Categories
Political

బీజేపీలోకి వైసీపీ ఎంపీలు? ఏపీలో అసలు కమలం వ్యూహం ఏంటి?

గ్రామ సచివాలయాలకు పార్టీ రంగులేసి ఎదురుదెబ్బలు తిన్న ఆ పార్టీ రంగు పేరు ఎత్తితేనే కంగారు పడిపోతోంది. ఏ రంగు అయినా కాషాయంలో కలిసిపోతుంది అంటూ బీజేపీ చేసిన కామెంటే ఈ కంగారుకు కారణం. దీంతో ఏపీ రాజకీయాలు కొత్త రంగు పులుముకున్నాయి. ఇంతకాలం టీడీపీ పసుపు రంగుపైనే కన్నేసిన బీజేపీ, ఇప్పుడు వైసీపీ మూడు రంగులపైన కూడా కన్నేసినట్టు కనిపిస్తోంది. ఓవరాల్ గా ఈ రంగుల వ్యవహారంలో బీజేపీ అసలు రంగు ఏంటో చూడాలి.

Now its Vijay Sai Reddy vs Raghurama Krishnam Raju ...

వైసీపీ, బీజేపీ మధ్య వార్:
ఏపీలో అధికార వైసీపీ, కేంద్రంలోని అధికార బీజేపీ మధ్య వార్‌ నడుస్తోంది. వైసీపీ ఎంపీ రఘురామకృష్ణంరాజు వ్యవహారం నేపథ్యంలో రెండు పార్టీల మధ్య ట్వీట్‌ వార్‌ నడుస్తోంది. వైసీపీ రాజ్యసభ సభ్యుడు విజయసాయిరెడ్డి చేసిన ట్వీట్‌ ఇందుకు ఆజ్యం పోసింది. రఘురామకృష్ణంరాజుపై చర్యలు తీసుకోవాలంటూ ఇప్పటికే వైసీపీ ఎంపీలు లోక్‌సభ స్పీకర్‌కు ఫిర్యాదు చేశారు. ఆయనకు పార్టీ ద్వారా వివిధ కమిటీల్లో సంక్రమించిన పదవుల నుంచి తొలగించాలని కూడా కోరారు. ఇదే సమయంలో విజయసాయిరెడ్డి ఓ ట్వీట్‌ చేశారు. దీనికి సమాధానంగా బీజేపీ రాష్ట్ర వ్యవహారాల ఇన్‌చార్జి సునీల్‌ దియోధర్‌ ఓ ట్వీట్‌ చేయడం రాజకీయ వర్గాల్లో ఆసక్తిని పెంచింది.

Bengal will be bonus, will help BJP in crossing 300-mark: BJP ...

పసుపునే కాదు ఏ రంగునైనా కాషాయం చేయగల సత్తా ఉంది:
ఒక్క పసుపు రంగునే కాదని.. ఏ రంగునైనా కాషాయం చేయగల సత్తా బీజేపీకి ఉందని దియోధర్‌ ట్వీట్‌ చేయడం దుమారం రేపుతోంది. రఘురామకృష్ణంరాజు ఫేడ్ చేస్తున్న రంగులను కాపాడుకోవాలంటూ విజయసాయిరెడ్డిని ఉద్దేశిస్తూ ఆయన పేర్కొనడం విశేషం. దియోధర్‌ ట్వీట్‌ వెనుక చాలా అర్థాలున్నాయని అంటున్నారు. ఇక్కడ పసుపు అంటే పరోక్షంగా టీడీపీని ఉద్దేశించేని స్పష్టం అవుతోంది. గతంలో టీడీపీకి చెందిన నలుగురు రాజ్యసభ ఎంపీలు బీజేపీలో చేరారు. సుజనా చౌదరి, సీఎం రమేష్, టీజీ వెంకటేశ్‌, గరికపాటి రామ్మోహన్‌రావుతో పాటు మరో ఎంపీ బీజేపీలో చేరారు.

MP Raghurama Krishnam Raju complains to police against YSRCP MLAs

బీజేపీలోకి వైసీపీ ఎంపీలు?
ఆ విషయాన్ని పరోక్షంగా ప్రస్తావించిన సునీల్ దియోధర్.. తాజాగా వైసీపీలో చిచ్చు రేపుతోన్న రఘురామకృష్ణంరాజు అంశాన్ని ప్రస్తావించారు. పరోక్షంగా మరికొందరు నేతలు రఘురామకృష్ణంరాజుతో కలసి కాషాయం కండువా కప్పుకొంటారేమోనన్న ప్రచారానికి ఆస్కారం ఇచ్చారు. రఘురామతో పాటు మరికొందరిని అవసరం అనుకుంటే తమ పార్టీలోకి తీసుకొచ్చే సత్తా ఉందని సునీల్‌ పరోక్షంగా వైసీపీని హెచ్చరించారని బీజేపీతో పాటు వైసీపీ నేతల్లో కూడా చర్చించుకుంటున్నారు. రఘురామకృష్ణంరాజు పార్టీ వ్యతిరేక కార్యకలాపాలకు పాల్పడుతున్నారంటూ సుమారు 100 పేజీల ఫిర్యాదు ప్రతిని వైసీపీ ఎంపీలు స్పీకర్‌ ఓం బిర్లాకు అందజేశారు.

వైసీపీ నుంచి వలసలను ప్రోత్సహించేందుకు బీజేపీ ప్రయత్నం:
వైసీపీ తరఫున ఎన్నికైన రఘురామకృష్ణంరాజు.. వైసీపీలో ఉంటూ మిగిలిన ప్రతిపక్షాలతో మంతనాలు చేస్తూ పార్టీ వ్యతిరేక కార్యకలాపాలకు పాల్పడుతున్నారన్నది విజయసాయిరెడ్డి విమర్శ. ఏపీలో బలపడాలని బీజేపీ ఎప్పటి నుంచో ప్లాన్‌ చేసుకుంటోంది. ఆ పార్టీలో నాయకులు చాలా మంది చేరుతున్నారు. ప్రస్తుతానికి రాష్ట్రంలో బలంగా ఉన్న వైసీపీ నుంచి కూడా వలసలను ప్రోత్సహించేందుకు బీజేపీ ప్రయత్నిస్తోందని అంటున్నారు. అందులో భాగంగానే రఘురామకృష్ణంరాజును వాడుకుంటోందని వైసీపీ నేతలు అనుమానిస్తున్నారు. పార్టీ నుంచి ఇతర నేతలు జారుకోకుండా ఉండేందుకు జాగ్రత్త పడుతున్నారు. రఘురామకృష్ణంరాజుకు వ్యతిరేకంగా పోలీసు స్టేషన్లలో ఎమ్మెల్యేలతో ఫిర్యాదులు కూడా చేయిస్తున్నారు. మరి ఈ వ్యవహారం రఘురామ ఒక్కరితో ఆగుతుందా… ఇంకా ముందుకు వెళ్తుందా అన్నది వేచి చూడాల్సిందే.

Categories
Political

తొలిసారి జగన్ ప్రభుత్వాన్ని మెచ్చుకున్న పవన్, దీని వెనుక వ్యూహం ఉందా?

ప్రశ్న క్లారిటీగా ఉంటేనే, జవాబు కూడా అంతే క్లారిటీగా ఉంటుంది. క్వశ్చన్ లో కన్ ఫ్యూజన్ ఉంటే, ఆన్సర్ లో క్లారిటీ మిస్ అవుతుంది. ప్రస్తుతం ప్రశ్నించే పార్టీలో అదే జరుగుతోంది. ప్రశ్నించే పార్టీ నాయకుడే ప్రశ్నగా మిగిలిపోతున్నాడు. ప్రభుత్వ నిర్ణయాలపై ఒక్కో సందర్భంలో ఒక్కో రీతిన అధినాయకుడు స్పందిస్తుండటంతో పార్టీ కేడర్ అయోమయంలో పడిపోతోంది.

