Micromax In 1 : మైక్రోమాక్స్ ఇన్1 ఫోన్.. ప్రత్యేక తగ్గింపు, ఈ రోజు మాత్రమే..

మైక్రోమాక్స్ గత వారం (డిసెంబర్ 19) భారతదేశంలో తన ఇన్ సిరీస్‌లో మూడవ స్మార్ట్‌ఫోన్‌ను విడుదల చేసింది. మైక్రోమాక్స్ ఇన్ 1 ఇప్పుడు కంపెనీ తాజా బడ్జెట్ స్మార్ట్‌ఫోన్ అయింది.

Micromax In 1 :  మైక్రోమాక్స్ గత వారం (డిసెంబర్ 19) భారతదేశంలో తన ఇన్ సిరీస్‌లో మూడవ స్మార్ట్‌ఫోన్‌ను విడుదల చేసింది. మైక్రోమాక్స్ ఇన్ 1 ఇప్పుడు కంపెనీ తాజా బడ్జెట్ స్మార్ట్‌ఫోన్ అయింది. 6 జీబీ ర్యామ్, ట్రిపుల్ రియర్ కెమెరా సెటప్, 5000 ఎంఏహెచ్ బ్యాటరీతో కంపెనీ ఈ ఫోన్‌ను విడుదల చేసింది. ఈ ఫోన్ సేల్ ఈరోజునుంచి అందుబాటులోకి వచ్చింది. మొదటి సేల్ లో రూ.10,000 కన్నా తక్కువకు లభిస్తుందని కంపెనీ ప్రకటించింది.

ఈ ఫోన్‌లో 6.67-అంగుళాల పూర్తి HD + హోల్-పంచ్ డిస్ప్లే తోపాటు 2.0 GHz ఆక్టా-కోర్ మీడియాటెక్ హెలియో జి 80 ప్రాసెసర్, గ్రాఫిక్స్ కోసం మాలి జి 52 జిపియు ఉంటుంది. మైక్రో SD కార్డ్ ద్వారా ఫోన్‌లో స్టోరేజ్ ని 256 GB వరకు పెంచుకోవచ్చు. ఫోటోగ్రఫీ కోసం ఇందులో 48 మెగాపిక్సెల్ ప్రైమరీ, 2 మెగాపిక్సెల్ మినీ, 2 మెగాపిక్సెల్ మాక్రో సెన్సార్‌తో ట్రిపుల్ రియర్ కెమెరా సెటప్‌ కూడా ఉంది. ఈ ఫోన్‌లో సెల్ఫీల కోసం 8 మెగాపిక్సెల్ ఫ్రంట్ కెమెరా కూడా ఉంది. వెనుక కెమెరా కోసం అధునాతన నైట్ మోడ్ కూడా ఉంది. ఈ ఫోన్‌కు ప్రస్తుతం ఆండ్రాయిడ్ 10 సపోర్ట్ ఉందని, మే నాటికి ఆండ్రాయిడ్ 11 సపోర్ట్ చేస్తుందని కంపెనీ తెలిపింది. 18W ఫాస్ట్ ఛార్జింగ్ సపోర్ట్‌తో 5000 ఎంఏహెచ్ బ్యాటరీ ఉంది. పూర్తి ఛార్జింగ్ అయితే వీడియో స్ట్రీమింగ్ లో కూడా ఈ బ్యాటరీ 18 గంటల వరకు పనిచేస్తుంది.. ఫోన్‌లో ఫేస్ అన్‌లాక్, ఫింగర్ ప్రింట్ సెన్సార్ వంటి ఫీచర్లు కూడా ఉన్నాయి.

ఇవాళ్టి నుంచి ఫ్లిప్‌కార్ట్ వెబ్‌సైట్‌, మైక్రోమాక్స్ యొక్క అధికారిక వెబ్‌సైట్‌లో అమ్మకానికి అందుబాటులో ఉంది. మొదటి అమ్మకంలో ‘మైక్రోమాక్స్ ఇన్ 1’ కొనుగోలు చేసేవారికి ప్రత్యేక తగ్గింపును కంపెనీ ప్రకటించింది. మైక్రోమాక్స్ ఇన్ 1 లో 4 జిబి ర్యామ్, 64 జిబి ఇన్‌బిల్ట్ స్టోరేజ్ ధర 10,499 రూపాయలు. కానీ మొదటి అమ్మకంలో కొనుగోలు చేసే వినియోగదారులకు, ధర 9,999 రూపాయలకే లభిస్తుంది. అలాగే 6 జీబీ ర్యామ్, 128 జీబీ స్టోరేజ్ ధర రూ .11,999. అయితే మొదటి అమ్మకంలో వినియోగదారులు ఈ మోడల్‌ను రూ.11,499 కు కొనుగోలు చేయవచ్చు.