Pawan Kalyan: దీక్ష చేపట్టిన పవన్.. ఇలా అయితే ఎలా స్వామీ!

పవర్ స్టార్ పవన్ కళ్యాణ్ ప్రస్తుతం వరుసగా సినిమాలను లైన్‌లో పెట్టి అటు ప్రేక్షకులతో పాటు సినీ వర్గాలను సైతం ఆసక్తిగా ఎదురుచూసేలా చేశారు....

Pawan Kalyan: పవర్ స్టార్ పవన్ కళ్యాణ్ ప్రస్తుతం వరుసగా సినిమాలను లైన్‌లో పెట్టి అటు ప్రేక్షకులతో పాటు సినీ వర్గాలను సైతం ఆసక్తిగా ఎదురుచూసేలా చేశారు. ఇప్పటికే దర్శకుడు క్రిష్ డైరెక్షన్ లో తెరకెక్కుతున్న హరిహర వీరమల్లు చిత్రాన్ని తెరకెక్కిస్తున్న పవన్, ఈ సినిమా షూటింగ్ ను అతి త్వరలో ముగించేందుకు ప్లాన్ చేస్తున్నాడు. దీంతో పాటు తమిళ దర్శకుడు సముద్రఖని డైరెక్షన్ లో ఓ సినిమా చేసేందుకు కూడా పవన్ రెడీ అయ్యాడు. అటు హరీష్ శంకర్ తో కలిసి భవదీయుడు భగత్ సింగ్ సినిమాను అనౌన్స్ చేసి పట్టాలెక్కించాడు పవన్.

Pawan kalyan : 30 రోజుల్లో 50 కోట్లు.. పవన్ టార్గెట్ అదేనా?

కానీ ఈ సినిమాలన్నీ ఎప్పుడు పూర్తవుతాయి అనేది ఇప్పుడు ప్రశ్నార్ధకంగా మారింది. అక్టోబర్ నుండి పవన్ రాజకీయాలకే పరిమితం కానున్నాడు. ఆయన పాదయాత్రను చేపట్టేందుకు రెడీ అవుతుండటంతో ఈలోపే ఈ సినిమాలన్నీ పూర్తి చేయాల్సి ఉంది. కానీ అది సాధ్యమయ్యేలా మాత్రం కనిపించడం లేదు. హరిహర వీరమల్లు సినిమా ఇంకా షూటింగ్ ముగించుకోలేదు.. హరీష్ శంకర్, సముద్రఖని సినిమాల్లో ఆయన ఇంకా ఎంట్రీ కూడా ఇవ్వలేదు.. దీంతో ఈ మూడు సినిమాలు కూడా అక్టోబర్ వరకు పూర్తవుతాయా అనేది ఇప్పుడు అందరిలో సందేహాన్ని రేకెత్తిస్తోంది.

Pawan Kalyan: మెగా కాంబో మూవీ షురూ అయ్యేది అప్పుడే..!

ఇక తాజాగా పవన్ ఇప్పుడు అందరికీ మరో షాక్ ఇచ్చారు.. పవన్ కళ్యాణ్ తాజాగా ఓ ధార్మిక దీక్ష చేపట్టారు. తొలిఏకాదశి పర్వదినాన్ని పురస్కరించుకుని ఆయన చాతుర్మాస్య దీక్షను చేపట్టారు. ఆషాఢం, శ్రావణం, భాద్రపదం, ఆశ్వీయుజ మాసాల్లో పవన్ ఈ దీక్షలో ఉంటారు. ఈ నాలుగు నెలలు కూడా పవన్ చాలా నిష్టగా ఉంటారు. దీంతో ఈ దీక్షలో ఉంటూ పవన్ ఏం చేయబోతున్నారు, షూటింగ్స్, రాజకీయాలు ఎలా నడపబోతున్నారనేది ఇప్పుడు సర్వత్రా ఆసక్తికరంగా మారింది. ఏదేమైనా పవన్ ఇలా అందరికీ షాకివ్వడంతో ఆయన్న నమ్ముకున్న ప్రొడ్యూసర్స్ టెన్షన్ పడుతున్నారట.