IPL 2020 DC vs KKR: ఉత్కంఠగా సాగిన మ్యాచ్‌లో కోల్‌కత్తాపై ఢిల్లీ విజయం

ఉత్కంఠగా సాగిన మ్యాచ్‌లో కోల్‌కత్తాపై ఢిల్లీ విజయం సాధించింది. 18పరుగుల తేడాతో ఢిల్లీ కోల్‌కత్తాపై ఘన విజయం సాధించింది.

రెండు ఓవర్లలో 31పరుగులు

ఆల్మోస్ట్ అయిపోయింది అనుకున్న మ్యాచ్‌ని మోర్గాన్ మెరుపులుతో మ్యాచ్ మొత్తం మారిపోయింది. రెండు ఓవర్లలో కేవలం 31పరుగులు చెయ్యవలసిన పరిస్థితి వచ్చింది.

రస్సెల్ అవుట్.. 11ఓవర్లకు కోల్‌కత్తా స్కోరు 100/3

గిల్ అవుట్ అయిన తరువాత, రస్సెల్ క్రీజులోకి రాగా.. అతను 8 బంతుల్లో 13 పరుగులు మాత్రమే చేసి అవుట్ అయ్యాడు. 10 వ ఓవర్ 5వ బంతికి ఎన్రిక్ చేతికి రబాడా బౌలింగ్‌లో క్యాచ్ ఇచ్చి అవుట్ అయ్యాడు. 11ఓవర్లకు కోల్‌కత్తా స్కోరు 100/3

రెండు వికెట్లు కోల్పోయిన కోల్‌కత్తా..

229పరుగుల భారీ లక్ష్యంతో బరిలోకి దిగిన కోల్‌కత్తా నైట్ రైడర్స్ ఫస్ట్‌లోనే నరైన్ వికెట్ కోల్పోయినా కూడా నిలకడగా నిలబడి ఆడారు. అయితే 8వ ఓవర్‌లో అమిత్ మిశ్రా వేసిన ఫస్ట్ బంతికే శుబ్మాన్ గిల్ పంత్‌కు క్యాచ్ ఇచ్చి అవుట్ అయ్యాడు. మొత్తం 8.1ఓవర్లకు కోల్‌కత్తా 2వికెట్లు నష్టపోయి 72పరుగులు చేసింది.

మైదానంలో మెరుపులు.. కోల్‌కత్తా టార్గెట్ 229

షార్జా క్రికెట్ స్టేడియంలో ఢిల్లీ క్యాపిటల్స్, కోల్‌కతా నైట్ రైడర్స్ మధ్య జరిగిన మ్యాచ్‌లో ఢిల్లీ మొదట బ్యాటింగ్ చేసి కెకెఆర్‌కు 229 పరుగుల టార్గెట్ నిర్దేశించింది. ఢిల్లీ 20 ఓవర్లలో 4 వికెట్లు కోల్పోయి 228 పరుగులు చేయగా.. పృథ్వీ షా, కెప్టెన్ శ్రేయాస్ అర్ధ సెంచరీలు చేశారు. పృథ్వీ షా 66 పరుగులు చెయ్యగా.. శ్రేయాస్ 88 పరుగులు చేసి నాటౌట్‌గా నిలిచాడు. శ్రేయాస్ 26 బంతుల్లో యాభై పరుగుల మార్కును చేరుకోగా.. ఐపిఎల్‌లో తన వేగవంతమైన అర్ధ సెంచరీని పూర్తి చేసుకున్నాడు. శిఖర్ ధావన్ 26, రిషబ్ పంత్ 38 పరుగులు చేశారు. ఆండ్రీ రస్సెల్ 2, వరుణ్ చక్రవర్తి, కమలేష్ నాగర్‌కోటి కెకెఆర్ తరపున చెరొక వికెట్ తీసుకున్నారు.

16ఓవర్లకు స్కోరు 169పరుగులు

ఢిల్లీ, కోల్‌కత్తా మధ్య జరుగుతున్న మ్యాచ్లో ఢిల్లీ బ్యాట్స్‌మెన్లు ప్రత్యర్థులపై విరుచుకుపడుతున్నారు. కీపర్ పంత్, కెప్టెన్ అయ్యర్, బౌండరీలు తరలిస్తూ స్కోరును పరుగులు పెట్టిస్తున్నారు. ఈ క్రమంలో 16ఓవర్లు ముగిసేసరికి స్కోరు 169పరుగులు చేరుకుంది.