BJP and Pawan Kalyan announce alliance, emerge as 'third ...

బీజేపీతో జత కలిశాక పవన్ లో మార్పు:
రాజకీయాల్లోకి వచ్చినప్పటి నుంచి జనసేనాని పవన్‌ కల్యాణ్‌ తీరు అటు ఇటుగానే ఉంటోంది. ఒక్కోసారి ఒక్కోలా మాట్లాడుతూ ఉంటారనే అపవాదు ఉంది. ఏదైనా అంశం మీద ఒకసారి మాట్లాడిన తర్వాత మళ్లీ చాలా రోజుల వరకూ దాని గురించి పట్టించుకోకపోవడం అలవాటు. ఇటీవల చాలా కాలం పాటు ఏ విషయంపైనా స్పందించకుండా ఉన్న పవన్‌.. ఇప్పుడు వైసీపీ ప్రభుత్వ చర్యల మీద రెండు మూడు ప్రకటనలు చేశారు. ముఖ్యంగా బీజేపీతో జత కలసిన తర్వాత ఆయన రాజకీయాల మీద పెద్దగా కాన్‌సంట్రేట్‌ చేస్తున్నట్టుగా కనిపించడం లేదని పార్టీ వర్గాలే అంటున్నాయి. పార్టీకి సంబంధించిన కార్యకలాపాలు కూడా పెద్దగా ఏమీ చేపట్టడం లేదు. ఇతర నాయకులు కూడా ఎక్కడా ఏ విషయం మీదా స్పందించడం లేదు. పార్టీ అభిమానులు కూడా సైలెంట్‌ అయిపోయారు.

Pawan Kalyan Praises AP CM YS Jagan

తొలిసారి ప్రభుత్వాన్ని ప్రశంసిస్తూ ట్వీట్లు:
తాజాగా జనసేనాని పవన్‌ కల్యాణ్‌.. ప్రభుత్వానికి అనుకూలంగా రెండు ప్రకటనలు చేశారు. తొలిసారిగా జగన్‌ ప్రభుత్వాన్ని ప్రశంసిస్తూ చేసిన ఆ ట్వీట్లు చూసి ఆ పార్టీ నేతలు కూడా కంగుతిన్నారట. మంచి పనులు చేస్తే ఎవరినైనా మెచ్చుకోవాల్సిందే. కాకపోతే రాజకీయాల్లో ఎవరైనా మంచి పని పనులు చేసినప్పుడు.. వాటిని వారి ప్రత్యర్థులు మెచ్చుకునే సందర్భాలు చాలా తక్కువగానే ఉంటాయి. కానీ, పవన్‌ కల్యాణ్‌ మాత్రం ఇందుకు భిన్నంగా వ్యవహరిస్తుంటారు. అనేకసార్లు ఏపీ సీఎం జగన్‌పై తీవ్రస్థాయిలో ధ్వజమెత్తిన పవన్… రాష్ట్రంలో అంబులెన్స్‌లను ప్రవేశపెట్టినప్పుడు మాత్రం ప్రశంసించారు. కరోనా టెస్టులను ఎక్కువ సంఖ్యలో చేయడం పట్ల కూడా ఏపీ సర్కార్‌ను పవన్ కళ్యాణ్ మెచ్చుకున్నారు.

Can't let unrest prevail here': Pawan calls for central govt ...

మూడు రాజధానుల ప్రతిపాదనపై జనసేనాని విమర్శలు:
జగన్‌ను ఇలా మెచ్చుకోవడం వైసీపీకి ప్లస్‌ అయ్యిందనే చెప్పుకోవాలి. ఆ రెండు మెచ్చుకోళ్లకు విరుగుడుగా తాజాగా మూడు రాజధానుల ప్రతిపాదనపై మరోసారి వైసీపీ సర్కార్‌ను విమర్శించారు పవన్‌. అభివృద్ధి వికేంద్రీకరణ జరగాలే తప్ప రాజధానిని మూడు ముక్కలు చేయడం ద్వారా అభివృద్ధి వికేంద్రీకరణ అయినట్లు కాదన్నారు. ఈ విషయంలో ప్రభుత్వం తీరును తప్పుబట్టారు. పవన్ కల్యాణ్ ఇలా అంశాలవారీగా జగన్ సర్కార్‌పై భిన్నమైన అభిప్రాయాలు వ్యక్తం చేయడంపై రాజకీయవర్గాలతో పాటు జనసేన వర్గాల్లోనూ చర్చ జరుగుతోంది.

We supported long march event on the request of Pawan Kalyan ...

చంద్రబాబు అలా, పవన్ ఇలా:
అంబులెన్స్‌లు, కరోనా టెస్టుల విషయంలో జగన్ సర్కార్‌ను పవన్‌ మెచ్చుకోగా… అంబులెన్స్‌ల వ్యవహారంలో కుంభకోణం జరిగిందని, కరోనా టెస్టుల విషయంలో నాణ్యత సరిగ్గా లేదని టీడీపీ అధినేత చంద్రబాబు విమర్శిస్తున్నారు. టీడీపీ చేసిన విమర్శలే పవన్ సైతం చేయాలనేం లేదు. కాకపోతే ఈ అంశాల్లో ప్రభుత్వాన్ని మెచ్చుకోవడం ద్వారా వారికి కూడా ఓ అవకాశం ఇచ్చినట్టు అవుతుందనే వాదన వినిపిస్తోంది. పవన్‌ మెచ్చుకున్న రెండు అంశాల విషయంలో పెద్దగా పట్టించుకోవాల్సిన పని లేదంటున్నారు. ప్రభుత్వం మంచి చేస్తే అభినందిస్తాం.. తప్పు చేస్తే ప్రశ్నిస్తామని పవన్ ఎఫ్పుడో చెప్పారని జనసేన కార్యకర్తలు అంటున్నారు.

జగన్ ప్రభుత్వాన్ని మెచ్చుకోవడం వెనుక వ్యూహం ఉందా?
దీని వెనుక పవన్‌ వ్యూహం ఉందని అంటున్నారు. ఇలా కొన్ని అంశాల్లో భిన్నమైన అభిప్రాయాలు వ్యక్తం చేయడం వల్ల… టీడీపీ, జనసేన ఒకటే అని వైసీపీ చేసే విమర్శలకు కూడా చెక్ చెప్పినట్టు అవుతుందని చెబుతున్నారు. కాకపోతే, పవన్‌ జతకలసిన బీజేపీ మాత్రం అంబులెన్స్‌ల విషయంలో కొన్ని విమర్శలు చేసింది. దీనిపై సీఎం జగన్‌కు బీజేపీ రాష్ట్ర అధ్యక్షుడు కన్నా లక్ష్మీనారాయణ ఓ లేఖ కూడా రాశారు. ఈ సమయంలో పవన్‌ ఇలా వ్యాఖ్యానించడంతో కన్‌ఫ్యూజన్‌ నెలకొంది. మరి, పవన్ కల్యాణ్ ఏపీలో భిన్నమైన రాజకీయాలు చేస్తున్నారా? రాజకీయాలు తెలియక తికమకపడుతున్నారా? అన్నది మాత్రం చాలామందికి అంతుచిక్కడం లేదు.

