భారత్‌లో కరోనా కేసులు ఎందుకు తగ్గుతున్నాయి? ఎట్టకేలకు ఆధారాలు కనిపెట్టిన నిపుణులు

coronavirus cases dropping in India : భారతదేశంలో కరోనా కేసులు క్రమంగా తగ్గుముఖం పట్టడానికి గల కొన్ని ఆధారాలను నిపుణులు ఎట్టకేలకు కనుగొన్నారు. ప్రపంచ అతిపెద్ద జనాభా గల దేశాల్లో ఒకటైన భారత్ లో కరోనా కేసులు ఒకే రోజులో రికార్డు స్థాయిలో నమోదైన సందర్భాలు ఉన్నాయి. అలాగే 24 గంటల్లో వేలాది కేసులు నమోదయ్యాయి. మార్చి 3, 2020వ తేదీన ఒకే రోజులో మూడు కేసులు మాత్రమే నమోదయ్యాయి. ఏప్రిల్ మొదటి వారంలో సుమారు 350 కేసులకు చేరుకుంది.

2020 మే నెలలో ఒక రోజులో 2,500 కి పైగా కేసులు నమోదయ్యాయి. రోజువారీ కరోనా కేసుల్లో గరిష్టంగా 97,894 కేసులకు చేరింది. సెప్టెంబర్ 16న ఒక వారం పాటు కేసుల సంఖ్య 90,000 దాటేసింది. దాంతో దేశంలో కరోనా కేసుల తీవ్రత ప్రమాదకర స్థాయికి చేరుకుంది. కానీ, ఇప్పుడు కరోనా కొత్త కేసుల సంఖ్య గణనీయంగా తగ్గుతోంది. కరోనా కేసుల క్షీణతకు కాంటాక్ట్ ట్రేసింగ్ ప్రయత్నాలు వంటివి కారణమని భారతదేశ ఆరోగ్య మంత్రిత్వ శాఖ వెల్లడించింది. ఏదేమైనా, కేసుల తీవ్ర పతనానికి కారణం పూర్తిగా వివరించలేదు.

ప్రస్తుతం దేశంలో రోజుకు 10,000 కన్నా తక్కువ కరోనా కేసులను మాత్రమే నమోదు అవుతున్నాయి. టీకాలు వేయడం వల్ల కాదంటున్నారు. ఎందుకంటే.. ఈ టీకాలు కేవలం ఆరోగ్య సంరక్షణ ఫ్రంట్‌లైన్ కార్మికులకు మాత్రమే అందించడం జరుగుతోంది. వ్యాక్సిన్ కారణంగా కరోనా కేసుల లోడ్ తగ్గలేదంటున్నారు. వెచ్చని, తడి వాతావరణం వల్ల కరోనావైరస్ వ్యాప్తి తగ్గుతుందని శాస్త్రీయ కథనాలలో చాలా మంది పరిశోధకులు పేర్కొన్నారు.

భారతదేశంలో మలేరియా, డెంగ్యూ జ్వరం, కలరా, టైఫాయిడ్, హెపటైటిస్ వంటి అనేక వ్యాధుల బారిన పడుతున్నారని, అదే భారత ప్రజలలో రోగనిరోధక శక్తిని అధికంగా ఉండటానికి కారణమని కొంతమంది నిపుణులు సూచించారు. భారతీయులలో 6 శాతం మాత్రమే 65 ఏళ్లు అంతకంటే ఎక్కువ వయస్సు గలవారు, సగం కంటే ఎక్కువ మంది భారతీయులు 25 ఏళ్ల కంటే తక్కువ వయస్సు గలవారు ఉన్నారని నిపుణులు చెబుతున్నారు.