Category: Life Style

Categories
Life Style

బాగా నిద్ర పొయే మహిళల్లో ప్రెగ్నెన్సీ అవకాశాలు రెండింతలు..!

నిద్రే ఆరోగ్యం.. కంటి నిండా నిద్ర ఎంతో అవసరం కూడా.. నిద్రలేమి సమస్యలతో బాధపడేవారంతా ఇలాంటి నిద్ర కోసం పరితపిస్తు ఉంటారు. అనారోగ్య సమస్యలకు దూరంగా ఉండాలంటే ప్రతిఒక్కరూ ప్రశాంతంగా నిద్రపోవాలని పలు అధ్యయనాలు సూచిస్తున్నాయి. అందులోనూ పగలు కంటే రాత్రిళ్లూ నిద్రపోతే మంచి ఆరోగ్యమంటున్నారు. అదే మహిళల్లో అయితే మరి మంచిదంటున్నారు. ఎక్కువగా నిద్ర పోయే పెళ్లైన మహిళల్లో గర్భం దాల్చే అవకాశాలను రెండింతలు చేస్తుందని అధ్యయనం చెబుతోంది. ఒక రాత్రి 8 గంటల నిద్రతో హార్మోన్లను సమతుల్యం చేస్తుంది.

ఒత్తిడిని కూడా తగ్గించి సంతానోత్పత్తిని పెంచుతుందని సైంటిస్టులు పేర్కొన్నారు. ప్రెగ్నెన్సీ కోసం ప్రయత్నిస్తున్న జంటలలో, మంచి నిద్రతో గర్భవతి అయ్యే అవకాశాన్ని 91 శాతం పెంచిందని తేలింది. ఇండిపెండెంట్ స్లీప్ ఎక్స్ పర్ట్ Neil Stanley ప్రకారం.. మహిళల్లో ఎవరైనా గర్భం దాల్చాలని భావిస్తే… మంచి నిద్ర పోవాలని సూచిస్తున్నారు. ‘మంచి రాత్రి నిద్ర కావాలి. ఉదయం లేదా భోజన సమయంలో శృంగారం చేయాలని సూచించారు. IVF చికిత్స పొందుతున్న దాదాపు 200 మంది మహిళలను భారతదేశ పరిశోధకులు ప్రశ్నించారు.
Getting a good night’s sleep can double a woman’s chances of getting pregnantరాత్రికి 8 గంటల నిద్రపోయిన వారిలో 44 శాతం మంది గర్భం దాల్చారు. యూరోపియన్ సొసైటీ ఫర్ హ్యూమన్ రిప్రొడక్షన్ అండ్ ఎంబ్రియాలజీ డేటా చూపించింది. 6 గంటల వరకు నిద్ర పోయినవారు 23 శాతంగా ఉన్నారు. ఆరుగురు UK జంటలలో ఒకరికి గర్భం ధరించడంలో ఇబ్బందులు ఉన్నట్టు చెబుతున్నారు. IVF రోగులకు మాత్రమే కాకుండా, నిద్ర సలహా అందరికీ వర్తిస్తుందని నిపుణులు అంటున్నారు. క్రియేట్ ఫెర్టిలిటీ క్లినిక్‌ల ప్రొఫెసర్ గీతా నర్గుండ్ అభిప్రాయం ప్రకారం.. తగినంత నిద్ర పోవడం వల్ల హార్మోన్ల సమతుల్యం చేస్తుందని, ఫలితంగా ఆరోగ్యకరమైన జీవితాన్ని పొందవచ్చునని సైంటిస్టులు సూచిస్తున్నారు.

Categories
Internatioinal Life Style

కోవిడ్-19‌ ముప్పుపై చైనా కప్పిపుచ్చింది.. హాంగ్ కాంగ్ వైరాలజిస్ట్ ఆరోపణ!

ప్రపంచాన్ని వణికిస్తోన్న ప్రాణాంతక కరోనా వైరస్ మహమ్మారి గురించి చైనాకు ముందే తెలిసి డ్రాగన్ కప్పిపుచ్చిందని ఆ దేశ వైరాలిజిస్ట్ ఆరోపిస్తోంది. హాంగ్ కాంగ్‌కు చెందిన వైరాజాలిస్ట్ అమెరికాకు పారిపోయింది. వైరస్ పుట్టుకపై చైనా కప్పిపుచ్చే ధోరణిపై ఆరోపిస్తోంది. ప్రపంచవ్యాప్తంగా 12 మిలియన్ల మందికి కోవిడ్ -19 సోకిన సమయంలో.. హాంగ్ కాంగ్‌కు చెందిన ఈ వైరాలిజిస్ట్.. చైనాకు ప్రాణాంతక వైరస్ గురించి ముందే తెలిసిందని వెల్లడించారు. ఫాక్స్ న్యూస్‌కు ఇచ్చిన ప్రత్యేక ఇంటర్వ్యూలో ఆమె ఈ విషయాన్ని వెల్లడించారు.

హాంకాంగ్ స్కూల్ ఆఫ్ పబ్లిక్ హెల్త్‌లో వైరాలజీ, ఇమ్యునాలజీలో నైపుణ్యం కలిగిన Li-Meng Yan.. ప్రపంచ ఆరోగ్యానికి సంబంధించి చైనాకు ప్రపంచానికి తెలియజేయవలసిన బాధ్యత ఉందని అన్నారు. 2020 ప్రారంభ రోజుల్లో వైరస్ వ్యాప్తి ప్రారంభమైంది. ఆర్గనైజేషన్ (WHO) రిఫరెన్స్ లాబొరేటరీ కూడా ఇన్ఫ్లుఎంజా వైరస్‌లు మహమ్మారి ప్రత్యేకతగా పేర్కొంది.

కోవిడ్-19పై అధ్యయనం చేసిన సైంటిస్టులో యాన్ ఒకరు :
అగ్రశ్రేణి నిపుణులుగా పేరుపొందిన ఆమె పర్యవేక్షకులు, మహమ్మారి ప్రారంభంలో ఆమె చేస్తున్న పరిశోధనలను కూడా విస్మరించారని అన్నారు. లేదంటే ఎంతోమంది ప్రాణాలను వైరస్ బారినుంచి రక్షించి ఉండేవారమని తెలిపారు. COVID-19 ను అధ్యయనం చేసిన ప్రపంచంలోని మొట్టమొదటి శాస్త్రవేత్తలలో యాన్ ఒకరు.
Virologist who fled to US from Hong Kong accuses China of coronavirus cover-up 2019 డిసెంబర్ చివరలో చైనా ప్రధాన భూభాగం నుంచి కరోనా కేసులు భారీగా వ్యాప్తిచెందాయి. హాంగ్ కాంగ్‌లోని వారితో సహా విదేశీ నిపుణులను చైనాలో పరిశోధన చేయడానికి ఆ దేశ ప్రభుత్వం నిరాకరించిందని ఆమె చెప్పారు. చైనాలో వ్యాపిస్తున్న కరోనా వైరస్ గురించి ముందుగానే యాన్ తన సహచరులతో కలిసి చర్చించారు. వైరస్ గురించి బహిరంగంగా చర్చిస్తున్న వైద్యులు పరిశోధకులు అకస్మాత్తుగా మౌనంగా ఉండిపోయారు. వుహాన్ నగరం నుండి వచ్చిన వారంతా వైరస్ వ్యాప్తికి కేంద్రంగా మారారు. వారి వివరాలు అడగవద్దని చైనా హెచ్చరించింది.

హాంగ్ కాంగ్ నుంచి అమెరికా విమానం ఎక్కేసింది :
వైరస్ గురించి తాము మాట్లాడలేమని, కానీ, మాస్క్ ధరించాలని సూచించారు. అప్పటినుంచే ఒక మనిషి నుంచి మనిషికి కూడా ప్రసార కేసుల సంఖ్య భారీగా పెరగడం ప్రారంభమైంది. అప్పుడే యాన్ అమెరికాకు వెళ్ళిపోవాలని నిర్ణయం తీసుకుంది. క్యాంపస్‌లోని సెన్సార్‌లు, వీడియో కెమెరాలను దాటి ఏప్రిల్ 28న యునైటెడ్ స్టేట్స్ కాథే పసిఫిక్ విమానం ఎక్కింది. తాను అమెరికా రావడానికి కారణం కోవిడ్ వెనుక అసలు వాస్తవాన్ని బట్వాడా చేయడమేనని Fox Newsతో చెప్పారు.

చైనాకు పట్టుబడితే తనను జైలులో పెడతారని ఆమెకు తెలుసు. అందుకే అక్కడి నుంచి తప్పించుకున్నారు. ఇప్పుడు యాన్ అజ్ఞాతంలో ఉంది. తన దేశంలో ప్రభుత్వం తన ప్రతిష్టను దెబ్బతీసేందుకు ప్రయత్నిస్తోందని వాపోయారు. తన నోరు మూయించాలని ఉద్దేశంతో తనపై సైబర్ దాడికి స్కెచ్ వేశారని ఆరోపించారు. హాంకాంగ్ ప్రభుత్వం తన స్వస్థలమైన కింగ్డావోను స్వాధీనం చేసుకున్నట్లు తెలిపింది. తన జీవితం ఇంకా ప్రమాదంలో ఉందని,  తాను ఇంటికి తిరిగి వెళ్లలేనని ఆమె ఆందోళన వ్యక్తంచేస్తోంది.

