Will Smith: చెంపదెబ్బ ఎఫెక్ట్ .. విల్‌స్మిత్ పై పదేళ్లు నిషేదం విధించిన ఆస్కార్ కమిటి

హాలీవుడ్ నటుడు విల్ స్మిత్ పై పదేళ్లు నిషేదం విధిస్తూ ఆస్కార్ కమిటీ నిర్ణయించింది. స్మిత్‌పై ఎలాంటి చర్యలు తీసుకోవాలన్న విషయంపై అకాడమీ బోర్డు సభ్యులు...

Will Smith: చెంపదెబ్బ ఎఫెక్ట్ .. విల్‌స్మిత్ పై పదేళ్లు నిషేదం విధించిన ఆస్కార్ కమిటి

Will Smith

Will Smith: హాలీవుడ్ నటుడు విల్ స్మిత్ పై పదేళ్లు నిషేదం విధిస్తూ ఆస్కార్ కమిటీ నిర్ణయించింది. స్మిత్‌పై ఎలాంటి చర్యలు తీసుకోవాలన్న విషయంపై అకాడమీ బోర్డు సభ్యులు శుక్రవారం సమావేశమయ్యారు. వీరిలో అకాడమి అధ్యక్షుడు డేవిడ్ రూబిన్, సీఈవో డాన్ హడ్సన్, బోర్డు సభ్యులు స్టీవెన్ స్పీల్ బర్గ్, హుపీ గోల్డ్ బర్గ్ తదితరులు ఉన్నారు. ఈ సమావేశంలో విల్ స్మిత్ పై నిషేదం విధించాలని నిర్ణయించారు. పదేళ్ల పాటు ఆస్కార్ వేడుకలతో పాటు అకాడమీకి సంబంధించిన ఏ కార్యక్రమంలోనూ స్మిత్ హాజరుకాకుండా నిషేదం విధిస్తూ కమిటీ నిర్ణయం తీసుకుంది. ఈ నిషేధాన్ని ఈ ఏడాది నుండే అమల్లోకి వస్తుందని కమిటీ సభ్యులు పేర్కొన్నారు.

Will Smith: విల్ స్మిత్ కీలక నిర్ణయం.. మోషన్ పిక్చర్ అకాడమీకి రాజీనామా..

గతనెల జరిగిన ఆస్కార్ అవార్డుల ప్రదానోత్సవ కార్యక్రమంలో విల్ స్మిత్ తొందరపాటు నిర్ణయంతో నిషేదాన్ని ఎదుర్కోవాల్సి వచ్చింది. ఆస్కార్ అవార్డుల వేడుకలో హాస్య నటుడు క్రిస్ రాక్ వ్యాఖ్యాతగా వ్యవహరిస్తున్నారు. ఈ క్రమంలో విల్ స్మిత్ భార్య జాడా పింకెట్ స్మిత్ గురించి ఓ జోక్ చేశాడు. ఆమెకు జట్టు లేకపోవడంపై చేసిన ఆ వ్యాఖ్యల పట్ల విల్ స్మిత్ ఆగ్రహంతో ఊగిపోయాడు. సహనం కోల్పోయి వేదికపైకి వెళ్లి క్రిస్ రాక్ చెంపపై కొట్టాడు. నా భార్య పేరు తీయొద్దు అంటూ స్మిత్ గట్టిగా అరిచాడు. విల్ స్మిత్ తీరుతో అవార్డుల ప్రదానోత్సవ కార్యక్రమంలో పాల్గొన్న వారు ఖంగుతిన్నారు. అనంతరం విల్ స్మిత్ బహిరంగంగా క్రిస్ రాక్ కు, అకాడమీకి క్షమాపణలు చెప్పిన విషయం విధితమే.

Oscars 2022: అంచనాల్ని తలకిందులు చేసిన ఆస్కార్ అవార్డులు!

విల్ స్మిత్ తీరును అకాడమీ తీవ్రంగా తప్పుబట్టింది. అతనిపై చర్యలు తీసుకొనేందుకు నిర్ణయింది. దీనికితోడు హాలీవుడ్ ప్రముఖులు విల్ స్మిత్ తీరుపై ఆగ్రహం వ్యక్తం చేశారు. ఈ క్రమంలో విల్‌ స్మిత్‌ అకాడమీ సభ్యత్వానికి రాజీనామా చేశాడు. అంతేకాక కమిటీ ఏ నిర్ణయం తీసుకున్నా తాను తప్పక పాటిస్తానని స్పష్టం చేశాడు. ఈ క్రమంలో శుక్రవారం ఆస్కార్ అకాడమీ కమిటీ సభ్యులు భేటీ అయ్యి పదేళ్ల పాటు విల్ స్మిత్ పై నిషేధం విధిస్తూ నిర్ణయాన్ని ప్రకటించారు.