US President Election.. వైట్‌హౌస్ వదిలిపెట్టాలంటే షరతు ఇదే: ట్రంప్

  • Published By: vamsi ,Published On : November 28, 2020 / 08:37 AM IST
US President Election.. వైట్‌హౌస్ వదిలిపెట్టాలంటే షరతు ఇదే: ట్రంప్

white house:అమెరికా అధ్యక్ష ఎన్నికల్లో బైడెన్ ఎన్నికల్లో గెలిచినట్టుగా ఎలెక్టరల్ కలేజ్(Electoral College) ప్రకటిస్తే తాను వైట్ హౌస్ నుంచి తప్పుకుంటానని అమెరికా అధ్యక్షుడు డొనాల్డ్ ట్రంప్ తొలిసారిగా ప్రకటించారు. అయితే ఎన్నికలను మాత్రం “అంగీకరించడానికి” తాను సిద్ధంగా లేనని స్పష్టం చేశారు. డెమొక్రటిక్ పార్టీ అభ్యర్థి, జో బైడెన్ ఎలక్టోరల్ కలేజ్ 270 ఓట్ల మార్కును అధిగమించాడు. ఇది మాత్రమే కాదు, అతను తన కొత్త మంత్రివర్గం పేర్లను కూడా ఇప్పటికే ప్రకటించాడు.



కానీ తన ప్రత్యర్థి, ప్రస్తుత అధ్యక్షుడు, రిపబ్లికన్ అభ్యర్థి ట్రంప్ మాత్రం ఇంకా వైట్‌హౌస్ వదులడానికి సిద్ధంగా లేరు. జనవరి 20వ తేదీ నాటికి బైడెన్ బాధ్యతలు స్వీకరించబోతున్నారు. అయినప్పటికీ, అధ్యక్షుడు ట్రంప్ ఇప్పటికీ తన విజయాన్ని ప్రకటిస్తున్నారు. గురువారం ఇచ్చిన కొత్త ప్రకటన ప్రకారం మాత్రం.. ఎలెక్టరల్ కలేజ్ బిడెన్‌ను విజేతగా ప్రకటిస్తే తాను వైట్ హౌస్ నుంచి బయటకు రావడానికి సిద్ధంగా ఉన్నానని అధ్యక్షుడు ట్రంప్ వెల్లడించారు. ఆయన ప్రకటన తరువాత, అధ్యక్ష ఎన్నికల వ్యవహారం ఇప్పుడు కోర్టు నుండి ఎలక్టోరల్ కలేజీకి చేరుకుంది.
https://10tv.in/covid-vaccine-im-not-going-to-take-itbrazil-president/
జనవరి 20 చాలా దూరంలో ఉందని, అప్పటికి ఈవెంట్స్‌లో వేగంగా మార్పులు ఉంటాయని ట్రంప్ అన్నారు. రాష్ట్రపతి ఎన్నికలలో మోసం అప్పటికి బహిర్గతం అవుతుందని అన్నారు. ఎన్నికలలో విజయం సాధించడానికి మూడవ ప్రపంచం వంటి కంప్యూటర్ పరికరాలను హ్యాక్ చేయడానికి మేము ఒక వ్యూహాన్ని అనుసరిస్తున్నామని ట్రంప్ అన్నారు. ఎలెక్టరల్ కలేజ్ బైడెన్‌ను అధ్యక్షుడిగా ధృవీకరిస్తే తాను వైట్‌హౌస్‌ను వదిలి వెళ్తానని అన్నారు. ఎలెక్టరల్ కలేజ్ బైడెన్‌ను అధ్యక్షుడిగా ఎన్నుకుంటే చరిత్రలో ఇది చాలా పెద్ద తప్పు అవుతుంది అంటూ ట్రంప్ నొక్కి చెప్పారు.



ఎన్నికల ఫలితాలను తనకు అనుకూలంగా సమర్ధించే ఆధారాలు తన వద్ద ఉన్నాయని ట్రంప్ పెన్సిల్వేనియాలోని రిపబ్లికన్ పార్టీకి చెప్పారు. ఈ ఎన్నికల్లో నేను బలమైన ఓట్లతో విజయం సాధిస్తున్నానని చెప్పారు.