫెసర్ వేధింపులు

అతడు ఓ ప్రొఫెసర్. పవిత్రమైన ఉపాధ్యాయ వృత్తిలో ఉంటున్నాడు. గురువు అంటే దైవంతో సమానం.

అతడు ఓ ప్రొఫెసర్. పవిత్రమైన ఉపాధ్యాయ వృత్తిలో ఉంటున్నాడు. గురువు అంటే దైవంతో సమానం. విద్యార్థులకు క్లాస్ పాఠాలు చెపాల్సిన ఆ ప్రొఫెసర్ కీచకుడయ్యాడు. ప్రేమ పేరుతో కాలేజీలో చదువుతున్న యువతి వెంటపడ్డాడు. ఆమె కాదనేసరికి వేధించడం స్టార్ట్ చేశాడు. అసభ్యకర మేసేజ్ లు పంపాడు. యవతి ఫొటోలను నగ్నంగా మార్ఫింగ్ చేశాడు. వాటిని కుటుంబసభ్యులకు పంపుతానని బెదిరించాడు. చివరకు యువతి పోలీసులను ఆశ్రయించడంతో ఆ కీచక ప్రొఫెసర్ కటకటాల్లోకి వెళ్లాడు. హైదరాబాద్ నగరంలో ఈ ఘటన జరిగింది. ఎంటెక్‌ విద్యార్థిని వేధిస్తున్న అసిస్టెంట్‌ ప్రొఫెసర్‌ను రాచకొండ సైబర్ క్రైమ్ పోలీసులు అరెస్ట్‌ చేశారు.

కొన్ని రోజులు ఫోన్లు, చాటింగ్ లు.. తర్వాత వేధింపులు:
కరీంనగర్‌ అచ్చంపల్లి ప్రాంతానికి చెందిన కోలా హరీష్‌ ఉప్పల్‌ విజయపురి కాలనీలో నివాసం ఉంటున్నాడు. అతడు ఘట్ కేసర్ లోని ఓ కాలేజీలో అసిస్టెంట్‌ ప్రొఫెసర్‌గా పనిచేస్తున్నాడు. అదే కాలేజీలో చదువుకుంటున్న ఓ విద్యార్థినితో పరిచయం పెంచుకున్నాడు. ఆమెతో సన్నిహితంగా మెలిగేవాడు. కొద్ది రోజులు ఫోన్లు, చాటింగ్‌లు చేసుకున్నారు. తర్వాత తనను ప్రేమించాలని వెంటపడ్డాడు.

మార్ఫింగ్ ఫొటోలతో బ్లాక్ మెయిల్:
అయితే ఆ యువతి ప్రేమకు నో చెప్పింది. హరీష్ ను దూరం పెట్టింది. పలుమార్లు ఫోన్‌ చేసినా, మెసేజ్‌ చేసినా స్పందించ లేదు. తనను దూరం పెడుతుందని భావించిన హరీష్ యువతిపై కక్ష పెంచుకున్నాడు. వేధింపులు స్టార్ట్ చేశాడు. అసభ్యకరంగా ఉన్న ఫొటోలను ఆమెకు, ఆమె కుటుంబసభ్యులకు వాట్సాప్‌లో పంపాడు. తనతో స్నేహంగా ఉండాలని లేకపోతే ఫొటోలు సోషల్‌ మీడియాలో పెడతానని బెదిరించాడు. కీచక ప్రొఫెసర్ వేధింపులతో విసిగిపోయిన బాధితురాలు రాచకొండ సైబర్ క్రైమ్ పోలీసులను ఆశ్రయించింది. రంగంలోకి దిగిన పోలీసులు సాంకేతిక ఆధారాల ద్వారా హరీ‌ష్‌ను అరెస్ట్‌ చేసి రిమాండ్ కు తరలించారు. పవిత్రమైన వృత్తిలో ఉంటూ ఇలాంటి నీచపు పనికి పాల్పడిన ప్రొఫెసర్ ను కఠినంగా శిక్షించాలని విద్యార్థులు డిమాండ్ చేశారు.

Read: సహోద్యోగి భార్యతో సంబంధం….బెడ్ రూంలో దొరికిపోవటంతో..

