Bad Cholesterol : చెడు కొలెస్ట్రాల్ సమస్యతో బాధపడుతున్నారా? సమస్య నుండి బయటపడాలంటే ఈ చిట్కాలను పాటించి చూడండి!
మంచి ఆహార అల‌వాట్లు, నిరంత‌ర వ్యాయామం, శ‌రీర బ‌రువుని అదుపులో ఉంచుకోవ‌డం, ఇలాంటి వాటితో మ‌న దేహంలో త‌యార‌య్యే అధిక కొవ్వులను నియంత్రించ‌వ‌చ్చు. ఎక్కువగా మొక్కల ఆధారిత ఆహారాన్ని తినడం మంచిది.
- Published By: 10TV Digital Team ,Published On : August 23, 2022 / 08:04 AM IST
bad cholesterol
Bad Cholesterol : కొలెస్ట్రాల్ మీ రక్తంలో కనిపించే మైనపు, కొవ్వు పదార్థం. ఇందులో రెండు ప్రధాన రకాలు ఉన్నాయి. మంచి కొలెస్ట్రాల్ దీనినే హెడీఎల్ అని, చెడు కొలెస్ట్రాల్ దీనిని ఎల్డీఎల్ అని పిలుస్తారు. ట్రైగ్లిజరైడ్స్ రక్తంలో కనిపించే మరొక రకమైన కొవ్వు, ఇది గుండె జబ్బుల ప్రమాదాన్ని పెంచుతుంది. చెడు కొలెస్ట్రాల్ మరియు ట్రైగ్లిజరైడ్స్ స్థాయిలను తగ్గించడానికి తద్వారా గుండె ఆరోగ్యంగా ఉండాలంటే అందుకు అనుగుణమైన ఆహారాన్ని తీసుకోవాల్సి ఉంటుంది.
అనారోగ్యకరమైన కొవ్వులు, ఉప్పు ,చక్కెరను పరిమితంగా తీసుకోవాలి. తృణధాన్యాలు, ఫైబర్, విటమిన్లు, ఖనిజాలు మరియు ఆరోగ్యకరమైన కొవ్వులను తీసుకోవటం ద్వారా చెడు కొవ్వులను తగ్గించుకోవచ్చు. తద్వారా గుండె ఆరోగ్యాన్ని మెరుగుపరుచుకోవచ్చు. 45 ఏళ్లు మరియు అంతకంటే ఎక్కువ వయస్సు ఉన్న వ్యక్తులు ప్రతి మూడు మాసాల కొకసారి కొలెస్ట్రాల్ప రీక్షలు చేయించుకోవటం మంచిది. ప్ర‌స్తుత త‌రుణంలో మ‌న‌లో చాలా మంది శ‌రీరంలో అధిక కొలెస్ట్రాల్ తో జీవిస్తున్నారు. ముఖ్యంగా ఈ ఎల్ డీ ఎల్ కొలెస్ట్రాల్ గుండె జ‌బ్బులు వ‌చ్చే ప్రమాదాన్ని పెంచ‌డానికి కార‌ణ‌మ‌వుతుంది. అయితే హెచ్ డీ ఎల్ కొలెస్ట్రాల్ మ‌న‌ల్ని రోగాల బారి నుండి కాపాడుతుంది.
మంచి ఆహార అల‌వాట్లు, నిరంత‌ర వ్యాయామం, శ‌రీర బ‌రువుని అదుపులో ఉంచుకోవ‌డం, ఇలాంటి వాటితో మ‌న దేహంలో త‌యార‌య్యే అధిక కొవ్వులను నియంత్రించ‌వ‌చ్చు. ఎక్కువగా మొక్కల ఆధారిత ఆహారాన్ని తినడం మంచిది. కూరగాయలు, చిక్కుళ్ళు, పండ్లు, తృణధాన్యాలు, గింజలు మరియు విత్తనాలు వంటి మొక్కల ఆధారిత ఆహారాలను ఎక్కువగా తినడం గుండె ఆరోగ్యానికి మంచిది. కూరలలో మాంసానికి బదులుగా పప్పు ఉపయోగించండి. తృణధాన్యాలు, తృణధాన్యాలు, పాస్తా, బియ్యం మరియు నూడుల్స్ ఎంచుకోండి. సాదా, ఉప్పు లేని గింజలు మరియు తాజా పండ్లను అల్పాహారంగా తీసుకోవాలి. వంట కోసం ఆరోగ్యకరమైన నూనెలను ఉపయోగించండి.
