Categories
Andrapradesh

కరోనా చికిత్సను ఆరోగ్యశ్రీ పరిధిలో చేర్చిన ఏపీ ప్రభుత్వం.. ప్రైవేట్ ఆస్పత్రులకు అనుమతి..ధరలు నిర్ణయం

కరోనా చికిత్సపై ఏపీ ప్రభుత్వం కీలక నిర్ణయం తీసుకుంది. కరోనా చికిత్సను ఆరోగ్యశ్రీ పరిధిలోకి చేరుస్తూ ఏపీ ప్రభుత్వం ఉత్తర్వులు జారీ చేసింది. కరోనా బాధితులతోపాటు అనుమానితులకు కూడా వెసులుబాటు కల్పించింది. అనుమానితులతో పాటు పాజిటివ్ వచ్చిన వారికి ఆరోగ్యశ్రీ ద్వారా చికిత్స అందించనున్నారు. ప్రైవేట్ ఆస్పత్రుల్లో కరోనా చికిత్సకు రాష్ట్ర ప్రభుత్వం అనుమతులు ఇచ్చింది. కరోనా బాధితులకు ఆరోగ్యశ్రీ వర్తింపచేయాలని ప్రభుత్వం సూచించింది.

కరోనా వైద్యానికి అయ్యే ఫీజులను నిర్ధారిస్తూ రాష్ట్ర ప్రభుత్వం ఉత్తర్వులు జారీ చేసింది. ఈ మేరకు ప్రైవేట్‌ ఆస్పత్రుల్లో వసూలు చేసే ఫీజులపై వైద్య ఆరోగ్య శాఖ స్పెషల్‌ సీఎస్‌ జవహర్‌ రెడ్డి బుధవారం ఉత్తర్వులు జారీ చేశారు. అందులో భాగంగానే మరికొన్ని కరోనా వైద్య ప్రక్రియలను ప్రభుత్వం ఆరోగ్య శ్రీ పరిధిలోకి చేర్చింది.
కరోనా చికిత్సకు ప్రైవేట్ ఆస్పత్రుల్లో ధరలు నిర్ణయించింది. ఆరోగ్య శ్రీ నెట్‌వర్క్‌ పరిధిలోని ఆస్పత్రులన్నీ ప్రభుత్వ నిర్ణయించిన ఫీజులు వసూలు చేయాలని ఆదేశించింది. ఈ మేరకు రాష్ట్ర ప్రభుత్వం ఆదేశాలు జారీ చేసింది.

కరోనా చికిత్సకు ప్రైవేట్ ఆస్పత్రుల్లో ధరలు
నాన్ క్రిటికల్ కరోనా చికత్సకు రోజుకు రూ.3,250
ఐసీయూలో ఆక్సిజన్ తో చికిత్సకు రోజుకు రూ.5,980
ఐసీయూలో వెంటిలేటర్ తో చికిత్సకు రోజుకు రూ.9,580
వెంటిలేటర్ లేకుండా ఐసీయూలో చికిత్సకు రోజుకు రూ.5.480
ఐసీయూలో క్రిటికల్ కేర్ చికిత్సకు రోజుకు రూ.10,380
ఇన్ఫెక్షన్‌ ఉన్న వారికి వెంటిలేటర్‌ లేకుండా చికిత్సకు రోజుకు రూ. 6,280

Categories
Andrapradesh

క్లాస్‌మెట్‌కే ప్రేమ వల వేసి.. గుంటూరు యువతి కేసు కొలిక్కి!

గుంటూరులో యువతిపై లైంగికదాడి, న్యూడ్ ఫోటోలు పోస్టింగ్‌ కేసును ఎట్టకేలకు పోలీసులు ఛేదించారు. ఈ కేసులో ఇప్పటికే వరుణ్‌, కౌశిక్‌ అనే ఇద్దరిని అరెస్టు చేసిన పోలీసులు.. కేసుతో సంబంధం ఉన్నట్లుగా చెబుతున్న మరో ఏడుగురిని అరెస్టు చేశారు. వీరిని గుంటూరు ఎస్పీ అమ్మిరెడ్డి మీడియా ముందు ప్రవేశపెట్టారు.

