Russia: ఉక్రెయిన్‌లోని ఖెర్సాన్‌లో బ్యాంకులు ప్రారంభిస్తోన్న రష్యా
ఉక్రెయిన్‌లోని ఖెర్సాన్ ప్రాంతంలో ఓ రష్యా బ్యాంకు త‌మ కార్య‌క‌లాపాల‌ను ప్రారంభించ‌నుంది. త్వ‌ర‌లోనే ఆ ప్రాంతంలో మరిన్ని బ్యాంకులను ప్రారంభిస్తామ‌ని ఓ అధికారి తెలిపారు. ఖెర్సాన్ ప్రాంతం రష్యా అధీనంలో ఉంది.
- Published By: 10TV Digital Team ,Published On : June 8, 2022 / 12:25 PM IST
Vladimir Putin
Russia: ఉక్రెయిన్‌లోని ఖెర్సాన్ ప్రాంతంలో ఓ రష్యా బ్యాంకు త‌మ కార్య‌క‌లాపాల‌ను ప్రారంభించ‌నుంది. త్వ‌ర‌లోనే ఆ ప్రాంతంలో మరిన్ని బ్యాంకులను ప్రారంభిస్తామ‌ని ఓ అధికారి తెలిపారు. ఖెర్సాన్ ప్రాంతం రష్యా అధీనంలో ఉంది. ఉక్రెయిన్‌కు చెందిన వారిని, ప‌లువురు జ‌ర్న‌లిస్టుల‌ను రష్యా ఖెర్సాన్‌లో బంధించింద‌ని ఆరోప‌ణ‌లు కూడా వ‌స్తున్నాయి. ఇప్పుడు అదే ప్రాంతంలో రష్యా తొలి బ్యాంకును ప్రారంభిస్తుండ‌డం గ‌మ‌నార్హం.
bihar: బిహార్‌లో ఎంఐఎంకు షాక్‌.. ఆర్డేడీలో చేరనున్న న‌లుగురు ఎమ్మెల్యేలు?
”నెల రోజుల్లో ఖెర్సాన్‌లోని రష్యా బ్యాంకులో ప్ర‌జ‌లు ఖాతాలు తెరుచుకోవ‌చ్చు. అలాగే, బ్యాంకుకు సంబంధించిన లావాదేవీల‌ను ఇంట‌ర్నెట్ ద్వారా కూడా చేసుకునే అవ‌కాశం క‌ల్పిస్తారు. క‌మ్యూనికేష‌న్ వ్య‌వ‌స్థ ప‌నిచేయ‌ని కార‌ణంగా ఉక్రెయిన్‌కు చెందిన బ్యాంకులు ప‌నిచేయ‌ట్లేదు” అని కిరిల్ స్ట్రేమౌసోవ్ అనే స్థానిక అధికారి చెప్పారు. అయితే, ఆ ప్రాంతంలో ర‌ష్యాకు చెందిన ఏ బ్యాంకును ప్రారంభిస్తున్నార‌న్న విష‌యాన్ని ఆయ‌న వెల్ల‌డించ‌లేదు.
Prophet remarks row: మాట్లాడేముందు పార్టీ నేత‌లు ఈ జాగ్ర‌త్త‌లు తీసుకోండి: బీజేపీ
స‌మీప భ‌విష్య‌త్తులో మరిన్ని రష్యా బ్యాంకులు ఖెర్సాన్‌లో బ్రాంచులు ప్రారంభిస్తాయ‌ని ఆయ‌న వివ‌రించారు. ఇప్ప‌టికే ఖెర్సాన్‌లో ర‌ష్య‌న్ క‌రెన్సీ రూబుల్‌ను వాడుతున్నారు. కాగా, రష్యా-ఉక్రెయిన్ మ‌ధ్య యుద్ధ కొన‌సాగుతోంది. రష్యా అధీనంలోని ఖెర్సాన్‌లో ఆ దేశ సైనికులు అనేక కార్య‌క‌లాపాలు కొన‌సాగిస్తున్నారు. తాజాగా, 600 మంది ఉక్రెయిన్ పౌరుల‌ను, జ‌ర్న‌లిస్టుల‌ను ఆ ప్రాంతంలో రష్యా బంధించింద‌ని ఉక్రెయిన్ ప్ర‌క‌టించింది.
