Pfizer, BioNTech ప్రయోగాత్మక కరోనా వ్యాక్సిన్‌తో అద్భుతమైన ఫలితాలు!

Share on facebook
Share on twitter
Share on telegram
Share on whatsapp

ప్రపంచమంతా కరోనా వ్యాక్సిన్ కోసం ఎదురుచూస్తోంది. కరోనా వ్యాక్సిన్ అభివృద్ధి చేసేందుకు ప్రపంచ దేశాలన్నీ పోటీపడుతున్నాయి. కొవిడ్-19 వ్యాక్సిన్ కోసం ప్రయోగాత్మకంగా నిర్వహించిన క్లినికల్ ట్రయల్స్‌లో అద్భుతమైన ఫలితాలు కనిపించినట్టు ఓ నివేదిక తెలిపింది. ప్రయోగాత్మకమైన Covid -19 టీకా మందును అభివృద్ధి చేస్తున్న Pfizer, BioNTech దిగ్గజాలు తమ క్లినికల్ ట్రయల్స్‌లో సానుకూలమైన ఫలితాలను సాధించాయి. ఆరోగ్యకరమైన రోగులకు వ్యాక్సిన్ ఇవ్వగా వారిలో రోగనిరోధక శక్తి మరింత బలపడినట్టు గుర్తించింది.

ప్రత్యేకించి అధిక మోతాదు ఇచ్చినప్పుడు జ్వరం, ఇతర దుష్ప్రభావాలు కనిపించినట్టు పేర్కొంది. టీకాపై మొదటి క్లినికల్ డేటా బుధవారం preprint server అయిన MedRXivలో విడుదల చేసినట్టు వెల్లడించింది. వ్యాక్సిన్ లేదా placebo మూడు మోతాదులలో ఒకదాన్ని పొందడానికి ఫైజర్ అధ్యయనం యాదృచ్ఛికంగా 45 మంది రోగులను వ్యాక్సిన్ ఇచ్చి పరీక్షించింది. 12 మందికి 10 మైక్రోగ్రామ్ మోతాదుతో 12 A30 μg మోతాదు, 12 A100 μg మోతాదు, తొమ్మిది placebo అందించారు. 100 μg మోతాదు ఇవ్వగా సగం మంది రోగులలో జ్వరాలు వచ్చాయి. ఆ స్థాయిలో రెండవ మోతాదు మాత్రం ఇవ్వలేదని పేర్కొంది.

కోలుకున్న రోగుల్లో 1.8- నుంచి 2.8 రెట్లు యాంటీ బాడీస్ :
మూడు వారాల తరువాత ఇతర మోతాదుల అనంతరం రెండవ ఇంజెక్షన్ వేశాక 10μg గ్రూపులో పాల్గొనేవారిలో 8.3 శాతం 30 μg గ్రూపులో 75శాతం జ్వరాలు వచ్చాయి. ఆ మోతాదులలో ఒకదాన్ని పొందిన 50శాతం కంటే ఎక్కువ మంది రోగులు జ్వరం, నిద్ర భంగం వంటి కొన్ని రకాల నెగటివ్ ఎఫెక్ట్స్ కనిపించినట్టు తెలిపారు. ఈ దుష్ప్రభావాల్లో ఏవీ తీవ్రంగా పరిగణించలేదు. ఆస్పత్రిలో చేరడం లేదా ప్రాణాంతకంగా మారలేదు. ఈ టీకా SARS-CoV-2కు యాంటీ బాడీస్ ఉత్పత్తి చేసింది. కోవిడ్ -19కి కారణమయ్యే వైరస్ నుంచి ఈ యాంటీ బాడీస్.. న్యూట్రలైజ్ అంటే వైరస్ పనిచేయకుండా నిరోధిస్తాయి. కోలుకున్న రోగులలో 1.8- నుంచి 2.8 రెట్లు ఎక్కువగా యాంటీ బాడీస్ స్థాయిలు ఉంటాయని గుర్తించారు.

50 శాతం మంది మళ్లీ వైరస్ బారిన పడొచ్చు :
అధిక యాంటీబాడీ స్థాయిలు వైరస్‌ నుంచి రోగనిరోధక శక్తిని పెంచుతాయి. వ్యాక్సిన్ పొందిన వ్యక్తులు కనీసం 50శాతం మళ్లీ వ్యాధి బారిన పడే అవకాశం ఉందని నిరూపించేలా Pfizer భారీ అధ్యయనాలు చేయనుంది. ఈ అధ్యయనాలన్నీ త్వరలోనే ప్రారంభమవుతాయని భావిస్తున్నారు. ఎక్కువగా యునైటెడ్ స్టేట్స్‌లో Pfizer వ్యాక్సిన్‌ను నాలుగు వేర్వేరు వెర్షన్లను టెస్టింగ్ చేస్తోంది. అయితే ఒకటి మాత్రమే పెద్ద అధ్యయనాలకు చేరుతుంది. ప్రస్తుత అధ్యయనంలో గర్భిణీ స్త్రీలు లేరు. పాల్గొనేవారి జాతి వైవిధ్యం ఏంటో ఇతర సమాచారం లేదు. అయినప్పటికీ భవిష్యత్ అధ్యయనాలు మరింత విభిన్నమైన గ్రూపును చేర్చాల్సిన అవసరం ఉందని నివేదిక పేర్కొంది.

READ  ఒకే రోజులో 50 లక్షల మంది రైతుల ఖాతాల్లోకి రైతుబంధు డబ్బులు

14 కరోనా వ్యాక్సిన్లు హ్యుమన్ ట్రయల్స్‌లో :
రోగనిరోధక శక్తి కోసం రెండవ మోతాదులో బూస్టర్ షాట్ అవసరమని అంటున్నారు. సింగిల్ 100 μg మోతాదును పొందిన రోగులకు తక్కువ మోతాదులో రెండు షాట్లు పొందిన వారి కంటే తక్కువ యాంటీబాడీ స్థాయిలు ఉన్నాయని గుర్తించారు. పద్నాలుగు కోవిడ్ -19 వ్యాక్సిన్లు ప్రస్తుతం హ్యుమన్ ట్రయల్స్‌ల్లో ఉన్నాయి. మిల్కెన్ ఇన్స్టిట్యూట్ ప్రకారం.. ఇనోవియో, కాన్సినో, ఆస్ట్రాజెనెకా, Moderna నుంచి వారే ఉన్నారు. మొత్తంగా, 178 వ్యాక్సిన్లు అభివృద్ధి దశలో ఉన్నాయి.

Moderna వ్యాక్సిన్ మాదిరిగా ఫైజర్ / బయోఎంటెక్ వ్యాక్సిన్ మెసెంజర్ RNA సాంకేతిక పరిజ్ఞానంపై ఆధారపడి ఉంటుంది. ఏదైనా వైరస్ శరీరంలోకి ప్రవేశించిన వెంటనే ధీటుగా ఎదుర్కొనేలా రోగనిరోధక వ్యవస్థను బలపరుస్తుంది. అంతేకాదు… కణాలలో కనిపించే కీలకమైన జన్యు మెసెంజర్‌ను ఉపయోగించి ప్రోటీన్‌ను క్రియేట్ చేసుకుంటుంది. మోడెర్నా తన టీకాపై ఇంకా డేటాను వెల్లడించలేదు. త్వరలోనే డేటాను వెల్లడించే అవకాశం ఉందని అంటున్నారు.

Related Posts