Categories
71671 71715

విశాఖ గ్యాస్‌ లీక్ బాధితుల ఖాతాల్లోకి రూ.20 కోట్లు, ఎల్జీ పరిశ్రమకు అనుమతి ఇచ్చింది చంద్రబాబే

విశాఖ గ్యాస్‌ లీకేజీ బాధితులకు సీఎం జగన్ పరిహారం విడుదల చేశారు. సోమవారం(మే 18,2020) బాధితులతో

విశాఖ గ్యాస్‌ లీకేజీ బాధితులకు సీఎం జగన్ పరిహారం విడుదల చేశారు. సోమవారం(మే 18,2020) బాధితులతో వీడియో కాన్ఫరెన్స్ నిర్వహించారు. ఈ సందర్భంగా క్యాంప్ ఆఫీస్ లో బటన్ నొక్కిన సీఎం జగన్…. ఒకేసారి సుమారు 20వేల మంది గ్యాస్‌ లీకేజీ బాధితుల అకౌంట్లలో రూ.10 వేల చొప్పున మొత్తం రూ.20 కోట్లు జమ చేశారు. 

గ్యాస్ లీక్ బాధ్యులను వదిలిపెట్టేది లేదు:
ఎల్జీ పాలిమర్స్‌ దుర్ఘటనకు బాధ్యులను వదలిపెట్టే ప్రసక్తే లేదని సీఎం జగన్ చెప్పారు. నివేదికలకు అనుగుణంగా చర్యలు ఉంటాయని ఆయన స్పష్టం చేశారు. ఎంతటి వారైన విడిచిపెట్టబోమని తేల్చిచెప్పారు. ఎల్జీ పాలిమర్స్ ఘటనపై వేగంగా స్పందించారని.. రెండు గంటల్లోనే ప్రభావిత గ్రామాల నుంచి తరలించామని అధికారులను ఆయన ప్రశంసించారు. మృతులకు కుటుంబాలకు రూ.కోటి పరిహారం ఇచ్చామని.. అవసరమైతే వారికి గ్రామ సచివాలయ ఉద్యోగాల్లో అవకాశం ఇవ్వాలన్నారు సీఎం జగన్. ఇలాంటి ఘటనలు చోటు చేసుకోవడం చాలా బాధాకరమన్నారు సీఎం. విశాఖ వంటి దుర్ఘటనలు జరిగితే గత ప్రభుత్వాలు ఎలా స్పందించాయో చూశానన్నారు.

2 గంటల్లోనే గ్రామాల నుంచి ప్రజలను ఖాళీ చేయించారు:
ఎల్జీ పాలిమర్స్‌ ఘటనపై ప్రభుత్వం స్పందించిన తీరు గురించి సీఎం జగన్‌ మాట్లాడుతూ.. ‘‘ఇలాంటి ఘటన జరిగినప్పుడు ప్రభుత్వం ఎలా స్పందించాలో..  నేను ప్రతిపక్షంలో ఉన్నప్పుడు కూడా చెప్పాను. ఓఎన్జీసీ గ్యాస్ లీకై 22 మంది చనిపోయారు. ఆ ప్రమాదంలో ప్రమాదంలో సంస్థ రూ. 20 లక్షలు,.. కేంద్రం రూ.3 లక్షలు, రాష్ట్రం 2 లక్షలు అందించాయి. ఘటన జరిగినప్పుడు కఠినంగా చర్యలు తీసుకుంటామని.. కంపెనీలకు హెచ్చరిక ఉండేలా ప్రభుత్వాలు స్పందించాలి. ఓఎన్జీసీ ఘటనలో బాధితులకు రూ.కోటి ఆర్థికసాయం ఇవ్వాలని కోరాను. ఎల్జీ పాలిమర్స్ ఘటనలోనూ నాకు అదే గుర్తొచ్చింది. అందుకే ఎక్కడా జరగని విధంగా ప్రభుత్వం వేగంగా స్పందించింది. కలెక్టర్, కమిషనర్‌తో పాటు 110 అంబులెన్స్‌లు కూడా ఘటనా స్థలికి చేరుకున్నాయి. 2 గంటల్లోనే గ్రామాల నుంచి ప్రజలను ఖాళీ చేయించారు. అధికారులు స్పందించిన తీరును అభినందనీయం’’ అని ప్రశంసించారు.

