Omicron : అక్టోబర్ లోనే ఒమిక్రాన్ వ్యాప్తి!
ప్రస్తుతం ప్రపంచాన్ని టెన్షన్ పెడుతున్న కరోనా కొత్త వేరియంట్ "ఒమిక్రాన్" గురించి మరో ముఖ్యమైన విషయం తాజాగా వెలుగులోకి వచ్చింది. గత నెల 24న దక్షిణాఫ్రికా ప్రకటించే వరకు ఈ వేరియంట్
Omicron : ప్రస్తుతం ప్రపంచాన్ని టెన్షన్ పెడుతున్న కరోనా కొత్త వేరియంట్ “ఒమిక్రాన్” గురించి మరో ముఖ్యమైన విషయం తాజాగా వెలుగులోకి వచ్చింది. గత నెల 24న దక్షిణాఫ్రికా ప్రకటించే వరకు ఈ వేరియంట్ ఒకటి ఉందని ఎవరికీ తెలియదు. అయితే ఈ వేరియంట్ వ్యాప్తి అక్టోబర్ లోనే మొదలైనట్లు తెలుస్తోంది. ‘ఒమిక్రాన్’ను దక్షిణాప్రికా గుర్తించేందుకు కొన్ని వారాల ముందు…నైజీరియాలో దక్షిణాఫ్రికా నుంచి వచ్చిన వారి నుంచి సేకరించిన శాంపిల్స్ లో ఇద్దరిలో కొత్త వేరియంట్ ఉన్నట్లు నిర్ధరణ అయిందని బుధవారం నైజీరియా జాతీయ ప్రజారోగ్య సంస్థ ప్రకటించింది.
ఇక, కొత్త వేరియంట్పై ప్రపంచ ఆరోగ్య సంస్థను దక్షిణాఫ్రికా హెచ్చరించకముందే.. తమ దేశంలోకి ఒమిక్రాన్ వ్యాపించి ఉంటుందని నెదర్లాండ్స్ తాజాగా ప్రకటించింది. నవంబర్ 24న కొత్త వేరియంట్ గురించి WHOకి దక్షిణాఫ్రికా చెప్పిందని.. అయితే తమ దేశంలో గత నెల 19- 23 మధ్య తేదీల్లో సేకరించిన శాంపిల్స్ లో ఒమిక్రాన్ను గుర్తించినట్టు నెథర్లాండ్స్ ఆరోగ్యశాఖ అధికారులు వెల్లడించారు.
మరోవైపు, ఇప్పటి వరకు సుమారు 20 దేశాల్లో ఒమిక్రాన్ వేరియంట్ వెలుగు చూసింది. సౌదీ అరేబియా,జర్మనీ,ఇజ్రాయెల్,యూకే ,నెదర్లాండ్స్,దక్షిణాఫ్రికా, బ్రెజిల్, బోట్స్వానా, హాంకాంగ్,ఆస్ట్రేలియాతో పాటు పలు యూరప్ దేశాల్లో కోవిడ్ కేసులు నమోదయ్యాయి. అయితే ఇప్పటివరకు ఒమిక్రాన్ కారణంగా మరణించిన రిపోర్ట్ లు లేవు. ఇక, క్రమంగా ఒక్కోదేశానికి ఒమిక్రాన్ వ్యాప్తి చెందుతున్నందున ప్రపంచవ్యాప్తంగా ప్రయాణ ఆంక్షలు మొదలయ్యాయి. మరికొన్ని దేశాల్లో లాక్ డౌన్ ను పొడిగించారు.
ALSO READ New Uniform For Indian Army: ఆర్మీకి కొత్త యూనిఫాం!
ALSO READ Omicron Threat : ‘ఎట్ రిస్క్’ దేశాల నుంచి ఢిల్లీకి వచ్చిన నలుగురికి కరోనా