Hypersonic Missile : ప్రపంచాన్ని చుట్టొచ్చిన చైనా మిసైల్..అమెరికాపై న్లూక్లియర్ ఎటాక్!
ఏదో ఒకరోజు అమెరికాపై అణు దాడికి పాల్పడే సామర్థ్యాన్ని చైనా కలిగి ఉంటుందని అమెరికా ఉన్నత సైన్యాధికారి హెచ్చరించారు. ఈ ఏడాది జులై-27న చైనా హైపర్సోనిక్ క్షిపణి.. ప్రపంచాన్ని
Hypersonic Missile : ఏదో ఒకరోజు అమెరికాపై అణు దాడికి పాల్పడే సామర్థ్యాన్ని చైనా కలిగి ఉంటుందని అమెరికా ఉన్నత సైన్యాధికారి హెచ్చరించారు. ఈ ఏడాది జులై-27న చైనా హైపర్సోనిక్ క్షిపణిని పరీక్షించిందని..ఆ మిసైల్ ప్రపంచాన్ని చుట్టివచ్చినట్లు ఆయన తెలిపారు. ఈ ఆయుధం ధ్వని కంటే ఐదు రెట్లు వేగంగా ప్రయాణించగలదన్నారు.
అమెరికా జాయింట్ చీఫ్స్ ఆఫ్ స్టాఫ్ వైస్ ఛైర్మన్ జాన్ హైటెన్ మంగళవారం ఓ ఇంటర్వ్యూలో మాట్లాడుతూ…”చైనా ప్రయోగించిన హైపర్సోనిక్ గ్లైడ్ వాహనం ప్రపంచ దేశాలను చుట్టి తిరిగి చైనాకే వెళ్లింది. నిర్దేశించిన లక్ష్యానికి అత్యంత చేరువగా వెళ్లింది. ఇది తొలిసారి ఉపయోగిస్తున్న ఆయుధంలా కనిపిస్తోంది. చైనా గత ఐదేళ్లలో వందల సంఖ్యలో హైపర్సోనిక్ పరీక్షలు చేపట్టింది. అమెరికా కేవలం తొమ్మిది హైపర్సోనిక్ ప్రయోగాలకే పరిమితమైంది. చైనా ఇప్పటికే మధ్యశ్రేణి హైపర్సోనిక్ ఆయుధాన్ని వినియోగిస్తోంది. అమెరికాకు ఇంకా కొన్నేళ్లు పడుతుందని” అన్నారు.
అయితే,హైపర్ సోనిక్ మిసైల్ ప్రయోగం వార్తలను చైనా ఖండించింది. తాము ప్రయోగం చేపట్టిన విషయం నిజమేనని… అది క్షిపణి కాదని.. అది కేవలం పునర్వినియోగ అంతరిక్ష నౌక అని అక్టోబర్ 18న చైనా తెలిపింది. ఇది సాధారణ ప్రయోగమేనని, ప్రపంచంలోని చాలా కంపెనీలు ఈ తరహా పరీక్షలను చేపట్టాయని చైనా విదేశాంగ శాఖ అధికార ప్రతినిధి ఝావ్ లిజియాన్ తెలిపారు. అంతరిక్ష వినియోగం మానవుల ప్రయోజనాలకు అనుగుణంగా జరిగేందుకు తాము ఏ దేశంతోనైనా కలిసి పని చేసేందుకు సిద్ధమన్నారు.
మరోవైపు,. హైపర్సోనిక్ క్షిపణి ఇలా భూమి చుట్టూ తిరిగివచ్చేలా ఓ దేశం ప్రయోగం చేపట్టడం ఇదే తొలిసారి అని ఫైనాన్షియల్ టైమ్స్ తెలిపింది. చైనా ప్రయోగించిన హైపర్సోనిక్ ఆయుధం లక్ష్యాన్ని కొద్ది కిలోమీటర్ల దూరంలో మిస్ అయినట్లు తెలిపింది. హైపర్సోనిక్ అయుధాలకు ధ్వనికంటే ఐదు రెట్లు ఎక్కువ వేగంతో ప్రయాణించగల సామర్థ్యం ఉంటుంది కాబట్టి వాటిని రాడార్లు కూడా పసిగట్టలేవు.
ALSO READ Chinese Nuclear Warheads : అంచనాలను మించి..అణ్వాయుధాలను భారీగా పెంచుకుంటున్న చైనా