Oscars 2023: ఉక్రెయిన్ అధ్యక్షుడు వ్లోదిమిర్ జెలెన్స్కీకి చుక్కెదురైంది. మార్చి 12న లాస్ ఏంజెల్స్లోని డాల్బీ థియేటర్లో నిర్వహించే ఆస్కార్ అవార్డుల కార్యక్రమంలో ఆయన ప్రసంగించేందుకు అకాడమీ నో చెప్పింది. కాగా, ఆయనకు అకాడమీ ఇలా నో చెప్పడం ఇది రెండవ సారి. కమెడియన్ నుంచి రాజకీయ నేతగా మారిన జెలెన్స్కీ, గతంలో పలు అవార్డుల కార్యక్రమాల్లో ప్రసంగించారు. అయితే గత ఏడాదిగా రష్యా, ఉక్రెయిన్ దేశాల మధ్య యుద్ధం కారణంగా ఈసారి ఆస్కార్ కార్యక్రమంలో వర్చువల్ ద్వారా చేసే ప్రసంగం రద్దైంది.
Bihar: ఆవు మాంసం తరలిస్తున్నాడన్న అనుమానంతో వ్యక్తిపై భీకర దాడి, వ్యక్తి మృతి
కాగా, గతేడాది జరిగిన కేన్స్, వేనిస్ ఫిలిం ఫెస్టివల్స్లో వర్చువల్ ద్వారా జెలెన్స్కీ ప్రసంగించారు. ఇక కొద్ది రోజుల క్రితం జరిగిన గ్రామీ అవార్డుల కార్యక్రమంలో కూడా ప్రసంగించారు. ఇటీవల ముగిసిన బెర్లిన్ ఫిల్మ్ ఫెస్టివల్‌లో ప్రారంభోత్సవ వేడుకలో జెలెన్స్కీ కనిపించగానే అందరూ నిలబడి స్వాగతం పలికారు. కాగా ఆ కార్యక్రమాన్ని ఉద్దేశించి ఆయన ప్రసంగిస్తూ “సినిమా వాస్తవమైనా, సైద్ధాంతికమైనా సరిహద్దులను గోడలను అధిగమించగలదు. కానీ నాగరికత, దౌర్జన్యం మధ్య ఈ రోజు రష్యా అదే గోడను నిర్మించాలనుకుంటోంది” అని అన్నారు.
Jharkhand : పోలీస్ స్టేషన్ లో మద్యం సేవించి డ్యాన్సులు.. ఐదుగురు పోలీసులు సస్పెండ్
వాస్తవానికి ఆస్కార్ అవార్డుల కార్యక్రమంలో పాల్గోనే వారి జాబితాలో జెలెన్స్కీని చేర్చాలని డబ్ల్యూఎంఈ పవర్ ఏజెంట్ మైక్ సింప్సన్ అకాడమీని కోరారు. అయితే అందుకు అకాడమీ అంగీకరించలేదు. అలాగే ఇలాంటి ప్రతిపాదనలు తీసుకోమని కూడా అకాడమీ తేల్చి చెప్పింది. గతేడాది కూడా జెలెన్స్కీ ప్రసంగం గురించి ప్రతిపాదనను అకాడమీ తిరస్కరించింది. హాలీవుడ్ ఉక్రెయిన్ పట్ల మాత్రమే శ్రద్ధ చూపుతోందని ఆస్కార్ ప్రొడ్యూసర్ విల్ ప్యాకర్ ఆందోళన వ్యక్తం చేశారు. అయితే హాలీవుడ్ గతంలో అనేక యుద్ధాలను విస్మరించిందని ఆయన వాదించారు.