Categories
Life Style

అందరూ ఎందుకంత స్వార్ధపరులు? సైన్స్ దగ్గర సమాధానముంది…

వాస్తవానికి స్వార్థం లేని మనిషే ఉండడు అంటారు. ఏ పని చేసినా అందులో స్వార్థాన్ని వెతుకునే వారు ఎందరో ఉంటారంటారు. అవసరమే మనిషి ప్రవర్తనను స్వార్థపూరిత పనిచేయిస్తుందని చెబుతున్నారు తత్వవేత్తలు, మనస్తత్వవేత్తలు.. శతాబ్దాలుగా స్వార్థపూరిత ప్రవర్తనపై ఎన్నో విశ్లేషణలు కొనసాగాయి కూడా. ఇప్పుడు ఓ కొత్త పరిశోధన ప్రకారం.. స్వార్థంత చేసే పనిలో ఎక్కువ ప్రయోజనాలను చూపిస్తుందని అంటున్నారు.

స్వార్థపూరితంగా ఎందుకు కనిపిస్తున్నారంటే? :
ప్రస్తుత రోజుల్లో చాలా మంది స్వార్థపూరితంగా ఎందుకు కనిపిస్తున్నారు. ఎందుకంటే వారి అవసరాలకు తొలి ప్రాధ్యానత ఇస్తున్నారు? అని అర్థం చేసుకోవాలి. కరోనావైరస్ మహమ్మారి ప్రభావంతో చాలామందిలో స్వార్థపూరిత జీవితంపై మరింత అవగాహనను పెంచిందని చెబుతున్నారు. వరుస సంక్షోభాల వల్ల తీవ్రతరమైన ఈ స్వార్థ ప్రవర్తన ఎక్కడ నుండి వస్తుందంటే స్వలాభం ఆధారిత ప్రవర్తన నుంచి వస్తుందని అంటున్నారు.

ప్రపంచంలో సమాజంలో అందరి మధ్య ఉన్నాము.. ఎల్లప్పుడూ అహాన్ని పెంచుకోవాలని చూస్తున్నాము. స్వలాభం అనేది అత్యంత ప్రాథమిక మానవ ప్రేరణగా ఆంగ్ల తత్వవేత్త థామస్ హాబ్స్ 1600లలో తెలిపారు. కానీ స్వలాభం లేకుండా వ్యవహరించలేరంటున్నారు. పరిశోధనలో సూచించినట్టుగా.. పరోపకారం, నైతిక పరిశీలనల ద్వారా మనిషి ప్రవర్తనను ప్రేరేపించవచ్చు.

ఆరోగ్యకరమైన స్వీయ సంరక్షణ, సరైన ప్రేమ స్వీయ స్వార్థమే అవుతుంది. మనస్తత్వవేత్తల అభిప్రాయం ప్రకారం.. వాస్తవానికి, మనలో చాలా మంది నిస్వార్థం నుంచి స్వార్థపూరిత క్షణాల్లో జీవిసిస్తుంటారు. స్వార్థపూరితంగా ఉండటమే జీవితంగా మారిన ఎందరో ఉంటారు.

జర్నల్ ఆఫ్ పర్సనాలిటీ అండ్ సోషల్ సైకాలజీలో ప్రచురించిన 2020 అధ్యయనం ప్రకారం.. స్వీయ-ఆధారిత ప్రవర్తనకు ప్రాధాన్యతనిచ్చే వ్యక్తులు జీవితంలో మెరుగ్గా ఉన్నారో లేదో తెలుసుకోవచ్చు. 2002, 2014 మధ్య ప్రజాభిప్రాయ జనరల్ సోషల్ సర్వే (GSS) కు 5,294 మంది అమెరికన్ల అభిప్రాయాలను విశ్లేషించారు వివిధ సర్వే ప్రశ్నలకు ఇచ్చిన సమాధానాల ద్వారా శాస్త్రవేత్తలు స్వార్థపరులను గుర్తించారు.

68శాతం మందిలో డబ్బే స్వార్థం :
68 శాతం మందిలో ఎక్కువ డబ్బు సంపాదనే స్వార్థంతో కూడిన సాధారణ లక్షణమని పరిశోధకులు విశ్వసిస్తున్నారు. వాస్తవానికి, నిస్వార్థ ప్రవర్తన ఉన్నవారికి అధిక ఆదాయంతో పాటు ఎక్కువ మంది పిల్లలు ఉన్నారని పరిశోధకల అభిప్రాయం.

నిస్వార్థత అనేది ఆలోచనలో నిండిపోతే.. కొంతమంది ఇతరుల అవసరాలను చూసుకోవటానికి ఎందుకు అంత కష్టపడతారు? అని మనస్తత్వవేత్త లిసా మేరీ బాబీ ఒక ఇంటర్వ్యూలో ప్రస్తావించారు. దానికి సమాధానంగా భావోద్వేగ మేధస్సులో ఉండవచ్చునని అన్నారు. కొంతమంది వ్యక్తులు ఇతరులు కంటే ఎమోషనల్‌గా కనిపిస్తారని ఆమె తెలిపారు.

చాలామంది తమలో స్వార్థాన్ని గుర్తించడం చాలా కష్టమనే చెప్పాలి. మనస్తత్వవేత్తలు, ఆర్థికవేత్తల 2020 అధ్యయనంలో.. స్వార్థపరులు వారి అహంకార ప్రవర్తన గురించి చెడుగా భావించకుండా ఉండేందుకు వారి ఆలోచనలకు అనుగుణంగా ప్రవర్తిస్తుంటారు. ఇతరుల ప్రవర్తనపై మంచి అవగాహన పొందడం ప్రతి ఒక్కరి వ్యక్తిగత బాధ్యతగా గుర్తించాలని సూచిస్తున్నారు.

Categories
Life Style

పొట్టపెరిగితే మెమెరీ తగ్గుతుంది…!

అధిక బరువు… అదేనండీ.. ఊభకాయం.. ప్రస్తుత జీవనశైలిలో ఆహారపు అలవాట్లతో పాటు సరైన వ్యాయామం కరువైపోయింది.  వ్యాయామం చేయనివారిలో ఈ సమస్య అధికంగా కనిపిస్తుంటుంది. ఫాస్ట్ ఫుడ్ అలవాట్లు కూడా ఇందుకు కారణమని పలు అధ్యయనాలు వెల్లడించాయి. చాలామందిలో శరీరంలో పొట్ట భాగం మాత్రం బానలా ఉబ్బిపోతోంది.

పొట్ట పెరిగిన వారిలో అనారోగ్య సమస్యలు అధికంగా ఉంటాయని చెబుతున్నారు. ఇప్పుడు మరో కొత్త విషయం వెలుగులోకి వచ్చింది.. పొట్ట పెరిగే కొద్ది… మెదడులోని మెమెరీ  తగ్గిపోతుందని లండన్ యూనివర్శిటీ కాలేజీ పరిశోధకులు హెచ్చరిస్తున్నారు.  మెదడులో dementia వ్యాధికి దారితీస్తుందని కనుగొన్నారు.

ప్రతి 8 మరణాలలో డిమెన్షియా వ్యాధి ఒకటి :
ఊభకాయం, మతిమరుపుకు మధ్య సంబంధాన్ని పరిశోధకులు గుర్తించారు. డిమెన్షియా వచ్చిన వారిలో 74 శాతం మంది ఊబకాయం ఉన్నట్టు తేలింది. ఊబకాయం ఉన్న మహిళల్లో డిమెన్షియా తరహా మతిమరుపు వ్యాధి వచ్చే ప్రమాదం 39 శాతం ఎక్కువగా ఉంటుందని తేల్చేశారు. ఇంగ్లాండ్‌లో ప్రతి 8 మరణాలలో ఒకటి 2017లో డిమెన్షియా వ్యాధి కారణమైందని అధ్యయనాలు వెల్లడించాయి.

డిమెన్షియాకు నడుము సైజుకు సంబంధం ఏంటి?
ఊబకాయం హృదయ సంబంధ వ్యాధులు, డయాబెటిస్, స్ట్రోక్, డిమెన్షియాతో సహా అనేక ఆరోగ్య సమస్యలను ప్రభావితం చేస్తుంది. పెద్దవారిలో ఊబకాయం రేట్లు 1975 నుంచి మూడు రెట్లు పెరిగాయి. 2016లో, ఇంగ్లాండ్‌లో 39 శాతం మంది పెద్దలే ఉన్నారు. ఊబకాయం కలిగి ఉన్నారని అంచనా వేశారు.

డిమెన్షియా రేట్లు పెంచడంలో నడుము పెరగడంపై (WC) waist circumference పాత్ర పోషిస్తుందా అని అంచనా. ఇంగ్లీష్ లాంగిట్యూడినల్ స్టడీ ఆఫ్ ఏజింగ్ నుంచి 6,582 మంది పాల్గొన్న వారిపై ఈ బృందం డేటాను తీసుకుంది. 18 సంవత్సరాల అధ్యయనంలో 18,000 మంది వాలంటీర్ల నుంచి ఈ సమాచారాన్ని సేకరించింది.