ఇంజనీరింగ్‌ విద్యార్థిని న్యూడ్ ఫోటోలనను ‘i am 420’ పేరుతో ఇన్‌స్టాగ్రమ్‌లో అప్‌లోడ్‌ చేసి.. ఆమెను బ్లాక్‌మెయిల్‌ చేశారని గుంటూరు అర్బన్‌ పోలీసులు వెల్లడించారు. ఈ ఘటనలో ప్రధాన నిందితులైన వరుణ్, కౌశిక్‌లను జూన్‌ 27న అరెస్ట్‌ చేయగా.. పోలీసులు సాంకేతిక పరిజ్ఞానంతో పక్కా ఆధారాలు సేకరించి మిగిలిన నిందితులను గుర్తించారు.

ఈ కేసులో వరుణ్‌, కేశవ్‌, ధనుంజయ్‌రెడ్డి, మణికంఠలను ప్రధాన నిందితులు కాగా.. నిందితుల్లో ధనుంజయరెడ్డి, తులసి రెడ్డికి గతంలో నేర స్వభావం ఉంది. అరెస్టు చేసిన ఏడుగురినీ కోర్టులో హాజరుపరుస్తామని చెప్పారు. ఇంజనీరింగ్‌ కాలేజీకి చెందిన వరుణ్‌ అనే విద్యార్థి ప్రేమ పేరుతో వలవేసి సహ విద్యార్థినిని మోసం చేశాడు. ఆమె న్యూడ్ వీడియో చిత్రీకరించి.. ఆమెను బ్లాక్‌మెయిల్‌ చేయడంతో పాటు తోటి విద్యార్థులకు వీడియోలను పంపాడు.

రెండో నిందితుడైన కౌశిక్‌ ఆ విద్యార్థిని న్యూడ్ ఫోటోలు భాస్కర్, అతని ద్వారా ధనుంజయరెడ్డి, అతని నుంచి మణికంఠ, తులసీకృష్ణ, వారి నుంచి కేశవ్, క్రాంతి కిరణ్, రోహిత్‌ అనే విద్యార్థులకు చేరుకున్నాయి. వీరిలో మణికంఠ, ధనుంజయరెడ్డి వాటిని ఆ యువతికి పంపి.. ఆమెను లొంగదీసుకోవడానికి ప్రయత్నించారు. మిగిలిన ఐదుగురికి ఇదే విషయం చెప్పడంతో వాళ్లు కూడా ఆమెను లొంగదీసుకునే ప్రయత్నం చేశారు.

వారిలో మణికంఠ అనే విద్యార్థి‘ఐయామ్‌ 420’ అనే పేరిట ఫేక్‌ అకౌంట్‌ తెరిచి ఇన్‌స్ట్రాగామ్‌ ద్వారా ఆ యువతికి చెందిన నగ్న చిత్రాలను ఆమెకే పంపి చాటింగ్‌ చేశాడు. ఆమెను బ్లాక్‌మెయిల్‌ చేసి రూ.50 వేల డబ్బు ఇవ్వాలని డిమాండ్‌ చేశాడు. బాధితురాలు అతడి బ్యాంక్‌ అకౌంట్‌ వివరాలు పంపమని కోరగా.. నిందితులు దొరికిపోతామనే భయంతో అకౌంట్‌ నంబర్‌ ఇవ్వలేదు.

ఈ క్రమంలో యువతే ధైర్యం చేసి తనను బ్లాక్‌మెయిల్‌ చేస్తున్న విషయమై పోలీసులకు ఫిర్యాదు చేసింది. పోలీసులు పక్కా సాంకేతిక ఆధారాలతో ఏడుగురు నిందితులను అరెస్ట్‌ చేసి ల్యాప్‌టాప్, 14 సెల్‌ఫోన్లు స్వాధీనం చేసుకున్నారు. నిందితులపై రౌడీషీట్లు తెరుస్తామని ఎస్పీ తెలిపారు.