Categories
Political

రాంగ్ టైమ్‌లో రాంగ్ వెపన్ వినియోగం, మిస్ ఫైర్ అయ్యి గాయాలపాలైన టీ కాంగ్రెస్

అందివచ్చిన అవకాశాలను కాలితో తన్నేయడం ఆ పార్టీకి వెన్నతో పెట్టిన విద్య. అధికార పార్టీని టార్గెట్ చేసి సెక్షన్ 8 బుల్లెట్ తో కాలుద్దామని అనుకుంటే, గన్ పట్టుకోవడం చేతకాక తనను తానే షూట్ చేసుకున్నట్టుగా ఉంది వాళ్ల వ్యవహారం. సచివాలయం కూల్చివేతకు, సెక్షన్ 8కు లింకు పెట్టి ఏదో సాధిద్దామని అనుకుంటే, అది మిస్ ఫైర్ అయ్యి గాయాలపాలైంది టీ కాంగ్రెస్.

Telangana State AP State Reorganization Act 2014 & Section 8

సెక్షన్-8 అంటే ఏమిటి?
తెలంగాణ కాంగ్రెస్‌ నేతలకు ఈ మధ్య తెలివితేటలు బాగా ఎక్కువైపోతున్నట్టున్నాయి. ఏ అంశం మీద ఫోకస్‌ పెట్టాలో తెలియక.. ఏదో ఒకటి పట్టుకొని రచ్చ చేసి.. ఆ తర్వాత డిఫెన్స్‌లో పడిపోతున్నారు. విభజన చట్టంలో సెక్షన్-8 అని ఒకటి ఉంటుంది. ఇది పొరుగు రాష్ట్ర ప్రజలు.. స్థానికులతో ఇబ్బందులు ఎదుర్కొంటే వారి హక్కులు, ఆస్తులు కాపాడి వారికి రక్షణ కల్పించేందుకు గవర్నర్ చేతిలో ఉన్న కీలకమైన ఆయుధం. నాటి రాష్ట్ర విభజన సమయంలో రెండు రాష్ట్రాలకు ఉమ్మడి గవర్నర్ ఉండడం… అందులోనూ రెండు రాష్ట్రాలను పదేళ్ల పాటు ఉమ్మడి రాజధానిగా హైదరాబాద్‌ను ప్రకటించడంతో ఈ సెక్షన్‌ను విభజన యాక్ట్‌లో పొందుపర్చారు.

Congress party not to name CM candidate in Telangana - The ...

స్వరాష్ట్రం వచ్చినా పరాయి పాలన కోరుతున్నారా?
ఇప్పుడు రెండు రాష్ట్రాలకు వేర్వేరుగా గవర్నర్లు ఉన్నారు. ఏ రాష్ట్ర పాలన ఆ రాష్ట్రంలోనే కొనసాగుతోంది. ఏపీకి సొంత రాజధాని ఏర్పాటైంది. ఇక్కడ ఉంటున్న ఆంధ్ర ప్రజలు గడచిన ఆరేళ్ళుగా ఎలాంటి ఇబ్బందులు ఎదుర్కోవడం లేదు. ఇలాంటి సమయంలో కాంగ్రెస్ పార్టీ సెక్షన్-8ని ప్రస్తావించడం రాజకీయంగా ఒక్కసారి హీట్ పుట్టినట్టయ్యింది. సెక్షన్‌-8 అమలు చేయాలని కాంగ్రెస్‌ నేతలు కొత్తగా డిమాండ్‌ చేశారు. దీనిపై అధికార టీఆర్ఎస్‌ పార్టీ కౌంటర్‌ ఇచ్చింది. స్వరాష్ట్రం వచ్చినా సరే పరాయి పాలన కింద ఉండాలన్నదే వారి ఆకాంక్ష అని టీఆర్ఎస్‌ నేతలు ఎదురు దాడికి దిగారు.

What is Section 8? Why are AP, Telangana at loggerheads over ...

సెక్షన్‌-8 అమలుకు కాంగ్రెస్ డిమాండ్:
సచివాలయ భవనాల కూల్చివేత నేపథ్యంలో కాంగ్రెస్‌ పార్టీ ఈ డిమాండ్‌ను తీసుకొచ్చింది. ఇటీవల తెలంగాణ కాంగ్రెస్ పార్టీ ఆవిర్భావ దినోత్సవ సందర్భంగా శాంతి ర్యాలీతో పాటు జలదీక్షలు, కరోనా నివారణలో ప్రభుత్వ వైఫల్యంపై ఆందోళనలు చేపట్టింది. ఈ సందర్భంగా పోలీసులు తమ నాయకుల పట్ల ప్రవర్తించిన తీరు పై పలు మార్లు గవర్నర్‌కు ఫిర్యాదు చేసింది. సెక్షన్-8ని అమలు చేయాలని డిమాండ్ చేసింది. స్వయంగా హైదరాబాద్ పోలిస్ కమిషనర్ పేరును కూడా ప్రస్తవించింది. కాంగ్రెస్ ఎన్నిసార్లు డిమాండ్ చేసినా, ఫిర్యాదు చేసినా లైట్‌ తీసుకున్న టీఆర్ఎస్‌ నేతలు.. తాజా పరిణామాల నేపథ్యంలో మాత్రం కౌంటర్ అటాక్ మొదలు పెట్టారు. దీంతో ఇప్పుడు రాజకీయాలు సెక్షన్‌-8 చూట్టు తిరుగుతున్నాయి.

Demolition of old Telangana Secretariat complex begins - The Hindu

వాస్తవాన్ని ఆలస్యంగా గ్రహించిన కాంగ్రెస్:
ఎవరికి వారు ప్రశాంతంగా ఉన్న ఇరు రాష్ట్రాల ప్రజలలో ఇప్పుడు ఈ సెక్షన్ చర్చనీయాంశం అయ్యింది. కాకపోతే దీనివల్ల కాంగ్రెస్‌ పార్టీయే ఇరకాటంలో పడిందంటున్నారు. ఇరు రాష్ట్రాల ప్రజలు ప్రశాంతంగా ఉన్న సమయంలో ఈ సెక్షన్‌ను ప్రస్తావించి సెంటిమెంట్‌ను రెచ్చగొట్టే ప్రయత్నం చేసిందని అనుకుంటున్నారు. కానీ, ఇది టీఆర్ఎస్‌కే కలసి వస్తుందని కాంగ్రెస్‌ నేతలు ఆలస్యంగా గ్రహించారట. తామేమీ సచివాలయం కూల్చవద్దని అనడం లేదని, కొంతకాలం వాయిదా వేయాలని మాత్రమే అంటున్నామంటూ మేటర్‌ను ట్విస్ట్‌ చేశారు కాంగ్రెస్‌ నేతలు.

Ladakh face-off | Why hasn't India benefitted from your 'strange ...అడ్డంగా బుక్కయిన హస్తం:
తెలంగాణ రాష్ట్రంలో అన్ని రకాల ఎన్నికలు ముగిశాయి. ఇక మిగిలింది ఒక గ్రేటర్ హైదరాబాద్ ఎన్నికలు మాత్రమే. త్వరలోనే రాబోయే ఎన్నికలకు మంత్రి కేటీఆర్ హైదరాబాద్ బేస్‌గా తమ కార్యకలపాలకు శ్రీకారం చేూట్టారు. ఇప్పటివరకు అభివృద్ధి, డబుల్ బెడ్ రూం వంటి అంశాల చూట్టు తిరిగిన చర్చ… కాంగ్రెస్ పెర్కొన్న సెక్షన్-8తో రూట్‌ మారింది. రెండు రాష్ట్రాల ప్రజల మధ్య వైషమ్యాలు పెట్టేందుకే కాంగ్రెస్ ఈ డిమాండ్ చేస్తోందని టీఆర్ఎస్ కౌంటర్‌ ఇస్తోంది. దీంతో హస్తం పార్టీకి నష్ట్టం వాటిల్లే ప్రమాదం ఉందని అంటున్నారు. అధికార పార్టీని ఇరుకున పెట్టాలనుకున్న ప్రతిసారి కాంగ్రెస్‌ పార్టీయే ఇరుకులో పడుతోందని జనాలతో పాటు కాంగ్రెస్‌ కార్యకర్తలు కూడా అనుకుంటున్నారు.