మహిళల్లోనే 39 శాతం డిమెన్షియా ముప్పు ఎక్కువ :
ఈ అధ్యయనం కోసం.. 50 ఏళ్లు పైబడిన పెద్దలను ఎంచుకున్నారు. వారి సాధారణ బరువు, అధిక బరువు గ్రూపులుగా విభజించారు. ఇందులో బాడీ మాస్ ఇండెక్స్ (BMI) ఒకటి. ప్రత్యేక కొలత (పౌండ్లలో బరువు x 703) / (అంగుళాల ఎత్తు x అంగుళాల ఎత్తు)గా గుర్తించారు.  స్థూలకాయాన్ని మహిళలకు 35+ అంగుళాలు, పురుషులకు 40+ అంగుళాలుగా పేర్కొన్నారు. 6.9 శాతం మందికి 15 ఏళ్ల కాలంలో గరిష్టంగా డిమెన్షియా వచ్చినట్టు తేలింది. వారిలో 74 శాతం మంది అధిక బరువు ఉన్నట్టు తేలింది.  ఈ ఫలితాలు జనాభా, జీవనశైలి ప్రవర్తనలు, రక్తపోటు, మధుమేహం, డిమెన్షియాకు జన్యు ప్రమాద కారకం అయిన APOE E-ε4 నుంచి స్వతంత్రంగా ఉంటాయని గుర్తించారు.

సాధారణ మహిళలతో పోలిస్తే ఊభకాయంతో బాధపడుతున్న మహిళలకు డిమెన్షియా వచ్చే ప్రమాదం 39 శాతం ఎక్కువగా ఉంటుందని గుర్తించారు. మెదడు ఆరోగ్యం, నడుము పరిమాణం ముడిపడి ఉన్నాయని తెలిపారు. ముఖ్యంగా మహిళలకు ఈ ప్రమాదం పొంచి ఉందని హెచ్చరిస్తున్నారు.

Categories
Life Style

ఫేస్ మాస్క్‌ల కంటే ఫేస్ షీల్డ్స్ ఎందుకంత సురక్షితమంటే.. సైంటిస్టుల మాటల్లోనే..!

అసలే కరోనా కాలం.. బయటకు వెళ్లాలంటే ముఖానికి మాస్క్ తప్పనిసరి. చాలామంది బయటకు వెళ్లే సమయంలో రకరకాల రంగురంగుల మాస్క్ లు ధరిస్తుంటారు. కానీ, వారు వాడే మాస్క్ ఎంతవరకు సురక్షితమంటే కచ్చితంగా అవును అని చెప్పలేని పరిస్థితి. కొందరు ఫేస్ మాస్క్ లు ధరిస్తుంటే.. మరికొందరు ఫేస్ షీల్డ్స్ పెట్టుకుంటారు. అసలు ఫేస్ మాస్క్, ఫేస్ షీల్డ్ రెండింటిలో ఏది సురక్షితమంటే? సైంటిస్టులు ఏం సూచిస్తున్నారో తెలుసుకుందాం..

సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (CDC)లోని ఆరోగ్య అధికారులు కరోనావైరస్ వ్యాప్తిని ఆపడానికి క్లాత్ ఫేస్ మాస్క్‌లను ఉపయోగించమని సిఫారసు చేస్తూ వచ్చారు. అయినప్పటికీ.. కొంతమంది ఫేస్ మాస్క్‌లకు బదులుగా ప్లాస్టిక్ ఫేస్ షీల్డ్‌లను వాడుతున్నారు.

ముఖం మొత్తాన్ని కప్పి ఉంచే క్లిన్‌డ్ ప్లాస్టిక్ ఎంచుకుంటున్నారు. క్లాత్ ఫేస్ మాస్క్‌లు ఇతరుల నోటి తుంపర్లను నిరోధించగలవని ఫేస్ షీల్డ్‌ల కంటే ఒక ప్రత్యేకమైన మార్గంలో అధ్వాన్నంగా ఉంటాయని అంటున్నారు. ఫేస్ మాస్క్‌ వాడినప్పుడు పదేపదే ముఖాన్ని తాకడం చేస్తుంటారు..

ఫేస్ మాస్క్.. తరచూ ముఖంపై తాకే అవకాశం ఎక్కువ :
అదే ఫేస్ షీల్డ్ ధరించినప్పుడు ముఖాన్ని తాకడానికి తక్కువ అవకాశం ఉంటుందని జాన్స్ హాప్కిన్స్ యూనివర్శిటీ సెంటర్ ఫర్ హెల్త్ సెక్యూరిటీలో అమేష్ అడాల్జా అభిప్రాయపడ్డారు. ఫేస్ మాస్క్‌లు నేరుగా చర్మంపై ధరిస్తారు.. వాటిని కదిలించిన లేదా మాట్లాడిన తర్వాత సర్దుబాటు చేసుకోవచ్చు.

వైరస్ సంక్రమించడానికి ఒక ప్రధాన అవకాశాన్ని సృష్టిస్తుందని హెచ్చరిస్తున్నారు. మీ ఇంట్లో తయారుచేసిన క్లాత్ మాస్క్ లు ధరించే వారంతా సరిచేయడానికి నిరంతరం ముఖాన్ని తాకుతుంటారు. ముఖాన్ని తాకడం కారణంగా వైరస్ సోకడానికి ఇదో ప్రధాన ద్వారమని అడాల్జా వివరించారు.
This Is Why Face Masks Are Actually Worse Than Face Shields, Doctor Saysఫేస్ షీల్డ్స్.. న్యూయార్క్ వంటి రాష్ట్రాల్లో మాస్క్‌లు సౌకర్యవంతంగా భావిస్తుంటారు. ఎందుకంటే… మాట్లాడటం, ఊపిరి పీల్చుకోవడం చాలా సులభమని అంటున్నారు. వెచ్చని వేసవి వాతావరణంలో ఫేస్ మాస్క్ లు అసౌకర్యంగా ఉంటాయని చెబుతున్నారాయన. కానీ, మీ నోటికి ఆటంకం కలిగించేవిగా ఉండవు.. ఎక్కువగా ఊపిరి పీల్చుకుంటున్నారు” అని అడాల్జా చెప్పారు. మాస్క్ ధరించినప్పుడు మాత్రం చాలా మఫిల్ అవుతారని, ఊపిరి పీల్చుకునేటప్పుడు ఇబ్బందిగా ఫీల్ అవుతారని అడాల్జా తెలిపారు.

ఫేస్ షీల్డ్.. మాస్క్‌ల కంటే మెరుగ్గా పనిచేస్తాయి :
కంఫర్ట్ ఫ్యాక్టర్‌తో పాటు, ఫేస్ షీల్డ్స్ వాస్తవానికి ఒక సాధారణ మాస్క్ కంటే అద్భుతంగా పనిచేస్తాయని వైద్యులు సూచిస్తున్నారు. ముఖం నుదిటి నుంచి గడ్డం వరకు, రెండు చెవులకు ఫేస్ షీల్డ్‌లు వైరల్ వ్యాప్తిని ఆపడంలో మాస్క్‌ల కంటే మెరుగ్గా పనిచేస్తాయని వైద్యుడు లీన్ పోస్టన్ సూచించారు. ఫేస్ మాస్క్‌ల కంటే ఫేస్ షీల్డ్స్ కు శాస్త్రీయ ఆధారాలు ఉన్నాయి. ఫేస్ షీల్డ్స్ 96 శాతం నోటి తుంపర్లను అడ్డుకుంటాయని పరిశోధకులు గుర్తించారు. యూనివర్శిటీ ఆఫ్ చికాగో అధ్యయనం ప్రకారం.. ఒక కాటన్ ఫేస్ మాస్క్ 80 నుంచి 95 శాతం ఏరోసోల్ కణాలను ఫిల్టర్ చేయగలదని రుజువైంది.

 

Categories
Life Style

కోవిడ్-19 వ్యాక్సిన్.. క్లినికల్ ట్రయల్స్ వేగవంతం సురక్షితమేనా?

కరోనా వైరస్ వ్యాక్సిన్ కనిపెట్టేందుకు ప్రపంచవ్యాప్తంగా విస్తృత స్థాయిలో పరిశోధనలు జరుగుతున్నాయి. ఇప్పటికే చాలామంది పరిశోధకులు వ్యాక్సిన్ కనిపెట్టే పనిలో నిమగ్నమయ్యారు. జనవరి నుంచే కరోనా వ్యాక్సిన్ కోసం ప్రయత్నాలు మొదలయ్యాయి. జనవరి 10న చైనాలోని సైంటిస్టులు కరోనా వైరస్ పూర్తి జన్యు సంకేతానికి సంబంధించి సమాచారాన్ని ప్రకటించారు.

కరోనా వ్యాక్సిన్ జన్యపరమైన సంక్రమణను నిరోధించే వ్యాక్సిన్ కోసం అప్పటినుంచే ప్రయత్నాలు మొదలయ్యాయి. చైనాలోని వుహాన్ లో ఉద్భవించిన ఈ వైరస్ ప్రపంచమంతటా విస్తృతంగా వ్యాపించింది. ఈ వైరస్‌కు SARS-CoV-2 అని కూడా పిలుస్తారు. అప్పటినుంచి కరోనా వ్యాక్సిన్, చికిత్స కోసం పరిశోధకులు పరిశోధనలు చేస్తూనే ఉన్నారు. ఇప్పుడు 6 నెలలు తర్వాత కూడా కరోనాను నిరోధించే అసలైన వ్యాక్సిన్ ఇప్పటికీ అందుబాటులోకి రాలేదు.