Read Here>>ఆగష్టు 15కల్లా ఇంటి పట్టాలు ఇచ్చి తీరాలనేదే సీఎం జగన్ కోరిక

Categories
Andrapradesh

టీటీడీ సిబ్బందికి కరోనా.. అధికారులు అప్రమత్తం.. దర్శనాలపై ప్రభావం

కరోనా కారణంగా కొంతకాలం గ్యాప్ తర్వాత తిరిగి ప్రారంభం అయిన తిరుమల తిరుపతి దేవస్థానంలో కరోనా కేసులు పెరుగుతుండడం తిరుమల తిరుపతి దేవస్థానం అధికారులను ఆందోళనకు గురిచేస్తోంది. భక్తులకు సేవలందించే టీటీడీ సిబ్బంది కరోనా బాధితులుగా మారడం శ్రీవారి దర్శనాలపై ప్రభావం చూపుతోంది.

ఈ క్రమంలోనే భక్తుల నుంచి నమూనాలు సేకరించినట్లే ఉద్యోగుల నుంచీ విస్తృత సంఖ్యలో నమూనాలు సేకరించాలని అధికారులు నిర్ణయం తీసుకున్నారు. ప్రస్తుతం రోజుకు 13 వేల మంది తిరుమల శ్రీవారిని దర్శించుకుంటుండగా.. భక్తులకు అలిపిరి సమీపంలో పూర్తిస్థాయిలో పరీక్షలు నిర్వహించిన తర్వాతే దర్శనానికి అనుమతి ఇస్తున్నారు. ఈ క్రమంలో గడిచిన వారం రోజుల్లో తిరుమలలో విధులు నిర్వహిస్తున్న 17 మంది కరోనా బారిన పడ్డారు.

అయితే భక్తుల ద్వారా సిబ్బందికి కరోనా సంక్రమించలేదని గుర్తించిన టీటీడీ.. ఉద్యోగుల నుంచీ పెద్ద సంఖ్యలో నమూనాలు సేకరించాలని నిర్ణయించింది. రోజుకు 100 మందికి స్వాబ్‌ పరీక్షలు చేయనున్నట్లు అధికారులు వెల్లడించారు. ప్రస్తుతానికి కరోనా ప్రభావం భయపడాల్సిన స్థాయిలో లేదని, అలాంటి పరిస్థితే ఎదురైతే దర్శనాలపై పునరాలోచించే అవకాశం ఉందని అధికారులు చెబుతున్నారు.

Categories
Andrapradesh

అమరావతే రాజధానిగా ఉండాలి: రఘురామకృష్ణంరాజు

రాజధాని నగరం అమరావతిలోనే ఉండాలని వ్యక్తిగతంగా తాను అభిప్రాయపడుతున్నానని నర్సాపురం వైసీపీ ఎంపీ రఘురామకృష్ణంరాజు చెప్పారు. వైసిపి తిరుగుబాటు ఎంపి రఘురామరాజు తమ ప్రభుత్వం పున:పరిశీలించి, ఆంధ్రప్రదేశ్ రాజధాని మార్చే నిర్ణయాన్ని ఆపాలని డిమాండ్ చేశారు. మూడు రాజధానులు అనివార్యమైతే, ప్రభుత్వం అమరావతిని ఎగ్జిక్యూటివ్ క్యాపిటల్‌గా పెట్టాలని అన్నారు. అమరావతిలో 80 శాతం నిర్మాణ పనులు పూర్తయ్యాయని, అక్కడి నుంచి ప్రభుత్వాన్ని నడపడానికి అన్ని మౌలిక సదుపాయాలు ఇప్పటికే అందుబాటులో ఉన్నాయని అన్నారు.

తాను వైసిపి ఎంపి అయినప్పటికీ, 3 రాజధానుల ప్రణాళికకు వ్యతిరేకంగా తన అభిప్రాయాన్ని వ్యక్తం చేస్తున్నానని ఆయన చెప్పారు, ఎందుకంటే ఇది ప్రభుత్వం తీసుకున్న నిర్ణయం, కాని పార్టీగా వైసిపి సంబంధం లేదని, అంతేకాకుండా, వైసిపి మ్యానిఫెస్టోలో 3 రాజధానుల వాగ్దానం లేదని అన్నారు. అమరావతిపై పార్టీ నిర్ణయాలను తాను ఏ విధంగానూ ఉల్లంఘించలేదని ఎంపీ రాజు చెప్పారు.