ఏ ప్రభుత్వం కూడా ఇలా స్పందించలేదు, రూ.కోటి పరిహారం ఎక్కడా ఇవ్వలేదు:
”మన ప్రభుత్వం స్పందించినంత వేగంగా ఎక్కడా స్పందించి ఉండరు. బాధితులకు రూ.కోటి పరిహారం ప్రకటించడం కూడా ఎక్కడా జరగలేదు. భవిష్యత్‌లో ఇలాంటి ఘటనలు చోటుచేసుకోకుండా ఉండేలా కమిటీలు వేశాం. కేంద్ర ప్రభుత్వం నుంచి మరో మూడు కమిటీలు వచ్చి పరిశీలించాయి. కంపెనీని ప్రశ్నించాల్సిన అంశాలన్నీ తయారు చేసి వారం సమయం ఇస్తాం. కంపెనీ నుంచి కూడా పూర్తి వివరాలు తీసుకుని కమిటీలు ఇచ్చిన నివేదిక ప్రకారం చర్యలు తీసుకుంటాం. బాధితులకు ప్రత్యేక హెల్త్‌ కార్డులు ఇవ్వాలని సూచించాం. ఎల్జీ పాలిమర్స్‌ కంపెనీకి సంబంధించి ఈ ప్రభుత్వం ఒక్క అనుమతి కూడా ఇవ్వలేదు. గత ప్రభుత్వమే ఈ కంపెనీకి అనుమతులు ఇచ్చింది. ఘటనకు బాధ్యులైన ఏ ఒక్కరినీ వదలిపెట్టేది లేదు” అని జగన్ అన్నారు.

మే 7న విశాఖలో మహా విషాదం:
మే 7న విశాఖ నగరంలో మహా విషాదం చోటుచేసుకున్న విషయం తెలిసిందే. ఆర్ఆర్ వెంకటాపురంలోని ఎల్జీ పాలిమర్స్ కెమికల్ ప్లాంట్ నుంచి స్టైరీన్ అనే గ్యాస్ లీక్ అయ్యింది. ఈ విషవాయులు కారణంగా 12 మంది చనిపోయారు. వందలాది మంది అస్వస్థతకు గురై ఆస్పత్రుల్లో చికిత్స పొందుతున్నారు. విషవాయువును పీల్చడంతో స్థానికులు ఎక్కడికక్కడే కుప్పకూలిపోయారు. అపస్మారక స్థితిలోకి వెళ్లిపోయారు. విషవాయువు ధాటికి పశుపక్షాదులు సైతం చనిపోయాయి. చుట్టుపక్కల ఉన్న పలు చెట్లు మాడిపోయాయి. గ్యాస్ లీకేజ్ ఘటనలో చనిపోయిన వారి కుటుంబాలకు ఏపీ ప్రభుత్వం రూ. కోటి ఎక్స్‌గ్రేషియా అందజేసింది. వెంటిలేటర్లపై చికిత్స పొందుతున్న వారికి రూ.10 లక్షలు, రెండు మూడు రోజులు చికిత్స అవసరం ఉన్న వారికి రూ. 25 వేలు ఇస్తామని సీఎం జగన్ ప్రకటించారు. గ్యాస్ ప్రభావిత గ్రామాల్లోని ప్రతి కుటుంబానికి రూ.10వేలు ఆర్థిక సాయం చేయడంతో.. పశువులు పోగొట్టుకున్న వారికి రూ.20వేల సాయం అందజేస్తామని తెలిపారు.

Read : ఆర్టీసీ బస్సులు నడపాలని సీఎం జగన్ నిర్ణయం, ప్రైవేట్ ట్రావెల్స్ కూ అనుమతి, కొత్త నిబంధనలు ఇవే

Categories
71715 71750

తెలంగాణలో రోడ్డెక్కనున్న బస్సులు, నగర శివార్ల నుంచే జిల్లాలకు, MGBSకు వచ్చే బస్సులకు నో ఎంట్రీ

తెలంగాణలో ఆర్టీసీ బస్సులు నడిపేందుకు ప్రభుత్వం గ్రీన్ సిగ్నల్ ఇచ్చింది. రేపటి(మే 19,2020) నుంచి