వ్యాక్సిన్ రేసులో సురక్షితమైన టీకా వచ్చేనా? :
కోవిడ్-19 కారణమయ్యే వైరస్ పై పోరాడాలంటే రెండు డ్రగ్స్ కలిపి చికిత్స చేస్తేనే ఫలితం ఉంటుందని కొన్ని అధ్యయనాలు వెల్లడించాయి. అందులో యాంటీ వైరల్ డ్రగ్ remdesivir తక్కువ వ్యవధిలోనే వైరస్ ప్రభావం నుంచి కోలుకునేలా చేస్తుందని అధ్యయనాల్లో తేలింది. ఇక స్టెరాయిడ్ అని పిలిచే dexamethasone డ్రగ్ ద్వారా కూడా కరోనా మరణాలను తగ్గించగలదని, కోవిడ్-19తో ఆస్పత్రిలో చేరి తీవ్ర శ్వాసపరమైన సమస్య ఉన్నవారిని ప్రాణపాయం నుంచి తప్పించినట్టు పలు అధ్యయనాలు ఇప్పటికే తేల్చేశాయి.
coronavirus covid 19 vaccine clinical trials speed safety

కానీ, ఇప్పటివరకూ వ్యాక్సిన్ రేసులో సురక్షతమైన, సమర్థవంతమైన వ్యాక్సిన్ కనిపెట్టలేదు. ఇప్పటికే దాదాపు 180 మందిపై కొన్ని వ్యాక్సిన్ ట్రయల్స్‌ నిర్వహించగా.. జంతువులు, మనుషులపై కూడా ట్రయల్స్ జరుగుతున్నాయి. ఈ ఏడాది ఆఖరిలో కరోనా వ్యాక్సిన్ ప్రజలకు అందుబాటులోకి వచ్చే అవకాశం ఉందని కొందరు నిపుణులు అంచనా వేస్తున్నారు. దీనికి యూఎస్. ఫుడ్, డ్రగ్ అడ్మినిస్ట్రేషన్ నుంచి కూడా ఆమోదం పొందాల్సి ఉంటుంది.

భద్రత, వ్యయంతో వ్యాక్సిన్ తయారీ వేగం పెరిగి తప్పుదోవ పట్టే అవకాశం లేకపోలేదని కొంతమంది నిపుణులు ఆందోళన చెందుతున్నారు. మహమ్మారిని అంతం చేయడానికి అవసరమైన హెర్డ్ రోగనిరోధక శక్తి, వ్యాక్సిన్ పొందటానికి తగినంత మందిని ఒప్పించే ప్రయత్నాలను నిరోధించే అవకాశం ఉందని అభిప్రాయపడుతున్నారు. సాంప్రదాయకంగా, టీకాలు బలహీనమైన లేదా చంపేసిన వైరస్‌లు లేదా వైరస్ శకలాలు నుంచి తయారవుతాయి. కానీ పెద్ద మొత్తంలో వ్యాక్సిన్‌ను ఉత్పత్తి చేయడానికి సంవత్సరాలు పట్టవచ్చునని అంటున్నారు. ఎందుకంటే ఇలాంటి టీకాలు తప్పనిసరిగా కణాలలో రూపొందించాలి.

క్లినికల్ ట్రయల్స్‌లో స్పీడ్ రికార్డులు :
శరీరంలోని కణాలపై కనిపించే పై కొన భాగాన్ని స్పైక్ ప్రోటీన్ అంటారు. ఇది వైరస్ మానవ కణాలలోకి ప్రవేశించడానికి అనుమతిస్తుంది. స్పైక్ ప్రోటీన్ వైరస్ వెలుపల ఉన్నందున, యాంటీబాడీలను గుర్తించడం కూడా సులభమైనదిగా పరిశోధకులు అంటున్నారు. స్పైక్ ప్రోటీన్‌ను RNA లేదా DNAగా తయారుచేసే SARS-CoV-2 వెర్షన్ కాపీ చేసారు.

coronavirus covid 19 vaccine clinical trials speed safety

వ్యాక్సిన్ శరీరంలోకి పంపిన తర్వాత రోగనిరోధక వ్యవస్థ వైరస్ గుర్తించి కణాలలోకి రాకుండా నిరోధించే యాంటీబాడీస్ విడుదల చేస్తుంది. వ్యాప్తిని నివారించడం లేదా తీవ్రమైన అనారోగ్యాన్ని నివారించగలదు. ఈ విధానాన్ని ఉపయోగించి ఔషధ తయారీదారులు టీకాలు, క్లినికల్ ట్రయల్స్ విషయంలో స్పీడ్ రికార్డులు సృష్టించారు.

మిల్కెన్ ఇన్స్టిట్యూట్ థింక్ ట్యాంక్‌లో భాగమైన ఫాస్టర్‌కూర్స్ 179 మందిని వ్యాక్సిన్ ట్రాక్ చేస్తోంది. వీటిలో ఎక్కువ భాగం ఇప్పటికీ ల్యాబ్, జంతువులలో పరీక్షించారు. దాదాపు 20 మందిపై ఇప్పటికే పరీక్షలు ప్రారంభించారు.ఇప్పుడు మూడవ దశ క్లినికల్ ట్రయల్స్ లో వ్యాక్సిన్లు ఉన్నాయి. మోడెనా, నేషనల్ ఇన్స్టిట్యూట్ ఆఫ్ అలెర్జీ అండ్ ఇన్ఫెక్షియస్ డిసీజెస్, బెథెస్డా, ఎండి., వ్యాక్సిన్ సామర్థ్యాన్ని పరీక్షించడానికి 30,000 మంది వాలంటీర్లను టీకా లేదా ప్లేసిబోతో టీకాలు వేస్తోంది.

మోడెర్నా టీకాకు రెండు మోతాదులు అవసరం. ఏ వ్యక్తికైనా టీకాలు వేయడానికి 28 రోజులు పడుతుందని NIIID డైరెక్టర్ ఆంథోనీ ఫౌసీ చెప్పారు. కొంతమంది పరిశోధకులు వివాదాస్పద ఛాలెంజ్ ట్రయల్స్‌ను ప్రయత్నించడం ద్వారా క్లినికల్ ట్రయల్స్‌ను మరింత వేగవంతం చేయాలని ప్రతిపాదించారు. ప్రజారోగ్య అధికారులు కూడా దుష్ప్రభావాలను నిశితంగా పరిశీలిస్తారు. వ్యాక్సిన్ ట్రయల్స్ దుష్ప్రభావాలు లేవని ఖచ్చితంగా చెప్పలేమని అంటున్నారు.

Categories
Life Style

పార్టనర్‌ను ద్వేషిస్తూనే వారితో శృంగారాన్ని ఎందుకు కోరుకుంటారు? ఇది ఆరోగ్యకరమేనా? సైకాలిజిస్టులు ఏం చెబుతున్నారు?

ఇష్టపూరిత శృంగారం పట్ల ఎంత ఆసక్తి ఉంటుందో అలాగే చాలామంది.. ద్వేషపూరిత శృంగారంపై కూడా అంతే ఆసక్తిని కనబరుస్తుంటారు. మరికొంతమంది జీవితంలో శృంగారంపై దురాభిప్రాయం ఉండొచ్చు.. పరిస్థితుల దృష్ట్యా వారిలో శృంగారంపై ఆ ద్వేషాన్ని రగిలించవచ్చు. ఏది ఏమైనా ద్వేషించే ప్రతిఒక్కరిలోనూ దానికి సంబంధించి బలమైన కారణం ఉండొచ్చు లేదా ప్రభావితమై కూడా ఉండొచ్చు. ఇలాంటి వ్యక్తులతో శృంగారంలో పాల్గొనాల్సి వచ్చినప్పుడు ఇబ్బందికర పరిస్థితులు ఎదురవుతూనే ఉంటాయి.
Why do people like hate sex and is it healthy?చాలామంది ద్వేషపూరిత శృంగారాన్నే అమితంగా ఎందుకు ఇష్టపడతుంటారు? అసలు శృంగారమనేది ఒక ఆరోగ్యకరమైన చర్యగా చెబుతుంటారు సెక్సాలిజిస్టులు.. అలాంటిప్పుడూ మానసికంగా, ఆరోగ్య పరంగా ఎదురయ్యే ఒత్తిడి వంటి సమస్యలను కూడా శృంగారంతో జయించవచ్చునని ఇప్పటికే పలు అధ్యయనాలు తేల్చేశాయి కూడా. ఇంతకీ ద్వేషపూరిత శృంగారం ఆరోగ్యకరమైనదేనా? ఈ విషయంలో సైన్స్ ఏం చెబుతోంది? సెక్సాలిజిస్టులు, సైకాలిజిస్టులు ఏమని సలహాలు, సూచనలు ఇస్తున్నారో తెలుసుకునే ప్రయత్నం చేద్దాం..
Why do people like hate sex and isమీరు ద్వేషించే వారితో ఎప్పుడైనా ‘మైండ్ బ్లోయింగ్’ శృంగారం చేశారా? దీనిపై సెక్సువల్ థియరీ ఏమంటుందంటే… ద్వేషపూరిత శృంగారం అని పిలిచే అనుభవమని అంటోంది. ఇతర వ్యక్తి పట్ల మీకు ఉన్న అసహ్యం కారణంగా శృంగారంపై తీవ్రంగా ఉంటుంది. వారిపై మీ కోపం శృంగారంపై కూడా విరక్తిని కలిగిస్తుంది. ద్వేషం అనేది ఒక బలమైన పదంగా చెప్పవచ్చు. ఎందుకంటే మీ ‘ద్వేషపూరిత సెక్సువల్ పార్టనర్’ పట్ల మీకు ఉన్న ఆగ్రహం వాస్తవానికి అంత లోతుగా ఉండకపోవచ్చు.

