రికార్డు బ్రేక్ : బాలాపూర్ లడ్డూ రూ. 17 లక్షల 60 వేలు

  • Published By: madhu ,Published On : September 12, 2019 / 04:18 AM IST
రికార్డు బ్రేక్ : బాలాపూర్ లడ్డూ రూ. 17 లక్షల 60 వేలు

బాలాపూర్ లడ్డూ ఈసారి కూడా రికార్డు బ్రేక్ చేసింది. ప్రపంచంలోనే ఎంతో ఆసక్తి, ఉద్విగ్నతను క్రియేట్ చేసిన ఈ లడ్డూను కొలను రామ్ రెడ్డి దక్కించుకున్నారు. గణేష్ వేడుకల్లో బాలాపూర్ లడ్డూకు ఓ ప్రత్యేకత స్థానం ఉంది. భక్తుల కొంగుబంగారంగా ఈ లడ్డూ ప్రసిద్ధి పొందింది. 1994 నుంచి వేలం పాట కొనసాగుతూ వస్తోంది. సెప్టెంబర్ 12వ తేదీ గురువారం బొడ్రాయి వద్ద వేలం పాటను నిర్వహించారు. ఈ కార్యక్రమానికి మంత్రి సబితా ఇంద్రారెడ్డి హాజరయ్యారు.

వేలం పాటలో తెలంగాణ రాష్ట్రంతో పాటు ఇతర రాష్ట్రాలకు చెందిన వారు పాల్గొనడం విశేషం. తొలుత వేలం పాటను రూ. 1116తో ప్రారంభించారు. ఇందులో పాల్గొన్న వారు పోటాపోటీగా వేలం పాటను పాడారు. చివరకు కొలను రామ్ రెడ్డి రూ. 17 లక్షల 60 వేలకు పాడి దక్కించుకున్నారు. 2018 సంవత్సరంలో బాలాపూర్ మండలం ఆర్యవైశ్య సంఘం అధ్యక్షుడు శ్రీనివాస్ గుప్తా రూ. 16 లక్షల 60 వేలకు దక్కించుకున్నారు. వేలం పాటకు ముందు…బాలాపూర్ పురవీధుల్లో గణేశుడు ఊరేగారు. ఈ కార్యక్రమానికి భారీ సంఖ్యలో భక్తులు పాల్గొన్నారు. అనంతరం హుస్సేన్ సాగర్ వైపు గణేశుడు కదిలాడు. బాలాపూర్ నుంచి ట్యాంక్ బండ్ వరకు 18 కి.మీ పాటు శోభాయాత్ర కొనసాగనుంది.
 
1994 నుంచి ప్రారంభమైన లడ్డూ వేలం ఏటికేడూ ప్రఖ్యాతి పొందింది. 25 ఏళ్లలో రూ. 450 నుంచి రూ. 16.60 లక్షలకు లడ్డూ ధర చేరింది. తాపేశ్వరంలోని హానీ ఫుడ్స్‌లో లడ్డూ తయారీ జరుగుతోంది. వేలంలో పాడుకున్న వారు ఈ లడ్డూను అపురూపంగా భావిస్తుంటారు. పొలాల్లో చల్లితే పంట బాగా పండుతుందనే నమ్మకం..మంచి జరుగుతుందనే నమ్మకం ఉంది. అందుకే ఈ లడ్డూ వేలాన్ని ప్రతిష్టాత్మకంగా భావిస్తుంటారు. 
 

సంవత్సరం దక్కించుకున్న వారి పేరు ధర
1994 కొలను మోహన్ రెడ్డి రూ. 450
1995 కొలను మోహన్ రెడ్డి రూ. 4, 500
1996 కొలను కృష్ణారెడ్డి రూ. 18, 000
1997 కొలను కృష్ణారెడ్డి రూ. 28, 000
1998 కొలను మోహన్ రెడ్డి రూ. 51, 000
1999 కల్లెం ప్రతాప్ రెడ్డి రూ. 65, 000
2000 కల్లెం అంజిరెడ్డి రూ. 66, 000
2001 జి. రఘునందన్ చారి రూ. 85, 000
2002 కందాడ మాధవరెడ్డి రూ. 1, 05, 000
2003 చిగిరింత బాల్ రెడ్డి రూ. 1, 55, 000
2004 కొలను మోహన్ రెడ్డి రూ. 2, 01, 000
2005 ఇబ్రం శేఖర్ రూ. 2, 08, 000
2006 చిగిరింత తిరుపతి రెడ్డి రూ. 3, 00, 000
2007 జి.రఘునందన్ చారి రూ. 4, 15, 000
2008 కొలను మోహన్ రెడ్డి రూ. 5, 07, 000
2009 సరిత రూ. 5, 10, 000
2010 కొడాలి శ్రీధర్ బాబు రూ. 5, 35, 000
2011 కొలను బ్రదర్శ్ రూ. 5, 45, 000
2012 పన్నాల గోవర్ధన్ రెడ్డి రూ. 7, 50, 000
2013 తీగల కృష్ణారెడ్డి రూ. 9, 26, 000
2014 సింగిరెడ్డి జై హింద్ రెడ్డి రూ. 9, 50, 000
2015 కొలను మదన్ మోహన్ రెడ్డి రూ. 10, 32, 000
2016 స్కైలాబ్ రెడ్డి రూ. 14, 65, 000
2017 నాగం తిరుపతి రెడ్డి రూ. 15, 60,000
2018 శ్రీనివాస్ గుప్తా రూ. 16, 60, 000
2019 కొలను రామ్ రెడ్డి రూ. 17, 60, 000