మైదానంలో మెరుపులు.. ఢిల్లీ స్కోరు 131/2

ఢిల్లీ, కోల్‌కత్తా మధ్య జరుగుతున్న మ్యాచ్‌లో ఫోర్లు, సిక్సర్ల మెరుపులు మెరుస్తున్నాయి. ఆకాశమేే హద్దుగా ఢిల్లీ ప్లేయర్లు చెలరేగి ఆడుతున్నారు. ఈ క్రమంలోనే పృద్వీ షా రెండవ వికెట్‌గా పెవిలియన్ చేరాడు. 41బంతుల్లో 66పరుగులు చేసి అవుట్ అయ్యాడు.

ఫస్ట్ వికెట్‌గా దావన్

ఢిల్లీ క్యాపిటల్స్ ఫస్ట్ వికెట్‌గా శిఖర్ ధావన్ అవుట్ అయ్యాడు. ధావన్ 16 బంతుల్లో 26 పరుగులు చేసి అవుటయ్యాడు.. అతని ఇన్నింగ్స్‌లో 2 ఫోర్లు, 2 సిక్సర్లు కొట్టాడు.

దూకుడుగా మొదలెట్టి నిదానంగా ఆడుతున్న ఢిల్లీ

ఐపిఎల్ 2020 16వ మ్యాచ్‌లో టాస్ గెలిచిన కోల్‌కతా నైట్ రైడర్స్ మొదట బౌలింగ్ చేయాలని నిర్ణయించింది.

ఈ క్రమంలో బ్యాటింగ్‌కు దిగిన ఢిల్లీ క్యాపిటల్స్ జట్టు మైదానం చాలా చిన్నది కావడంతో.. ఫోర్లు, సిక్సర్ల వర్షంతో దూకుడుగా ఇన్నింగ్స్ ప్రారంభించింది. అయితే కాసేపటికే దావన్ అవుట్ అవడంతో కాస్త నెమ్మదిగా ఆడుతుంది. 8ఓవర్ల టైమ్ అవుట్ ముగిసేసరికి 75పరుగులు చేసి ఒక వికెట్ కోల్పోయింది ఢిల్లీ క్యాపిటల్స్.

Kolkata Knight Riders (Playing XI):

శుబ్మాన్ గిల్, సునీల్ నరైన్, నితీష్ రానా, దినేష్ కార్తీక్ (w/c), ఇయాన్ మోర్గాన్, రాహుల్ త్రిపాఠి, ఆండ్రీ రస్సెల్, పాట్ కమ్మిన్స్, కమలేష్ నాగర్‌కోటి, శివం మావి, వరుణ్ చక్రవర్తి

Delhi Capitals (Playing XI):

పృథ్వీ షా, శిఖర్ ధావన్, శ్రేయాస్ అయ్యర్ (C), రిషబ్ పంత్ (W), హెట్మియర్, మార్కస్ స్టోయినిస్, రవిచంద్రన్ అశ్విన్, హర్షల్ పటేల్, కగిసో రబాడా, అన్రిచ్ నార్ట్జే, అమిత్ మిశ్రా

టాస్ గెలిచి ఫీల్డింగ్ చేస్తున్న కోల్‌కత్తా

IPL 2020 DC vs KKR: ఐపిఎల్ 2020లో 16వ మ్యాచ్‌లో టాస్ గెలిచిన కోల్‌కతా నైట్ రైడర్స్ మొదట బౌలింగ్ చేయాలని నిర్ణయించింది. షార్జాలో జరుగుతున్న ఈ మ్యాచ్‌లో ఢిల్లీ క్యాపిటల్స్ జట్టు మొదట బ్యాటింగ్ చేస్తుంది.

ఈ మైదానం చాలా చిన్నది కావడంతో.. ఈ మ్యాచ్‌లో ఫోర్లు, సిక్సర్ల వర్షం కురిపించే అవకాశం ఉంది. ఈ మ్యాచ్ కోసం కోల్‌కతా జట్టులో మార్పు చేసింది. స్పిన్నర్ కుల్దీప్ యాదవ్‌కు బదులుగా మిడిల్ ఆర్డర్ బ్యాట్స్‌మన్ రాహుల్ త్రిపాఠికి అవకాశం లభించింది.

టాస్ తర్వాత కోల్‌కతా కెప్టెన్ దినేష్ కార్తీక్ మాట్లాడుతూ.. మేము మొదట బౌలింగ్ చేయబోతున్నట్లు చెప్పారు. అదే సమయంలో ఢిల్లీ క్యాపిటల్స్ కెప్టెన్ శ్రేయాస్ అయ్యర్ మాట్లాడుతూ, మేము కూడా మొదట బౌలింగ్ చేయాలని అనుకున్నాము. వికెట్ అద్భుతంగా ఉంది. కాబట్టి మొదట బ్యాటింగ్ చేయడం కూడా ఆనందంగానే ఉంది అని అన్నారు.