మీకు చాలా నచ్చని బాధించే సహోద్యోగి కావచ్చు లేదా పరిచయస్తుడు ఎవరైనా కావొచ్చు. చాలా మంది తమ మాజీలకు సంబంధించి ద్వేషపూరిత శృంగారం గురించి ప్రస్తావిస్తుంటారు. వారిపై ఏర్పడిన ద్వేషపూరిత భావన కారణమని చెప్పవచ్చు. ఇకపై వారిని మించకపోవచ్చు. ముఖ్యమైన ప్రశ్న ఏమిటంటే.. మేము ఎవరిని ద్వేషిస్తూ శృంగారం చేస్తున్నామో కాదు.. మనం ఎందుకు అంతగా ఇష్టపడతాము? అనేది ప్రశ్నించుకోవాలి.

ద్వేషపూరిత శృంగారం అంటే ఏమిటి? :
బర్మింగ్‌హామ్ సిటీ యూనివర్శిటీకి చెందిన ప్రొఫెసర్ Craig Jackson ప్రకారం.. ద్వేషపూరిత శృంగారం అనేది ఒక అస్పష్టమైనది. దీనికి అనేక కారణాలు చెప్పవచ్చు. మీరు అవతలి వ్యక్తిని ద్వేషించవచ్చు. వారు మిమ్మల్ని ద్వేషించవచ్చు లేదా మీరు ఒకరినొకరు ద్వేషించుకోవచ్చు. ‘కొంతమంది’ శృంగారాన్ని ద్వేషించడం ఒక ఏకపక్ష చర్య అని అనుకుంటారు. ఒక పార్టనర్ మరొక వ్యక్తిని ఇష్టపడటం లేదని సూచిస్తుందని ఆయన చెప్పారు. రీవేంజ్ (ప్రతీకారం) కూడా శృంగారంలో ఒక భాగమని చెప్పారాయన.

Why do people like hate sex and

ఇతరులకు, ‘ద్వేషపూరిత శృంగారం’ అనేది ఒక భాగస్వామ్య అనుభవంగా పేర్కొన్నారు. ఇక్కడ ఇద్దరు భాగస్వాములు ఒకరినొకరు ఇష్టపడరు. మూలం ఏమైనప్పటికీ, ఇంకా శృంగారాన్ని వీరిద్దరూ అంగీకరిస్తున్నారు. ఇద్దరు భాగస్వాముల మధ్య వైరుధ్యం, ఉద్రిక్తతతో విషయాలు మరింత ఆహ్లాదకరంగా, ఇబ్బందికరంగా ఉంటాయి. ద్వేషపూరిత శృంగారం అన్ని ఇతర రకాల శృంగారాల మాదిరిగానే ఒక్కసారిగా మారిపోతుంది.

ద్వేషపూరిత శృంగారాన్ని ఎందుకింత ఇష్టపడతారు? :
‘శృంగార సంబంధాల గురించి మాట్లాడేటప్పుడు ప్రేమకు వ్యతిరేకం ద్వేషం కాదనే ముందుగా అర్థం చేసుకోవాలి’ అని లెలోలోని శృంగార నిపుణులు Kate Moyle చెప్పారు. ద్వేషపూరిత .. మీరు ద్వేషించే వారితో శృంగారంపై మక్కువ ఉంటుంది. కొంతమందికి ఒకరి పట్ల మరొకరు భావోద్వేగాలను వ్యక్తీకరించుకోవచ్చు. ఉద్రేకం, ఆడ్రినలిన్ ఛార్జ్ అయ్యేలా చేస్తుంది.

అది క్రమంగా శృంగారానికి ప్రేరేపిస్తుంది. శృంగారంలో సైన్స్ కూడా దాగి ఉంది. ఎవరినైనా ఆకర్షించినప్పుడు మన మెదడు 3 రసాయనాలను విడుదల చేస్తుంది. దీన్ని neurotransmitters అని కూడా పిలుస్తారు. హ్యూమన్ బ్రెయిన్ మ్యాపింగ్ జర్నల్‌లో ప్రచురితమైన అధ్యయనం ప్రకారం.. ఈ రసాయనాలలో ప్రతి ఒక్కటి భిన్నమైన పనితీరును కలిగి ఉంటాయని అర్థం చేసుకోవాలి.

Adrenaline : మనకు ఒత్తిడి, ఉత్సాహం లేదా భయం అనిపించినప్పుడు విడుదల అవుతుంది
Serotonin : ఆరోగ్యాన్ని మెరుగుపరుస్తుంది మరియు మనకు సంతోషాన్ని కలిగిస్తుంది.
Dopamine : ఫీల్ గుడ్ హార్మోన్ అంటారు

మీకు నచ్చిన వ్యక్తులకు మాత్రమే జరగదు. మీరు కోపంగా ఉన్నప్పుడు, మీ శరీరంలో ఆడ్రినలిన్ విడుదలవుతుంది. ఏదేమైనా, ద్వేషపూరిత శృంగారం అద్భుతంగా ఉంటుందనే అభిప్రాయం లేకపోలేదు. అయితే, ఎల్లప్పుడూ అలా ఉండదని అర్థం చేసుకోవాలి. ద్వేషపూరిత లైంగిక సంబంధాన్ని చాలామంది కొనసాగిస్తుంటారు.
Why do people like hate sex andద్వేషిస్తూ శృంగారం చేయడం ఆరోగ్యకరమైనదేనా? :
లైంగిక సంబంధ సమస్యలపై జంటల కౌన్సెలింగ్‌ ఇచ్చే సైకోథెరపిస్ట్ పామ్ కస్టర్స్, ద్వేషపూరిత శృంగారం మంచిది కాదని చెప్పారు. మీరు లైంగికంగా ఆకర్షణీయంగా భావించే వ్యక్తితో అలా చేసినప్పుడు సరైన ఆరోగ్యకరమైన శృంగారం అనిపించుకోదని అన్నారు. శృంగారం ద్వారా ఆధిపత్యం, సాన్నిహిత్యం కాదు, పరస్పరం గౌరవప్రదమైనది కాదని అన్నారు. మేకప్ శృంగారం, ద్వేషపూరిత శృంగారం మధ్య తేడాను ఆమె వివరించారు. ద్వేషపూరిత శృంగారంతో ప్రజలు తమ భాగస్వామి పేర్లను పిలవడం లేదా పడకగది వెలుపల ఎప్పుడూ చేయని విధంగా వారితో సాన్నిహిత్యంగా ఉండేందుకు సహకరిస్తుందని అభిప్రాయపడ్డారు.

అనారోగ్యకరమైనది ఏమిటంటే.. భావోద్వేగాలను బయటకు ప్రదర్శించడం లేదా అణచివేయడం అనారోగ్యకరమైన చర్యగా పేర్కొన్నారు. ద్వేషపూరిత శృంగారంలో పాల్గొనడం ఆరోగ్యకరమైనా అంటే స్పష్టమైన సమాధానం లేదు. ఎందుకంటే ఇతర లైంగిక భావోద్వేగాల మాదిరిగా ఇది చాలా వ్యక్తిగతమైనదిగా చెప్పవచ్చు. ఇందులో కొన్ని సమస్యలు, ఇబ్బందులు ఉన్నాయి..

మీకు నచ్చని లేదా గౌరవించని వ్యక్తితో లైంగిక సంబంధం కలిగి ఉంటే.. వారితో మీరు నెగటీవ్‌గా భావిస్తారు. మీరు కోపంగా లేదా ద్వేషించే వ్యక్తి కాకపోతే.. కావలసిన మానసిక లేదా శారీరక సంతృప్తిని ఇవ్వకపోవచ్చు. మీ లైంగిక జీవితం ఆస్వాదించడానికి.. ద్వేషపూరిత శృంగారం మీకు నచ్చినదిగా ఉండి.. మీరు నిజంగా ఏమి కోరుకుంటున్నారో నిర్ధారించుకోవడానికి మీ స్వంత భావాలతో ఓసారి చెక్ చేసుకోవడం మంచిదని సైకాలిజిస్టులు సూచిస్తున్నారు.

Categories
Health Life Style

కొవిడ్-19 నయం చేస్తాయంటున్న ఈ డ్రగ్స్ అంతా స్కామ్..?! ఇందులో ఎంత వాస్తవం ఉందంటారు?

అసలే మహమ్మారి కాలం.. ప్రపంచమంతా కరోనా కోరల్లో చిక్కుకుంది. రోజురోజుకీ ప్రాణాంతకంగా మారిపోతున్న కరోనాకు ఇప్పటివరకూ సరైన మందు లేదు. కానీ, కొవిడ్-19 వ్యాక్సిన్ కనిపెట్టేందుకు మాత్రం విస్తృతంగా పరిశోధనలు కొనసాగుతున్నాయి. ఒకవేళ కరోనా వ్యాక్సిన్ అందుబాటులోకి వచ్చినా అది ఎంతవరకు కరోనా నివారించగలదో గ్యారెంటీ లేదు. ఒకవేళ వ్యాధి తీవ్రతను తగ్గించినా… వ్యాధి సంక్రమణను మాత్రం నివారించలేదని పలు అధ్యయనాలు సైతం చెబుతున్నాయి.

ఇలాంటి పరిస్థితుల్లో కరోనా అసలైన మందు లేదనేది అక్షర సత్యం.. కరోనా నయం చేస్తాయని చెబుతున్న డ్రగ్స్ కూడా పూర్తి స్థాయిలో కరోనాను నివారించలేవని పలు నివేదికలు చెబుతున్నాయి. కరోనాను నయం చేయగల మందుల పేరుతో మార్కెట్లోకి చెలామణీ అయ్యే డ్రగ్స్ ఏమైనా ఉంటే అదంతా స్కామ్ అనే వాదన వినిపిస్తోంది. కరోనా క్యూర్ పేరిట విక్రయించే ఎలాంటి మందులతోనూ కరోనాను నివారించలేవని, అదంతా స్కా్మ్ అనే అభిప్రాయాలు వ్యక్తమవుతున్నాయి.

