Khiladi Remake: మరో తెలుగు సినిమాపై మనసుపడ్డ సల్లూభాయ్..!

బాలీవుడ్ ఇప్పుడు దక్షణాది సినిమాలపై ఆసక్తిగా చూస్తుంది. ముఖ్యంగా మన తెలుగు సినిమాలపై ఓ కన్నేసి ఉంచింది. ఏమాత్రం కాస్త కంటెంట్ ఉన్న కథ అనిపిస్తే చాలు హక్కులు కొనేసుకుంటున్నారు. ఒకప్పుడు ఇక్కడ సినిమా విడుదలై సక్సెస్ సాధిస్తేనే రీమేక్ జరిగేది.

Khiladi Remake: బాలీవుడ్ ఇప్పుడు దక్షణాది సినిమాలపై ఆసక్తిగా చూస్తుంది. ముఖ్యంగా మన తెలుగు సినిమాలపై ఓ కన్నేసి ఉంచింది. ఏమాత్రం కాస్త కంటెంట్ ఉన్న కథ అనిపిస్తే చాలు హక్కులు కొనేసుకుంటున్నారు. ఒకప్పుడు ఇక్కడ సినిమా విడుదలై సక్సెస్ సాధిస్తేనే రీమేక్ జరిగేది. కానీ, ఇప్పుడు సినిమా విడుదల వరకు ఆగడం లేదు.. చిన్న టీజర్ చాలు హక్కులు అమ్ముడైపోతున్నాయి. బాలీవుడ్ కండల వీరుడు సల్మాన్ ఇప్పుడు అదే చేశాడు.

మన తెలుగు సినిమాలను రీమేక్ చేయడంలో సల్మాన్ ముందుంటాడు. ఇప్పటికే నీ తోడు కావలి, చంద్రలేఖ, సేతు నుండి పోకిరి, కిక్, రెడీ వంటి బ్లాక్ బస్టర్స్ వరకు అక్కడ సల్మాన్ రీమేక్ చేసి సక్సెస్ అందుకున్నాడు. కాగా, ఇప్పుడు మరో తెలుగు సినిమా మీద సల్మాన్ మనసుపడినట్లుగా తెలుస్తుంది. అదే రవితేజ హీరోగా రమేష్ వర్మ దర్శకత్వంలో తెరకెక్కుతున్న ఖిలాడీ సినిమా. ప్రస్తుతం ఈ సినిమా షూటింగ్ చివరి దశలో ఉంది.

ఇప్పటికే విడుదలైన ఖైలాడి ఫస్ట్ లుక్, టీజర్ చూసిన సల్మాన్ రీమేక్ హక్కులను కూడా దక్కించుకోగా తానే హీరోగా ఈ సినిమాను రీమేక్ చేయాలని భావిస్తున్నాడట. తెలుగులో దర్శకత్వం వహించిన రమేష్ వర్మనే హిందీలో కూడా డైరెక్ట్ చేయాలని కోరినా ఇది ఇంకా ఫైనల్ కాలేదని తెలుస్తుంది. మాస్ మహారాజా రవితేజ ఈ సినిమాలో మరోసారి డ్యూయెల్ రోల్ లో నటిస్తుండగా డింపుల్ హయతీ, మీనాక్షి చౌదరి హీరోయిన్లుగా నటిస్తున్నారు. మరి హిందీలో క్యాస్టింగ్ ఎవరు అవుతారో రమేష్ వర్మనే దర్శకత్వం వహిస్తాడా అన్నది చూడాల్సి ఉంది.