రాకింగ్ స్టార్ యష్ ‘గజ కేసరి’..

Gaja Kesari: ఇతర భాష నటుడి సినిమా మరో భాషలో డబ్ అయ్యి ఆదరణ పొందిందంటే.. ఆ హీరో తాలుకు పాత సినిమాలను కూడా డబ్ చేసి డబ్బులు సంపాదించుకునే పని మొదలెడతారు నిర్మాతలు. అప్పటివరకు కేవలం కన్నడ పరిశ్రమకు మాత్రమే పరిమితమైన రాకింగ్ స్టార్ యష్ ‘కె.జి.యఫ్’ తో మిగతా భాషల్లోనూ స్టార్‌గా గుర్తింపు పొందాడు. ఇటీవల ‘కె.జి.యఫ్ 2’ టీజర్ రిలీజ్ చెయ్యగా వచ్చిన రికార్డ్ స్థాయి రెస్పాన్స్‌ని ఉదాహరణగా చెప్పుకోవచ్చు.

యష్ నటించిన ‘గజ కేసరి’ సినిమా అదే పేరుతో తెలుగు ప్రేక్షకుల ముందుకు రానుంద. యష్, అముల్య హీరో హీరోయిన్లుగా, కృష్ణ దర్శకత్వంలో తెరకెక్కిన ఈ చిత్రాన్ని శ్రీ వేదాక్షరా మూవీస్, కలర్స్ & క్లాప్ ఎంటర్‌టైన్‌మెంట్స్ పతాకాలపై.. రామారావు చింతలపల్లి, ఎమ్.ఎస్. రెడ్డి తెలుగులో డబ్ చేస్తున్నారు.

శుక్రవారం ‘గజ కేసరి’ టీజర్ రిలీజ్ చేశారు. అనంత్ నాగ్ కీలకపాత్రలో నటించిన ఈ సినిమాను మార్చి 5న విడుదల చేయనున్నారు. సంగీతం : వి. హరికృష్ణ, డైలాగ్స్, లిరిక్స్ : శ్రీ వసంత్, కెమెరా : సత్య హెగ్డే, ఎడిటింగ్ : దీపు ఎస్ కుమార్.