Categories
Political

నాయకులు ఫుల్, కార్యకర్తలు నిల్.. ఏపీలో బీజేపీ బలపడేదేలా?

ఆ పార్టీలో సీనియర్ నాయకులకు ఏమాత్రం కొదవ లేదు. కేంద్రంలో చక్రం తిప్పగలిగే స్థాయి ఉన్న నాయకులే. రచ్చ గెలిచిన ఆ నాయకులు ఇంట గెలవలేకపోతున్నారు. పెద్ద లీడర్లు అనే నేమ్ బోర్డు ఉన్నా, వెనుక నడిచేందుకు పట్టుమని పది మంది కార్యకర్తలు లేరు. ఢిల్లీలో లాబీయింగ్ ఫుల్, గల్లీలో ఆదరణ మాత్రం నిల్. అందుకే ప్రభుత్వానికి వ్యతిరేకంగా ఏ ప్ర్రోగ్రామ్ చేసినా పార్టీకి మాత్రం బలం పెరగడం లేదు.

BJP to put A.P. government on defensive on graft, other issues ...

నాయకులు సరే కార్యకర్తలు ఏరి?
ఆంధ్రప్రదేశ్‌లో బలాన్ని పెంచుకోవాలని బీజేపీ భావిస్తోంది. అందుకు అనుగుణంగా ఆ పార్టీలోకి చాలా మంది నేతలను చేర్చుకుంది. కాకపోతే నేతలు పుష్కలంగా ఉన్నా గ్రౌండ్‌ లెవెల్ లో కార్యకర్తలు మాత్రం పార్టీలో లేరనేది వాస్తవం. బీజేపీకి ఏపీలో నాయకత్వ లోపం ఏమీ లేదు. చెప్పుకోదగ్గ స్థాయిలో సీనియర్ నాయకులతో పాటు పక్క పార్టీల నుంచి వలస వచ్చిన నాయకులతో పార్టీ బయటకు పటిష్టంగానే కనిపిస్తోంది. కానీ, ఏదైనా కార్యక్రమం చేయాలంటే పెద్ద పెద్ద నాయకులు వచ్చి దీక్షలలో, నిరసనలలో కూర్చుంటున్నారు తప్ప కార్యకర్తలు మాత్రం పెద్దగా కనిపించడం లేదని అనుకుంటున్నారు.

Andhra Pradesh 'special' but no need to categorise its status: BJP ...

కనిపించింది కన్నా లేదా రావెల లేదా సుజనా చౌదరి:
అమరావతి ఉద్యమంలో కూడా రైతులకు సంఘీభావం తెలిపిన ప్రతిసారి పార్టీ రాష్ట్ర అధ్యక్షులు కన్నా లక్ష్మీనారాయణ లేదా రావెల కిశోర్ బాబు, టీడీపీ నుంచి బీజేపీలో చేరిన రాజ్యసభ సభ్యులు సుజనా చౌదరి ఇలా ఒంటరిగా వెళ్లి వారికి మద్దతు తెలపడమే కనిపించింది. అంతే తప్ప వారి వెనుక కార్యకర్తల సందడి మాత్రం లేదు. ఇక, కరోనా సమయంలో బీజేపీని పలకరించేందుకు ఆ కొద్దిపాటి కార్యకర్తలు కూడా లేరని చెప్పాలి. కరోనా వైరస్ వచ్చిన తర్వాత బీజేపీ వరస నిరసన దీక్షలతో మోతెక్కించింది.

BJP to cash in on social media for Bihar poll campaign | The Samikhsya

కరోనా కారణంగా కార్యకర్తలు రావడం లేదట:
తిరుమల భూములు అమ్మకం నిర్ణయాన్ని వెనక్కి తీసుకోవాలని ఒక రోజు చేపట్టిన ఉపవాస దీక్ష, కరెంట్ బిల్లులు తగ్గించాలంటూ నిరసనలు, మిషన్ బిల్డ్ ఏపీ పేరుతో ప్రభుత్వ భూముల అమ్మకం, ఇసుక రీచ్‌ల వద్ద చేపట్టిన దీక్షలు ఇలా చాలా కార్యక్రమాలు చేపట్టింది. కానీ ఏ నిరసన చేసినా బీజేపీలోని జిల్లా స్థాయి నాయకుల నుంచి రాష్ట్ర స్థాయి నాయకులు పాల్గొన్నారు తప్ప కార్యకర్తలు మాత్రం కనిపించ లేదు. ఇప్పుడు ఆ పార్టీ నేతలకు ఇదే గుబులు పట్టుకుంటుందంట. కార్యకర్తలుంటేనే కింది స్థాయి వరకూ పార్టీని తీసుకెళ్లేందుకు అవకాశం ఉంటుందని, ఎన్నికల్లో మెరుగైన ఫలితాలు సాధించే వీలుంటుంది. కరోనా కారణంగా కార్యకర్తలు రావడం లేదని బయటకు చెబుతున్నా.. కార్యకర్తలు ఉన్నా అదే జనం.. లేకపోయినా అదే జనమని లోలోపల ఫీలవుతున్నారట.

Amit Shah at Bihar rally: NDA to form govt with 2/3rd majority ...

వర్చువల్ ర్యాలీల్లో స్పష్టంగా కనిపించిన లోటు:
ముఖ్యంగా వలస వచ్చిన వారితో పాటే కేడర్ మాత్రం రాలేదు. వారితో టచ్‌లో ఉన్న వారిని కూడా అడ్డుకుంటున్నారన్న విమర్శలున్నాయి. తాజాగా నిర్వహించిన బీజేపీ వర్చువల్ ర్యాలీల్లో సైతం కార్యకర్తలు లేని లోటు స్పష్టంగా కనిపించింది. ఈ ర్యాలీల్లో బీజేపీ కేంద్రం ఏం చేసిందో, ప్రధాని ఏం చేశారో జాతీయ నాయకులతో చెప్పించే ప్రయత్నం బాగానే ఉన్నా ఏపీకి చేసిన సేవలు మాత్రం ప్రజల్లోకి తీసుకెళ్లటంలో విఫలమయ్యారు. రాష్ట్ర ప్రభుత్వ లోపాలు, బీజేపీ అమలు చేస్తున్న పథకాల గురించి ప్రజల్లోకి తీసుకెళ్లే కార్యకర్తల సంఖ్య లేకపోవడంతో వెనుకబడిపోయే పరిస్థితి ఏర్పడింది.

Neck-and-neck fight likely between TDP, YSRCP

రాష్ట్రంలో ప్రత్యామ్నాయ శక్తిగా రూపుదిద్దుకోవడం కష్టమే:
ప్రతిసారి సీఎంకి లేఖలు రాయటం, నిరసన దీక్షలు చేయడం తప్ప.. రాష్ట్ర నాయకులు ఎవరూ కార్యకర్తల సమీకరణపై అసలు దృష్టి సారించకపోవడంపై అధినాయకత్వం సీరియస్‌గా ఉందని అంటున్నారు. నాయకత్వం అండతో బలంగా కనిపిస్తున్న బీజేపీ… కార్యకర్తల లోటును మాత్రం పూడ్చుకోకపోతే రాష్ట్రంలో ప్రత్యామ్నాయ శక్తిగా రూపుదిద్దుకోవడం కష్టమేనని ఉన్న కొద్ది పాటి ద్వితీయ శ్రేణి నాయకులు అనుకుంటున్నారు. ఈ దిశగా సీనియర్లుగా చలామణి అవుతున్న నేతలు దృష్టి సారించాలని సలహాలు ఇస్తున్నారు.

