The Supreme Court: హైకోర్టు జడ్జీలుగా 15 మంది పేర్లతో జాబితా

The Supreme Court: హైకోర్టు ప్రధాన న్యాయమూర్తుల నియామకం కోసం ఏర్పాటైన సుప్రీంకోర్టు కొలీజియం తాజాగా 15 మంది పేర్లను కేంద్రానికి ప్రతిపాదించింది. భారత ప్రధాన న్యాయమూర్తి ఎన్వీ.రమణ ఆధ్వర్యంలో ఏర్పాటైన ఈ కొలీజియం.. జ్యుడీషియల్ అధికారులు, న్యాయవాదులతో కలిపి 15 మంది పేర్లను సూచించింది. మూడు వేర్వేరు కొలీజియంల నుంచి వచ్చిన పేర్లతో కూడిన జాబితాను సుప్రీంకోర్టు వెబ్‌సైట్‌లో శుక్రవారం పొందుపరిచారు. కేంద్రం ఆమోదిస్తే ఈ పదిహేను మందిని ఢిల్లీ హైకోర్టు, పాట్నా హైకోర్టు, ఆంధ్రప్రదేశ్ హైకోర్టులకు జడ్జీలుగా నియమించే అవకాశం ఉంది. పాట్నా హైకోర్టు కూడా కింది కోర్టులకు జడ్జీలుగా వ్యవహరిస్తున్న ఏడుగురి పేర్లను హైకోర్టు జడ్జీలుగా ప్రతిపాదించింది.

Supreme Court: రాజీవ్ హంతకుడిని ఎందుకు విడుదల చేయొద్దు: కేంద్రానికి సుప్రీం ప్రశ్న

కేంద్రం అంగీకరిస్తే ఆంధ్రప్రదేశ్‌కు సంబంధించి ఒక న్యాయవాది, జడ్జిగా నియమితులవుతారు. సుప్రీంకోర్టు కొలీజియంలో ఎన్వీ రమణతోపాటు, జస్టిస్ యూయూ లలిత్, ఏఎమ్ ఖన్విల్కర్ కూడా సభ్యులుగా ఉన్నారు. వికాస్ మహాజన్, తుషార్ రావ్ గెడెలా, మన్మీత్ ప్రీతమ్ సింఘ్ అరోరా, సచిన్ దత్తా, అమిత్ మహాజన్, గౌరంగ్ కాంత్, సౌరభ్ బెనర్జీల పేర్లను ఢిల్లీ హైకోర్టుకు ప్రతిపాదించగా, శైలేంద్ర సింగ్, అరుణ్ కుమార్ ఝా, జితేంద్ర కుమార్, అలోక్ కుమార్ పాండే, సునీల్ దత్తా మిశ్రా, చంద్ర ప్రకాష్ సింగ్, చంద్ర శేఖర్ ఝాలను కూడా ప్రతిపాదించారు. ఆంధ్రప్రదేశ్ హైకోర్టుకు అడ్వకేట్ మెహబూబ్ సుభాని షేక్ పేరును ప్రతిపాదించారు.