కోవిడ్ నుంచి ఈ డ్రగ్స్ కోలుకునేలా చేస్తాయా? :
ప్రస్తుతం కోవిడ్-19 క్యూర్ పేరిట వస్తున్న కొన్ని డ్రగ్స్ విషయంలో నిశితంగా పరిశీలించాల్సిన అవసరం ఉందని అంటున్నారు. కోవిడ్ తో తీవ్ర అనారోగ్యానికి గురైన వారికి వెంటనే కోలుకునేలా చేస్తాయనడంలో వాస్తవం లేదని అంటున్నారు. అందులో కరోనా నయం చేసే corticosteroid dexamethasone డ్రగ్ కూడా వైరస్ బాధితులు బతికే అవకాశాలను మాత్రమే మెరుగుపరుస్తుంది. అంతే తప్పా వారిలోని వైరస్‌తో పోరాడదు.

శరీరంలో ఇన్ ప్లేమెంటరీ రెస్పాన్స్ (తాపజానక ప్రతిస్పందన) తగ్గిస్తుందంతే.. పూర్తి అనారోగ్యాన్ని తగ్గించేలా మాత్రం పనిచేయదు. తేలికపాటి లక్షణాలు ఉన్నవారికి కూడా పెద్దగా సాయపడదని చెబుతున్నాయి. ఇప్పటివరకు కరోనా చికిత్సలో ఉత్తమ ఔషధంగా పేరొందిన Remdesivir డ్రగ్ కొద్ది మొత్తంలో అనుకూల ఫలితాలు కనిపించాయి. కానీ ఈ డ్రగ్ కూడా అద్భుత నివారణ కాదు. ఇక హైడ్రాక్సీక్లోరోక్విన్ విషయంలోనూ ఇదే తరహా వాదన వినిపిస్తోంది. కానీ ట్రయల్స్‌లో దాని పనితీరు పరిశోధకులను సైతం నిరాశపరిచిందనే చెప్పాలి.

చట్ట విరుద్ధ సంస్థలకు 86 లేఖలతో FDA హెచ్చరిక :
కరోనా వైరస్ నివారణకు వాడే చాలా డ్రగ్ ఉత్పత్తులతో పరిమిత ఫలితాలే ఇప్పటివరకూ కనిపించాయి. COVID-19 క్యూర్ పేరిట మార్కెట్లో కొన్ని హానికరమైన సమ్మేళనాలతో అమ్ముడవుతున్నాయనే ఆరోపణలు లేకపోలేదు. కరోనావైరస్‌కు చికిత్స చేయగలమని, నివారించవచ్చని లేదా నయం చేయవచ్చని చట్టవిరుద్ధంగా పేర్కొన్న సంస్థలకు FDA హెచ్చరిస్తూ 86 లేఖలను రాసింది.

colloidal silver సంబంధిత ఉత్పత్తుల్లో ఏవి కూడా వైరస్ నయం చేయలేవని, పైగా హానికరం కూడా అనే వాదన లేకపోలేదు. CBD ఉత్పత్తులతో తరచూ ఏదో ఒక వ్యాధి నివారణకు విక్రయిస్తుంటారు. వీటిలో ఏదైనా డ్రగ్ పనిచేస్తుందనడానికి ఎలాంటి ఆధారాలు లేవు. హోమియోపతిక్ ‘డ్రగ్స్’ FDA నిబంధనలలో లొసుగును సూచిస్తోంది. ఇవి కూడా పనిచేయవనే వాదన బలంగానే ఉంది. ముఖ్యమైన నూనెలు, మూలికా చికిత్సలు, ఆహార పదార్ధాలు వంటి అనేక ఇతర ఉత్పత్తుల ద్వారా COVID-19 నివారణకు సాయపడతాయనడానికి జీరో ఆధారాలు ఉన్నాయి.

బ్లీచ్ తాగడం వల్ల కరోనా పోదు :
FDA షిట్‌లిస్ట్‌లోని ఉత్పత్తులలో ఒకటి COVID-19 కు అసలైన వ్యాక్సిన్‌గా మార్కెట్ చేస్తుంది. కరోనావైరస్ వ్యాక్సిన్లపై కూడా పెద్ద ఎత్తున ట్రయల్స్ జరిగినట్టు ఎక్కడా లేదు. వినియోగదారుల లభ్యత చాలా తక్కువగా ఉందనే అభిప్రాయం వ్యక్తమవుతోంది. బ్లీచ్‌గా పిలిచే పదార్థం కూడా కరోనా నివారణగా విక్రయిస్తున్నారు.

అయితే బ్లీచ్ తాగడం వల్ల కరోనా నయం కాదని గుర్తించాలి. COVID-19 నివారణగా MMSను అమ్ముతున్న ఓ ప్రాంతంపై కూడా గతవారమే FBI దాడులు నిర్వహించింది. COVID-19 ఒక వైరస్ వల్ల సంక్రమిస్తుంది. ప్రస్తుతం ఈ వైరస్ లేదా అది కలిగించే సంక్రమణకు వ్యాక్సిన్ నివారణ, చికిత్స లేదా నివారణ లేదని గుర్తించాలి.

ఇవన్నీ తాత్కాలిక చికిత్సలే : వైరస్ బతికే ఉంటుంది :
మీకు కరోనా ఉందని మీరు అనుమానిస్తే.. మీరు వైద్యుడిని (ఫోన్ లేదా వర్చువల్ విజిట్ ద్వారా) సంప్రదించాలి. ఇతరులకు సోకకుండా ఉండటానికి మిమ్మల్ని మీరు ఐసోలేట్ చేసుకోవడం ఎంతో ఉత్తమం.

సరైన జాగ్రత్తలు తీసుకుంటూ.. ఏదైనా శ్వాసపరమైన సమస్యలు ఉంటే వెంటనే తక్షణ వైద్య సాయం పొందాల్సి ఉంటుంది. కరోనాకు అందించే ప్రస్తుత చికిత్సలన్నీ కేవలం వైరస్ నుంచి ఇమ్యూనిటీ పొందేందుకు ఉపశమనం ప్రయత్నాలే తప్పా.. పూర్తి స్థాయిలో వైరస్ ను నాశనం చేయలేవని ప్రతిఒక్కరూ గుర్తించుకోవాలి.

Categories
Life Style

శృంగారానికి సమయంలేదు, ఓపిక లేదనేవాళ్లు పడకగదిని, ఆఫీసు పనిని బ్యాలెన్స్ చేయగలరా? సైన్స్ దగ్గర సమాధానముంది!

శృంగారపు కోరికలు ఉరకలేస్తున్నా.. పనిలో బిజీగా ఉంటున్నారా? పని ఒత్తిడితో శృంగారానికి సమయమే లేదా? .. బాబూ చాలా బిజీగా గడిపేస్తున్నాడే? అని ఫీల్ అవుతుంటారు.. ఇంతకీ ఇలాంటి వాళ్లు అసలు పడక గదిని, ఆఫీసు రూంని బ్యాలెన్స్ చేయగలరా? అలా రెండింటిని హ్యాండిల్ చేయాలంటే.. ఈ విషయంలో సైన్స్ ఏం చెబుతోంది. ఎలాంటి సలహాలు సూచనలు చేస్తోంది.

ఈ విషయంలో సెక్సాలిజిస్టులు, సైకాలిజిస్టులు ఏమంటున్నారు?.. నిత్య కోరికలు బుస్సలు కొడుతున్నా పని ఒత్తిడి కారణంగా శృంగారాన్ని ఎంజాయ్ చేయలేకపోతున్నామని ఆవేదన చాలామందిలో కనిపిస్తుంటుంది. బయటకు కనిపించకపోయినా వారిలో నిరుత్సాహం కొట్టచ్చినట్టు కనిపిస్తూనే ఉంటుంది.

ఇలాంటి వారిలో శృంగారంపై ఆసక్తిని పెంచడమే కాకుండా బిజీ లైఫ్ లో వర్క్ తో పాటు రిలేషన్ ఎలా బ్యాలెన్స్ చేయవచ్చునో పలు ప్రశ్నలకు సెక్సాలిజిస్టులు సూచించే సమాధానాలేంటో ఓసారి పరిశీలిద్దాం..
Too tired and busy for sex these tips to improve your sex lifeప్రశ్న : నేను ఎప్పుడూ తీవ్ర అలసటతో ఉంటాను లేదా శృంగారంలో తెగ బిజీగా గడిపేస్తుంటాను. నా పార్టనర్ తో కలిసిన సమయంలో అతడి భుజాలపై నేను వాలినప్పుడు నాలో అనిపించే భావన ఒకటే.. శృంగారాన్ని ఎలా ఎంజాయ్ చేయాలి? వర్క్ ఒత్తిడిలో ఉన్నప్పటికీ రెండింటిలో ఎక్కువగా దేనికి ఎలా ప్రాధాన్యత ఇవ్వాలంటారు?

సమాధానం : మంచి ప్రశ్న… ఇలాంటి పరిస్థితులను చాలామంది జంటలు వారి బిజీ లైఫ్ లో నిత్యం ఎదుర్కొంటునే ఉంటారు. నాకు దగ్గరకు వచ్చే చాలా మంది క్లయింట్స్ కూడా ఇదే విషయాన్ని ఎక్కువగా ప్రస్తావిస్తుంటారు. వచ్చిన వారిందిరికి నేనిచ్చే సమాధానం ఒక్కటే… మీరు అడిగిన ప్రశ్నలోనే సమాధానం ఉంది.. దాన్ని అనుసరించే దేనికి ప్రాధాన్యత ఇవ్వాలో నిర్ణయించుకోవచ్చు.