Categories
Political

ఆ ఇద్దరు అదృష్టవంతులు ఎవరు? ఏపీ మంత్రివర్గ విస్తరణకు ముహూర్తం ఫిక్స్

ఉన్నవి రెండు. ఆ రెండింటిని అటు ఇటు ఇటు అటు మార్చి సీట్లు ఫిల్ చేయాలి. అదే సమయంలో ప్రమోషన్లు ఇవ్వాలి. ఇదే ప్రస్తుతం జగన్ మదిలో ఉన్న ఆలోచన. ముహూర్తం ఫిక్స్ చేసినంత ఈజీగా సమీకరణాలు తేల్చయడం కుదరదు. సీనియర్లు, కొత్త కొత్త సమీకరణాలతో ప్లానింగ్ సిద్ధం చేసుకుని మరీ పార్టీ పెద్దల ముందు క్యూ కట్టేస్తున్నారు. మరి ఎవరికి దక్కుతుందో ప్రమోషన్? ఎవరు కొట్టేస్తారో బంపర్ ఆఫర్?

TeluguTimes

జోగి రమేశ్‌, పొన్నాడ సతీశ్‌ పేర్లు బలంగా వినిపించాయి:
ఏపీ మంత్రివర్గ విస్తరణకు ముహూర్తం ఖరారైపోయింది. శ్రావణమాసం మొదటి రోజు జూలై 22న విస్తరణ చేపట్టాలని డిసైడ్‌ అయ్యారు. ఖాళీ అయిన రెండు మంత్రి పదవులు ఎవరితో భర్తీ చేస్తారనే దానిపై ఇప్పుడు పార్టీలో చర్చ సాగుతోంది. పార్టీ నుంచి ప్రభుత్వ వర్గాల వరకూ రోజు రోజుకి కొత్త సమీకరణాలు తెరపైకి వస్తున్నాయి. మోపిదేవి వెంకటరమణ, పిల్లి సుభాష్‌ చంద్రబోస్‌ రాజ్యసభకు ఎన్నిక కావడంతో ఖాళీ అయిన రెండు స్థానాలు బీసీ వర్గాలకే ఇవ్వాలని సీఎం జగన్ నిర్ణయించారు. ఇందుకోసం ఆ సామాజికవర్గ నేతల్లో సీనియర్లు, జూనియర్లయిన చాలామంది ఆశావహులు ఎదురుచూస్తున్నారు. మొదట్లో జోగి రమేశ్‌, పొన్నాడ సతీశ్‌ పేర్లు బలంగా వినిపించాయి. తాజాగా వీటితో పాటు మరికొన్ని పేర్లు పార్టీ వర్గాల్లో ప్రముఖంగా వినిపిస్తున్నాయి.

Andhra Assembly Speaker Tammineni says loopholes make anti ...

రేసులో తమ్మినేని, మాడుగుల:
మంత్రివర్గ విస్తరణకు సమయం దగ్గర పడుతున్న నేపథ్యంలో మరో ఇద్దరి పేర్లు తెరపైకి వచ్చాయి. వారిలో ఒకరు స్పీకర్ తమ్మినేని సీతారాం, మరొకరు మాడుగుల ముత్యాలనాయుడు. వీరిద్దరూ ఉత్తరాంధ్రలో బీసీ సామాజికవర్గానికి చెందినవారే. వీరిలో ఒకరికి ఛాన్స్ దక్కుతుందనే ప్రచారం జరుగుతోంది. స్పీకర్ తమ్మినేనికి కనుక అవకాశం ఇస్తే ప్రస్తుతం డిప్యూటీ స్పీకర్‌గా ఉన్న కోన రఘుపతికి స్పీకర్‌గా ప్రమోట్‌ చేస్తారని టాక్‌. ఎలాగో గుంటూరుకు మంత్రి పదవి దక్కే అవకాశం లేనందున ఈ కీలక పదవి ఇవ్వాలనే ఆలోచనలో జగన్‌ ఉన్నారంటున్నారు. దానికి తోడు బ్రాహ్మణ సామాజికవర్గానికి మంచి స్థానం ఇచ్చినట్లు అవుతుందనేది అధినేత అభిప్రాయంగా చెబుతున్నారు.

Andhra CM Jagan's 100 days in office leaves some happy, others ...

అసలు జగన్ మైండ్ లో ఏముంది?
వీరు కాకుండా ఇంకా చాలా మంది ఆశావహులు ఎవరి ప్రయత్నాల్లో వారున్నారు. వారికి పరిచయం ఉన్న పార్టీ పెద్దలతో సంప్రదింపులు జరుపుతున్నారు. ఎవరూ ఎవరికి ఎలాంటి హామీలు ఇవ్వడం లేదని చెబుతున్నారు. జగన్‌ మైండ్‌లో ఏముంటే అదే జరుగుతుందని భావిస్తున్నారు. మొత్తానికి మంత్రి పదవుల భర్తీ విషయంలో ఈ కొత్త సమీకరణాలు తెరపైకి రావడంతో అసలు అవకాశం ఎవరికి దక్కుతుందో అని పార్టీలో ఉత్కంఠ నెలకొంది. మరి ఆ చాన్స్ జగన్‌ ఎవరికి ఇస్తారో చూడాలని కార్యకర్తలు అంటున్నారు.

Categories
National Political

మోడీ మంత్రివర్గ విస్తరణ.. సింధియాకు చోటు.. ఏపీ నుంచి కేబినేట్‌లోకి?

కేంద్రంలోని ప్రధాని మోడీ మంత్రివర్గం విస్తరణ శ్రావణ మాసంలో జరిగే అవకాశం కనిపిస్తుంది. శ్రావణ మాసం ఆగస్టులో ​​ముగుస్తుంది. ఈ క్రమంలోనే కేబినెట్ విస్తరణ ఆగస్టు రెండవ వారంలో జరగవచ్చని సంబంధిత వర్గాలు చెబుతున్నాయి. కేబినెట్ విస్తరణకు శ్రావణ మాసం శుభ క్షణం అని బిజెపి అభిప్రాయపడుతుంది.

ప్రధాని నరేంద్ర మోడీతో పాటు 57 మంది మంత్రులు 2019 మే 30 న ప్రమాణ స్వీకారం చేశారు. నిబంధనల ప్రకారం లోక్‌సభ సభ్యుల సంఖ్యలో 15 శాతం మాత్రమే కేబినెట్‌గా ఉండగలరు. ఈ క్రమంలో కేంద్ర ప్రభుత్వంలో మొత్తం 81 మంది మంత్రులను నియమించవచ్చు. గత మోడీ ప్రభుత్వంలో మొత్తం 70 మంది మంత్రులు ఉన్నారు. ఈ పరిస్థితులలో, పీఎం మోడీ కనీసం 13 మంది కొత్త మంత్రులను నియమించే అవకాశం ఉంది.