తెలంగాణలో ఆర్టీసీ బస్సులు నడిపేందుకు ప్రభుత్వం గ్రీన్ సిగ్నల్ ఇచ్చింది. రేపటి(మే 19,2020) నుంచి బస్సులు రోడ్డెక్కనున్నాయి. భౌతికదూరం పాటిస్తూ 50శాతం సీటింగ్ తో బస్సులు నడపాలని ప్రభుత్వం నిర్ణయించింది. అన్ని జిల్లాల్లో ఆరెంజ్, గ్రీన్ జోన్లలో బస్సులు తిరగనున్నాయి. ఆర్టీసీ నష్టాల్లో ఉండటంతో ఈ నిర్ణయం తీసుకున్నట్లు తెలుస్తోంది. కాగా, అంతరాష్ట్ర సర్వీసులకు మాత్రం ఇప్పట్లో అనుమతి లేనట్లుగానే తెలుస్తోంది. ఈ సాయంత్రం కేబినెట్ భేటీ తర్వాత ఆర్టీసీ సర్వీసులపై సీఎం కేసీఆర్ అధికారిక ప్రకటన చేయనున్నారు.

* తెలంగాణలో రేపటి నుంచి రోడ్డెక్కనున్న బస్సులు
* అన్ని జిల్లాల్లో గ్రీన్, ఆరెంజ్ జోన్లలో రేపటి నుంచే బస్సు సర్వీసులు
* అంతర్రాష్ట్ర సర్వీసులు ఇప్పట్లో లేనట్లే
* హైదరాబాద్ సిటీ సర్వీసులపై ఇంకా సస్పెన్స్
* నగర శివార్ల నుంచి జిల్లాలకు బస్సు సర్వీసులు
* బస్సుల్లో 50శాతం సీట్లలోనే ప్రయాణికులు
* ప్రతి బస్సులో శానిటైజర్లు, మాస్కులు
* హైదరాబాద్ లో జేబీఎస్ వరకే బస్సు సర్వీసులు
* వరంగల్ వైపు వెళ్లే బస్సులు ఉప్పల్ నుంచి
* నల్గొండ వైపు వెళ్లే బస్సులు ఎల్బీనగర్ నుంచి
* మహబూబ్ నగర్ వైపు వెళ్లే బస్సులు ఆరాంఘర్ నుంచి నడిపే అవకాశం
* ఎంజీబీఎస్ నుంచి వచ్చే బస్సులకు నో ఎంట్రీ
* డిపోల్లో థర్మల్ స్క్రీన్ చేశాకే ఆర్టీసీ కార్మికులు విధులోకి

నష్టాల్లో ఆర్టీసీ, అందుకే గ్రీన్ సిగ్నల్:
దాదాపు రెండు నెలలు.. లాక్ డౌన్ కారణంగా ప్రజారవాణ సర్వీసులు మూత పడ్డాయి. తెలంగాణలో ఎక్కడి బస్సులు అక్కడే నిలిచిపోయాయి. కాగా, లాక్ డౌన్ 4 మార్గదర్శకాల్లో భాగంగా కేంద్రం ప్రజారవాణా అంశాన్ని రాష్ట్రాలకే వదిలేసిన సంగతి తెలిసిందే. రాష్ట్రాల పరస్పరం ఒప్పందం మేరకు బస్సులను ఒక రాష్ట్రం నుంచి మరో రాష్ట్రానికి నడపొచ్చని కేంద్రం తెలిపింది. కేంద్రం ఇచ్చిన తాజా మార్గదర్శకాలకు అనుగుణంగా బస్సులను నడపాలని నిర్ణయించింది తెలంగాణ రాష్ట్ర ప్రభుత్వం. అదే సమయంలో కరోనా వ్యాప్తి చెందకుండా ప్రయాణీకుల శ్రేయస్సుని దృష్టిలో పెట్టుకుని పరిమిత సంఖ్యలో బస్సులు నడపాలని ప్రభుత్వం నిర్ణయించింది.