శృంగారంపై ఆశ.. మిమ్మల్ని కౌగిళ్లలో బందీని చేస్తుంది :
ప్రతిఒక్కరిలోనూ శృంగారంపై ఆశ ఉంటుంది. అది వారిలో పరిస్థితుల అనుకూలతను బట్టి బయటపడుతుంది. మనలో చాలామందిలో శృంగారమంటే అదేదో అప్పటికప్పుడూ కలిగే సులభమైన భావనగా భావిస్తుంటారు. హనీమూన్ సమయంలోనూ కొత్త జంటల్లో ఇదే తరహా ఉద్వేగం ఎదురవుతుంది. ఆ సమయంలో శరీరంలో విడుదలయ్యే సులభమైన హార్మోన్లు ఉత్పత్తి అవుతాయి.

శృంగారం చేయడం ఎంతో సులభం అనే భావన మనలో ఉన్నప్పుుడు వారిలో మరింత ఆనందాన్ని ఆస్వాధించేలా ప్రేరేపిస్తుంది. బలవంతపు ప్రయత్నం లేకుండానే సాధారణమైన లైంగిక చర్యగా కొనసాగాలని భావిస్తుంటారు. ఎప్పుడూ బిజీగా ఉండే సమాజంలో జీవిస్తున్నాం.. ఇబ్బందికర పరిస్థితుల్లో జీవనం సాగిస్తుంటారు.

ఇలాంటి పరిస్థితుల్లో పేరెంటింగ్ అనేది ఒక పనిగా మారింది. ఆఫీసుల్లోనే ఎక్కువ సమయం గడపాల్సి వస్తోంది. ఇలాంటి వారి జీవితంలో రిలేషన్ సంబంధిత సమస్యలు అధికంగా కనిపిస్తున్నాయని అంటున్నారు. ఇంతకీ పనికి ప్రాధాన్యత ఇవ్వాలా? లేదా శృంగారానికా అంటే రెండూ ముఖ్యమైనవేనని అంటున్నారు సైకాలిజిస్టులు..

చాలామందికి తమ సన్నిహిత సంబంధం కంటే పని లేదా సంతానానికి ప్రాధాన్యత ఇస్తారు. జంటలతో కలిసి పనిచేస్తున్నప్పుడు, వారి సంబంధాన్ని ప్రాధాన్యత జాబితాలో ఉండాలని సూచిస్తానని తాన్య అంటున్నారు.

అప్పడుప్పుడు ఒక పని లేదా కుటుంబాన్ని ఒక స్థాయి లేదా రెండుగా విభజించవచ్చు. కానీ, ప్రతివారం కాదనే విషయం గుర్తించుకోవాలి. మీ రిలేషన్‌కు ప్రాధాన్యత ఇవ్వడమంటే.. మీరు రోజుకు ఎనిమిది గంటలు శృంగారంలో పాల్గొంటారని కాదు.. మీ రిలేషన్ బలపడటానికి మీరో పునాది వేస్తున్నారని అర్థం చేసుకోవాల్సి ఉంటుంది.

పనితో ఎప్పుడు బిజీగా ఉండే వారిలో శృంగారంపై ఆసక్తి, ఆశను ఎక్కువగా పెంచుకోవాలంటే ముందుగా ఒకరినొకరు తమ రిలేషన్‌ను కొనసాగించవచ్చు. అంతేకాదు.. సాన్నిహిత్యాన్ని మరింత కొనసాగించడానికి సెక్సాలిజిస్టులు సూచిస్తున్న ఈ కొన్ని విషయాలు సాయపడతాయని అంటున్నారు.

ప్రతి జంట గుర్తించుకోవాల్సిన విషయం : బిజీగా పనితో అలసిపోయిన జంటల్లో శృంగారం దూరం కావొచ్చు. కానీ, వారిలో రిలేషన్ల సంఖ్య ఎక్కువగా ఉంటుంది. కేవలం శారీరక సంబంధం లేని సంబంధాల్లో నష్టం కూడా లేకపోలేదు. ఒత్తిడి, అలసట వంటి సమస్యల నుంచి బయట పడాలంటే ప్రతిఒక్క జంట కూడా లవ్ హార్మోన్లను పొందాల్సి ఉంటుంది. ఔధార్యం, కౌగిలింతలతో ముడిపడిన ఆక్సిటోసిన్ ఉత్పత్తి కాని జంటలన్నీ లవ్ హార్మోన్ సమతుల్యాన్ని కోల్పోతున్నాయిని తాన్య వివరించారు.

రిలేషన్ బాగుంటే.. శృంగారానికి పరిమితులే ఉండవు :
రిలేషన్ బాగున్నా ప్రతి జంటలో శృంగారానికి కోరికల పాన్పు పరిచినట్టే. సంబంధాన్ని బట్టే శృంగారంపై ఒక అంచనాకు రావచ్చు. మీరు అలసిపోయినట్టుగా ఉంటే.. సరిగ్గా పనిచేయగలరా? ఆరోగ్యంగా లేకుంటే 90 శాతం పని ఎలా పూర్తి చేయగలరు? అనేది గుర్తించాల్సిన విషయమే. ఇరువురు పార్టనర్లు సంతోష స్థితికి చేరుకోవడంలో 60 శాతం మేర శక్తి ఉంటే సరిపోతుంది.Too tired and busy for sex these tips to improve your sex lifeతక్కువ సామర్థ్యం ఉన్న సమయంలోనూ ఎవరికీ భావ ప్రాప్తి, ఉద్వేగం లేదని సూచించవచ్చు. లేదా మీలో ఎవరైనా హస్త ప్రయోగం చేస్తున్న సమయంలో మరొకరు స్ట్రోక్ చేసి గట్టిగా కౌగిలించుకోవచ్చు. లైంగికంగా, ఒకరినొకరు సన్నిహితంగా ఉండటానికి ఎన్నో మార్గాలు ఉన్నాయి. పనితీరుపై దృష్టి పెట్టేందుకు ప్రయత్నించాలి. సరదా కోసం కొత్త ప్రదేశాలకు పార్టనర్లను తీసుకెళ్లి ఎంజాయ్ చేయడం వంటి చేయాలని సూచిస్తున్నారు.

అనుకోని శృంగారానికి సరైన ప్లాన్, సమయం అవసరమే.. :
చాలామంది జంటల్లో సన్నిహిత సంబంధాలు సమయాన్ని ప్లాన్ చేయడంలో లేదా స్థలం అనుకూలంగా లేదని అయిష్టత చూపిస్తుంటారు. అయినప్పటికీ వారి డైరీలను ఓసారి పరిశీలిస్తే.. పని, కుటుంబానికి సంబంధించి నెలల ముందుగానే ప్రణాళిక సిద్ధం చేసుకుంటారు.

శృంగారానికి సరైన సమయం ఎంచుకోకుంటే అద్భుతంగా అనిపించదని అంటున్నారు సెక్సాలిజిస్టులు.. అనుకోని శృంగారానికి ప్లాన్ చేసుకోండి. ప్రతి వారం శారీరకంగా ఒకరితో ఒకరు కలిసేందుకు సమయాన్ని తప్పనిసరిగా కేటాయించండి. రోజుకు ఎన్ని సార్లు తరచుగా కేటాయించాలో నిర్ణయించుకోవాలి. క్రమం తప్పకుండా శృంగారం చేయాలని భావిస్తే.. సాధారణ శృంగార సమయాన్ని షెడ్యూల్ చేయడమే ఉత్తమమని సెక్సాలిజిస్టులు సూచిస్తున్నారు.

భౌతిక సంబంధం ఎలా ఉంటుందంటే?
భౌతిక సంబంధాలు అంటే చాలా విషయాలు చెప్పుకోవచ్చు. బహిరంగ ప్రదేశాల్లో లేదా ఏదైనా రద్దీ ప్రదేశాల్లో కావొచ్చు.. ఇంట్లో అయినా బయట కావొచ్చు… సందర్భాన్ని బట్టి సాన్నిహిత్యాన్ని కొనసాగించాలి. అప్పుడే పార్టనర్ల మధ్య సరైన సాన్నిహిత్యాన్ని పెంచుకోవచ్చునని అంటున్నారు. దీనికి సంబంధించి ఎన్నో సలహాలు సూచనలను అందిస్తున్నారు. అవేంటో ఓసారి చూద్దాం..

* మీరు హాయ్ లేదా బాయ్ చెప్పినప్పుడు ఒకరికొకరు 6 సెకన్ల ముద్దు ఇచ్చుకోవాలి.
* ఆకర్షణతో కూడిన ముద్దు అయి ఉండాలి. మీ భాగస్వామితో కనెక్ట్ అవ్వాలనే స్పష్టమైన ఉద్దేశమై ఉండాలి.
* ఈ ఆకర్షణ, ఉద్దేశమనేది దీర్ఘకాలం ఉండొచ్చు లేదా కొన్నాళ్లు కొనసాగించేలా నిర్ణయించుకోవాలి.

కౌగిలింతలు :
* కౌగిలింతలు శృంగారానికి పునాది లాంటివి. కారణంతో సంబంధం లేకుండా రోజువారీ విషెస్ మాదిరిగా ఉండాలి. ఒకరినొకరు గౌరవించుకోవడం, కలిసి నడవడం, ప్రశంసలు కురిపించుకోవడం వంటివి చేయడాలి. అప్పుడే ఇరువురిలో సంబంధం మరింత బలపడుతుంది.. శృంగారపు కోరికలను ప్రేరేపిస్తుంది.