రాజధాని అమరావతి కోసం రైతులు చేస్తున్న పోరాటం 200 రోజులకు చేరింది. ఈ సందర్భంగా వైసీపీ రెబల్ ఎంపీ రఘురామకృష్ణంరాజు వారికి సంఘీభావం ప్రకటించారు. గత 200 రోజులుగా ఆందోళన చేస్తున్న రైతులు, వ్యవసాయ కార్మికులు మరియు మహిళల నిబద్ధతను రఘు రామరాజు ప్రశంసించారు. అమరావతి మరియు విజయవాడ ప్రాంతం చాలా సహజ ప్రయోజనాలను కలిగి ఉన్నాయని, కృష్ణ నదిపై ఉన్నందువల్ల అమరావతి ఉత్తమ రాజధాని నగరంగా ఉంటుందని అన్నారు. ప్రభుత్వం అమరావతిని ఎగ్జిక్యూటివ్ క్యాపిటల్‌గా నిలుపుకోవాలని, ఇప్పటికే అందుబాటులో ఉన్న మౌలిక సదుపాయాలను ఉపయోగించాలని కోరారు.

Read:ఏపీ ప్రభుత్వం కీలక నిర్ణయం : 5 ఎకరాల లోపు రైతులకు ఉచితంగా బోర్లు!

Categories
Andrapradesh

గుంటూరు న్యూడ్ ఫోటోల కేసు.. ఇన్‌స్టాగ్రమ్ 420 దొరికాడు

గుంటూరుకు చెందిన బీటెక్‌ విద్యార్థిని న్యూడ్ ఫోటోలను సోషల్ ‌మీడియాలో అప్‌లోడ్‌ చేసిన కేసులో మరో ఇద్దరు యువకులను పోలీసులు అదుపులోకి తీసుకున్నారు. ఈ కేసుకు సంబంధించి నగ్నచిత్రాలు తీసిన వరుణ్, వాటిని పోర్న్‌ వెబ్‌సైట్‌లో అప్‌లోడ్‌ చేసిన కౌశిక్‌లను ఇప్పటికే అరెస్టు చేసిన పోలీసులు ఇన్‌స్ట్రాగామ్‌లో అప్‌లోడ్‌ చేసిన యువకుడిని కూడా గుర్తించారు.

విశ్వసనీయ సమాచారం మేరకు.. “మై నేమ్‌ ఈజ్‌ 420’ అనే ఇన్‌స్ట్రాగామ్‌ ఐడీపై విద్యార్థిని న్యూడ్ ఫోటోలను అప్‌లోడ్‌ చేసిన యువకుడిని పోలీసులు గుర్తించారు. విద్యార్థిని చదివిన కళాశాలలోనే చదివిన విద్యార్థికి ఈ వీడియోలు, న్యూడ్ ఫోటోలు అందాయి.

అయితే ఇవి ఎక్కడ నుంచి అతడికి వచ్చాయనే కోణంలో పోలీసులు విచారిస్తున్నారు. వీడియోలు సంపాదించిన విద్యార్థి వాటిని ఇన్‌స్ట్రాగామ్‌లో అప్‌లోడ్‌ చేయటంతో పాటు మరో నలుగురికి పంపినట్లు తెలిసింది. ఈ క్రమంలోనే డెల్టా ప్రాంతానికి చెందిన విద్యార్థితో పాటు అతని స్నేహితుడిని పోలీసులు అదుపులోకి తీసుకున్నట్లు సమాచారం. మరో ముగ్గురి కోసం గాలిస్తున్నారు. వీడియో తీసుకున్న విద్యార్థి సదురు విద్యార్థినిని బెదిరించి డబ్బులు కూడా తీసుకున్నట్లుగా తెలుస్తుంది.

Read:మాజీ మంత్రి కొల్లు రవీంద్ర అరెస్టు…వైసీపీ నేత హత్య కేసులో ఆయనపై అభియోగాలు

Categories
Andrapradesh Latest

ఢిల్లీలో వైసీపీ ఎంపీలు.. రఘురామ స్పందన ఇదే!