లాక్ డౌన్ 4లో కేంద్రం ఇచ్చిన సడలింపులతో అన్ని కార్యాలయాలు దాదాపుగా తెరుచుకున్నాయి. దీంతో ప్రయాణీకులు అసౌకర్యానికి గురి కాకుండా ఆర్టీసీ తగు చర్యలు చేపట్టనుంది. కంటైన్‌మెంట్ జోన్లు మినహా గ్రామీణ, జిల్లా, రాజధానికి నడిపే బస్సుల్లో పరిమితంగా ప్రమాణీకులను అనుమతిస్తారు. దాంతో పాటు వ్యక్తిగత దూరం పాటించేందుకు వీలుగా సీటింగ్ అరేంజ్‌మెంట్ చేశారు.

Read : మరో మూడు నెలలు థియేటర్లు బంద్!

Categories
71715 71749

మీ ఫోన్ రేడియేషన్, IMEI నెంబర్లు చెక్ చేయడం తెలుసా?

మీ స్మార్ట్ ఫోన్ రేడియేషన్ స్థాయి ఎంత ఉందో తెలుసా? ప్రతి ఫోన్ కు రేడియేషన్ ఒక్కో స్థాయిలో ఉంటుంది. మీరు వాడే ఫోన్‌కు రేడియేషన్ స్థాయి ఎంత ఉందో వెంటనే చెక్ చేసుకోండి. రేడియేషన్ అంటే ఏంటో తెలియనివారు ఉంటారంటే అతిశయోక్తి కాదు. రేడియేషన్ లేదా SAR వాల్యూ తప్పనిసరిగా తెలిసి ఉండాలి. కొత్త స్మార్ట్ ఫోన్ కొనే ముందు ప్రతిఒక్కరూ చెక్ చేయాల్సింది రేడియేషన్ లెవల్ ఎంత ఉంది? అప్పుడే ఆ ఫోన్ కొనాలా? వద్దా? అని డిసైడ్ చేసుకోవాలి. కొన్ని స్మార్ట్ ఫోన్ల బ్రాండ్లు తమ యూజర్ మాన్యువల్ ల్లోనే SAR రేటింగ్ ఎంతో ప్రస్తావిస్తాయి.

స్మార్ట్ ఫోన్ అధికారిక వెబ్ సైట్లో కూడా తమ ప్రొడక్టుకు సంబంధించి SAR వాల్యూ ఎంత ఉందో రివీల్ చేస్తాయి. సాధారణంగా ప్రతి ఫోన్‌లో రేడియో ఫ్రిక్వెన్సీ ట్రాన్స్ మిటింగ్ డివైజ్ ఉంటుంది. కొత్త స్థాయిలో రేడియేషన్ బయటకు రిలీజ్ అవుతుంది. ఈ రేడియేషన్ కారణంగా ఆ ఫోన్ వాడేవారి ఆరోగ్యంపై తీవ్ర ప్రభావం పడుతుంది. రేడియేషన్ విషయంలో జాగ్రత్తలు తీసుకోకపోతే మీ ఆరోగ్యం డేంజర్ లో ఉన్నట్టే. స్మార్ట్ ఫోన్లో రేడియేషన్ లెవల్ ఎంత ఉందో తెలుసుకోండి. రేడియేషన్ లెవల్ మీ ఫోన్లలో ఇలా చెక్ చేసుకోవచ్చు.  

SAR Value చెకింగ్ ఇలా :
* మీ స్మార్ట్ ఫోన్ Unlock చేయండి.
* మీ ఫోన్ Dialer Keypad ఓపెన్ చేయండి.
* ఇప్పుడు *#07# అని టైప్ చేయండి.
* మీ స్మార్ట్ ఫోన్ స్ర్కిన్‌పై SAR రేటింగ్ వాల్యూ కనిపిస్తుంది.
* రేడియేషన్ స్థాయి 1.6w/kg (Body, Head) కంటే తక్కువ స్థాయిలో ఉంటే పర్వాలేదు.
* మీ ఫోన్ వాడొచ్చు. ఎలాంటి ప్రమాదం లేదు.
* ఎక్కువ స్థాయిలో రేడియేషన్ ఉంటే మాత్రం తక్షణమే ఆ ఫోన్ వాడకం ఆపేయండి.

IMEI నెంబర్లు చెకింగ్ :
* IMEI నెంబర్లు సహా ఇతర విషయాలను కూడా చెక్ చేయొచ్చు.
* మీ డయలర్ ప్యాడ్ పై *#06# అని టైప్ చేయండి.
* స్మార్ట్ ఫోన్ స్ర్కిన్ పై ఆటోమాటిక్ గా IMEI నెంబర్లు కనిపిస్తాయి.

