ఒక్కరోజులో 11వేల కేసులు.. కొత్త ప్రాంతాల్లో చొరబడుతున్న కరోనా వైరస్

భారతదేశంలో కరోనావైరస్ విజృంభిస్తోంది. రోజురోజుకీ వేల సంఖ్యలో కరోనా కేసులు నమోదు అవుతున్నాయి. ఇప్పటి వరకూ నమోదు కానీ కొత్త ప్రాంతాల్లో కూడా కరోనా కేసులు నమోదయ్యాయి. గత 24 గంటల్లో 11,458 ఇన్‌ఫెక్షన్లు నమోదయ్యాక దేశంలో కరోనావైరస్ కేసుల సంఖ్య శనివారం 3 లక్షలను అధిగమించింది.

గత 10 రోజుల్లో 1 లక్షల కేసులు నమోదయ్యాయి. జాన్ హాప్కిన్స్ విశ్వవిద్యాలయం ప్రకారం.. నాలుగు కరోనా ప్రభావిత దేశాలలో 3 లక్షల పరిమితిని దాటడానికి భారతదేశం ఎక్కువ సమయం తీసుకుంది. గత 24 గంటల్లో 386 కొత్త మరణాలు నమోదు అయ్యాయి. దాంతో భారతదేశంలో మరణించిన వారి సంఖ్య 8,884గా ఉందని కేంద్ర ఆరోగ్య మంత్రిత్వ శాఖ తెలిపింది.

కరోనా కేసులు పెరుగుతున్నప్పటికీ, కోవిడ్ -19 ఇన్ఫెక్షన్ల రెట్టింపు సమయం 15.4 రోజుల నుంచి 17.4 రోజులకు మెరుగుపడిందని ఆరోగ్య మంత్రిత్వ శాఖ ఒక ప్రకటనలో తెలిపింది. ఇప్పటివరకు 49.9 శాతం మంది రోగులు కోలుకున్నారు. మొత్తం 1,47,194 మంది వ్యక్తులు కోలుకోగా, 1,41,842 మంది వ్యక్తులు వైద్య పర్యవేక్షణలో ఉన్నారు.

వైరస్ ప్రభావిత రాష్ట్రంగా కొనసాగుతున్న మహారాష్ట్ర ఒక లక్షను దాటినప్పటికీ, ఢిల్లీలో శుక్రవారం మొదటిసారిగా 2 వేలకు పైగా ఇన్ఫెక్షన్లు నమోదయ్యాయి. అంతకుముందు ప్రభావితం కాని దేశంలోని ఆ ప్రాంతాల నుంచి కూడా అంటువ్యాధులు పెరిగిపోయాయి. లడఖ్, సిక్కింలో కొత్త కేసులు నమోదవుతూనే ఉన్నాయి. 

దేశ రాజధానిలోని కోవిడ్ -19 పరిస్థితిని సమీక్షించడానికి కేంద్ర హోంమంత్రి అమిత్ షా, ఆరోగ్య మంత్రి హర్ష్ వర్ధన్ ఆదివారం ఢిల్లీ ముఖ్యమంత్రి అరవింద్ కేజ్రీవాల్, లెఫ్టినెంట్ గవర్నర్ అనిల్ బైజల్‌తో సమావేశం కానున్నారు. ఢిల్లీలో కేసుల సంఖ్య పెరుగుతూనే ఉంది. శుక్రవారం మొదటిసారిగా ఒకే రోజులో 2 వేలకు పైగా కొత్త ఇన్ఫెక్షన్లు నమోదయ్యాయి.