Too tired and busy for sex these tips to improve your sex life

కలిసి స్నానం చేయాలి :
* టబ్‌లో కలిసి స్నానం చేయడం లేదా మరో భంగిమలో చేయాలి.
* బాత్ రూంలో ఒక వైపు కూర్చుని ఉండగా మరొకరు టబ్‌లో కూర్చొని ఉండాలి.
* ముచ్చటించుకోవాలి లేదా గ్లాసు వైన్ లేదా నారింజ రసం మొదలైనవి కలిసి సేవించాలి.
* స్నానం చేసే సమయంలో మీ పార్టనర్ వెనుకభాగాన్ని నీటితో కడుగుతూ సన్నిహితంగా మెలగాలి.

కలిసి షవర్ బాత్ చేయండి :
* ఒక పార్టనర్.. మరో పార్టనర్ కలిసి షవర్ బాత్ చేయాలి.
* సరదాగా అనిపిస్తుంది.. కొంచెం అలసటగా అనిపించినా ఆనందాన్ని ఇస్తుంది.

మసాజ్ చేసుకోవడం :
* ఒకరినొకరిపై శృంగారపు కోరికలను రేకిత్తించడానికి ఇదో ఎంతో ఉత్తమం..
* ఈ వారం నీకు మసాజ్ ఇస్తాను.. వచ్చే వారం ఏదో ఒక గిఫ్ట్ కానీ, మసాజ్ చేయమని కోరవచ్చు.
* శృంగారానికి సమయం ఆసన్నమైందనడానికి ఇదో మార్గం.
* ఒకరినొకరు సెక్సీగా అనిపించేలా పరస్పరం ప్రేరేపించుకోనేలా మసాజ్ ఉండాలి.

Too tired and busy for sex these tips to improve your sex life

మీ గదిలో నచ్చి నట్లు… Tv ని చూడండి :
* రాత్రి సమయంలో మీకు నచ్చినట్టుగా  ఉంటూనే కలిసి టీవీ చూడండి.
* కొంచెం సిగ్గుగా అనిపిస్తే.. మాత్రం లో-దుస్తులు ధరించాలి.
* నగ్నంగా కలిసి టీవీ చూస్తూ శృంగార అనుభూతిని ఎంజాయ్ చేయొచ్చు.

సెక్సీ గేమ్స్ ఆడండి :
* స్ట్రిప్ పోకర్ ఆడొచ్చు.. శృంగారపు ఆటల్లో ఇదొకటి.
* కింకి స్క్రాబుల్ (మీరే రూల్స్ క్రియేట్ చేసుకోవచ్చు).
* పార్టనర్ శరీరంపై ఒక భాగంలో పూసిన క్రీమ్‌ను లిక్ చేస్తూ ప్రేరణ పొందొచ్చు.

శృంగారంలో ఏం చేయాలో లిస్టు ప్రిపేర్ చేయండి :
* ఇద్దరూ కలిసి శృంగార విషయాల జాబితాను రాసుకోండి.
* ఏది ఎక్కువ సార్లు టిక్ చేస్తే… అది ఎక్కువగా ప్రయత్నించాలి.
* శృంగారానికి ముందు జరిగే ప్రేరణ కోసం ఇలా ప్రయత్నించవచ్చు.

శృంగారానికి కాస్తా దూరంగా ఉండేలా ప్లాన్ చేయండి :
* పిల్లలతో ఆటలాడండి.. వారిని కాసేపు వదిలేసి.. కొంత సమయం కలిసి గడపండి.
* నచ్చిన అంశాలను గుర్తు చేసుకోండి.. ఇరువురిలో ప్రేమను పెంచే విషయాలను ముచ్చటించండి.
* కబర్లు చెప్పుకున్న కొంత సమయం రిలేషన్ స్ట్రాంగ్ చేస్తుంది..
* అంతేగానీ, శృంగారాన్ని ఆశించి దూరంగా వెళ్లే ప్రయత్నం చేయొద్దు.
* ఆశ్వాదించలేని శృంగారం వ్యర్థమే.. ఆ సమయంలో ఒకరినొకరు మాట్లాడుకోవడం చేయాలి.
* దీర్ఘకాలిక సంబంధాలకు ఇరువురి మధ్య సమన్వయం అవసరం..
* అలసటగా లేదా బిజీగా ఉన్నా సమయంలోనూ రిలేషన్ బలపడేలా ప్రయత్నించాలి.
* శృంగారానికి ఒక సమయం ఉందని గుర్తిండాలి.. అదే సమయాన్ని శృంగారానికి ఎంచుకోండి.
* అప్పుడే ప్రతి రాత్రి వసంత రాత్రిలా సంసార జీవితం సుఖమయంగా మారుతుంది..

Categories
Health Life Style

కరోనా వైరస్‌.. మెదడును తీవ్రంగా దెబ్బతీస్తుంది.. హెచ్చరిస్తున్న సైంటిస్టులు!

కరోనావైరస్ సోకినవారిలో మెదడుపై ప్రభావం పడి దెబ్బతినే అవకాశం ఉందని సైంటిస్టులు హెచ్చరిస్తున్నారు. కోవిడ్ -19 సోకిన బాధితుల్లో మంట, సైకోసిస్, మతిమరుపుతో పాటు తీవ్రమైన నాడీ సంబంధిత సమస్యలకు దారితీస్తుందని అంటున్నారు. యూనివర్శిటీ కాలేజ్ లండన్ (UCL) పరిశోధకులు జరిపిన ఒక అధ్యయనంలో తాత్కాలికంగా మెదడు పనిచేయకపోవడం, స్ట్రోకులు, నరాల దెబ్బతినడం లేదా ఇతర తీవ్రమైన మెదడు ప్రభావాలకు గురైనట్టు గుర్తించారు. COVID-19 రోగులకు సంబంధించి 43 కేసులపై పరిశోధించినట్టు చెప్పారు.

ఈ పరిశోధన ఇటీవలి అధ్యయనాలకు మరింత బలాన్ని చేకూరుస్తోంది. కరోనా వైరస్ మెదడును తీవ్రంగా దెబ్బతీస్తుందని కూడా కనుగొన్నారు. మహమ్మారి కారణంగా మెదడు దెబ్బతిన్న అంటువ్యాధిని బహుశా 1918 influenza మహమ్మారి తరువాత 1920-1930లలో ఎన్సెఫాలిటిస్ లెథార్జికా వ్యాప్తికి సమానంగా ఉంటుందని చూడాలని UCL Institute Neurology నుంచి మైఖేల్ జాండి చెప్పారు.

ఈయన న్యూరాలజీ, అధ్యయనానికి నేతృత్వం వహించినవారిలో ఒకరు. COVID-19 ఎక్కువగా ఊపిరితిత్తులను ప్రభావితం చేసే శ్వాసకోశ అనారోగ్యమని న్యూరో సైంటిస్టులు, స్పెషలిస్ట్ మెదడు వైద్యులు చెబుతున్నారు. మెదడుపై వ్యాధి ప్రభావానికి సంబంధించిన ఆధారాలు ఉన్నాయని చెప్పారు.

ఆందోళనకరమైన విషయం ఏమిటంటే?.. ఇప్పుడు కోవిడ్ -19తో మిలియన్ల మందికి వైరస్ సోకింది. ఒక ఏడాదిలో 10 మిలియన్ల మంది కోలుకున్న వ్యక్తులు ఉంటే, ఆ వ్యక్తుల్లో పని సామర్థ్యంపై ప్రభావితం చేస్తుందని కెనడాలోని యూనివర్శిటీకి చెందిన పాశ్చాత్య న్యూరో సైంటిస్ట్ అడ్రియన్ ఓవెన్ తెలిపారు.

బ్రెయిన్ జర్నల్‌లో ప్రచురించిన UCL అధ్యయనంలో మెదడు వాపు ఉన్న 9 మంది రోగులకు అక్యూట్ డిస్‌మినేటెడ్ ఎన్సెఫలోమైలిటిస్ (ADEM) అనే అరుదైన పరిస్థితి ఉన్నట్లు నిర్ధారణ అయింది. సాధారణంగా పిల్లలలో కనిపిస్తుంది. వైరల్ ఇన్‌ఫెక్షన్ల ద్వారా ప్రేరేపించింది. సాధారణంగా స్పెషలిస్ట్ లండన్ క్లినిక్‌లో నెలకు ADEM ఉన్న ఒక వయోజన రోగి గురించి చూస్తారని బృందం తెలిపింది.

అధ్యయనంలో వారానికి కనీసం ఒక వారానికి పెరిగిందని అన్నారు. ఈ వ్యాధి కొద్ది నెలలుగా మాత్రమే ఉన్నందున, COVID-19 దీర్ఘకాలిక నష్టం ఏమిటో ఇంకా తెలియకపోవచ్చుని అధ్యయనానికి సహ-నాయకత్వం వహించిన రాస్ పాటర్సన్ చెప్పారు. నరాల ప్రభావాల గురించి వైద్యులు తెలుసుకోవాల్సిన అవసరం ఉందన్నారు. నాడీ, మానసిక సమస్యలు ఎంత సాధారణమో అంచనా వేయడానికి పెద్ద, వివరణాత్మక అధ్యయనాలు, ప్రపంచ డేటా సేకరణ అవసరమని అంటున్నారు.