లేటెస్ట్తెలంగాణఆంధ్రప్రదేశ్క్రైమ్జాతీయంఅంతర్జాతీయంసినిమా & OTTలైఫ్ స్టైల్టెక్నాలజీ
LIVE TV
LIVE TV
× లేటెస్ట్తెలంగాణఆంధ్రప్రదేశ్క్రైమ్జాతీయంఅంతర్జాతీయంసినిమా & OTTలైఫ్ స్టైల్టెక్నాలజీ

Big Story

భారత్‌పై చైనా మరో కుట్ర.. ప్రధాని, రాష్ట్రపతి సహా 10వేల మంది ప్రముఖల డేటాపై డ్రాగన్ కన్ను

Published

on

భారతదేశంపై చైనా మరో కుట్రకు తెగబడింది. భారతీయ ప్రముఖుల విలువైన డేటాపై డ్రాగన్ కన్నేసింది. సాంకేతిక యుద్ధానికి తెరలేపింది. ప్రమఖులు, కీలక సంస్థలను చైనా లక్ష్యాలుగా నిర్దేశించుకుంది. అటామిక్ ఎనర్జీ రెగ్యులేటరీ బోర్డు, ఇస్రో వంటి ప్రఖ్యాత సంస్థలతో పాటు భారత రాష్ట్రపతి, ప్రధాని, కేంద్ర మంత్రులు, కీలక ప్రతిపక్ష నేతలు, సీఎంలకు సంబంధించి డేటాను సీక్రెట్ గా చైనా సేకరిస్తోంది. వివిధ రంగాలకు చెందిన 10వేల మంది భారతీయుల డేటాను డ్రాగన్ సేకరిస్తోంది.



జెన్ హువా డేటా ఇన్ఫర్మేషన్ టెక్నాలజీ సంస్థ భారతీయ డేటాను సేకరిస్తున్నట్టు సమాచారం. చైనా సీక్రెట్ ఆపరేషన్ కు సంబంధించి నిజాలు ఇండియన్ ఎక్స్ ప్రెస్ జరిపిన దర్యాప్తులో వెల్లడయ్యాయి. భారత్ చైనా సరిహద్దు వివాదం అంశాలకు సంబంధించి ప్రముఖులు మాట్లాడుతున్న అంశాలను చైనా గుట్టుగా గమనిస్తోంది.

వివిధ పద్ధతుల్లో భారత ప్రముఖల డేటాను చైనా హ్యాక్ చేస్తోంది. ప్రముఖులు మాట్లాడుతున్న అంశాలను కూడా గమనిస్తోంది. భారత ప్రధాన న్యాయమూర్తి సహా క్రిమినల్స్ డేటా సేకరిస్తోంది. చీఫ్ ఆఫ్ డిఫెన్స్ స్టాఫ్, శాస్త్రవేత్తలపై రియల్ టైమ్ మానిటరింగ్ చేస్తోంది. చైనీస్ కమ్యూనిస్ట్ పార్టీతో సంబంధాలున్న జెన్ హువా టెక్నాలజీ సంస్థ 10,000 మంది భారతీయ వ్యక్తులను గమనిస్తోంది.



అధ్యక్షుడు రామ్ నాథ్ కోవింద్ ప్రధాని నరేంద్ర మోడీ నుంచి కాంగ్రెస్ తాత్కాలిక అధ్యక్షులు సోనియా గాంధీ వారి కుటుంబాల వరకు, ముఖ్యమంత్రులు మమతా బెనర్జీ , అశోక్ గెహ్లోట్ అమరీందర్ సింగ్లకు ఉద్ధవ్ ఠాక్రే, నవీన్ పట్నాయక్, శివరాజ్ సింగ్ చౌహాన్, కేబినెట్ మంత్రులు రాజనాథ్ సింగ్ రవిశంకర్ ప్రసాద్ నుండి నిర్మల సీతారామన్ , స్మృతి ఇరానీ, పియూష్ గోయల్ వివరాలను చైనా సేకరించిందని సమాచారం.

చీఫ్ ఆఫ్ డిఫెన్స్ స్టాఫ్ బిపిన్ సింగ్ రావత్‌తో సహా కనీసం 15 మంది మాజీ ఆర్మీ ఉన్నతాధికారులకు, నేవీ వైమానిక దళం, లోక్పాల్ జస్టిస్ పిసి ఘోస్, కంప్ట్రోలర్ ఆడిటర్ జనరల్ జిసి ముర్ములకు భారత ప్రధాన న్యాయమూర్తి శరద్ బొబ్డే, సోదరుడు న్యాయమూర్తి ఎఎమ్ ఖాన్విల్కర్, పారిశ్రామికవేత్తలు రతన్ టాటా గౌతమ్ అదానీలకు వరకు డేటాను డ్రాగన్ సేకరించింది.



ఏప్రిల్ 2018 లో జెన్‌హువా ఒక సంస్థగా ఏర్పడింది. చాలా దేశాలు, ప్రాంతాలలో 20 ప్రాసెసింగ్ కేంద్రాలను ఏర్పాటు చేసినట్లు రికార్డులు చూపిస్తున్నాయి. తన ఖాతాదారులలో చైనా ప్రభుత్వం, మిలిటరీ కూడా ఉంది. సెప్టెంబర్ 1న కంపెనీ వెబ్‌సైట్ http://www.china-revival.com లో ఉన్న ఇమెయిల్ ఐడిలకు పంపినప్పటికీ అక్కడి నుంచి ఎలాంటి స్పందన లేదు. వాస్తవానికి, సంస్థ తన వెబ్‌సైట్‌ను సెప్టెంబర్ 9న తొలగించింది..

Continue Reading

Leave a Reply

Your email address will not be published. Required fields are marked *