Read : మీ ఐఫోన్‌‌ స్లో అయిందా? Cache ఇలా క్లియర్ చేయండి!

Categories
71706 71715 71745

ఆమె ప్రపంచ ఛాంపియన్.. ఇప్పుడు కొవిడ్-19 పోరాటంలో వైద్యురాలు!

ఆస్ట్రేలియా క్రీడల్లో Jana Pittman అనే పేరు కొత్తేమి కాదు. ఆ అథ్లెట్.. ప్రపంచ ఛాంపియన్, ఒలింపియన్ కూడా. ఆస్ట్రేలియా తరపున 400 మీటర్లు, 400మీటర్ల hurdles, bobsleigh విభాగాల్లో ఆడి అందరిని మెప్పించింది. 1999లో తొలి విజయాన్ని రుచిచూసింది. ప్రపంచ యూత్ చాంపియన్ షిప్స్‌లో బంగారు పతకాన్ని సాధించింది. కానీ, రాబోయే ఏళ్లలో తన విజయం ఒక సంకేతం మాత్రమేనని తెలియజేసింది. 2000లో జానా ప్రపంచ జూనియర్ చాంపియన్ షిప్‌లో 2 బంగారు పతకాలను గెల్చుకుంది. 2002లో రెండు కామన్ వెల్త్ గేమ్స్ లో బంగారు పతకాలను సాధించి తిరుగులేదని నిరూపించుకుంది. 
Jana Pittman, A World Champion Athlete Who Is Now Working As A Doctor On The Frontlines Vs COVID-19

ఒక ఏడాది తర్వాత ప్రపంచ చాంపియన్ షిప్స్ టాప్ లోకి దూసుకెళ్లింది. 2006లో కామన్ వెల్త్ గేమ్స్ లో డబుల్ గోల్డ్ సాధించి స్వదేశానికి తిరిగి వచ్చింది. 2007లో ప్రపంచ చాంపియన్ షిప్స్ లో మరో బంగారు పతకాన్ని సాధించింది. కానీ, తన జీవితాన్ని స్ఫూర్తిదాయకంగా మార్చేసింది. ప్రపంచమంతా కరోనాతో పోరాడుతున్న తరుణంలో తనవంతు సాయంగా ఇప్పుడు ఆమె ఒక వైద్యురాలు అవతారమెత్తింది. కొవిడ్-19 బాధితులకు అండగా ముందుండి వైద్యసాయం అందిస్తోంది. ఒకవైపు తల్లిగా తన బాధ్యతలు నిర్వర్తిస్తూనే.. గత ఏడాదిలో తాను వైద్యురాలు కావాలనే కలను నేరవేర్చుకుంది. 
Jana Pittman, A World Champion Athlete Who Is Now Working As A Doctor On The Frontlines Vs COVID-19

ఇప్పుడు దేశంతో పాటు తాను కూడా బాధితులకు సాయం అందిస్తూ కరోనా మహమ్మారితో పోరాడుతోంది. ఈ సందర్భంగా ఆమె తన అభిప్రాయాన్ని వ్యక్తం చేస్తూ.. కొవిడ్-19 సమయంలో ముందుండి పోరాటం చేయడం ఎంతో అద్భుతంగా ఉంది. నిజాయితీగా చెబుతున్నా.. నా కల నిజమైంది’ అని ఒక మీడియాకు తెలిపింది. కష్టాల్లో ఉన్నవారికి సాయం చేయడానికి కంటే మరొకటి ఉండదని ఆమె చెప్పారు. 

