Disqualified Karnataka MLA Claims BS Yediyurappa Gave Him Rs. 1,000 Crore

యడియూరప్ప వెయ్యి కోట్లు ఇచ్చాడు… జేడీఎస్ అనర్హత ఎమ్మెల్యే సంచలన వ్యాఖ్యలు

Share on facebook
Share on twitter
Share on telegram
Share on whatsapp

కర్ణాటక సీఎం యడియూరప్ప తనకు రూ.1,000కోట్లు ఇచ్చాడంటూ అనర్హత జేడీఎస్ మాజీ ఎమ్మెల్యే నారాయణ గౌడ సంచలన వ్యాఖ్యలు చేశారు. ఆ డబ్బులను తాను తన నియోజకవర్గ అభివృద్ధికి ఖర్చుపెట్టినట్లు నారాయణ తెలిపారు. 

మంగళవారం(నవంబర్-5,2019)తన మద్దతుదారులను ఉద్దేశించి నారాయణ గౌడ మాట్లాడుతూ…కుమారస్వామి ప్రభుత్వం కూలిపోయే కొన్ని రోజుల ముందు ఓ వ్యక్తి నన్ను యడియూరప్ప ఇంటికి ఉదయం 5గంటల సమయంలో తీసుకెళ్లాడు. మేము ఆయన ఇంట్లోకి ప్రవేశించిన సమయంలో యడియూరప్ప పూజగదిలో ఉన్నారు. ఆ తర్వాత ఆయన మా దగ్గరకి వచ్చి కూర్చోమన్నారు. నేను మరోసారి సీఎం అయ్యేందుకు నువ్వు మద్దతు ఇవ్వాలి అని యడియూరప్ప అడిగారు. క్రిష్ణరాజపేట నియోజకవర్గ అభివృద్ధికి 700కోట్లు కేటాయించాలని అడిగాను. ఆ తర్వాత ఆయన వెయ్యి కోట్లు ఇచ్చాడు. నా నియోజకవర్గానికి ఇంత సహకారం అందించిన వ్యక్తికి సపోర్ట్ చేయాలనిపించింది. మద్దతు ప్రకటించాను.

అయితే ఆ తర్వాత అనర్హత ఎమ్మెల్యేలతో మాకు ఎలాంటి సంబంధం లేదని యడియరప్ప అన్నారని నారాయణ గౌడ తెలిపారు. అనర్హత వేటు పడిన జేడీఎస్ ఎమ్మెల్యే కూడా తన నియోజకవర్గ అభివృద్ధి కోసమే యడియూరప్పకు మద్దతు ప్రకటించానని మండ్యాలో ఓ ప్రకటన చేశారని నారాయణ గౌడ తెలిపారు.

Related Posts