పార్టీ జాతీయ ప్రధాన కార్యదర్శులు భూపేంద్ర యాదవ్, అనిల్ జైన్, అనిల్ బులానీలను మంత్రులుగా చేయవచ్చని, రాజస్థాన్ మంత్రిని తొలగించవచ్చని వర్గాలు చెబుతున్నాయి. ఎనిమిది మంది క్యాబినెట్ మంత్రులు రెండు మూడు మంత్రిత్వ శాఖలను కలిగి ఉన్నారు. ఈ పరిస్థితులలో, ఈ మంత్రుల పనిభారాన్ని కొంతవరకు తగ్గించే అవకాశం ఉంది. మధ్యప్రదేశ్ నుండి రాజ్యసభలో స్థానం సంపాదించిన జ్యోతిరాదిత్య సింధియాకు మోడీ మంత్రివర్గంలో చోటు దక్కవచ్చు.

విదేశాంగ మంత్రి ఎస్.జయశంకర్ తరహాలో కొంతమంది నిపుణులను కూడా మంత్రివర్గంలో చేర్చవచ్చని చెబుతున్నారు. నవంబర్‌లో జరిగే బీహార్ అసెంబ్లీ ఎన్నికల దృష్ట్యా, జెడియుకు ప్రభుత్వంలో ఒక మంత్రిత్వ శాఖను కేటాయించే అవకాశం ఉంది. ఇక తెలుగు రాష్ట్రాల్లో ఆంధ్రప్రదేశ్ నుంచి కూడా ఒకరికి మంత్రి పదవి దక్కవచ్చునని భావిస్తున్నారు. ఈ దఫా రాష్ట్రం నుంచి ఇప్పటివరకు ఒకరు కూడా కేంద్రంలో మంత్రివర్గంలో లేరు.

Categories
Andhra Pradesh Political

ఏపీలో జిల్లాల విభజన సాధ్యమేనా? జగన్ సర్కార్ వ్యూహం ఇదేనా?

ఎన్నికలకు ముందు వైసీపీ అధినేత వైఎస్ జగన్‌ చాలా హామీలిచ్చారు. ఎన్నికల్లో గెలిచారు. ముఖ్యమంత్రి పీఠాన్ని అధిష్టించారు. తానిచ్చిన హామీల్లో ఒక్కొక్కటీ నెరవేర్చుకుంటూ ముందుకెళ్తున్నారు. ఇప్పుడు మరో హామీ తెర మీదకు వచ్చింది. రాష్ట్రంలో 13 జిల్లాలుండగా… వాటిని పార్లమెంటు నియోజకవర్గానికి ఒకటి చొప్పున మొత్తం 25 జిల్లాలుగా మారుస్తానని హామీ ఇచ్చారు.

ఇప్పుడు ఆ దిశగా ఒక్కో అడుగు ముందుకేస్తోంది ప్రభుత్వం. నిజానికి జిల్లాల విభజన అనేది అంత సులభంగా జరిగే ప్రక్రియ కాదనే వాదనలు వినిపిస్తున్నాయి. అందులోనూ పార్లమెంటు నియోజకవర్గానికి ఒక జిల్లాను చేయడం ఇంకా కష్టంతో కూడుకున్న పని. రాజకీయంగా, సామాజికంగా, భౌగోళికంగా, పాలనాపరంగా అన్ని అంశాలను పరిశీలించిన తర్వాతే విభజన చేయాల్సి ఉంటుంది.

జగన్‌ ఇచ్చిన హామీ మేరకు పార్లమెంటు నియోజకవర్గం ప్రకారం జిల్లాను ఏర్పాటు చేయాలంటే చాలా ఇబ్బందులే ఎదురవుతాయి. ఒకే నియోజకవర్గం రెండు జిల్లాల్లో ఉండే పరిస్థితులుంటాయి. అలాంటప్పుడు దానిని జిల్లాగా మార్చాలంటే పాత జిల్లా నేతలు రాజకీయ ఇబ్బందుల దృష్ట్యా అంగీకరించకపోవచ్చు. ఒక్కో పార్లమెంటు నియోజకవర్గం పరిధిలో ఏడు అసెంబ్లీ సెగ్మెంట్లుంటాయి. వాటిలో కొన్ని సెగ్మెంట్లు వేరే జిల్లాలో ఉండొచ్చు.

అప్పుడు పాతుకుపోయిన లీడర్లకు అది ఇబ్బంది. అంతేనా, ప్రజలు కూడా ఒప్పుకోకపోవచ్చు. ఉదాహరణకు, శ్రీకాకుళం పార్లమెంటు నియోజకవర్గాన్నే తీసుకుంటే… ఇచ్ఛాపురం నుంచి శ్రీకాకుళం వరకు ఉంది. అంటే జిల్లా కేంద్రానికి ఇటు పక్క ఇతర ప్రాంతాలుండవు. అటు ఇచ్ఛాపురం.. ఇటు శ్రీకాకుళం రెండూ… చివరి ప్రాంతాలే. ఇలాంటి సమస్యలు చాలానే ఉంటాయని అంటున్నారు.

జిల్లాలను ఎలా విభజిస్తే మంచిదనే.. :
ఇప్పుడిప్పుడే ఈ విషయంలో నేతలు కూడా మాట్లాడుతున్నారు. తాజాగా శ్రీకాకుళానికి చెందిన సీనియర్‌ వైసీపీ ఎమ్మెల్యే ధర్మాన ప్రసాదరావు దీనిపై తొలిసారిగా మాట్లాడారు. ప్రజాభిప్రాయానికి అనుగుణంగా జిల్లాల విభజన సాగాలని సూచించారు. దీనిపై ఎమ్మెల్యేలంతా కలసి జగన్‌తో మాట్లాడతామని అన్నారు.

ఒక విధంగా జిల్లాల విభజన తీరుపై అనుమానాలు మొదలైనట్టేనని అంటున్నారు. ఎందుకంటే భౌగోళిక స్వరూపానికి అనుగుణంగా జిల్లాలను విభజిస్తే మంచిందనే అభిప్రాయాలున్నాయి. ధర్మాన ప్రసాదరావు బయటపడ్డారు. ఇంకా ఈ విషయంలో అలాంటి అభిప్రాయాలే ఉన్నప్పటికీ బయటకు చెప్పని నేతలు చాలా మందే ఉన్నారంటున్నారు.

ప్లాన్ ప్రకారమే జగన్ ముందకు :
జిల్లాల విభజన విషయంలో తెలంగాణలో ఎదురైన ఇబ్బందులు కళ్ల ముందు కనిపిస్తున్నాయి. కొన్ని జిల్లాల ఏర్పాటును వ్యతిరేకిస్తూ ఆందోళనలు జరిగితే.. కొందరు తమకు ప్రత్యేక జిల్లా కావాలంటూ రోడ్లెక్కారు. అలాంటి పరిస్థితులే భవిష్యత్తులో ఏపీలో కూడా ఎదురు కావచ్చని వైసీపీ వర్గాలు అంటున్నాయి.

మండలాలు మారితేనే ఒప్పుకోరు. అలాంటిది సొంత నియోజకవర్గం వేరే జిల్లాలోకి మారితే నేతలు ఒప్పుకొంటారా? కష్టమే. కాకపోతే ఈ విషయంలో జగన్‌కు ఫుల్‌ క్లారిటీ  ఉంది. ప్లాన్‌ ప్రకారమే ఆయన ముందుకెళ్తారని, అన్ని సమస్యలకు పరిష్కార మార్గం కూడా సిద్ధం చేసుకున్నారని చెబుతున్నారు వైసీపీ నేతలు.

Categories
Political

క్రైసిస్‌లో ఛాన్స్.. బందర్ స్థానంపై కన్నేసిన తెలుగు తమ్ముళ్లు!