చెడు కొలెస్ట్రాల్ తగ్గించే చిట్కాలు ;
గ్రీన్ టీ కూడా చెడు కొలెస్ట్రాల్ ని అదుపుచేయ‌డంలో స‌మ‌ర్థ‌వంతంగా ప‌ని చేస్తుంది. దీనిలో పుష్క‌లంగా ఉండే పాలీఫినాల్స్ మూల‌కాల‌తో అపార‌మైన ఆరోగ్యకరమైన ప్ర‌యోజ‌నాలు ఉంటాయి. శ‌రీరంలోని చెడు కొలెస్ట్రాల్ ని త‌గ్గించి, మంచి కొలెస్ట్రాల్ ను పెంచ‌డంలో ఇవి తోడ్పడతాయి. గ్రీన్ టీ తాగ‌ని వాళ్ల‌తో పోల్చిన‌పుడు దీనిని తాగే వాళ్ల‌లో కొలెస్ట్రాల్ లెవ‌ల్స్ త‌క్కువ‌గా ఉన్న‌ట్టు ప‌రిశ‌ధ‌న‌ల్లో తేలింది. రోజూ 2 నుండి 3 క‌ప్పుల గ్రీన్ టీ తీసుకోవ‌డం వ‌ల్ల అధిక కొవ్వు కరుగుతుందని నిపుణులు సూచిస్తున్నారు.
వెల్లుల్లిని మ‌నం ప్రతి రోజూ వంటకాల్లో తీసుకోవటం అలవాటుగా మార్చుకోవాలి. మ‌న ఆరోగ్యానికి మేలు చేసే ఎన్నో లక్ష‌ణాలు దీనిలో ఉంటాయి. వెల్లుల్లిలో అమైనో యాసిడ్స్, విట‌మిన్స్, మిన‌ర‌ల్స్ ఇంకా ఆర్గానో స‌ల్ఫ‌ర్లు లాంటి ప‌దార్థాల స‌మ్మేళ‌నాలు ఉంటాయి. ఎల్ డీ ఎల్ కొలెస్ట్రాల్ ని త‌గ్గించ‌డంలో వెల్లుల్లి ఎంతో ప్ర‌భావవంతంగా ప‌ని చేస్తుంద‌ని చాలా ప‌రిశోధ‌న‌లు చెబుతున్నాయి. వెల్లుల్లిలో ఉండే యాంటీ ఆక్సీడెంట్లు బీపీని త‌గ్గించ‌డంతోపాటు, ర‌క్త ప్ర‌స‌రణను కూడా మెరుగుప‌ర‌చ‌డంలో తోడ్ప‌డుతాయి. రోజూ 1 లేదా 2 వెల్లుల్లి రెబ్బ‌ల‌ను తినడం వ‌ల్ల శ‌రీరంలోని కొవ్వుని తగ్గించుకోవచ్చు.
ధ‌నియాల్లో ఉండే ఫోలిక్ యాసిడ్, విట‌మిన్ ఎ, బీటా కెరోటిన్ ఇంకా విట‌మిన్ సి మొద‌లైన‌వి చెడు కొలెస్ట్రాల్ ను అదుపులో ఉంచుతాయి. వీటితోపాటుగా మెంతుల్లో ఉండే విట‌మిన్ ఇ కొవ్వుని త‌స్తుంది. దీని కోసం రోజూ 1 లేదా 2 టీ స్పూన్ల మెంతుల‌ను తీసుకుంటే మంచి ప్రయోజనం ఉంటుంది. ఉసిరి కూడా శ‌రీరంలోని చెడు కొలెస్ట్రాల్ ను త‌గ్గించ‌డంలో ఎంత‌గానో దోహదపడుతుంది. రోజూ 1 లేదా 2 ఉసిరి కాయ‌ల‌ని తీసుకోవ‌డం వ‌ల్ల కొలెస్ట్రాల్ లెవ‌ల్స్ తగ్గించుకోవచ్చు.