Read: కశ్మీర్‌ మాతోనే ఉంటుంది : అఫ్రిదిపై ధావన్ ఫైర్ 

Categories
71715 71723

ప్రభుత్వం టార్గెట్ ఇదే : జూలై ఆఖరులోగా 10 మిలియన్ల టెస్టులు.. 20 రాష్ట్రాల్లో ప్రొటోకాల్

కరోనా కష్టకాలంలో భారతదేశం లాక్ డౌన్ 4.0లోకి అడుగు పెట్టింది. వచ్చే రెండు నెలలు ఎంతో కీలకం కావడంతో ఆ దిశగా కేంద్రం చర్యలు చేపడుతోంది. దేశంలో రోజురోజుకీ కరోనా పాజిటివ్ కేసులు వేగంగా పెరిగిపోతున్నాయి. అందుకే లేటెస్ట్ యాక్షన్ అమలు చేయబోతోంది ప్రభుత్వం. జూలై చివరి నాటికి 10 మిలియన్ల మందికి టెస్టులు చేయడమే లక్ష్యంగా పెట్టుకుంది. దీనికి అదనపు సౌకర్యాలను అందించనుంది. కరోనాను కట్టడి చేసేందుకు 20 కీలకమైన రాష్ట్రాల్లో ప్రత్యేకమైన ప్రోటోకాల్‌ అమల్లోకి తేనుంది. ఆగస్టు వరకు ఇదే విధానాన్ని అమలు చేయనున్నట్టు సంబంధిత వర్గాలు వెల్లడించాయి.

కరోనా పాజిటివ్ కేసులు అధికంగా నమోదవుతున్న ముంబై, ఢిల్లీ, ఇండోర్, పుణె, భూపాల్, చెన్నై సహా 20 నగరాలను గుర్తించింది. వీటితోపాటు ఇతర నగరాల్లోనూ ఇదే తరహా విధానంతో గుర్తించనుంది. జూన్ మొదటివారంలోనే ఆయా నగరాల్లో టెస్టింగ్ వ్యూహాంపై సమగ్రమైన సమీక్షను కేంద్రం నిర్వహించనుంది. ప్రొటోకాల్ అనుగుణంగా మరిన్ని టెస్టులను నిర్వహించనుందవి. జూలై ముందుగానే రివ్యూ పూర్తి చేసేలా ప్రణాళిక సిద్ధం చేస్తోంది. కరోనా కేసుల తీవ్రతకు కీలకమైన జూలై నెలలోగా యాక్షన్ ప్లాన్ అమలు చేసేలా రంగం సిద్ధం చేస్తోంది. అంతర్గత ప్రభుత్వాల సాయంతో జూలై ఆఖరు నాటికి 5లక్షల నుంచి 7లక్షల పాజిటివ్ కేసులు నమోదవుతయని అంచనా వేస్తోంది.

ఈ పరిస్థితిని అదుపులోకి తెచ్చేందుకు ముందుగానే అధికార యంత్రాంగాన్ని సిద్ధం చేస్తోంది. ప్రస్తుత పరిస్థితుల్లో హెల్త్ సపోర్ట్ సిస్టమ్స్ సేకరణ సంతృప్తికరంగా ఉన్నప్పటికీ రానున్న రోజుల్లో కరోనా పాజిటివ్ కేసుల సంఖ్య రోజువారీగా భారీగా పెరిగిపోతూ ఆగస్టు చివరి నాటికి 8 లక్షల నుంచి 1 మిలియన్ (10 లక్షలు) వరకు నమోదయ్యే అవకాశం ఉందని భావిస్తోంది. భారతదేశంలో ప్రస్తుతం 91వేల కొవిడ్-19 పాజిటివ్ కేసులు నమోదయ్యాయి. ప్రతిరోజు సుమారుగా 4వేల నుంచి 5వేల వరకు కేసులు నమోదవుతూనే ఉన్నాయి. తూర్పు వలస కార్మికులైన తిరిగి వస్తున్న క్రమంలో బీహార్, ఒడిషాలో మూడు వంతుల కేసులు పెరిగిపోతున్నాయి. ఇలా వలస వచ్చిన వారితో గ్రామీణ ప్రాంతాల్లోకి కూడా కరోనా వైరస్ వ్యాప్తి చెందే ప్రమాదం ఉందని అధికారులు చెబుతున్నారు. 

