Texas School Shooter : అందుకు కారణాలున్నాయి.. నా కుమారుడుని క్షమించండి.. టెక్సాస్ షూటర్ తల్లి ఆవేదన!

Texas School Shooter : ఎంతైనా తల్లి మనసు కదా.. కొడుకు హంతకుడైనా కన్నతల్లి ప్రేమ మాత్రం తగ్గదు. కొడుకు మీద ప్రేమ అలానే ఉంటుంది. 18ఏళ్ల టెక్సాస్ షూటర్ సాల్వడార్ రామోస్ స్కూలు చిన్నారులను అతిదారుణంగా కాల్చిచంపాడు. అదే స్పాట్‌లో అతన్ని పోలీసులు హతమార్చారు. తన కుమారుడిని హంతకుడు, సైకో అంటూ ఇలా అనేక రకాలుగా అంటుంటే ఆమె తల్లి మనస్సు తల్లడిల్లి పోయింది. తన కొడుకు చెడ్డవాడైనా కన్నకొడుకే కదా అని కన్నీరుమున్నీరైంది.

కొడుకు చేసిన పని తప్పుంటూనే.. అతన్ని మాత్రం నిందించవద్దని వేడుకుంటుంది. రామోస్ అలా చేయడానికి తనకు కారణాలున్నాయని తల్లి అడ్రినా మార్టినెజ్ తెలిపింది. ఓ టీవీ ఛానెల్‌తో ఇంటర్వ్యూలో మాట్లాడుతూ.. నా కుమారుడు చేసింది తప్పే.. నన్ను, అతన్ని క్షమించండి.. దయచేసి ఎవరూ అతడి చేసిన పనిని జడ్జ్ చేయొద్దు.. చిన్నారుల ప్రాణాలు తీసినందుకు కన్నతల్లిగా నేను క్షమాపణలు చెబుతున్నాను. అంతమంది చిన్నారులను కాల్చి చంపడానికి ఏమైనా కారణాలు ఉన్నాయా? అని ప్రశ్నించగా… ఆమె దానికి సరైన సమాధానమివ్వలేదు.

Please Dont Judge Him He Had His Reasons Says Mother Of Texas School Shooter 

కొడుకు ఎంత తప్పు చేసినా వెనుకేసుకొచ్చే ఏకైక వ్యక్తి అమ్మే. ఇది మరోసారి రుజువైంది. అమెరికాలోని టెక్సాస్ రాష్ట్రం యువాల్డేలోని రాబ్ ఎలిమెంటరీ స్కూల్లో 19 మంది విద్యార్థులు, ఇద్దరు టీచర్లను 18 ఏళ్ల బాలుడు సాల్వడార్ రామోస్ తుపాకీతో మట్టుబెట్టడం తెలిసిందే. పోలీసుల కాల్పుల్లో రామోస్ కూడా మరణించాడు. దీనిపై సాల్వడార్ రామోస్ కన్నతల్లి అడ్రినా మార్టినెజ్ స్పందించారు. ఓ టీవీ చానల్ తో ఆమె మాట్లాడుతూ.. ‘‘నన్ను క్షమించండి. నా కుమారుడిని కూడా క్షమించండి. నా కొడుకు చేసిన పనికి అతడి వైపు నుంచి కారణాలు ఉన్నాయి. అది నాకు తెలుసు. దయచేసి అతడి చర్యను జడ్జ్ చేయవద్దు. ప్రాణాలు కోల్పోయిన అమాయక చిన్నారులు క్షమించాలనే నేను వేడుకుంటున్నాను’’ అని పేర్కొన్నారు.

అంతమందిని కాల్చి చంపడానికి కారణాలు ఏమున్నాయి? అని టీవీ ప్రతినిధి ప్రశ్నించారు. దీనికి ఆమె సరైన సమాధానం ఇవ్వలేదు. ఇదిలా ఉండగా.. హంతకుడు తండ్రి గ్రాండాడ్ స్పందిస్తూ.. నా కొడుకు చేసింది క్షమించారని నేరం.. అందుకు నేను క్షమాపణలు చెబుతున్నాను. నా కుమారుడు ఇంత పనిచేస్తాడని కలలో కూడా ఊహించలేదు. పిల్లలను చంపడానికి బదులుగా నన్ను కాల్చి చంపాల్సింది. కాల్పుల్లో మరణించిన చిన్నారులను వారి తల్లిదండ్రులు ఎప్పటికీ చూడలేరు. అలాగే నా కొడుకును కూడా నేను ఎప్పటికీ చూడలేను.. నా కొడుకును కోల్పోయాననే బాధే ఎక్కువగా అనిపిస్తోందని ఆవేదన వ్యక్తం చేశాడు. స్కూల్లో కాల్పులు జరపడానికి ముందు రామోస్.. ఇంట్లో అతడి అమ్మమ్మను కూడా తుపాకీతో కాల్చిచంపాడు.

Read Also : Texas shooting: అమెరికాలోని ఓ స్కూల్‌లో కాల్పులు.. 18 మంది విద్యార్థులతో సహా 21 మంది మృతి