సయేషా ‘మెగాస్టార్ వీణ స్టెప్’ భలే వేసిందిగా!

Oorikokka Raaja song: ‘పవర్ స్టార్’ పునీత్ రాజ్ కుమార్, సయేషా సైగల్ హీరో హీరోయిన్లుగా.. సంతోష్ ఆనంద్ రామ్ దర్శకత్వంలో, ‘కె.జి.యఫ్’ వంటి ప్రెస్టీజియస్ పాన్ ఇండియా సినిమాని అందించిన హోంబలే ఫిల్మ్స్ బ్యానర్‌‌లో విజయ్ కిరగందూర్ నిర్మిస్తున్న కన్నడ సినిమా ‘యువరత్న’.. (ది పవర్ ఆఫ్ యూత్)..

రగ్బీ ఆట నేపథ్యంలో తెరకెక్కుతున్న ఈ సినిమా తెలుగులో అదే పేరుతో విడుదల కానుంది. ఇంతకుముందు రిలీజ్ చేసిన టీజర్, సాంగ్స్ ఆకట్టుకోగా తాజాగా ‘ఊరికొక్క రాజా’ అనే వీడియో సాంగ్ రిలీజ్ చేశారు. యంగ్ మ్యూజిక్ సెన్సేషన్ థమన్ ట్యూన్ కంపోజ్ చెయ్యగా కళ్యాణ్ చక్రవర్తి లిరిక్స్ రాసిన ఈ పాటను దినకర్, రమ్యా బెహ్రా పాడారు.

పునీత్, సయేషాల పెయిర్ బాగుంది. జానీ మాస్టర్ కొరియోగ్రఫీ చేసిన స్టెప్స్ బాగున్నాయి. ‘పవర్ స్టార్’ ఎప్పటిలానే తన స్టైల్లో ఎనర్జిక్ మూమెంట్స్‌తో ఆకట్టుకోగా, సయేషా కష్టపడి క్యూట్ స్టెప్స్ వేసింది. ‘ఇంద్ర’ సినిమాలో మెగాస్టార్ చిరంజీవి వీణ స్టెప్ తరహాలో వేసిన డ్యాన్స్ మూమెంట్స్ బాగున్నాయి.. త్వరలో ‘యువరత్న’ రిలీజ్ కానుంది.. ఈ సినిమాకి మ్యూజిక్ : ఎస్.థమన్, సినిమాటోగ్రఫీ : వెంకటేష్ అంగురాజ్, ఎడిటింగ్ : జ్ఞానేష్, కొరియోగ్రఫీ : జానీ మాస్టర్, ఫైట్స్ : రామ్ – లక్ష్మణ్, అన్బు-ఆరివు, దిలీప్ సుబ్బరాయన్, విజయ్.