మే 15 నాటికి డేటా ప్రకారం.. దేశవ్యాప్తంగా కరోనా టెస్టుల పాజిటివ్ రేషియో సగటున 4.3 శాతంగా నమోదైంది. మహారాష్ట్రలో 11.9శాతంతో అందోళనకరంగా ఉంది. ఢిల్లీలో 9.0శాతం, గుజరాత్ లో 7.8శాతం, చత్తీస్ గఢ్‌లో 6శాతం, తెలంగాణలో 5.4శాతం, మధ్యప్రదేశ్‌లో 4.9శాతం, పశ్చిమ బెంగాల్‌లో 4.6 శాతంగా నమోదయ్యాయి. రాబోయే పక్షం రోజుల్లో భారతదేశం యాంటీ బాడీ టెస్టు ప్లాన్ నుంచి ELISA టెస్టింగ్ మెకానిజానికి మారిపోనుంది. దేశంలోని ప్రతి మెడికల్ కాలేజీలో మాలిక్యులర్ డయాగ్నిస్టిక్ ల్యాబ్ నిర్వహించేలా ప్రణాళికలను సిద్ధం చేసేపనిలో నిమగ్నమైంది. 

Read: ఆరుగురు ఒప్పో ఉద్యోగులకు కరోనా.. మూతపడ్డ ఫ్యాక్టరీ

Categories
71671 71715

ఇంటి దగ్గరే పరీక్షా కేంద్రాలు, పదో తరగతి విద్యార్థులకు ఏపీ ప్రభుత్వం గుడ్ న్యూస్

కరోనా నేపథ్యంలో ఏపీ ప్రభుత్వం పదో తరగతి విద్యార్థులకు గుడ్ న్యూస్ వినిపించింది. పదో తరగతి పరీక్ష కేంద్రాల

కరోనా నేపథ్యంలో ఏపీ ప్రభుత్వం పదో తరగతి విద్యార్థులకు గుడ్ న్యూస్ వినిపించింది. పదో తరగతి పరీక్ష కేంద్రాల కేటాయింపులో ప్రభుత్వం నూతన విధానాన్ని పాటించబోతుంది. విద్యార్థుల ఇళ్ల సమీపంలోనే ఎగ్జామ్ సెంటర్స్ కేటాయించాలని విద్యాశాఖ నిర్ణయించింది. పట్టణాలు, నగరాల్లో హాస్టల్స్ లో ఉండి పదో తరగతి చదివిన విద్యార్థులు లాక్ డౌన్ తో స్వస్థలాలకు వెళ్లారు. ప్రస్తుతం వారంతా అక్కడే ఉంటున్నారు. చదివిన పాఠశాల ప్రకారం ఎగ్జామ్ సెంటర్స్ ను కేటాయిస్తే వారంతా తిరిగి వచ్చి వారం పాటు ఉండాల్సి ఉంటుంది. ఇది విద్యార్థులకు చాలా సమస్య కానుంది. ఇందులో అనేక ఇబ్బందులు ఉన్నాయి. ఈ సమస్యను అధిగమించేందుకు, విద్యార్థుల సౌకర్యార్థం వారి నివాసానికి దగ్గరలోనే పరీక్ష కేంద్రాలను కేటాయించాలని ప్రభుత్వం నిర్ణయించింది.

ఏపీలో జులై 10 నుంచి పదవ తరగతి పరీక్షలు ప్రారంభం కానున్నాయి. కరోనా వైరస్ నేపథ్యంలో ప్రభుత్వం కీలక నిర్ణయం తీసుకుంది. ఇప్పటి వరకు ఉన్న 11 పేపర్లను 6 పేపర్లుగా కుదించింది. ప్రతి పేపర్‌కు 100 మార్కులు ఉంటాయి. భౌతిక దూరం పాటిస్తూ జూలై 10వ తేదీ నుంచి 15 వరకూ పరీక్షలు నిర్వహించనుంది. మార్చి నెలాఖరులో జరగాల్సిన పరీక్షలను కరోనా కారణంగా వాయిదా వేసిన విషయం తెలిసిందే.

పరీక్షల షెడ్యూల్:
జులై 10న ఫస్ట్‌ లాంగ్వేజ్
జులై 11న సెకండ్‌ లాంగ్వేజ్
జులై 12న ఇంగ్లీష్
జులై 13న గణితం(మ్యాథ్స్)
జులై 14 సామాన్య శాస్త్రం(సోషల్)
జులై 15న సాంఘీక శాస్త్రం(సోషల్)

Read Here>> రాష్ట్రం లోపలే కాదు హైదరాబాద్‌కూ..బస్సులు నడపేందుకు అన్నీ రెడీ : మంత్రి పేర్ని నాని