వైసీపీలో ఎంపీ రఘురామకృష్ణంరాజుపై అనర్హత వేటు వేయించేందుకు వైసీపీ ఎంపీలు సిద్ధం అయ్యారు. రఘురామకృష్ణంరాజుపై వేటు వేయాలంటూ కాసేపట్లో లోక్ సభ స్పీకర్ ఓంబిర్లాను వైసీపీ నేతలు కలవనున్నారు. రాఘురామ కృష్ణంరాజుపై వేటు వేయాలని విజ్ఞప్తి చేయబోతున్నారు. విజయసాయి రెడ్డి, సురేష్, శ్రీకృష్ణదేవరాయలు, మార్గాని భరత్, మిథున్ రెడ్డి, బాలశౌరి తదితరులు ఓంబిర్లాను కలవనున్నారు.

మరోవైపు రాఘురామ కృష్ణంరాజు హైకోర్టును ఆశ్రయించారు. తనపై అనర్హత, సస్పెన్సన్ చర్యలను అడ్డుకోవాలని పిటిషన్ వేశారు. తనకు వేరే పార్టీ లెటర్ హెడ్‌పై షోకాజ్ నోటీసులు ఇచ్చారని, తాను యువజన శ్రామిక రైతు కాంగ్రెస్ పార్టీ తరఫున ఎన్నిక అయ్యానని ఆ పిటిషన్‌లో వివరించారు.

ఈ సంధర్భంగా రఘురామకష్ణంరాజు 10Tvతో ప్రత్యేకంగా మాట్లాడారు. వైసీపీ ఎంపీల ఢిల్లీ పర్యటనతో ఎలాంటి ప్రయోజనం ఉండబోదన్నారు. ఇన్నాళ్లు సీఎం జగన్‌కు తెలియకుండా నడుస్తోందని భావించానని, ఢిల్లీకి ప్రత్యేక విమానంలో ఎంపీలు, న్యాయవాదులను వెళ్తున్నారంటే.. సీఎం కనుసన్నల్లోనే అంతా జరుగుతోందని అభిప్రాయపడ్డారు. ప్రజా సమస్యలు ప్రస్తావించిన వారిని సస్పెండ్ చేస్తే.. పార్లమెంట్‌లో ఎవరూ ఉండరని అన్నారు.

వైసీపీ ఎంపీలు విమానంలో ఢిల్లీ వెళ్లి ఓం బిర్లాను కలవాలనుకోవడంపై కూడా రఘురామకృష్ణంరాజు వ్యంగాస్త్రాలు సంధించారు. ఎంపీలు వెళ్లినంత మాత్రాన ఏమీ ఒరగబోదని అన్నారు. ఎవరో ఒక ఎంపీనీ ఉదాహరించి అనర్హత వేటు వెయ్యాలని భావిస్తున్నారని, తాను పార్టీకి కానీ, విధానాలకు కానీ, వ్యతిరేకంగా ఎలాంటి వ్యాఖ్యలు చేయలేదని మరోసారి స్పష్టం చేశారు. సీఎం జగన్‌ను పొగుడుతూనే వైసీపీ ఎంపీలను సుతిమెత్తని కామెంట్లు చేశారు.

ఎవరో ఒక బిజినెస్ మ్యాన్ విమానం ఖాళీగా ఉంది.. వైసీపీ ఎంపీలు తిరుగుతున్నారు. ప్రభుత్వానికి ఖర్చు తప్ప ఏమీ ఉండదు. విమానంలో ఢిల్లీలో వెళ్లి వైసీపీ ఎంపీలు ఫిర్యాదు చేయడమేంటి?. మెయిల్ ద్వారా పంపొచ్చు. ఏదో షో చేసుకుంటున్నారు అంతే. నేను మా ముఖ్యమంత్రిని గౌరవిస్తున్నాను. పార్టీని పల్లెత్తు మాట అనలేదు. పార్టీలోని కొందరి గురించి అభిప్రాయం మాత్రమే చెప్పానని అన్నారు.