అవకాశం వచ్చినప్పుడే అందిపుచ్చుకోవాలన్న నానుడిని బాగా ఒంటబట్టించుకున్నారు తెలుగుదేశం పార్టీ నాయకుడు బచ్చుల అర్జునుడు. వైసీపీ నేత హత్య కేసులో కృష్ణా జిల్లా మచిలీపట్నం నియోజకవర్గ మాజీ ఎమ్మెల్యే, మాజీ మంత్రి కొల్లు రవీంద్ర అరెస్టయి జైలుకు వెళ్లారు. ప్రస్తుతం ఆయన రాజమండ్రి సెంట్రల్ జైలులో ఉన్నారు.

రాజకీయాల్లో చురుగ్గా ఉండే నేత ఓ హత్య కేసులో ఇరుక్కోవడం అంటే ఇక రాజకీయ జీవితం ముగిసినట్టేననే ప్రచారం జరుగుతోంది. ఇదే అదునుగా అవకాశాన్ని క్రైసిస్‌లో అవకాశాన్ని వెదుక్కోవాలనే తమ అధినేత చంద్రబాబూ సూక్తులను ఒంటబట్టించుకున్న టీడీపీ సీనియర్ నేతలు, ఎప్పటి నుంచో బందర్ స్థానంపై కన్నేసిన నేతలు వ్యూహాత్మకంగా పావులు కదుపుతున్నారట.

దూసుకుపోతున్న ఎమ్మెల్సీ బచ్చుల :
బందరు అసెంబ్లీ స్థానం కోసం ఎప్పటి నుంచో ఎదురుచూస్తున్న జిల్లా పార్టీ అధ్యక్షుడు, ఎమ్మెల్సీ బచ్చుల అర్జునుడు తనదైన శైలిలో ముందుకు పోతున్నారు. టీడీపీలో కొల్లు రవీంద్ర కన్నా బచ్చుల సీనియర్ అయినా కుల సమీకరణాల కారణంగా పోటీ చేసే అవకాశం రావడం లేదు.

కాగల కార్యం గంధర్వులు తీర్చినట్టు హత్య కేసులో రవీంద్ర ఇరుక్కోవడం బచ్చులకు కలిసొస్తుందని కృష్ణా జిల్లా టీడీపీ నేతలు గుసగుస లాడుకుంటున్నారు. గతంలో ఓసారి బచ్చుల అర్జునుడు బందరు మున్సిపల్ చైర్మన్‌గా పనిచేశారు. మొదటి నుంచి రవీంద్ర, అర్జునుడుకు పొసిగేది కాదని అంటున్నారు. ఈ నేపథ్యంలో కొల్లు వ్యవహారాన్ని జిల్లా పార్టీ లైట్‌గా తీసుకుందనే టాక్‌ నడుస్తోంది.

చంద్రబాబు సైతం మచిలీపట్నం వెళ్లి కొల్లు రవీంద్ర కుటుంబసభ్యులను పరామర్శించాలని అనుకున్నా గ్రూప్ పాలిటిక్స్ వల్ల ఆఖరి నిమిషంలో పర్యటన రద్దయిందని అనుకుంటున్నారు. మచిలీపట్నం అసెంబ్లీ నియోజకవర్గానికి ఓ ప్రత్యేకత ఉంది. మాజీ మంత్రులు కొల్లు రవీంద్ర, నరసింహారావు, మాజీ ఎంపీ కొనకళ్ల నారాయణ, జిల్లా టీడీపీ అధ్యక్షుడు అర్జునుడు మచిలీపట్నం కేంద్రంగానే రాజకీయాలు కొనసాగిస్తారు. 1994లో ఇక్కడ నుంచి టీడీపీ అభ్యర్థిగా అంబటి బ్రాహ్మణయ్య గెలిచారు. 1999లో కొల్లు రవీంద్ర మామ అయిన నడికుడిది నరసింహా రావు పోటీచేసి గెలవడంతో పాటు చంద్రబాబు కేబినెట్లో మంత్రి అయ్యారు. ఆ తర్వాత 2004లో పేర్ని నాని చేతిలో ఓటమి చెందారు.

కొల్లు.. కోలుకోవడం కష్టమేనా? :
అనంతరం రిటైర్మెంట్ ప్రకటించి తన రాజకీయ వారసుడిగా కొల్లు రవీంద్రను రంగంలోకి దింపారు. 2009 ఎన్నికల్లో నాని చేతిలో ఓటమి చెందిన కొల్లు రవీంద్ర 2014లో గెలిచి మంత్రి అయ్యారు. 2019 ఎన్నికల్లో కొద్ది ఓట్ల తేడాతోనే నాని చేతిలో మళ్లీ ఓటమి పాలయ్యారు.

నరసింహారావు రాజకీయ వారసుడిగా కొల్లు రవీంద్ర తెరమీదికి వచ్చినప్పటి నుంచి బచ్చుల అర్జునుడు, కొనకళ్ల నారాయణ వర్గం బందరు పై ఆశలు వదులుకున్నాయి. ఇప్పుడున్న పరిస్థితుల్లో హత్య కేసులో రవీంద్ర ఇరుక్కోవడం పార్టీకి పెద్ద దెబ్బ. సౌమ్యుడిగా పేరు తెచ్చుకున్న రవీంద్ర.. ఇక కోలుకోవడం కష్టమని టీడీపీ నేతలు అంటున్నారు.

మోకా భాస్కరరావు హత్యలో రవీంద్ర పాత్ర అంటూ ప్రచారం జరుగుతున్నప్పుడు కూడా పార్టీ నేతలు అండగా నిలవలేదని కొల్లు అనుచరులు వాపోతున్నారు. ప్రతి చిన్న అంశానికి మీడియా ముందుకు వచ్చి హడావుడి చేసే దేవినేని ఉమా సైతం అంతా అయిపోయిన తర్వాత ఫీల్డ్‌లోకి వచ్చారని ఆరోపిస్తున్నారు.

సొంత పార్టీ నేతలే తమపై తప్పుడు ప్రచారం చేస్తున్నారని, పార్టీ అధిష్ఠానం స్పందించి రవీంద్రకు బెయిలు వచ్చేలా న్యాయసహాయం అందించాలని కోరుతున్నారు. మరి కొల్లు నిర్దోషిగా బయటకు వస్తారా? అర్జునుడు కోరుకుంటున్నది జరుగుతుందా అన్న చర్చ ఇప్పుడు పార్టీలో జోరుగా సాగుతోంది.

Categories
Political

బాబు రైతు పేరెత్తగానే కన్నబాబుకు చిర్రెత్తుకొచ్చింది

టీడీపీ అధినేత చంద్రబాబుపై ఏపీ వ్యవసాయ శాఖ మంత్రి కన్నబాబు ఆగ్రహం వ్యక్తం చేశారు. టీడీపీ హయాంలో ఎప్పుడైనా పంటలను కొనుగోలు చేశారా అని నిలదీశారు. రైతులను ప్రభుత్వం దగా చేస్తుందని చంద్రబాబు కలలు కంటున్నారని ఎద్దేవా చేశారు. చంద్రబాబు అబద్ధాలను అలవోకగా మాట్లాడుతున్నారని చెప్పారు. గత పాలనలో రైతులకు జరిగిన అన్యాయాన్ని ఎవరూ మర్చిపోలేరన్నారు.

రైతులకు చెల్లించాల్సిన బకాయిలను చంద్రబాబు చెల్లించలేదని విమర్శించారు. చంద్రబాబు పెట్టిన 14,832 కోట్ల బకాయిలను సీఎం జగన్ చెల్లించారని పేర్కొన్నారు. వ్యవసాయ అనుబంధ రంగాలను చంద్రబాబు ఎప్పుడైనా పట్టించుకున్నాడా అని ప్రశ్నించారు. చంద్రబాబు బ్రహ్మాండంగా నటిస్తున్నారని ఎద్దేవా చేశారు. వాడవాడలో రాజశేఖర్ రెడ్డిని రైతు బాంధవుడిగా కీర్తిస్తున్నారని పేర్కొన్నారు.

