అమెరికా ప్రయోగం సక్సెస్.. రోగ నిరోధక శక్తిని పెంచుతున్న వ్యాక్సిన్

ప్రపంచ వ్యాప్తంగా ప్రజలను భయబ్రాంతులకు గురి చేస్తున్న మహమ్మారిపై ప్రతీ దేశం ప్రయోగాలు జరుపుతుంది. కొద్ది నెలలుగా జరుగుతున్న ఈ ప్రయోగాల్లో కీలక దశలు దాటుతున్నారు. ఈ క్రమంలో అమెరికా ఓ అడుగు ముందుకేసింది. వైరస్ మానవ శరీరంలో చొరబడ్డ తర్వాత రోగ నిరోధక శక్తిని తగ్గించి ప్రాణాలు పోయేలా చేస్తాయి. ఇదే కోణంలో పరిశోధనలు జరిపిన అమెరికా పరిశోధన సంస్ఘ Pittsburgh వ్యాక్సిన్ తయారుచేసినట్లు ఈబయో మెడిసిన్ జర్నల్ కథనం ప్రచురించింది. 

మానవ శరీరంతో చాలా దగ్గర జన్యుపరమైన పోలికలు ఉన్న ఎలుకలపై ప్రయోగాత్మకంగా టెస్టు చేశారు. వాటిల్లోకి వైరస్‌ను కూడా ప్రవేశపెట్టారు. ఇంజెక్షన్ ద్వారా యంటీబాడీస్ ను కూడా పంపించారు. రెండు వారాలు పోరాడిన ఎలుక రోగ నిరోధక శక్తి పెరగడంతో ప్రాణాలో బయటపడిందని అందులో పేర్కొన్నారు. 

‘2003లో SARS-CoV, 2004లో MERS-CoVలపై పనిచేశాం. ఈ రెండు వైరస్‌లు SARS-CoV-2కు సంబంధించినవే. స్పైక్ అనే ప్రొటీన్ ఈ వైరస్ కు వ్యతిరేకంగా పనిచేస్తుందని అమెరికాలోని Pittsburgh యూనివర్సిటీకి చెందిన ఆండ్రూ గాంబొట్టొ అన్నారు. ఈ వైరస్ ను ఎలా ఎదుర్కోవాలో మాకు తెలిసిందని ధీమా వ్యక్తి ంచేశారు. 

ఈ పరిశోధన ఇమ్యూనిటీని పెంచడానికి వ్యాక్సిన్ చేయడంలో కీలకంగా వ్యవహరించిందని అన్నారు. వైరల్ ప్రొటీన్ శరీరంలో ఇమ్యూనిటీని పెంచుతుంది. అంతేకాకుండా ఫ్లూలపైనా అంతే ప్రభావం చూపిస్తుంది. మైక్రో నీడిల్ ఎర్రే అనే డ్రగ్ తో దీనిని ప్రవేశపెట్టారు. అది కొద్ది సెంటిమీటర్ల వెడల్పుగా ఉండే ఓ ప్యాచ్ మాత్రమే. చర్మం గుండా స్పైక్ అనే ప్రొటీన్ ను శరీరానికి అందజేస్తుంది. ఫలితంగా ఇమ్యూన్ రియాక్షన్ దృఢంగా మారుతుంది. 

ఈ ప్యాచ్ కేవలం బ్యాండ్ ఎయిడ్ అంత పరిమాణంలో ఉంటుంది. అందులో ఉండే 400సన్నని సూదులు స్పైక్ అనే ప్రటీన్ ను విడుదల చేస్తాయి. ఇది పూర్తిగా పంచదార, ప్రొటీన్ ల నుంచి తయారచేసిందే. చర్మంలో ఇట్టే కలిసిపోతుంది కూడా. ముందుగా స్మాల్ పాక్స్ వ్యాక్సిన్ ప్రయోగించి.. ఆ తర్వాత వైరస్ తీవ్రతను బట్టి ఈ వ్యాక్సిన్ ను కనుగొన్నాం. ఇది శరీరంలో ప్రవేశపెట్టేటప్పుడు నొప్పి కూడా అనిపించదు. 

ఎలుకపై చేసిన ప్రయోగం సక్సెస్ కావడంతో ఇక మనుషులపై చేసేందుకు సిద్ధమవుతున్నాం. గామా రేడియేషన్లో దీన్ని రెడీ చేస్తాం. మనుషులపై ప్రయోగించడానికి ఎక్కువ సమయమే పట్టొచ్చు. కాకపోతే ఇప్పటివరకూ వాడుతున్న మెడిసిన్ల కంటే ఇది వైరస్ ను తగ్గించడంలో వేగవంతంగా పనిచేయగలదని సైంటిస్టులు ధీమా వ్యక్తం చేస్తున్నారు. 

Also Read | కరోనా వైరస్‌ను శరీరం ఎంతవరకు తట్టుకోగలదు?