దిల్ రాజుకు పెళ్లి శుభాకాంక్షలు చెప్పిన కుమార్తె హన్షిత

  • Published By: srihari ,Published On : May 11, 2020 / 11:03 AM IST
దిల్ రాజుకు పెళ్లి శుభాకాంక్షలు చెప్పిన కుమార్తె హన్షిత

ప్రముఖ టాలీవుడ్ నిర్మాత దిల్ రాజు రెండో వివాహం చేసుకున్న సందర్భంగా ఆయన కుమార్తె హన్షితా రెడ్డి శుభాకాంక్షలు తెలిపారు. ఆదివారం రాత్రి 7.23 గంటలకు నిజామాబాద్‌లోని శ్రీ వెంకటేశ్వరస్వామి ఆలయంలో తేజస్వినితో దిల్ రాజు పెళ్లి జరిగింది. ఈ సందర్భంగా దిల్ రాజు కుమార్తె  హన్షితా రెడ్డి తండ్రికి శుభాకాంక్షలు తెలిపారు. తన ఇన్ స్టాగ్రామ్ అకౌంట్లో తండ్రి పెళ్లి ఫొటోను షేర్ చేశారు. ‘మీరు ఎల్లప్పుడూ నాకు బలంగా ఉన్నారు. 

నన్ను సంరక్షించడంతో పాటు ఎల్లప్పుడూ కుటుంబ సభ్యుల ఆనందానికే ప్రాధాన్యం ఇచ్చారు. మీకు ధన్యవాదాలు. జీవితంలో కొత్త ప్రయాణాన్ని ప్రారంభించిన మీరిద్దరు సంతోషంగా, ప్రేమతో కలిసి ఉండాలని కోరుకుంటున్నా. ప్రతి రోజు మీకు ఓ అద్భుతమైన రోజు కావాలని ఆశిస్తున్నా. నేను మిమ్మల్ని చాలా ప్రేమిస్తున్నా.. మీ హన్షు అని ఆమె పోస్ట్‌లో విషెస్ తెలిపారు. 

దిల్  రాజు భార్య అనిత 2017లో అనారోగ్యంతో మృతి చెందారు. కుటుంబ సభ్యుల కోరిక మేరకు ఆయన రెండో వివాహం చేసుకున్నారు. ట్విటర్‌లో దిల్ రాజుకు నెటిజన్లు శుభాకాంక్షలు చెబుతున్నారు. #Dilraju అనే హ్యాష్ ట్యాగ్  ట్విటర్ టాప్ ట్రెండింగ్‌లో ఉంది. పెళ్లి ఫొటోలు ప్రస్తుతం సోషల్ మీడియాలో వైరల్  అవుతున్నాయి.

Read Here >> లాక్‌డౌన్‌లో.. దిల్ రాజు రెండో పెళ్లి.. పెళ్లి కూతుర్ని చూశారా?