అగ్రికల్చర్ అడ్వైజరీ బోర్డును తెచ్చామని తెలిపారు. విప్లవాత్మక మార్పులు తెస్తూ హరిత విప్లవాన్ని సాధిస్తున్నామని చెప్పారు. 2800 కోట్ల విలువైన వ్యవసాయ ఉత్పత్తులను రైతుల నుంచి కొనుగోలు చేశామని తెలిపారు. రికార్డు స్థాయిలో 8.5 లక్షల టన్నుల వ్యవసాయ ఉత్పత్తులు కొనుగోలు చేశామని చెప్పారు. రైతు భరోసా కేంద్రాలు వంటి విప్లవాత్మక మార్పులు తీసుకొస్తున్నామన్నారు.

మొక్క జొన్న మార్కెట్ లో 1200 నుంచి 1300 ధర ఉంటే 1750 రూపాయలకు చేసి కొన్నామని చెప్పారు. జొన్న మార్కెట్ లో 1500 ధర ఉంటే ఎమ్ ఎస్ పీ 2550 రూపాయలకు కొనుగోలు చేశామని చెప్పారు. ఇవ్వన్నీ చంద్రబాబుకు కనబడటం లేదా అని ప్రశ్నించారు.

Categories
Political

కొత్తగూడెం రాజకీయాల్లో కుమ్ములాటలు.. ఆ ఇద్దరి నేతల మధ్య ఆధిపత్య పోరు!

ఒకే పార్టీలో ఉండే ఇద్దరు ముఖ్య నేతల మధ్య ఆధిపత్య పోరులో కార్యకర్తలు నలిగిపోతున్నారు. భద్రాద్రి కొత్తగూడెం జిల్లా కేంద్రమైన కొత్తగూడెం నియోజకవర్గంలో రాజకీయాలు విచిత్రంగా మారుతున్నాయి. అధికార పార్టీలో నేతల మధ్య విభేదాలు తీవ్రమవుతున్నాయి. కాంగ్రెస్ తరఫున పోటీ చేసి గెలిచిన వనమా వెంకటేశ్వరరావు… ఆ తర్వాత అధికార టీఆర్ఎస్‌లో చేరారు. అప్పటి నుంచి కొత్తగూడెం రాజకీయాలు రోజుకో మలుపు తిరుగుతోంది. వనమా-జలగం వర్గాలుగా విడిపోయి, ఒకరిపై ఒకరు ఆధిపత్యం కోసం కుమ్ములాటలు పెట్టుకుంటున్నారు. ఆ కుమ్ములాటలు ముదురుపాకాన పడ్డాయి.

ఇటీవల కాలంలో జిల్లాలో పలు అభివృద్ధి కార్యక్రమాల శంకుస్థాపనలకు నియోజకవర్గానికి వచ్చిన రాష్ట్ర రవాణా శాఖ మంత్రి పువ్వాడ అజయ్‌కుమార్ ప్రొగ్రాంకి పోటాపోటీగా ఫ్లెక్సీలు ఏర్పాటు చేశారు. ఫ్లెక్సీలతో కొత్తగూడాన్ని ముంచేశారు. మాజీ ఎమ్మెల్యే జలగం వెంకట్రావు వర్గానికి చెందిన కొందరు కార్యకర్తలు… మంత్రి పువ్వాడ అజయ్, జలగం వెంకట్రావ్ ఫొటోలతో ఫ్లెక్సీలు ఏర్పాటు చేశారు. ప్రస్తుతం ఎమ్మెల్యే వనమా వెంకటేశ్వరరావు ఫొటో లేదనే సాకుతో కావాలనే వనమా వర్గానికి చెందిన కొందరు కార్యకర్తలు ఆ ఫ్లెక్సీలను చించి, పక్కకు పడేశారన్నది జలగం వర్గం వాదన. జలగం, వనమా వర్గానికి చెందిన వారు మంత్రి పువ్వాడ అజయ్ దృష్టికి తీసుకువెళ్లి వారిపై కేసులు పెట్టాల్సిందిగా వినతిపత్రం సైతం అందజేశారు.

మంత్రికి ఫిర్యాదు చేయటంతో ఆగకుండా అధిష్టానం ద్నష్టికి కూడా తీసుకెళ్లారు. ఇరువర్గాల మధ్య ఉన్న విభేదాలను పక్కన పెట్టి కలిసి పని చేయాలని మంత్రి అజయ్ కుమార్ సూచించినా రోజు రోజుకు వారి మధ్య గొడవలు పెరుగుతూ ఉన్నాయి. వాట్సాప్, ఫేస్ బుక్‌లలో ఒకరిపై ఒకరు విమర్శలు గుప్పించుకుంటున్నారు. మా నాయకుడు ఫలానా అభివృద్ధి పనులు చేయగా మీ నాయకుడు వాటిలో కమీషన్లు నొక్కేశాడంటూ ఆరోపణలు చేసుకుంటున్నారు. కేసీఆర్ ఆశీర్వదాలు తమ నాయకుడికి ఉన్నాయంటే… కాదు కాదు మా నాయకుడికే ఉన్నాయంటూ డప్పు కొట్టుకుంటూ సోషల్ మీడియా వేదికగా చెలరేగిపోతున్నారు.

అసలు వివాదానికి ఇదే కారణమా? :
తెలంగాణ హరితహారం కార్యక్రమంలో భాగంగా అతిధులకు స్వాగతం తెలియజేస్తూ ఒక కార్యకర్త ఏర్పాటు చేయించిన ఫ్లెక్సీ ఇప్పుడు పెద్ద దుమారాన్ని రేపుతోంది. ఆ ఫ్లెక్సీలో కొత్తగూడెం శాసనసభ్యులు వనమా రాఘవ గారికి స్వాగతం అని ఉండడమే ఈ వివాదానికి కారణం. దానిని ఆ కార్యకర్త సోషల్ మీడియాలో పోస్ట్ చేయడంతోపాటు స్థానిక వాట్సాప్ గ్రూప్‌లలో పెట్టడంతో ఒక్కసారిగా ఇరు వర్గాలకు సంబంధించిన కార్యకర్తలు వారి ఫోన్లకు పని చెప్పారు. ఇరు వర్గాలకు చెందిన ద్వితీయ శ్రేణి నేతలు ఒకరిపై ఒకరు కేసులు పెట్టుకున్నారు. ఎమ్మెల్యే కుమారుడు రాఘవ షాడో ఎమ్మెల్యేలా వ్యవహరిస్తూ, దౌర్జన్యాలకు దిగుతున్నారని జలగం వర్గానికి చెందిన వారు అన్ని పోలీసు స్టేషన్లలో ఫిర్యాదులు చేశారు.

వాట్సాప్ గ్రూప్‌లలో ఒకరిపై మరొకరు హద్దు దాటి విమర్శలు చేసుకుంటున్నారు. ఆడవారని చూడకుండా అసభ్య పోస్టులు చేశారని జలగం వర్గానికి చెందిన ఓ మహిళా కార్యకర్త జిల్లా ఎస్పీకి ఫిర్యాదు చేయడం హాట్ టాపిక్‌గా మారింది. ఒకే పార్టీలో ఉంటూ ఈ కేసులు ఏంటి అంటూ జనాలు ముక్కున వేలేసు కుంటున్నారు. అధిష్టానం ఈ విషయంలో కలుగజేసుకొని పరిస్థితులను చక్కదిద్దకపోతే పార్టీ పరువు పోతుందని కార్యకర్తలు అంటున్నారు.