Read:మతిమరుపు జనానికి కాదు… చంద్రబాబుకే : సజ్జల రామక‌ృష్ణారెడ్డి

Categories
Andrapradesh

నెల్లూరు టూరిజం ఆఫీసులో వికలాంగ మహిళా ఉద్యోగిపై డిప్యూటీ మేనేజర్ దాడి..జుట్టుపట్టుకుని ఈడ్చి పడేసి దాడి

ఏపీలోని నెల్లూరు జిల్లా టూరిజం కార్యాలయంలో దారుణం జరిగింది. ఓ మహిళా ఉద్యోగినిపై మేనేజన్ దాడికిపాల్పడ్డాడు. వికలాంగురాలని కూడా చూడకుండా ఏకంగా ఈడ్చి ఈడ్చి కొట్టాడు. అక్కడితో ఊరుకోకుండా మారణాయుధంతో దాడికి దిగాడు. కరోనా సమయంలో నిబంధనల మేరకు మాస్క్ పెట్టుకుని ఆఫీసుకు రావాలని సూచించినందుకు వికలాంగ ఉద్యోగినిపై దాడికి తెగబడ్డాడు డిప్యూటీ మేనేజర్.

వివరాల్లోకి వెళితే..నెల్లూరు దర్గా మిట్ట సమీపంలోని ఏపీ టూరిజం కార్యాలయంలో మహిళా ఉద్యోగినిలు చాలాకాలం నుంచి తీవ్రవేధింపులకు గురవుతున్నారు. కానీ అన్నింటినీ ఓర్చుకుని తమ విధులను నిర్వహిస్తున్నారు మహిళలు. ఈ క్రమంలో దుర్గామిట్ట ప్రాంతం కరోనా కేసులు ఎక్కువగా ఉన్నాయి. అయినా సరే డిప్యూటీ మేనేజర్ భాస్కర్ మాస్క్ పెట్టుకోకుండా ఆఫీసుకు రావటమేకాకుండా తోటి ఉద్యోగుల దగ్గరకు వెళ్లి మాట్లాడుతున్నాడు. దీంతో సదరు వికలాంగ ఉద్యోగిని సార్..మాస్క్ పెట్టుకోవాలి కదా..అది అందరికీ మంచిది కదాని ఓ వికలాంగ ఉద్యోగిని సూచించింది. దీంతో తీవ్ర ఆగ్రహంతో ఊగిపోయిన డిప్యూటీ మేనేజర్ భాస్కర్ ఆమెపై దాడికి దిగాడు. పనిచేసుకుంటున్న ఆమెను కుర్చీలోంచి ఈడ్చిపడేశాడు. తరువాత పక్క టేబుల్ పై ఉన్న ఓ ఇనుపరాడ్ తో ఇష్టమొచ్చినట్లుగా తీవ్ర దుర్భాషలాడుతు ఇష్టానుసారంగా కొట్టాడు.

గత కొంతకాలం నుంచి టూరిజం శాఖ ఖర్చులు తగ్గించుకునేందుకు ఉద్యోగాలు మానేయాలని మహిళలపై తీవ్ర ఒత్తిడి తీసుకువస్తున్నారు.డీవీఎం బాబూజీ సైతం తీవ్ర వేధింపులకు గురిచేస్తున్నారని మహిళా ఉద్యోగులు వాపోతున్నారు. ఈ క్రమంలో మాస్క్ పెట్టుకోవాలని సూచించినందుకు వికలాంగ మహిళా ఉద్యోగిని కుర్చీలోంచి జడపట్టుకుని లాగిపడేశాడు. తరువాత విచక్షణారహితంగా చావగొట్టాడు. గత కొంతకాలం క్రితం వేధింపులు భరించలేక కార్యాలయంలోనే ఓమహిళా ఉద్యోగిని ఆత్మహత్యకు యత్నించింది. అంటే అక్కడ ఏస్థాయిలో వేధింపులు ఉన్నాయో ఊహించుకోవచ్చు.

కాగా..వికలాంగ ఉద్యోగినిపై దాడికి పాల్పడిన డిప్యూటీ మేనేజర్ పై బాధితురాలు పోలీసులకు ఫిర్యాదుచేయటంతో కేసు నమోదు చేసుకున్న నాలుగవ టౌన్ పోలీసులు దర్యాప్తు చేపట్టారు.

Read:అత్యున్నత ప్రమాణాలు, అత్యాధునిక సౌకర్యాలతో 108, 104 సర్వీసులు.. 1068 కొత్త అంబులెన్సులు ప్రారంభించనున్న సీఎం జగన్